Давлат ёнғин назорати органлари фаолиятини ташкил этиш ва амалга ошириш тартиби тўғрисидаги Йўриқнома (АВ томонидан 11.12.2018 й. 3097-сон билан рўйхатга олинган ички ишлар вазирининг 28.10.2018 й. 228-сонли буйруғи билан тасдиқланган)

Ўзбекистон Республикаси

Адлия вазирлигида

2018 йил 11 декабрда 3097-сон

билан рўйхатга олинган

Ўзбекистон Республикаси

ички ишлар вазирининг

2018 йил 28 октябрдаги

228-сонли буйруғига

ИЛОВА

Давлат ёнғин назорати органлари фаолиятини ташкил

этиш ва амалга ошириш тартиби тўғрисидаги

ЙЎРИҚНОМА

Мазкур Йўриқнома Ўзбекистон Республикасининг "Ёнғин хавфсизлиги тўғрисида"ги Қонуни ва Вазирлар Маҳкамасининг 2013 йил 4 октябрдаги 272-сон "Давлат ёнғин назорати тўғрисидаги низомни тасдиқлаш ҳақида"ги қарорига мувофиқ давлат ва хўжалик бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, ташкилотлар, уларнинг мансабдор шахслари, шунингдек фуқаролар томонидан ёнғин хавфсизлиги талабларига риоя қилинишини текшириш ва текширув натижалари бўйича чора-тадбирлар кўриш мақсадида амалга ошириладиган давлат ёнғин назорати (бундан буён матнда ДЁН деб юритилади) органлари фаолиятини ташкил этиш ва амалга ошириш тартибини белгилайди.

1-БОБ. УМУМИЙ ҚОИДАЛАР

1. Ушбу Йўриқномада қуйидаги асосий тушунчалар қўлланилади:

ёнғин - одамларнинг ҳаёти ва (ёки) соғлиғига, юридик ва жисмоний шахсларнинг мол-мулкига, шунингдек атроф табиий муҳитга зарар етказадиган, назорат қилиб бўлмайдиган ёниш;

ёнғин назорати - ёнғин хавфсизлиги талабларига риоя қилинишини текшириш ва текширув натижалари бўйича чора-тадбирлар кўриш мақсадида белгиланган тартибда амалга ошириладиган фаолият;

ёнғин юзасидан терговга қадар текширув (бундан буён матнда ёнғин юзасидан текширув деб юритилади) - инспекторларнинг ёнғин бўйича аризалар, хабарлар ва бошқа маълумотларни текшириш, уларни кўриб чиқиш натижаси юзасидан қарор қабул қилишга доир тадбирларни, шунингдек иш учун аҳамиятли бўлиши мумкин бўлган жиноят излари, нарсалар ва ҳужжатларни мустаҳкамлаш ва сақлашга доир чораларни ўз ичига оладиган фаолият;

ёнғин хавфсизлиги талабларига риоя қилинишини текшириш (бундан буён матнда текшириш деб юритилади) - давлат ва хўжалик бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, ташкилотлар, уларнинг мансабдор шахслари, шунингдек фуқароларнинг ёнғин хавфсизлиги талабларини бажаришлари устидан ДЁН органлари томонидан қонун ҳужжатларида белгиланган тартибда амалга ошириладиган назорат қилиш шакли ва аниқланган қоида бузишларни бартараф этиш ва (ёки) уларнинг олдини олиш чора-тадбирлари кўрилиши;

объект - юридик ёки жисмоний шахснинг мулкий комплекси (ёки унинг бир қисми), шу жумладан улар учун ёнғин хавфсизлиги талаблари белгиланган бинолар, иншоотлар, транспорт воситалари, технологик қурилмалар, асбоб-ускуна, агрегатлар, буюмлар ва бошқа мол-мулк;

2. ДЁНни амалга оширишда, юқори турувчи инспекторларнинг кўрсатмалари ва фармойишлари қуйи инспекторлар томонидан бажарилиши шарт. Уларнинг фаолиятига бошқа мансабдор шахсларнинг аралашишига йўл қўйилмайди.

3. ДЁН органларининг тизими қуйидагилардан иборат:

марказий ДЁН органи - Фавқулодда вазиятлар вазирлиги (бундан буён матнда ФВВ деб юритилади);

ҳудудий ДЁН органи - Қорақалпоғистон Республикаси, вилоятлар ва Тошкент шаҳар фавқулодда вазиятлар бошқармалари ҳамда ФВВга бевосита бўйсунувчи ёнғин хавфсизлиги марказлари;

маҳаллий ДЁН органи - туман (шаҳар) фавқулодда вазиятлар бўлимлари;

объектдаги ДЁН органи - ўта муҳим давлат аҳамиятига молик ёки ёнғин ва портлаш хавфи юқори бўлган объектлардаги ёнғин хавфсизлигини таъминлаш бўлимлари.

2-БОБ. ДЁН ОРГАНЛАРИ ФАОЛИЯТИНИ

ТАШКИЛ ЭТИШ

4. ДЁН органлари фаолиятининг асосий йўналишлари қуйидагилардан иборат:

ишни режалаштириш ва фаолиятни таҳлил қилиш;

объектларни бириктириш ва ҳисобини юритиш;

текширув ҳамда ёнғин-профилактика кўрикларини режалаштириш ва ўтказиш;

меъёрий-техник ишлар;

маъмурий-ҳуқуқ фаолияти;

ёнғин юзасидан терговга қадар текширув ўтказиш;

ёнғинларнинг давлат статистик ҳисоботи;

ёнғинга қарши тарғибот;

ёнғинга қарши техник ҳимоя воситаларини (бундан буён матнда ЁҚТҲВ деб юритилади) монтаж қилиш, таъмирлаш ва улардан фойдаланиш соҳасидаги ишлар (хизматлар)ни бажарилиш сифатини назорат қилиш;

ДЁН органлари ваколатига кирадиган масалалар бўйича маслаҳатлар бериш, мурожаатларни кўриб чиқиш.

5. ДЁН органларининг раҳбарлари қўл остидаги инспекторларнинг профилактик фаолияти устидан кундалик раҳбарликни амалга оширади.

6. Ҳар бир ДЁН органида, унинг штат бирлигидан, хизмат кўрсатиш ҳудуди ва унда жойлашган объектларнинг ўзига хос хусусиятларидан ҳамда инспекторларнинг профессионал тажрибасидан келиб чиққан ҳолда инспекторларнинг аниқ функционал вазифалари ҳар йили ДЁН органи раҳбари томонидан тасдиқланади.

7. Ёнғин хавфсизлиги соҳасидаги норматив-ҳуқуқий ҳужжатлар лойиҳалари, техник регламентлар, стандартлар, қоидалар ва бошқа ҳужжатларни ишлаб чиқиш ФВВнинг тегишли бошқармалари ва бевосита бўйсунувчи бўлинмалари (бошқарма, институт, марказ) томонидан амалга оширилади.

3-БОБ. ДЁН ОРГАНЛАРИ ИШИНИ РЕЖАЛАШТИРИШ

ВА ФАОЛИЯТИНИ ТАҲЛИЛ ҚИЛИШ

8. Ёнғин хавфсизлиги фаолияти натижаларини таҳлил қилиш қуйидаги йўналишларда амалга оширилади:

ёнғинлар статистикаси;

текширувлар ва ёнғин-профилактика кўриклари ўтказилишининг натижалари;

меъёрий-техник ишлар;

маъмурий-ҳуқуқ фаолияти;

ёнғинга қарши тарғибот.

9. Ҳисобот шакллари ва уларни юқори турувчи ДЁН органига тақдим этиш даврийлиги ФВВ томонидан белгиланади.

10. Назорат фаолиятининг натижалари келгусида уларни давлат ёнғин назоратини ташкил этиш ва амалга оширишни такомиллаштиришда ҳамда ёнғин хавфсизлигини давлат томонидан тартибга солинишида фойдаланиш учун ДЁН органларида жамланиши, ҳисобга олиниши ва таҳлил қилиниши лозим.

11. Ҳар бир инспектор ушбу Йўриқноманинг 1-иловасига мувофиқ ойлик иш режа-жадвалини тузиши лозим. Ойлик иш режа-жадвал инспекторнинг бевосита бошлиғи томонидан кейинги ойнинг биринчи санасига қадар тасдиқланади. Текшириш ва кўриклар ўтказиш учун бир ойда камида 15 иш куни режалаштирилиши лозим.

12. Иш режалар бажарилишининг назорати шахсан ДЁН органлари раҳбарларига юклатилади. Тадбирларнинг бажарилиши ва режадан ташқари ишларнинг амалга оширилиши ҳақида иш режаларига тегишли белгилар қўйилади.

Айрим тадбирлар бажарилмай қолган ҳолатларда, бажарилмаганлиги сабаблари ҳақида билдирги ёзилади. Бажарилмай қолган тадбирлар заруратга қараб янги иш режасига киритилиши мумкин.

4-БОБ. ОБЪЕКТЛАРНИ ҲИСОБГА ОЛИШ

ВА БИРИКТИРИШ

13. Объектлар ҳар йили тегишли ДЁН органи раҳбарининг фармойиши (буйруғи) билан инспекторларга ҳудудий жиҳатдан бириктирилади. Фармойиш (буйруқ) йилнинг 30 декабрь кунига қадар кейинги йил учун чиқарилиши лозим.

Объектларни бириктириш тўғрисидаги ҳар йилги фармойиш (буйруқ)га, ДЁН органининг хизмат кўрсатиш ҳудуди чегаралари (сектор) ўзгариши, кадрларнинг алмаштирилиши, объектларнинг тугатилиши муносабати билан ва бошқа сабабларга кўра ўзгартиришлар киритилиши мумкин.

Объектларни бириктириш тўғрисида ҳар йили тайёрланадиган фармойиш (буйруқ) амал қилиш муддати тугагандан сўнг уч йил сақланади.

14. Кучайтирилган ҳолда қўриқланиши лозим бўлган ўта муҳим ва тоифаланган объектлар, объектнинг портлаб-ёниш ва ёнғин хавфи бўйича тоифасига кўра, маҳаллий ва ҳудудий ДЁН органлари раҳбарларига ёки тайёргарлиги юқори бўлган бошқа мансабдор шахсларга бириктирилади.

15. Ҳудудий ДЁН органларида вазифалар ДЁН органларининг алоҳида ихтисослашган йўналишлари бўйича амалга оширилади.

Ҳудудий ДЁН органларидан бириктирилган мансабдор шахслар қуйи бўлинмаларга ўз фаолият йўналишлари бўйича амалий ёрдам кўрсатадилар.

16. Объектларнинг ҳисобга олиниши маҳаллий ДЁН органлари томонидан ушбу Йўриқноманинг 2-иловасига мувофиқ расмийлаштириладиган объектларни ва назорат-кузатув ишларини ҳисобга олиш журналини юритиш орқали амалга оширилади. Ушбу журналда, уй-жой сектори объектларидан ташқари, ДЁН органининг хизмат кўрсатиш ҳудудида жойлашган ва уни аниқлаш учун аниқ манзили бўлган ҳар бир объект ҳисобга олинади. Ушбу журналга биринчи навбатда идоравий тегишлилиги бўйича давлат тасарруфидаги объектлар, сўнгра тадбиркорлик субъектларига тегишли бўлган объектлар ёнғин хавфлилигига кўра 1, 2 ва 3-гуруҳлар бўйича кетма-кетликда киритилади.

Битта объект ҳудудида (биносида) бир нечта мулкдор (юридик шахс) ёки ижарачилар жойлашган тақдирда, уларнинг алоҳида рўйхати ҳар бир ДЁН органида шакллантирилиб, объектларни ва назорат-кузатув ишларини ҳисобга олиш журналининг 8-устунида сони кўрсатилади.

Объектларни ва назорат-кузатув ишларини ҳисобга олиш журналини тузишда қўшни шаҳар-туман ДЁН органлари ҳамда қонун ҳужжатларига мувофиқ идоравий ёнғин назоратини амалга оширадиган бошқа органлар билан ҳар йили объектлар рўйхатини таққослаш лозим.

Мазкур журнални юритиш учун маҳаллий ДЁН органининг ҳар бир инспектори ўзига бириктирилган хизмат кўрсатиш ҳудудида (секторда) жойлашган объектлар рўйхатини шакллантириши лозим.

Ҳар бир маҳаллий ДЁН органида, объектларни ва назорат-кузатув ишларини ҳисобга олиш журналидан ташқари, ушбу туман (шаҳар)да рўйхатдан ўтган тадбиркорлик субъектларининг рўйхатлари шакллантирилган бўлиши керак.

17. Объектларни ва назорат-кузатув ишларини ҳисобга олиш журналига ДЁН органларининг ёзма сўровлари юзасидан тегишли маҳаллий давлат ҳокимияти органларидан, давлат ва хўжалик бошқаруви органларидан ҳамда тегишли ташкилотлардан, шу жумладан кадастр органларидан олинган маълумотлар асосида ҳар йили ўзгартиришлар киритилади.

18. Ҳар бир объектга ушбу Йўриқноманинг 3-иловасига мувофиқ назорат-кузатув иши (бундан буён матнда НКИ деб юритилади) юритилиши лозим. НКИда текширувлар ва ёнғин-профилактика кўриклари натижалари бўйича охирги беш йил мобайнида тузилган ҳужжатлар (ёзма кўрсатмалар, текширув далолатномалари, тавсиялар маълумотномалари, тавсияномалар, баёнлар, қарорлар, фармойишлар, буйруқлар ва бошқалар нусхалари), объектнинг ёнғин хавфсизлигини таъминлаш масалалари бўйича бошқа ҳужжатлар нусхалари ёки асли сақланади.

Тадбиркорлик субъектларига тегишли бўлган объектларнинг НКИда, охирги текширув ўтказилган санадан қатъи назар, охирги иккита текширув натижаси бўйича тузилган ҳужжатлар, шунингдек охирги беш йил мобайнида ўтказилган ёнғин-профилактика кўриклари натижаси бўйича тузилган ҳужжатлар сақланади.

Объектнинг қурилиши (реконструкция қилиниши, кенгайтирилиши ва техник жиҳатдан қайта жиҳозланиши) даврига ва уни фойдаланишга қабул қилинишига тааллуқли ҳужжатлар НКИда объектни фаолият кўрсатиш мобайнида доимо сақланади.

Битта объект ҳудудида жойлашган бир қанча бинолар (иншоотлар) ёки битта бинода жойлашган бир қанча ташкилотлар учун битта НКИ юритилишига рухсат этилади.

19. Янги объект ҳақида маълумот келиб тушганда, ДЁН органи ўн кунлик муддатда НКИ тузиш ва текширувларни ёки кўрикларни режалаштириш учун бирламчи маълумот олиш мақсадида ваколатли органларга сўровлар юборади. Биринчи текширув ва/ёки ёнғин-профилактика кўриги ўтказилгунга қадар янги объектнинг НКИда ваколатли органлардан ёки бошқа манбалардан келган ушбу объектга тааллуқли ҳужжатлар жамланади.

5-БОБ. ТЕКШИРИШНИ РЕЖАЛАШТИРИШ

ВА ЎТКАЗИШ

20. Объектлар иш режалари асосида йилига камида икки маротаба, яъни режали ва назорат тартибида текширилади.

Ҳудудий ва маҳаллий ДЁН органлари томонидан объектларни текшириш даврийлигига:

ёнғинлар вазияти таҳлили натижалари;

объектларнинг аҳамияти ва уларнинг ёнғин хавфлилиги;

шаҳарлар ва аҳоли пунктлари ёнғин хавфсизлигини таъминлашга қаратилган давлат ҳокимияти органларининг қарорлари ва кўрсатмалари;

ёнғин хавфи юқори бўлган мавсум бошланиши;

таълим муассасаларида ўқув жараёни бошланиши;

ёзги соғломлаштириш муассасаларининг фаолияти бошланиши;

давлат ва диний байрамлар ҳамда бошқа турли тадбирларни ўтказиш муддатларини инобатга олган ҳолда ўзгартириш киритилиши мумкин.

Тунги вақтда одамлар оммавий бўладиган ҳар бир объектларда (ўқув, даволаш, соғломлаштириш муассасалари, ижтимоий таъминот объектлари ва бошқалар) ҳар чоракда камида бир маротаба объектнинг навбатчи ходимлари ёнғин содир бўлганда ҳаракат қилишга тайёргарликлари, эвакуация йўлларининг ҳолати ҳамда ёнғин сигнализацияси ва ёнғин ҳақида одамларга хабар берадиган мосламаларнинг созлигини аниқлаш бўйича тунги вақтда кўрикдан ўтказилиши лозим.

21. Кучайтирилган ҳолда қўриқланиши лозим бўлган ўта муҳим ва тоифаланган объектларни текшириш ва/ёки ёнғин-профилактика кўригидан ўтказишни режалаштириш ҳамда уларни ўтказиш қонун ҳужжатлари, идоралараро комиссиялар қарорлари ва ушбу Йўриқнома асосида амалга оширилади.

22. Аҳоли яшаш уйларида текшириш ўтказишни режалаштириш ва текшириш ўтказиш ёнғинлар ва уларнинг келиб чиқиш сабаблари таҳлилидан келиб чиқиб амалга оширилади.

Аҳоли яшаш уйларини текшириш хусусий мулк эгаларининг (улар йўқлигида вояга етган оила аъзоларининг) ёки ижарачининг розилиги асосида инспекторлар томонидан ўтказилади.

23. Текширув ва/ёки ёнғин-профилактика кўриклари ташкилотлар раҳбарлари ёки уларнинг вакиллари иштирокида инспекторлар томонидан фақат хизмат вазифаларини бажариш вақтида ўтказилади.

24. Текширувлар ДЁН органи раҳбарининг буйруғи асосида ўтказилади. Мазкур буйруқ (ДЁН органининг муҳри босилган ҳолда) ёки унинг нусхаси, текширувни амалга ошираётган инспектор томонидан хизмат гувоҳномаси билан бирга объект раҳбарига ёки бошқа мансабдор шахсга кўрсатилади.

Текширув фақат текширув ўтказиш тўғрисидаги буйруқда кўрсатилган инспекторлар томонидан амалга оширилади.

25. Назорат тартибидаги текширувлар ДЁН органининг ёзма кўрсатмасида ёки далолатномасида бажариш учун таклиф этилган тадбирлар бўйича белгиланган муддатда ўтказилади.

26. Текширув даврида ёзма кўрсатмада бажариш учун таклиф этилган тадбирлар белгиланган муддатларда бажарилмаганлиги аниқланган тақдирда, инспектор камчиликларга йўл қўйган шахсларни ўз ваколатлари доирасида ўрнатилган тартибда жавобгарликка тортиш чораларини кўради.

27. Тадбиркорлик субъектларига тегишли объектларда текшириш ҳамда ёнғин-профилактика кўрикларини ўтказишни режалаштириш ва уларни ўтказиш Ўзбекистон Республикаси Президентининг 2018 йил 27 июлдаги ПФ-5490-сон "Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида"ги Фармони ҳамда Тадбиркорлик субъектларига тегишли бўлган объектларни ёнғин-профилактика кўригидан ўтказиш тартиби тўғрисидаги низомда (рўйхат рақами 2532, 2013 йил 3 декабрь) белгиланган тартибда амалга оширилади.

6-БОБ. ТЕКШИРУВЛАР ВА/ЁКИ ЁНҒИН-

ПРОФИЛАКТИКА КЎРИКЛАРИНИ ЎТКАЗИШ

БИЛАН БОҒЛИҚ ТАДБИРЛАРГА ТАЙЁРГАРЛИК

КЎРИШ ВА УЛАРНИ АМАЛГА ОШИРИШ

28. Ҳар бир инспектор текширув ва ёнғин-профилактика кўригини ўтказишдан олдин:

объектнинг ёнғин хавфлилигини тавсифловчи техник ҳужжатларни ва ёрдамчи адабиётларни ўрганиб чиқиши;

аввалги текширувлар ва/ёки ёнғин-профилактика кўрикларида расмийлаштирилган ҳужжатлар (ёзма кўрсатма, далолатнома, тавсиялар маълумотномаси, тавсиянома) ва ёнғинлар ҳақидаги маълумотлар билан танишиб чиқиши;

мазкур объектга тааллуқли бўлган ёнғин хавфсизлиги қоидаларини, идоравий норма ва буйруқларини ўрганиб чиқиши;

давлат ҳокимияти органларининг объектларида, аҳоли пунктларида ҳамда бошқа ҳудудларда ёнғин хавфсизлигини таъминлашга қаратилган фармойиш ва қарорларини ўрганиб чиқиши лозим.

ДЁН органининг раҳбари қўл остидаги инспекторларнинг текшириш ва/ёки ёнғин-профилактика кўрикларини ўтказиш учун касбий тайёргарлик даражасини доимо шахсан текшириши шарт.

29. Текширув ёнғин хавфсизлиги соҳасидаги норматив-ҳуқуқий ҳужжатлар асосида ўтказилиши лозим.

Ёнғин хавфсизлиги талабларининг бузилиши ҳолатларини аниқлаш мақсадида ўтказиладиган текширувлар мобайнида объектнинг ҳудуди, барча бинолари, иншоотлари ва қурилмалари (шу жумладан қурилиш ва реконструкция босқичидагилар) кўздан кечирилади, шунингдек:

ёнғиндан сақлаш хизмати мансабдор шахсларининг аввалги ёзма кўрсатмалари ва бошқа қонуний талабларининг бажарилиши;

ёнғин хавфсизлигини таъминлаш бўйича ташкилий-техник тадбирларнинг бажарилиши;

ёнғиннинг олдини олиш тизимлари мавжудлиги ва созлиги;

ёнғинга қарши ҳимоя тизимлари мавжудлиги ва созлиги ўрганилади.

30. Текширувлар даврида суҳбатлар ўтказиш ва ёнғинга қарши йўл-йўриқлар бериш, шунингдек имконият бўлса, объектларнинг ва аҳоли пунктларининг ёнғинга қарши ҳимоясини кучайтириш борасида кечиктириб бўлмайдиган чора-тадбирларни кўриб чиқиш бўйича учрашувлар, йиғилишлар ўтказиш, кўнгилли ёнғиндан сақлаш хизмати бўлинмаларини тузишда методик кўмаклашиш ишлари амалга оширилиши лозим.

31. Текширувлар ўтказишда қуйидагилар тақиқланади:

ДЁН органи ваколатларига тааллуқли бўлмаган талабларнинг бажарилишини текшириш;

объект раҳбари ёки унинг вакили йўқлигида текширувни амалга ошириш;

текширувга тааллуқли бўлмаган ҳужжатлар, маълумотлар, маҳсулот намуналари тақдим этилишини талаб қилиш, шунингдек бундай ҳужжатларнинг асл нусхаларини олиб қўйиш;

тегишли ҳужжатлар билан белгиланган шаклдаги намуналарни, нусхаларни танлаб олиш далолатномасини расмийлаштирмасдан маҳсулотнинг намуналарини танлаб олиш;

текширув ўтказиш натижасида олинган ва давлат, тижорат, хизмат, қонун билан ҳимоя қилинадиган бошқа сирни ташкил этадиган маълумотни тарқатиш;

белгиланган текширув ўтказиш муддатларини ошириб юбориш;

қонун ҳужжатларида кўзда тутилмаган бошқа ҳаракатларни амалга ошириш.

7-БОБ. ТЕКШИРУВЛАР НАТИЖАЛАРИНИ

РАСМИЙЛАШТИРИШ

32. Текширувлар натижаси бўйича ушбу Йўриқноманинг 4-иловасига мувофиқ расмийлаштириладиган ДЁН органларининг ёзма кўрсатмаси объект раҳбари ёки унинг вакилига топширилади.

Назорат тартибидаги текширувлар натижаси бўйича инспектор тадбирлар бажарилганлиги ёки бажарилмаганлиги ҳақида ёзма кўрсатмага тегишли белгилар қўяди ва назорат тартибидаги текширув далолатномасини тузади. Далолатномада назорат тартибидаги текширувда аниқланган камчиликлар (ёзма кўрсатмадаги бажарилмаган тадбирлар) акс эттирилади.

33. Ёзма кўрсатма икки нусхада тузилади. Ёзма кўрсатманинг бир нусхаси текширув тугагандан сўнг беш кундан кечиктирмасдан объект раҳбарига (ёки унинг вакилига) имзо орқали топширилади. Объект раҳбарларига ёзма кўрсатма текшириш тугаган куни текширув далолатномаси билан бирга топширилади. Объект раҳбари ёзма кўрсатманинг нусхасини олганлиги ҳақида имзо қўйишдан бош тортган тақдирда, бу ҳақида ёзма кўрсатмага тегишли белги қўйилиб, ёзма кўрсатма унга почта хизмати орқали юборилади ва топширилганлиги ҳақида билдириш хати НКИда қоладиган ёзма кўрсатманинг иккинчи нусхасига қўшиб қўйилади.

Ёнғин хавфсизлиги талабларининг бузилиши аниқланган ҳолатларни бартараф этиш бўйича ёзма кўрсатмада таклиф этилган тадбирларнинг бажарилиш муддатлари одамларнинг ҳаёти ва соғлиғига ҳамда мулкига муайян хавфлилик даражасини ҳисобга олган ҳолда инспектор томонидан белгиланади.

Текширув якуни бўйича инспектор аниқланган камчиликларни ҳамда белгиланган ёнғинга қарши тадбирларни ва уларни бажариш муддатларини объект раҳбари иштирокида муҳокама этиши лозим.

Ёзма кўрсатмада таклиф этилган тадбирларни бажариш муддатлари ёзма кўрсатмани ижрочига топшириш кунидан кейинги кунлардан бошлаб белгиланиши лозим.

Олдинги ёзма кўрсатмадаги белгиланган муддатларда бажарилмаган тадбирлар янги ёзма кўрсатмага қўшилади. Ушбу тадбирларни бажариш бўйича янги муддатлар белгиланмайди, фақат ушбу тадбирлар қайси йилдан буён бажариш учун таклиф этилаётганлиги кўрсатилади.

34. Уй-жой сектори ҳудудида мавжуд бўлган ёнғин хавфсизлиги талабларининг бузилишини бартараф этиш бўйича ёзма кўрсатма фуқароларнинг ўзини ўзи бошқариш органларига ва (ёки) уй-жой мулкдорларининг ширкатларига ёхуд кўп хонадонли уйларни бошқариш, хизмат кўрсатиш ва таъмирлаш билан шуғулланадиган ташкилотларга топширилади.

35. Лойиҳалаштириш ва қуриш даврида амалда бўлган норматив-ҳуқуқий ҳужжатлар талабларига мувофиқ лойиҳалаштирилган ва қурилган бино ва иншоотларга янги қабул қилинган норматив-ҳуқуқий ҳужжатлар талаблари татбиқ этилмайди.

Мавжуд (ёки фойдаланилаётган) бинолар (иншоотлар)нинг ёки улардаги алоҳида хоналарнинг функционал вазифаси, шунингдек ҳажмий-режавий ва конструктив ечимлари ўзгартирилганда, ёзма кўрсатмага ушбу бино ва иншоотнинг янги вазифасига мувофиқ бўлган норматив-ҳуқуқий ҳужжатлар талаблари асосида тадбирлар киритилади.

36. Текширувлар ўтказилганлиги ҳақида объектларни ва НКИни ҳисобга олиш журналига тегишли ёзувлар киритилади.

37. Текширув даврида аниқланган ишлаб чиқарилаётган (сотилаётган) товарлар ва (ёки) хизматлар кўрсатилиши ёнғин хавфсизлиги талабларига мос келмаслиги ҳолатлари бўйича инспектор ушбу Йўриқноманинг 5-иловасига мувофиқ расмийлаштириладиган товарлар (ишлар, хизматлар)нинг ёнғин хавфсизлигини таъминлашга қаратилган ёзма кўрсатмани ташкилотлар раҳбарларига ва фуқароларга топширади.

Ушбу ёзма кўрсатмада қуйидаги таклифлардан бири кўрсатилади:

ишлаб чиқаришдан олиб ташланиши;

ишлаб чиқаришдан тўхтатилиши;

сотилиши тўхтатилиши.

38. Товарлар (ишлар, хизматлар) ишлаб чиқаришдан олиб ташланиши, ишлаб чиқаришдан тўхтатилиши ва сотилиши тўхтатилиши бўйича ёзма кўрсатма инспектор томонидан ўз ваколатлари доирасида қабул қилинади.

39. Ёнғин хавфсизлиги талабларига мос келмайдиган маҳсулотларни ишлаб чиқариш ва сотиш бўйича аниқланган ҳолатлар ҳақида Ўзбекистон Республикаси Инвестициялар, саноат ва савдо вазирлиги ҳузуридаги Ўзбекистон техник жиҳатдан тартибга солиш агентлигининг Техник жиҳатдан тартибга солиш, стандартлаштириш, сертификатлаштириш ва метрология соҳасида давлат назорати департаментига хабар қилинади.

40. Инспектор ҳар бир текширув ва/ёки ёнғин-профилактика кўриги якунлангандан сўнг, бу ҳақида уч иш куни мобайнида ДЁН органи раҳбарини ёки унинг ўринбосарини оғзаки хабардор қилиши ҳамда тузилган ҳужжатларнинг нусхаларини тақдим этиши шарт. ДЁН органи раҳбари ёки унинг ўринбосари томонидан ҳужжатлар текширилиб, ёзма кўрсатма (тавсиянома, тавсиялар маълумотномаси)нинг НКИда сақланадиган нусхасига танишганлиги ҳақида тегишли белги қўяди.

41. Фавқулодда вазиятлар бошқармаси бошлиғининг профилактика бўйича ўринбосари НКИларни тўғри юритилишини танлаш усули билан йилига камида бир маротаба текшириб, бу ҳақида тегишли белги қўйиши шарт.

42. ДЁН органлари томонидан аҳоли яшаш уйларини текшириш ҳамда тунги вақтда одамлар оммавий бўладиган объектларни ёнғин-профилактика кўригидан ўтказиш натижалари юзасидан расмийлаштирилган ҳужжатларни марказий ДЁН органининг тегишли буйруғи ёки қўлланмаси билан тасдиқланган махсус китоблар (журналлар)га киритилади ва шу орқали уларнинг ҳисоби юритилади.

8-БОБ. БИНО (ИНШООТ)НИНГ ВА ИШЛАБ

ЧИҚАРИШ УЧАСТКАЛАРИНИНГ ИШИНИ, АЛОҲИДА

ХОНАЛАРДАН, АСБОБ-УСКУНАЛАРДАН ВА БОШҚА

АГРЕГАТЛАРДАН ФОЙДАЛАНИШНИ

ТЎХТАТИБ ҚЎЙИШ

43. Текширув мобайнида объектда ёнғин келиб чиқишига, тарқалишига олиб келувчи ёки уни бартараф этишни қийинлаштирувчи ва (ёки) одамларнинг хавфсизлигига таҳдид солувчи ёнғин хавфсизлиги талабларининг бузилиши аниқланган ҳолларда, инспектор томонидан ўз ваколатлари доирасида ушбу Йўриқноманинг 6-иловасига мувофиқ расмийлаштириладиган бинолар, иншоотлар, алоҳида ишлаб чиқаришлар ва хоналардан фойдаланишни, айрим ёнғин хавфига қарши ишларни олиб боришни қисман ёки бутунлай тўхтатиб қўйиш ҳақидаги қарорни чиқаради.

44. Қарорнинг бир нусхаси тузилган куни объект раҳбарига (ёки уларнинг вакилларига) имзо орқали топширилади.

Объект раҳбари қарорнинг нусхасини олганлиги ҳақида имзо қўйишдан бош тортган тақдирда, қарор унга почта хизмати орқали юборилади ва топширилганлиги ҳақида билдириш хати НКИда қоладиган қарорнинг иккинчи нусхасига қўшиб қўйилади.

Қарорлар ушбу Йўриқноманинг 7-иловасига мувофиқ юритиладиган қарорларни ҳисобга олиш журналида ҳисоб рўйхатидан ўтказилади.

Қарор пломбалаш ёки муҳрлаш йўли билан ижрога қаратилиб, бажарилганлиги ҳақида қарорнинг бланкасига белги қўйилади.

Қарор фақат уни чиқарган ДЁН органининг юқори турувчи органи ёхуд суд томонидан ўзгартирилиши мумкин.

45. Текширув мобайнида объектда ёнғин келтириб чиқариш хавфи остида бўлган асбоб-ускуналар ва бошқа агрегатлар аниқланган тақдирда, улардан фойдаланишни тўхтатиб қўйиш ҳақидаги баённома ушбу Йўриқноманинг 8-иловасига мувофиқ расмийлаштирилади.

Баённома бинонинг, иншоотнинг ёки ишлаб чиқаришни фаолиятини тўлиқ тўхтатиб қўйишга олиб келмайдиган ҳолларда тузилади.

Баённома тузилиши биланоқ ижрога қаратилади, унинг бир нусхаси тузилган куни объектнинг раҳбарига ва фуқарога (ёки уларнинг вакилларига) топширилади, сўнг ушбу Йўриқноманинг 9-иловасига мувофиқ юритиладиган баённомаларни ҳисобга олиш журналида рўйхатдан ўтказилади.

46. Қарорлар ва баённомалар бўйича ишга (ишлатишга) ёки камчиликларни бартараф этиш учун рухсат бериш ҳақидаги қарор ДЁН органи бошлиғи томонидан объектлар раҳбарлари, фуқароларнинг (ёки уларнинг вакилларининг) ёзма мурожаатларига асосан қабул қилинади, бунда инспектор томонидан ДЁН органи бошлиғининг топшириғига асосан ушбу Йўриқноманинг 10-иловасига мувофиқ қарор расмийлаштирилиб, бир нусхаси объектнинг раҳбарига, фуқарога (ёки уларнинг вакилларига) топширилади ҳамда қарорларни ёки баённомаларни ҳисобга олиш журналларига тегишли белги қўйилади.

9-БОБ. МЕЪЁРИЙ-ТЕХНИК ИШЛАР

47. Меъёрий-техник ишлар - ФВВнинг марказий, ҳудудий ва маҳаллий ДЁН органлари тегишли бўлинмаларининг мутахассислари томонидан қуйидаги асосий йўналишларда амалга оширилади:

қурилиш учун майдонлар (трассалар) танлаш (ажратиш) комиссиялари (бундан буён матнда ер танлаш комиссияси деб юритилади) ишида қатнашиш;

аҳоли яшаш пунктлари ва объектлар қурилиши жараёнида ёнғин ўчириш депо биноларининг қурилиши бўйича асосланган таклифлар киритиш;

лойиҳа ҳужжатларини лойиҳалаштириш нормаларидаги ёнғинга қарши талабларга мослигини, қурилишлар ва қурилиш-монтаж ишлари жараёнида лойиҳа ҳужжатларида кўзда тутилган ёнғинга қарши талаблар бажарилишини ва ёнғинга қарши қоидалар талабларига амал қилинишини ўрганиш ва тавсиялар беришни қонун ҳужжатларида белгиланган тартибда амалга ошириш;

норматив-ҳуқуқий ҳужжатлар билан белгиланган ёнғин хавфсизлиги талабларидан асосли равишда четга чиқилган ёки бундай талаблар мавжуд бўлмаган ҳолларда бинолар, иншоотлар ва бошқа объектларни қуриш, реконструкция қилиш, кенгайтириш ва техник жиҳатдан қайта жиҳозлашга (бундан буён матнда қурилиш объектлари деб юритилади) доир лойиҳа ҳужжатларининг ёнғин хавфсизлиги талабларига риоя қилинишига тааллуқли қисмини кўриб чиқиш ва келишиш;

қурилиши тугалланган объектларни фойдаланишга қабул қилиб олиш комиссияларининг ишида қатнашиш ва ушбу объектларда қурилиш конструкциялари ва материалларининг ёнғинга бардошлилик даражасини мустаҳкамлаш бўйича амалга оширилган ишлар сифатини ҳамда қурилиш объектларига ўрнатилган ЁҚТҲВларини техник ҳолатини текшириш, синаш ҳамда уларни фойдаланишга қабул қилиш;

янги ва қайта ишлаб чиқилаётган қурилиш меъёрлари ва қоидаларини ишлаб чиқишда иштирок этиш;

бино ва иншоотларни лойиҳалаш ҳамда қурилиш ишлари жараёнида ёнғин хавфсизлиги талабларини бажариш мавзусида лойиҳалаш ва қурилиш ташкилотлари томонидан ўтказиладиган семинарлар, илмий-техник конференциялар ва мажлисларда иштирок этиш;

Ўзбекистон Республикаси Қурилиш ва уй-жой коммунал хўжалиги вазирлигининг техник кенгашларида, шунингдек, Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар ва Тошкент шаҳар қурилиш ва уй-жой коммунал хўжалиги бошқармалари қошидаги шаҳарсозлик кенгашларида иштирок этиш;

бино ва иншоотларни лойиҳалаштириш, қуриш жараёнида ёнғин хавфсизлиги талабларига риоя қилиш масалалари бўйича хатлар, ариза ва шикоятларни кўриб чиқиш, юридик ва жисмоний шахсларга ушбу йўналишда маслаҳатлар бериш.

48. Ҳудудий ва маҳаллий ДЁН органлари ёнғин хавфсизлиги талабларидан асосли равишда четга чиқилган ёки бундай талаблар мавжуд бўлмаган ҳолатларни кўриб чиқишда ҳамда қурилиш меъёрлари ва қоидаларини қайта ёки янгидан ишлаб чиқишда иштирок этмайди.

49. Ер танлаш комиссияси таркибида инспекторларнинг иштирок этиши, шу каби комиссиялар тузиш ваколатига эга бўлган ташкилотларнинг ёзма ёки электрон мурожаатларига асосан амалга оширилади.

Қурилиш объектлари учун ажратилиши тавфсия этилаётган ҳар бир ер майдони ДЁН органи вакили томонидан жойига чиқиб ўрганилиши шарт.

50. Қурилиш учун майдонлар (трассалар) танлаш (ажратиш) жараёнида ДЁН органи вакили асосий эътиборни қуйидагиларга қаратиши лозим:

ҳудудни батафсил режалаштириш чизмаси ва туманнинг режалаштириш лойиҳаси, аҳоли яшаш пунктларининг бош режаси, объектларни ёнғин хавфсизлиги талабларига асосан зоналарга бўлинганлигига;

асосий шамол йўналиши, жой рельефи ва аҳоли пунктлари ҳамда қўшни бино ва иншоотларга нисбатан ёнғинга қарши оралиқ масофаларнинг ҳисобга олинганлигига;

объектларнинг асосий ва ёрдамчи йўллар билан таъминланганлигига;

ёнғин жойига ёнғин ўчириш бўлинмалари ўз вақтида етиб боришини ҳисобга олган ҳолда ёнғин ўчириш деполари жойлаштирилганлигига;

51. Ер танлаш комиссияси ишида иштирок этган инспектор томонидан хулоса расмийлаштирилади ва танланилаётган ер майдонини ёнғин хавфсизлиги талабларига мувофиқлиги ёки мувофиқ эмаслигига қараб ҳулосалар ижобий ёки салбий мазмунда тузилади ҳамда тегишли ишчи органга белгиланган тартибда юборилади.

52. Ер танлаш комиссияси ишининг натижаси бўйича тегишли маълумотлар "Қурилиш объектлари учун ажратилиши тавсия этилган ер майдонларини рўйхатга олиш журнали"га қайд қилинади.

53. Қурилишлар учун майдонлар (трассалар) танлаш (ажратиш) жараёнида қабул қилинган қарорлар ўзгарганида ДЁН органлари уларни қўшимча равишда кўриб чиқади.

54. Норматив-ҳуқуқий ҳужжатлар билан белгиланган ёнғин хавфсизлиги талабларидан асосли равишда четга чиқилган ёки бундай талаблар мавжуд бўлмаган ҳолларда қурилиш объектлари лойиҳа ҳужжатларининг ёнғин хавфсизлиги талабларига риоя қилинишига тааллуқли қисмини кўриб чиқиш ва келишиш ФВВнинг Давлат ёнғин назоратини ташкил этиш бош бошқармаси томонидан амалга оширилади.

55. Қурилиш объектлари учун ишлаб чиқилаётган лойиҳа ҳужжатларини қурилиш норма ва қоидаларида белгиланган ёнғинга қарши талабларга мувофиқлигини ўрганиш ва тавсиялар бериш, лойиҳа ҳужжатларини ишлаб чиқиш билан шуғулланувчи юридик ва жисмоний шахсларнинг ҳамда буюртмачи ва қурувчи ташкилотларининг мурожаатларига асосан амалга оширилади.

Бунда, ўрнатилган тартибда расмийлаштирилган ва лойиҳа муаллифи томонидан имзоланган ҳолда тақдим этилган лойиҳалар ўрганилиши лозим.

56. Қурилиш объектлари лойиҳасининг фақатгина ёнғин хавфсизлигини таъминлашга тааллуқли бўлимлари ва умумий тушунтириш хати кўриб чиқилиши лозим.

Бош режани кўриб чиқиш жараёнида асосий эътибор шамол йўналишига, бино ва иншоотлар оралиғидаги ёнғинга қарши оралиқ масофалар ўлчамларига, очиқ иссиқлик манбаи қурилмалари жойлашган жойларга, объект ҳудудига кириш жойларининг сони ва ёнғин ўчириш автомобиллари учун асосий ва ёрдамчи йўлларни мавжудлигига, енгил алангаланувчи ва ёнувчи суюқликлар сиғимларини жойлашувига, ёнғинга қарши сув сиғимлари ва ҳовузларига бориш йўлларига, ёнғин ўчириш деполарини жойлашувига қаратилади.

Лойиҳанинг технологик қисмини кўриб чиқиш жараёнида асосий эътибор модда ва материалларнинг ёнғин хавфлилиги кўрсаткичларига, технологик жараённинг параметрларига, ўт олдириш манбаининг мавжудлигига, ёнғинга қарши бўлма (отсек)ларга бўлинишига, хона, бино ва ташқи қурилмаларнинг портлаб ёниш ва ёнғин хавфи бўйича тоифасини тўғри белгиланганлигига, электр ускуналарининг тузилиши қоидалари бўйича зоналарга бўлинганлигига қаратилади.

Лойиҳанинг архитектура-қурилиш қисмини кўриб чиқиш жараёнида асосий эътибор бино ва иншоотнинг ёнғин бардошлилик даражасини тўғри белгиланганлигига, объектнинг геометрик параметрларига, қаватлар сони ва ёнғинга қарши деворлар оралиғидаги майдонга, хоналарни жойлашишига, конструктив ечимларга, ёнғинга қарши тўсиқларни мавжудлигига, эвакуация чиқиш йўлларининг сони ва уларнинг узунлигига, тутун қопламаслиги таъминланганлигига, том қоплама ва полнинг материалларига, бинонинг чордоқ қисмига ва томига чиқиш учун талаб этилган миқдорда ташқи ёнғинга қарши нарвонларни мавжудлигига қаратилади.

Лойиҳанинг муҳандислик тармоқлари бўлимини қўриб чиқиш жараёнида асосий эътибор ёнғинга қарши ташқи ва ички сув таъминотига, тутунга қарши вентиляция, иситиш, ёритиш, яшин қайтариш, электр таъминоти ва электр қурилмаларига ва ёнғин ўчирувчилар учун мўлжалланган лифтларга қаратилади.

ЁҚТҲВ бўлимини кўриб чиқиш жараёнида асосий эътибор автоматик ёнғин ўчириш ва ёнғиндан хабарлаш ҳамда қутқарувни бошқариш тизимларига қаратилади.

Зарурат туғилган ҳолларда, лойиҳалаштирилаётган ёки қурилаётган объектларнинг хона, бино ва ташқи қурилмаларини портлаб ёниш ва ёнғин хавфи бўйича тоифасини, қурилиш материаллари ва конструкцияларини ёнғиндан ҳимоялаш, эвакуация чиқиш йўлларининг сони ва эвакуация чиқиш йўлигача бўлган масофани, тутунга қарши ҳимоя қурилмасининг қуввати, енгил ташлаб юборувчи конструкциялар майдонини аниқлаш бўйича ҳисоб-китоблар, ёнғин хавфсизлигини таъминлаш масалаларига тааллуқли илмий тадқиқот ишлари ва оловли синовлар натижалари ҳамда бошқа ҳисоблар ҳам сўраб олиниши мумкин.

57. Лойиҳа ҳужжатларини қурилиш нормалари ва қоидалари талабларига мувофиқлигини ўрганиш ва тавсиялар бериш қуйидаги жараёнларда ҳам амалга оширилади:

маслаҳатлар беришда;

техник кенгашлар ишида қатнашишда.

58. Лойиҳа ҳужжатларини қурилиш нормалари ва қоидалари талабларига мослиги ёки мос эмаслиги бўйича юридик ва жисмоний шахсларнинг мурожаатларига оғизаки ва ёзма тарзда жавоб берилади.

Шаҳарсозлик ҳужжатлари лойиҳалаштириш нормаларига мувофиқ бўлган тақдирда ҳар бир кўриб чиқилган ҳужжат (лойиҳанинг техник ҳужжатлари, эскиз ва планшетлар) уни кўриб чиққан ходим томонидан имзоланади ва имзоси тегишли органнинг муҳри билан тасдиқланади.

59. Янги қурилаётган ёки реконструкция қилинаётган объектларнинг рўйхатини шакллантириш мақсадида қурилиш объекти бўйича ДЁН органига илк мурожаат келиб тушган кундан бошлаб улар "Қурилиш объектларини рўйхатга олиш журнали"га қайд қилиниши лозим.

60. Ўрганиш натижаларига кўра қурилиш объектига НКИ юритилади.

Қурилиш объектининг НКИда қуйидагиларнинг нусхаси сақланиши лозим:

ер участкасини ажратиш бўйича ДЁН органи хулосаси;

лойиҳа ҳужжатларини қурилиш нормалари ва қоидалари талабларига мувофиқлигини ўрганиш натижалари бўйича берилган ДЁН органи хулосалари ва ёзма тавсиялари;

текшириш ва кўрик жараёнида тузилган ҳужжатлар, қурилиш объектининг ёнғин хавфини тавсифловчи бошқа материаллар ва ёзишмалар;

қурилиш объектига ўрнатилган ЁҚТҲВларнинг техник ҳолатини текшириш, синаш ва фойдаланишга қабул қилиш натижалари бўйича тузилган ҳужжатлар;

қурилиш объектини фойдаланишга қабул қилиш ишчи ва давлат комиссияси далолатномаси ёки қуриш-монтаж ишлари тугалланган объектдан фойдаланиш учун рухсатнома.

61. Қурилиш объектларида ёнғинга қарши чора-тадбирларни тўғри бажарилишини назорат қилиш, текширувлар ва ёнғин-профилактика кўриклари жараёнида амалга оширилади, унда қуйидагилар ўрганилади:

шаҳарсозлик ҳужжатлари бўйича давлат ва нодавлат экспертиза ташкилотларининг хулосаси (локал хулосаси)ни мавжудлиги;

лойиҳа ҳужжатларини лойиҳалаш нормалари талабларига мослиги, лойиҳа ечимларини бажарилиши ва аввал аниқланган камчиликни бартараф этилиши;

қурилиш-монтаж ишлари жараёнида ёнғин хавфсизлиги талабларини бажарилиши;

объект ҳудудидаги ҳамда бино ва иншоотларидаги ёнғинга қарши ташқи ва ички сув таъминотининг, ЁҚТҲВларнинг техник ҳолати ва улардан фойдаланиш учун зарур шарт-шароитлар яратилганлиги;

мавжуд ёнғин ўчириш тузилмаларининг тайёргарлиги.

62. Текширув натижалари бўйича лойиҳалаш нормалари талаблари, объектни барпо этиш жараёнида тасдиқланган лойиҳа ҳужжатларидан четга чиқиш ҳамда қурилиш-монтаж ишлари жараёнида ёнғин хавфсизлиги талабларининг бузилишига йўл қўйиш ҳолатлари юзасидан буюртмачи ва қурилиш ташкилоти раҳбарларига мазкур Йўриқноманинг 29-бандида белгиланган тартибда ҳужжатлар тақдим этилади. Лойиҳа ҳужжатларидан четга чиқиш ҳолатлари тўғрисида лойиҳалаш ташкилоти ва Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш ҳудудий инспексияси (бундан буён матнда ҳудудий назорат инспекцияси деб юритилади) ёзма равишда хабардор қилинади.

63. Текширилаётган ва ёнғин-профилактика кўригидан ўтказилаётган қурилиш объектида намунавий лойиҳадаги лойиҳалаш нормалари талабларидан четга чиқиш ҳолатлари аниқланган ҳолларда ДЁН органлари ушбу четга чиқиш ҳолатларини бартараф этиш бўйича лойиҳачига ахборот хати юборади ва хат нусхасини қурилиш ташкилотига, буюртмачига ва юқори турувчи ДЁН органига юборади.

64. Қурилиш ишлари тугалланган объектларни фойдаланишга қабул қилиш комиссияси таркибига инспекторларни тайинлаш учун шу каби комиссияларни тузиш ваколатига эга ташкилотларнинг ёзма ёки электрон мурожаатлари асос бўлади. Мурожаат келиб тушган кундан бошлаб уч иш куни давомида ДЁН органи раҳбари томонидан комиссия таркибига инспектор тайинлаш тўғрисида қарор қабул қилинади ва бу ҳақда мурожаат қилган ташкилот ёзма ёки электрон тарзда хабардор қилинади.

Қурилиш ишлари тугалланган объектнинг мураккаблиги, аҳамияти ва ёнғин хавфидан келиб чиқиб, ишчи ва давлат комиссияси таркибига марказий, ҳудудий ёки маҳаллий ДЁН органининг вакиллари киритилади. Бунда, фойдаланишга қабул қилишга қурилиш ишлари жараёнида назорат ишларини олиб борган ҳудудий ёки маҳаллий ДЁН органларининг раҳбарлари ёки меъёрий-техник бўлими мутахассислари жалб этилади.

Комиссиялар таркибида қатнашиш учун тайинланган инспекторни алмаштириш алоҳида ҳолларда (касаллиги ёки бошқа узрли сабабларда) комиссияни ташкил этган ташкилотни хабардор қилган ҳолда ва фақатгина комиссия таркибига тегишли ўзгартириш киритилгандан сўнг амалга оширилади.

65. Ишчи ва давлат қабул қилиш комиссияси таркибига киритилган инспектор комиссия иши бошлангунига қадар лойиҳалаш норма талаблари ва НКИдаги материалларни ўрганиб чиқиши шарт, шунингдек, қурилиш ишлари тугалланган объектни фойдаланишга қабул қилиш жараёнида текширилиши лозим бўлган саволлар рўйхатини тузади.

66. Қурилиши тугалланган объектларни фойдаланишга қабул қилиш комиссиясида инспекторнинг иштироки ва ҳужжатларни расмийлаштириш тартиби шаҳарсозлик нормалари ва қоидаларида белгиланган талаблар асосида амалга оширилади.

67. Инспектор қурилиш ишлари тугалланган объектни ишчи комиссияси таркибида қатнашиб, қуйидагиларни текширади:

бажарилган қурилиш-монтаж ишларини тасдиқланган лойиҳа ва ёнғинга қарши талабларга мувофиқлигини;

ЁҚТҲВларни ШНҚ ва норматив-техник ҳужжатлар талабларига мос равишда монтаж қилинганлиги ва уларнинг ишлаш қобилияти;

Шунингдек, қуйидагиларни мавжудлигини текширади:

объект лойиҳасининг ёнғин хавфсизлигини таъминлашга тааллуқли бўлимига давлат экспертизаси (локал) хулосаси;

ЁҚТҲВларни монтаж қилган ташкилотлардан қонун ҳужжатлари билан талаб этиладиган лицензиялар;

конструкция, материаллар, қурилма ва буюмларни сертификати, техник паспорти ёки ёнғин хавфлилиги кўрсаткичларини тасдиқловчи бошқа ҳужжатлар;

ёпиқ ишларнинг ҳамда қурилиш конструкциялари ва материалларини ёнғиндан ҳимоя воситаларининг синов натижаларини тасдиқловчи далолатномалар;

ички ва ташқи сув тизими, вентиляция тармоқларини индивидуал синовдан ўтказилгани ҳақида далолатномалар;

норматив-техник ҳужжатларга мувофиқ ЁҚТҲВлари қурилмаларини синовдан ўтказилгани ҳақида далолатномалар;

яшиндан ҳимоялашни ҳамда ёнғин ва портлаш хавфсизлигини таъминловчи қурилмаларини синовдан ўтказилгани ҳақида далолатномалар;

68. Қурилиш ишлари тугалланган объектларни давлат қабул қилиш комиссияси таркибида иштирок этаётган инспектор қуйидагиларни текширади:

ишчи комиссияда аниқланган камчиликларни бартараф этилганлигини;

тасдиқланган лойиҳа-смета ҳужжатларини;

ЁҚТҲВларни синаш ва фойдаланишга қабул қилиш далолатномаларини;

қабул қилинаётган объектнинг ёнғинга қарши сув таъминоти тизимини ҳамда унинг ташқи ва ички ёнғин ўчириш учун зарур бўладиган сув миқдоридан кам бўлмаган ҳажмдаги сув билан таъминланганлигини.

69. Зарурат туғилган ҳолларда комиссия таркибидаги инспектор, ишчи комиссияда аниқланган кам-кўстларни бартараф этилганлигини танлов асосида текширувдан ўтказишни талаб қилиши, алоҳида конструкцияларни назорат тартибида очиш ва ёнғинга қарши қурилма ва жиҳозларни синовдан ўтказиш, қурилиш конструкцияси ва материалларининг ёнғинга қарши қатламини табиий шароитда оловли синовдан ўтказишни тайинлаш ҳуқуқига эга.

70. Қурилиш ишлари тугалланган объектда ДЁН инспектори уч иш куни мобайнида жойига чиққан ҳолда бино ва иншоотларни ёнғин хавфсизлиги талабларига мувофиқлиги юзасидан ўрганиб чиқади. Ўрганиш натижалари бўйича асосли эътироз бўлмаган тақдирда QR-код қўйилган хулоса ҳудудий назорат инспекциясига электрон тарзда юборилади.

Бино ва иншоот ёнғин хавфсизлиги талабларига жавоб бермаган тақдирда, ДЁН инспектори томонидан хулоса беришни рад этиш тўғрисидаги хулоса (рад этишнинг аниқ асосларини тегишли қонунчилик ҳужжатлари нормалари билан кўрсатган ҳолда) расмийлаштирилади ва шу куннинг ўзида Давлат хизматлари марказига ёки ариза берувчига Ягона интерактив давлат хизматлари портали орқали юборилади.

71. Қабул комиссияси ишида қатнашиш натижаси тўғрисида инспектор ДЁН органи раҳбарига билдирги орқали ахборот беради.

ДЁН органи раҳбарияти фойдаланишга қабул қилинган объектларнинг ёнғинга қарши ҳолатини танлов асосида ўрганиш орқали инспекторнинг ишчи ва давлат қабул қилиш комиссиялари ишидаги вазифаларни бажаришга тайёргарлик даражасини мунтазам равишда текшириб бориши лозим.

Қурилиши тугалланган объект фойдаланишга қабул қилинганидан сўнг объектнинг НКИга ва "Қурилиши тугалланган объектларни рўйхатга олиш журнали"га тегишли белгилар қўйилади ҳамда НКИ келгусида назорат қилиш учун фаолият кўрсатаётган объектлар устидан назоратни амалга оширувчи тегишли ДЁН бўлинмасига (ёки инспекторига) юборилади (берилади).

72. Қурилиш ишлари тугалланганидан сўнг, давлат сирлари ёки қонун билан қўриқланадиган бошқа сирлар билан боғлиқ қурилиши тугалланган объектлар, шунингдек давлат аҳамиятига эга объектларда фойдаланишга қабул қилиш комиссияси далолатномаларида ДЁН инспекторининг имзосисиз ёки Вазирлар Маҳкамасининг 2022 йил 20 апрелдаги 200-сон қарори билан тасдиқланган Қуриш-монтаж ишлари тугалланган объектдан фойдаланиш учун рухсатнома бериш бўйича давлат хизматлари кўрсатишнинг маъмурий регламентида назарда тутилган объектларда QR-кодли хулосасисиз фаолият кўрсатилаётганлиги аниқланганда, бу тўғрисида зудлик билан маҳаллий давлат ҳокимияти органлари, архитектура ва қурилиш органлари ҳамда ҳудудий назорат инспекцияси хабардор қилинади.

73. ФВВ ва унинг ҳудудий ҳамда маҳаллий қуйи тизимларининг назорати остидаги қурилиш объектларининг рўйхати, комиссия таркибидаги ДЁН ходимларининг вазифалари ҳамда комиссия ишига жалб этиладиган ДЁН йўналишлари, объектларнинг стратегик ва давлат аҳамиятига моликлик жиҳатларини ҳисобга олган ҳолда ФВВнинг тегишли буйруғи билан белгиланади.

74. ДЁН органлари томонидан кўриб чиқилган ер майдонларининг, лойиҳа ҳужжатларининг, қурилиш объектлари ва қурилиши тугалланган объектларнинг рўйхати марказий ДЁН органининг тегишли буйруғи ёки қўлланмаси билан тасдиқланган махсус китоблар (журналлар)га киритилади ва шу орқали уларнинг ҳисоби юритилади.

10-БОБ. МАЪМУРИЙ-ҲУҚУҚ ФАОЛИЯТИ

§ 1. Маъмурий ҳуқуқбузарликлар тўғрисидаги

ишларни расмийлаштиришнинг

умумий қоидалари

75. ДЁН органлари томонидан ёнғин хавфсизлиги қоидаларининг (бундан буён матнда Қоидалар деб юритилади) бузилишига доир маъмурий ҳуқуқбузарликлар тўғрисидаги ишларни юритилиши Ўзбекистон Республикасининг Маъмурий жавобгарлик тўғрисидаги кодекси (бундан буён матнда МЖтК деб юритилади) ва мазкур Йўриқномага мувофиқ амалга оширилади.

76. Қоидаларни бузган шахсларга нисбатан инспектор ҳуқуқбузарлик содир этилган жойнинг ўзида мазкур Йўриқноманинг 11-иловасига мувофиқ шаклда Ёнғин хавфсизлиги қоидалари бузилганлиги ҳақида баённома (бундан буён матнда маъмурий баённома деб юритилади) расмийлаштиради.

77. Агар маъмурий баённома тузиш зарур бўлиб, уни ҳуқуқбузарлик содир этилган жойда тузиш имкони бўлмаса, инспектор яқин орадаги ички ишлар ёки фуқароларни ўзини ўзи бошқариш органларида маъмурий баённомани расмийлаштириши мумкин.

78. Маъмурий баённомани тузган инспектор, ушбу содир этилган ҳуқуқбузарлик учун маъмурий чора кўриш ҳақида қарор чиқариш ваколатига эга бўлмаган тақдирда ҳуқуқбузарга ушбу маъмурий иш қаерда ва қачон кўрилиши тушунтирилиб, бу ҳақда маъмурий баённомага ёзиб қўйилади ҳамда ҳуқуқбузарлик содир этилган ёки аниқланган пайтдан бошлаб бир суткадан кечиктирмай ДЁН органининг юқори турувчи мансабдор шахсига маъмурий баённомани топширади.

79. Маъмурий баённомалар ва бошқа тегишли ҳужжатлар тузилгандан сўнг бир суткадан кечиктирмай мазкур йўриқноманинг 12-иловасига мувофиқ шаклдаги маъмурий ҳуқуқбузарликларни ва уларни содир этган шахсларни ҳисобга олиш журналида рўйхатга олинади.

80. Маъмурий ҳуқуқбузарликларни ва уларни содир этган шахсларни ҳисобга олиш журнали ҳар бир ҳудудий ва маҳаллий ДЁН органида юритилади.

§ 2. Ёнғин хавфсизлиги қоидаларининг бузилишига

доир маъмурий ҳуқуқбузарликлар тўғрисидаги

ишларни кўриб чиқиш

81. ДЁН органларига МЖтКнинг 84, 124 ва 211-моддаларида назарда тутилган маъмурий ҳуқуқбузарликлар тааллуқли бўлиб, уларни кўриб чиқиш ва маъмурий жазо қўллаш МЖтКнинг 249-моддасига асосан ДЁН органларининг мансабдор шахслари томонидан ўз ваколатлари доирасида амалга оширилади.

82. Маъмурий ҳуқуқбузарлик тўғрисидаги иш маъмурий жавобгарликка тортилаётган шахс иштирокида кўриб чиқилади. Ишни кўриб чиқувчи мансабдор шахс маъмурий ҳужжатларни олгандан сўнг ҳуқуқбузарга ишнинг қачон ва қаерда кўрилиши ҳақида мазкур Йўриқноманинг 13-иловасига мувофиқ шаклдаги хабарномани юборади.

Маъмурий ишларни кўриб чиқишда МЖтКнинг 295-300-моддаларида назарда тутилган шахслар қатнашиши мумкин.

83. Маъмурий жавобгарликка тортилаётган шахсга ишни кўриб чиқиш жойи ва вақти ҳақида хабар қилинганлиги тўғрисида маълумотлар бўлган ва ундан ишни кўриб чиқишни кечиктириш хусусида ҳеч қандай илтимос тушмаган ҳолларда, иш унинг иштирокисиз кўриб чиқилиши мумкин.

84. Инспектор ҳуқуқбузарлик тўғрисидаги ишни кўриб чиқиш жараёнида ҳуқуқбузарликда жиноят аломатлари борлигини аниқласа, ҳужжатларни тегишлилигига кўра тергов органларига ДЁН органи раҳбари орқали топширади.

85. Ваколати доирасида маъмурий ҳуқуқбузарликлар тўғрисидаги ишларни кўриб чиқувчи органларга маъмурий баённомалар ва ишга оид бошқа ҳужжатлар бир суткадан кечиктирмасдан буюртма хат орқали йўлланади ёки етказиб бериш китоби бўйича топширилади.

86. Инспектор маъмурий ҳуқуқбузарлик тўғрисидаги ишни кўриб чиқиш вақтида: маъмурий ҳуқуқбузарлик содир этилган-этилмаганлигини, ҳуқуқбузарлик содир этилган вақт ва жойни, мазкур шахс уни содир этишда айбдор ёки айбдор эмаслигини, унинг маъмурий жавобгарликка тортилиш-тортилмаслигини, жавобгарликни енгиллаштирувчи ёки оғирлаштирувчи ҳолатлар бор-йўқлигини, мулкий зарар етказилган-етказилмаганлигини, шунингдек ишни тўғри ҳал этишда аҳамиятга молик бошқа ҳолатларни аниқлаши шарт.

Бунда МЖтКнинг тегишли моддаларида маъмурий жазони кучайтириш назарда тутилган ва такрорийлиги ҳисобга олинадиган ҳуқуқбузарликлар содир этилган тақдирда, маъмурий ишни кўриб чиқаётган инспектор ҳуқуқбузарнинг аввалги ҳуқуқбузарликларининг такрорийлигини ўрнатилган тартибда талабнома орқали аниқлаши шарт.

87. Маъмурий ҳуқуқбузарлик тўғрисидаги ишни кўриб чиқаётганда, содир этилган маъмурий ҳуқуқбузарликнинг кам аҳамиятлилиги тўғрисида ёки МЖтКнинг махсус қисмидаги моддаларнинг санкциясида назарда тутилган энг кам жазодан ҳам камроқ жазо чорасини қўллаш учун асослар борлиги ҳақида хулосага келинган тақдирда, маъмурий ҳуқуқбузарлик тўғрисидаги иш ҳуқуқбузарликнинг кам аҳамиятлилиги сабабли ҳуқуқбузарни маъмурий жавобгарликдан озод қилиш тўғрисидаги ёки енгилроқ маъмурий жазо чорасини қўллаш ҳақидаги, мазкур Йўриқноманинг 14-иловасига мувофиқ шаклда расмийлаштирилган тақдимнома билан судга юборилади.

Ҳуқуқбузарликнинг кам аҳамиятлилиги сабабли ҳуқуқбузарни маъмурий жавобгарликдан озод қилиш тўғрисидаги ёки енгилроқ маъмурий жазо чорасини қўллаш ҳақидаги тақдимномада шахснинг маъмурий жавобгарликдан озод қилинишига ёки унга нисбатан енгилроқ маъмурий жазо чорасини қўллаш кераклигига боис бўлган сабаблар ва асослар баён этилади.

88. Инспектор маъмурий ҳуқуқбузарлик тўғрисидаги ишни кўриб чиқиб, шу иш юзасидан мазкур Йўриқноманинг 15-иловасига мувофиқ шаклда қарор чиқаради.

Қарорда қуйидагилар кўрсатилган бўлиши керак: қарор чиқарган органнинг (мансабдор шахснинг) номи, иш кўриб чиқилган сана, иши кўриб чиқилаётган шахс хусусидаги маълумотлар, ишни кўриб чиқиш пайтида аниқланган ҳолатларнинг баёни, МЖтКнинг маъмурий ҳуқуқбузарлик учун жавобгарликни назарда тутувчи моддаси, мазкур маъмурий ҳуқуқбузарлик учун жавобгарликни назарда тутувчи норматив-ҳуқуқий ҳужжат, иш юзасидан қабул қилинган қарор.

Маъмурий баённома ва маъмурий жазо қўллаш тўғрисидаги қарорлар "Е-жарима" ягона марказлаштирилган ахборот тизими орқали электрон шаклда рассмийлаштирилиши мумкин.

89. Ҳуқуқбузар ишга доир ҳужжатлар билан танишиб чиқишга, изоҳлар беришга, далиллар келтиришга, ўз илтимосини баён этишга, ишни кўриб чиқишда адвокатнинг юридик ёрдамидан фойдаланишга, ўз она тилида сўзлашга ва таржимон хизматидан фойдаланишга, иш юзасидан қабул қилинган қарор устидан шикоят беришга ҳақлидир.

90. Маъмурий жазо қўллаш тўғрисидаги қарор ижросини тугатиш учун инспектор мазкур йўриқноманинг 16-иловасига мувофиқ шаклда қарор чиқаради.

91. Маъмурий ҳуқуқбузарлик тўғрисидаги иш юзасидан чиқарилган қарор ишни кўриб чиқиш тугаши биланоқ дарҳол эълон қилинади.

Агар ишни кўриб чиқишда ҳуқуқбузар қатнашмаган бўлса, қарорнинг нусхаси уч кун ичида ҳуқуқбузарнинг яшаш манзилига юборилиб, бу ҳақда қарорга ёзиб қўйилади.

92. Қарорнинг нусхаси уч кун ичида маъмурий жазо қўлланилган шахсга, шунингдек ўзининг илтимосига кўра жабрланувчига топширилади ёки почта орқали жўнатилади. Қарорнинг нусхаси олинганлиги ҳақида ҳуқуқбузар ёки жабрланувчи имзо чекиши керак.

Айни вақтда қарорнинг нусхасини олган кундан бошлаб ўн кун ичида қарор устидан юқори турувчи органга (мансабдор шахсга) ёки туманлараро маъмурий судига шикоят бериш мумкинлиги ва уни ижро қилиш тартиби тушунтирилади.

93. Инспекторлар ўзларига берилган ваколатлар доирасида ва фақат хизмат бурчларини бажариб турган пайтлардагина қонунларда назарда тутилган маъмурий жазоларни қўллашлари мумкин.

94. МЖтКнинг 313-моддасига мувофиқ ишни кўриб чиқаётган инспектор маъмурий ҳуқуқбузарликлар содир этилиши сабаблари ва уларга олиб келган шарт-шароитларни аниқлаганда, ташкилотлар раҳбарларига ана шу сабаблар ва шарт-шароитларни бартараф этиш чора-тадбирларини кўриш ҳақида тақдимнома киритиши мумкин.

95. Шикоятни ёки протестни кўриб чиқиш натижалари бўйича ДЁН органининг ваколатли мансабдор шахси мазкур Йўриқноманинг 17-иловасига мувофиқ шаклдаги қарорни қабул қилади.

§ 3. Ёнғин хавфсизлиги қоидаларининг бузилишига

доир маъмурий ҳуқуқбузарликлар тўғрисидаги

ишлар юзасидан чиқарилган

қарорларни ижро этиш

96. Қонунга хилоф равишда чиқарилганлиги сабабли қарор бекор қилинган тақдирда, ушбу ҳолат юзасидан хизмат текшируви ўтказилади. Айбдор мансабдор шахсга нисбатан тегишли интизомий чора кўрилиб, у ҳақидаги маълумот маъмурий иш ҳужжатларига қўшиб қўйилади.

97. Маъмурий жазо қўлланиши тўғрисидаги қарор чиқарилган пайтдан бошлаб ижро этилиши лозим.

Агар маъмурий жазо қўлланиши тўғрисидаги қарор чиқарилган кундан бошлаб уч ой мобайнида ижрога қаратилмаган бўлса (қарор нусхаси ҳуқуқбузарга топширилмаган, давлат ижрочисига юборилмаган бўлса ва ҳ.к.), у ҳолда бундай қарор ижро этилмайди. Ушбу ҳолат бўйича хизмат текшируви ўтказилади ва айбдор мансабдор шахсга нисбатан тегишли интизомий чора кўрилиб, бу ҳақдаги маълумот маъмурий иш ҳужжатларига қўшиб қўйилади.

98. Жарима ҳуқуқбузар томонидан унга жарима солиш тўғрисидаги қарор топширилган кундан бошлаб ўттиз кундан кечиктирмай, бундай қарор хусусида шикоят берилган ёки протест билдирилган тақдирда - шикоят ёки протест қаноатлантирилмаганлиги тўғрисида хабар берилган кундан бошлаб ўн беш кундан кечиктирмай тўланиши лозим.

МЖтКнинг 332-1-моддасига мувофиқ ҳуқуқбузар унга жарима солиш тўғрисидаги қарор топширилган кундан бошлаб ўн беш кун ичида ушбу жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади, қуйидаги ҳоллар бундан мустасно:

жарима солиш тўғрисидаги қарор устидан шикоят қилинганда ёки протест билдирилганда;

худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.

Ўн олти ёшдан ўн саккиз ёшгача бўлган шахсларнинг мустақил иш ҳақи бўлмаган тақдирда, жарима уларнинг ота-оналари ёки улар ўрнини босувчи шахслардан ундириб олинади.

Маъмурий ҳуқуқбузарлик содир этганлик учун солинган жарима ҳуқуқбузар томонидан тегишли банкка тўланади. Ҳуқуқбузарлик содир этилган жойнинг ўзида жаримани ундириб олинишига йўл қўйилмайди.

99. Жарима тўланганлиги ҳақидаги квитанция ёки тўлов топшириғининг рақами ва санаси маъмурий ҳуқуқбузарликларни ва уларни содир этган шахсларни ҳисобга олиш журналига ёзиб қўйилади.

100. Ҳуқуқбузар жаримани белгиланган муддатда тўламаган тақдирда, жарима солиш ҳақидаги қарор нусхаси мажбурий тарзда ундириб олиш учун мазкур Йўриқноманинг 18-иловасига мувофиқ шаклдаги хат билан бирга Ўзбекистон Республикаси Бош прокуратураси ҳузуридаги Мажбурий ижро бюросининг тегишли туман (шаҳар) бўлимларига юборилади.

11-БОБ. ЁНҒИН ЮЗАСИДАН ТЕРГОВГА

ҚАДАР ТЕКШИРУВ

101. Ёнғин юзасидан терговга қадар текширув (бундан буён матнда ёнғин юзасидан текширув деб юритилади) ишларини олиб боришда инспекторлар Жиноят-процессуал кодекси ҳамда ушбу Йўриқномага амал қиладилар.

102. ДЁН органлари томонидан ҳар бир ёнғин юзасидан текширув ўтказилади.

103. Ёнғин юзасидан текширув ишлари ДЁН органининг буйруғи билан инспекторларга юклатилади ёки уларнинг хизмат вазифаларида кўрсатилади.

104. Ёнғин юзасидан текширувлар 10 суткадан кечиктирилмаган муддатда ўтказилади. Ушбу муддатга ёнғинга оид аризалар, хабарлар ва бошқа маълумотларни қабул қилиб олинган вақтдан, то жиноят ишини қўзғатиш ёки ишни қўзғатишни рад қилиш ҳақида ёхуд ариза ёки хабарни терговга тегишлилигига қараб юбориш ҳақида (ҳудудий жиҳатдан тегишлилик) қарор қабул қилингунгача бўлган вақт ҳисобланади.

Текширув муддати қуйидаги ҳолатлардан бири мавжуд бўлган тақдирда инспекторнинг (ДЁН органи бошлиғининг) асослантирилган қарорига кўра прокурор томонидан бир ойгача узайтирилиши мумкин:

ўтказиш учун кўп вақт талаб қиладиган экспертиза, хизмат текшируви, ҳужжатли тафтиш ёки бошқа текширув тайинланган бўлса;

олис жойларда бўлган ёки чақирувга биноан ҳозир бўлишдан бўйин товлаётган шахслардан тушунтиришлар талаб қилиб олиш зарур бўлса;

янги ҳолатлар аниқланиб, уларни қўшимча тарзда текширмасдан туриб қарор қабул қилишнинг имкони бўлмаса.

105. Давлат ва жамоат биноларида, йирик, шунингдек, одамлар оммавий бўладиган объектларда содир бўлган ва қасддан ўт қўйилганлиги тахмин қилинган ҳамда фуқароларнинг ҳалок бўлиши ёки кўп миқдорда моддий зарар келтирилган ёнғинлар ҳақида инспектор ёки ёнғин ўчириш раҳбари зудлик билан воқеа содир бўлган жойга тезкор-тергов гуруҳини чақириш мақсадида ички ишлар органи ва прокуратурани хабардор қилишга мажбурдир.

106. Ёнғин содир бўлган жойга тезкор-тергов гуруҳи келганидан кейин инспектор терговчининг алоҳида тергов ҳаракатлари бўйича (ёнғиннинг бошланган жойи ва сабабини, қасддан ўт қўйиш изларини топишда, ёнғинга алоқаси бўлган техник ва бошқа ҳужжатларни олишда, ёнғиннинг содир бўлиш сабаби ва ривожланишга олиб келган шароитларни аниқлашда, ёнғинга қарши воситаларнинг ҳолати ва созлигини текширишда, ёнғин хавфсизлигини таъминлаш учун берилган талаблар ва бошқаларни маъмурият, ташкилот, объект томонидан бажарилиши даражасини аниқлаш мақсадида воқеа жойини кўздан кечириш жараёнида иштирок этади) топшириқларини бажаради.

107. Ёнғин юзасидан текширув давомида инспекторлар қуйидагиларни аниқлайдилар:

ёнғин бошланган вақт, жой, унинг ривожланиши ва ўчирилиши тўғрисидаги маълумотларни;

ёнғиннинг келиб чиқиш сабаби, айбдор шахслар ва уларнинг жавобгарлик даражасини кўрсатувчи шароитларни;

ёнғинда ҳалок бўлганлар ва тан жароҳати олганларнинг мавжудлигини, ёнғиннинг ўзига хос бошқа оқибатларини;

ташкилот, объектнинг ёнғингача бўлган ёнғинга қарши ҳолати ва уларни ёнғин билан боғлиқ бўлган сабаб-оқибат боғланишлари ҳамда ёнғиннинг тарқалиши ва юзага келган оқибатларини;

ёнғиннинг келиб чиқиш ва ривожланишига имкон туғдирган сабаб ва шароитларни.

108. Ёнғинни келиб чиқиш ҳолатларини текшириш жараёнида инспектор қуйидаги хизмат ҳужжатларини тузади ва (ёки) талаб қилиб олади:

ёнғин ҳақидаги далолатнома (ёнғин бартараф этилгандан сўнг бир сутка давомида мазкур Йўриқноманинг 19-иловасига мувофиқ икки нусхада тузилади ва ёнғиндан сақлаш хизмати вакили бошчилигидаги камида 3 нафар шахсдан иборат комиссия томонидан имзоланади);

воқеа (ёнғин) содир бўлган жойни кўздан кечириш баённомаси мазкур Йўриқноманинг 20-иловасига мувофиқ расмийлаштирилади;

ёнғин жойининг чизмаси мазкур Йўриқноманинг 21-иловасига мувофиқ расмийлаштирилади - чизмада: ўлчамлари кўрсатилган ҳолда бино ва хоналарнинг режа-чизмаси, иситиш мослама, печь, газ ускуналарни ва бошқа жиҳозларни режада жойлашиши, ёнғин ўчоғи, алангадан зарар кўрган майдон, ҳалок бўлганларнинг топилган жойи, қулаб тушган қурилмаларнинг майдони, алангани тарқалиш йўллари ва йўналиши, тутундан зарар кўрган майдон, дунё томонлари, шамол йўналиши, ориентирлар (кўча, электрузатиш тармоқлари ва бошқалар), ёнғин жойига ёнма-ён жойлашган бино ва қурилмалар, зарур ҳолларда электр таъминоти, вентиляция ва бошқа шартли белгилар кўрсатилади. Чизма битта нусхада тузилиб, инспектор ҳамда текширув ишининг оқибатидан манфаатдор бўлмаган камида икки нафар вояга етган холислар томонидан имзоланади);

гувоҳлар, ёнғинни тасодифан кўрганлар, жабрланувчилар, айбдор шахслар, ёнғинни ўчиришда қатнашганлар, ёнғин содир бўлган объект ходимларининг тушунтириш хатлари мазкур Йўриқноманинг 22-иловасига мувофиқ расмийлаштирилади;

ашёвий далилларни олиш далолатномаси (текширув ўтказаётган шахс томонидан эркин равишда тузилиб, холислар томонидан имзоланади. Барча ашёвий далиллар ва уларни олиш жойлари воқеа (ёнғин) жойини кўздан кечириш баённомаси ёки ашёвий далилларни олиш махсус баённомасида батафсил тавсифланади. Намуналар олинган барча нуқталар ёнғин жойининг чизмасида белгиланади ва зарур ҳолларда қисқа шарҳланади);

мутахассислар хулосалари (электрик, кимёгар ва бошқалар);

ёнғин хавфсизлиги мутахассисининг ёнғиннинг тахминий сабаби ҳақидаги хулосаси мазкур Йўриқноманинг 23-иловасига мувофиқ ДЁН органларининг тегишли ходимлари томонидан тузилади. Унда ёнғиннинг тахминий сабабини кўрсатувчи ҳолат ва жиҳатларини ҳамда бошқа сабабларни ёнғинга тааллуқли бўлмаганлиги мантиқий исботланади. Ёнғиннинг тахминий сабаби фуқароларнинг тушунтиришларига, ёнғин ўчоғининг аломатларига, ёнғинни тарқалиш хусусиятларига, тегишли мутахассисларнинг хулосаларига, ашёвий далиллар ва бошқаларга асосланган бўлиши лозим).

109. Корхона ва ташкилотларда содир бўлган ёнғинни текшириш давомида инспектор объект раҳбариятидан қуйидаги ҳужжатларни талаб қилиб олиши шарт:

ёнғинни текшириш ва моддий зарарни аниқлаш бўйича комиссия тузиш ҳақидаги буйруқ нусхасини;

ёнғинни текшириш бўйича идоравий далолатномани;

ёнғиндан келтирилган зарар миқдорини тасдиқловчи ҳужжатни.

Бундан ташқари ёнғин содир бўлган объектларнинг раҳбарлари ва ишчилари томонидан тузилган керакли техник ва хизмат ҳужжатлари, шунингдек ёнғин содир бўлган объектга тааллуқли ҳужжатлар сўралади.

110. Ёнғин юзасидан текширув бўйича ушбу Йўриқноманинг 24-иловасига мувофиқ "Ёнғин юзасидан иш" юритилади ва унда текширувда тўпланган барча материаллар жамланади.

111. Ёнғинларнинг текширув натижаларига кўра, инспектор томонидан қуйидаги қарорлардан бири қабул қилинади:

жиноят ишини қўзғатиш учун тўпланган материалларни суриштирув ёки тергов органига юбориш ҳақида;

жиноят ишини қўзғатишни рад қилиш ҳақида.

112. Жиноят аломатлари ва Жиноят кодексида назарда тутилган оқибатлар мавжуд бўлмаса, ушбу Йўриқноманинг 25-иловасига мувофиқ жиноят ишини қўзғатишни рад қилиш ҳақида қарор чиқарилади ва ДЁН органи раҳбари томонидан тасдиқланади.

113. Ёнғин юзасидан жиноят ишини қўзғатишни рад қилинганда, қарор чиқарган инспектор ушбу Йўриқноманинг 26-иловасига мувофиқ хабарномани расмийлаштириб, ёнғин содир бўлган объектнинг маъмурияти ёки фуқаролар (жабрланувчилар)га юборади (тақдим этади). Бунда уларга қарор устидан шикоят қилиш ҳуқуқи ва тартиби тушунтирилиши лозим. Жиноят ишини қўзғатишни рад қилиш ҳақидаги қарорнинг кўчирма нусхаси прокурорга юборилади.

114. Ҳар бир юритилган "Ёнғин юзасидан иш" тикилган ва варақлари рақамланган бўлиши лозим. Ёнғин ишидаги барча материалларга ушбу Йўриқноманинг 27-иловасига мувофиқ намунадаги рўйхат тузилиб, ишнинг биринчи бетига тикиб қўйилиши лозим.

115. Ёнғинлар юзасидан жиноят ишини қўзғатишни рад қилиш ҳақидаги қарорлар ҳамда жиноят ишларининг сонлари Ёнғинларни ҳисобга олиш журналининг тегишли графасида кўрсатилади.

116. Жиноят ишини қўзғатишни рад қилиш ҳақидаги қарор ва ёнғинлар юзасидан тўпланган барча материаллар инспекторлар томонидан рўйхатга ва ҳисобга олиниб, маҳаллий ДЁН органларида белгиланган тартибда ва муддатларда сақланади.

117. Жабрланувчилар ёки уларнинг қонун ҳужжатлари билан ваколат берилган шахсларининг, ёнғин юзасидан текширув материаллари билан танишиш ва ундан зарур маълумотларни ёзиб олиш, материаллар ва ҳужжатлардан ўз ҳисобидан кўчирма нусхалар олиш ёки бошқа шаклда маълумотларни қайд этиб олиш бўйича берган сўровнома ёки мурожаатига кўра, қонун ҳужжатларида белгиланган тартибда амалга оширилади.

118. Жиноят аломатлари мавжуд бўлган ёнғинлар юзасидан жиноят ишини қўзғатиш учун, инспектор томонидан тўпланган текширув материалларини терговга тегишлилиги бўйича ўтказиш мақсадида уларни ушбу Йўриқноманинг 28-иловасига мувофиқ кузатув хати билан тааллуқли тергов органи бошлиғи номига юборилади.

119. Ёнғин юзасидан иш тергов органларига юборилгандан сўнг, инспектор Ўзбекистон Республикаси Жиноят-процессуал кодексига асосан терговчи ва суриштирувчига процессуал ҳаракатларни бажаришида кўмаклашади ва якуний қарор қабул қилингунга қадар мазкур жараённи кузатиб боради. Терговчи ва суриштирувчининг барча топшириқлари инспекторга терговга қадар текширувни амалга оширувчи (ДЁН) органининг бошлиғи орқали етказилади.

120. Ёнғиндан сақлаш хизмати чақирилмаган ёнғин бўйича объект маъмурияти, фуқаро (жабрланувчи)лар томонидан келиб тушган ариза ёки хабар (оғзаки ёки ёзма), ёнғин содир бўлган ҳудуддаги ички ишлар органида белгиланган тартибда қайд қилиниши лозим.

121. Туман (шаҳар) хизмат қилиш ҳудудидан ташқарида содир бўлган ёнғин тўғрисида ариза ёки хабар келиб тушган тақдирда, ДЁН инспектори томонидан ариза ёки хабарни ҳудудий тегишлилигига қараб юбориш масаласи ҳал қилинади. Ёнғин тўғрисидаги келиб тушган ариза (хабар) ушбу Йўриқноманинг 29-иловасига мувофиқ расмийлаштириладиган кузатув хати билан кейинги текширув ҳаракатларини олиб бориш учун ёнғин содир бўлган ҳудуддаги ички ишлар органига юборилади.

12-БОБ. ЁНҒИНЛАР ҲИСОБОТИНИ ЮРИТИШ

122. Ёнғинларни ва уларнинг оқибатларини ҳисобга олиш қонун ҳужжатларига мувофиқ ёнғинларнинг сабаблари ва келиб чиқиш шароитларини таҳлил қилиш, аҳоли турар жойлари ва объектларнинг ёнғин хавфсизлиги ҳолатини баҳолаш, ёнғинларнинг олдини олиш бўйича чора-тадбирлар ишлаб чиқиш, шунингдек ёнғинларни ўчиришга шароитлар яратиш мақсадида олиб борилади.

123. Ёнғин ҳақидаги далолатнома, юридик ва (ёки) жисмоний шахсларнинг аризаларига ҳамда таққослаш далолатномаларига асосан, ДЁН органлари ёнғинлар ва уларнинг оқибатлари ушбу Йўриқноманинг 30-иловасига мувофиқ Ёнғинларни ҳисобга олиш журналида қайд этилади. Журналда ҳар йилнинг биринчи кунидан охирги кунига қадар кетма-кетликда ёнғинлар рақамланади.

124. Ёнғин ва унинг оқибатларини автоматлаштирилган компьютер дастурига киритиш мақсадида ёнғинни текшириш материалларига асосан инспектор томонидан ўрнатилган тартибда ёнғинни ҳисобга олиш варақаси тўлдирилади ва унга ёнғинларни ҳисобга олиш журналига мувофиқ рақам берилади.

125. Ёнғинларни ҳисобга олиш ишларини юритиш ва Ёнғинларни ҳисобга олиш журналини тўлдириш ҳамда ёнғинларни ҳисобга олиш варақаларидан маълумотларни автоматлаштирилган компьютер дастурига киритиш ишлари ДЁН органининг буйруғи билан ёки хизмат вазифаларида кўрсатилган ҳолда аниқ бир ходимга юклатилади.

126. ДЁН органлари ахборот-статистик маълумотномаларга асосан барча ёнғинлар ва уларнинг оқибатлари тўғрисидаги таҳлиллари ойлик, чораклик, ярим йиллик, йиллик ва бир неча йиллик қилиниб тайёрланади.

Таҳлиллар жойлардаги демографик, иқлим, ўзгаришлар ва бошқа шароитларнинг ёнғинлар вазиятига таъсирини ҳисобга олган ҳолда олиб борилиб, ёнғинларни олдини олишга қаратилган чора-тадбирлар ишлаб чиқиш ва иш режаларига киритиш билан тугатилади.

Ёнғинлар таҳлили жараёнида ёнғин хавфсизлиги хизматининг ишига салбий таъсир кўрсатаётган сабаб ва шароитлар аниқланади, ёнғинни олдини олиш ишларини ва ёнғин хавфсизлиги қисмлари фаолиятининг турли томонлари баҳоланади, профилактик ва тезкор-тактик фаолият кўрсатишнинг мукаммаллаштириш йўллари кўрсатилади.

Ёнғинлар статистикасининг таҳлили жадвал, диаграмма ва бошқалар ёрдамида ёритилади.

127. ДЁН органлари кундалик фаолиятида объектларда ёнғин профилактика ишларини, ёнғинга қарши тарғиботни амалга оширишда, шунингдек давлат ва хўжалик бошқаруви органлари ҳамда ташкилотлар билан уларга тегишли объектларнинг ёнғинга қарши ҳимоясини кучайтириш масалалари бўйича ҳамкорлик қилишда ёнғинлар таҳлилининг натижаларидан фойдаланишлари лозим.

128. Катта ва ўзига хос ҳамда инсонларни ҳалок бўлиши, шунингдек бошқа оғир оқибатлар билан боғлиқ содир бўлган ёнғинлар тўғрисидаги маълумотларни ёнғинга қарши тарғибот ва ташвиқот ўтказиш учун маълумот тариқасида ҳудудий ДЁН органлари томонидан маҳаллий ДЁН органларига юборилади.

13-БОБ. ЁНҒИНГА ҚАРШИ ТАРҒИБОТ

129. Аҳоли орасида ёнғинга қарши тарғибот қуйидаги йўналишларда амалга оширилади:

жисмоний ва юридик шахсларни оммавий ахборот воситалари орқали ёнғин хавфсизлиги муаммолари ва ёнғин хавфсизлигини таъминлаш йўллари ҳақида хабардор қилиш;

ёнғин хавфсизлиги чора-тадбирларини тарғиб қилиш бўйича кино-видеофильмлар, видеороликлар, реклама маҳсулотлари (плакатлар, буклетлар, конвертлар, откриткалар, календарлар, сувенирлар ва бошқалар), махсус адабиётлар ва бошқа тарғибот воситаларини ДЁН органлари фаолиятини ташкил этиш учун ажратиладиган бюджет маблағлари доирасида шартномалар асосида мазкур ишларни амалга оширадиган ва хизматлар кўрсатадиган ташкилотлар билан ҳамкорликда яратиш (ишлаб чиқиш) ҳамда юқорида санаб ўтилган маҳсулотларни тарқатиш;

муайян мавзуга бағишланган кўргазмалар, кўриклар ва конференциялар ўтказиш, ёнғинга қарши йўл-йўриқлар ва маслаҳатлар берилишини, шунингдек аҳоли билан учрашувлар ўтказилишини ва ёнғин-техник марказларига ташриф буюрилишини ташкил этиш.

130. ДЁН органлари томонидан ёнғин хавфсизлиги чора-тадбирларини тарғиб қилиш ишлари бепул амалга оширилади.

131. Инспекторлар ёнғин хавфсизлиги масалалари бўйича чиқишлар қилиш имкониятидан турли мажлисларда, маҳаллаларда, маҳаллий давлат ҳокимияти органларидаги йиғилишларда, конференцияларда ва ижтимоий-оммавий тадбирларда фойдаланишлари лозим.

Ушбу чиқишларида содир бўлаётган ёнғинлар таҳлилидан, ўзига хос ёнғин хавфсизлиги талабларининг бузилиши ҳолатларидан, ёнғинларни олдини олиш ва ўчириш бўйича ижобий ишларнинг мисолларидан фойдаланиш лозим.

132. Ҳудудий ДЁН органлари томонидан ёнғин хавфсизлиги масалалари бўйича намунали суҳбат ва маъруза матнлари ишлаб чиқилиб, маҳаллий ДЁН органларига юборилиши лозим. Ушбу намунали суҳбат ва маъруза матнлари маҳаллий ДЁН органлари томонидан аниқ мисоллар ва содир бўлган воқеалар билан тўлдирилади ва хизмат жараёнида фойдаланилади.

133. Ҳудудий ДЁН органлари ойига камида бир маротаба ёнғин хавфсизлиги мавзусида марказий, маҳаллий ва объектлардаги теле ва радиоканаллар орқали чиқишлар қилинишини, шунингдек даврий босма нашрларда мақолалар чиқарилишини таъминлаши шарт.

134. Маҳаллий ДЁН органлари ҳар ойда радиоканаллар ва объектлардаги радио тармоқлари орқали чиқишлар ва эшиттиришлар ҳамда кабель телевидениеси орқали видеороликлар ва титрлар намойиш қилишини, шунингдек туман (шаҳар) кўп тиражли босма нашрларда мақолалар чиқарилишини ташкил қилиши керак.

Нутқ ва мақола матни ДЁН органи раҳбари томонидан тасдиқланади.

Қуйидагилар билан боғлиқ ёнғин хавфсизлигини таъминлаш масалалари бўйича ОАВларда амалга ошириладиган чиқишларнинг мажбурий мавзулари бўлиши лозим:

ёнғин хавфи юқори бўлган даврнинг бошланиши;

қишлоқ хўжалиги тадбирларига тайёргарлик кўрилиши ва уларни ўтказилиши;

хафтанинг ҳар чорашанба куни ёнғинлар профилактикаси куни тадбири ўтказилиши;

давлат ва диний байрамларни ўтказилиши;

ўқув йили бошланишига тайёргарлик кўрилиши;

болаларнинг олов билан ўйнашларини олди олиниши;

уй-рўзғорда ёнғин хавфсизлиги талабларини тушунтириш ва бошқалар.

135. Уй-жой секторида ва одамлар оммавий бўладиган жойларда аҳоли билан учрашувлар ўтказилиши ёнғин техникаларини кўргазмаси, ёнғин ўчириш услубларини намойиш этиш ва ёнғин ўчириш амалий спорти бўйича спортчиларни чиқишлари билан бирга амалга ошириш мақсадга мувофиқ. Уй-жой секторида аҳоли билан учрашувлар ўтказиш даврийлиги ёнғинлар вазиятидан келиб чиқиб режалаштирилади.

Уй-жой секторида ёнғин хавфсизлиги чора-тадбирларини тарғиб қилишга заруриятга қараб, ФВВ ёнғин-қутқарув қисмларининг барча шахсий таркиби жалб қилинади.

14-БОБ. ЁҚТҲВНИ МОНТАЖ ҚИЛИШ,

ТАЪМИРЛАШ ВА ФОЙДАЛАНИШ СОҲАСИДА

БАЖАРИЛАЁТГАН ИШЛАР (ХИЗМАТЛАР)

СИФАТИ УСТИДАН НАЗОРАТ

136. Объектнинг ЁҚТҲВ рўйхатига автоматик ёнғин сигнализацияси ва ўчириш қурилмалари, ёнғин тўғрисида хабарловчи техник воситалари, тутунга қарши ҳимоя қурилмалари, ёнғиндан сақловчи клапанлар, эвакуация ёриткичлари ва оловдан ҳимоя қилиш воситалари киради.

137. ЁҚТҲВни монтаж қилиш ишлари, уларга техник хизмат кўрсатиш, таъмирлаш ва ишчи ҳолатда тутилиши бўйича кўрсатилаётган хизматлар сифатининг назорати инспекторлар томонидан объектларни фойдаланишга қабул қилишда ва уларни текширишда ҳамда кўрикдан ўтказиш жараёнида қуйидаги босқичларда амалга оширилади:

ЁҚТҲВни фойдаланишга қабул қилишда;

ЁҚТҲВдан фойдаланиш жараёнида.

138. ЁҚТҲВ фойдаланишга қабул қилиш ишлари, шаҳарсозлик меъёрлари ва қоидалари ҳамда белгиланган тартибда тасдиқланган меъёрий-техник ҳужжатлар талабларига мувофиқ амалга оширилади.

Қабул қилиш ишлари, буюртмачи-ташкилот раҳбарининг буйруғига асосан ташкил этилган ишчи комиссия томонидан амалга оширилади.

ЁҚТҲВни фойдаланишга қабул қилиш жараёнида инспектор ушбу Йўриқноманинг 67-бандида санаб ўтилган тадбирларни бажарилишини текширади.

Агар ЁҚТҲВ фойдаланишга қабул қилиш жараёнида меъёрий-техник ҳужжатлар талаблари бузилганлиги ёки лойиҳа қарорларидан оғишлар ва ўрнатилган ЁҚТҲВ фойдаланишга тайёр эмаслиги аниқланса, инспектор далолатномани имзоламайди, аммо комиссия раҳбарига асосланган камчиликлар рўйхатини ёзма равишда тақдим этади.

139. ЁҚТҲВ мавжуд объектларни текшириш ва кўздан кечириш жараёнида инспектор ушбу Йўриқномани 67-бандида санаб ўтилган тадбирлардан ташқари қуйидагиларни текширади:

меъёрий-техник ҳужжатларда ўрнатилган ҳажмда ЁҚТҲВ синовлардан ўтганлиги тўғрисидаги далолатномалар мавжудлигини;

ЁҚТҲВнинг ёнғин хавфсизлиги соҳасидаги меъёрий-техник ҳужжатларда белгиланган тартибда иш қобилиятини.

140. ЁҚТҲВни қабул қилиш ва ҳолатининг назорати натижалари, ушбу Йўриқноманинг 31-иловасига мувофиқ юритиладиган фойдаланишга қабул қилинган ЁҚТҲВ ҳисобга олиш ва уларни объектлардаги ҳолатини назорати журналида қайд қилинади. Журнални юритишни олиб бориш ДЁН органининг аниқ мансабдор шахсига буйруқ билан юклатилади.

141. ЁҚТҲВ қабул қилиш ва ҳолатининг назоратини амалга оширувчи инспекторлар журнални ўз вақтида тўлдиришлари мажбур, журнални юритилишига жавобгар шахс эса камида бир ойда бир марта Фойдаланишга қабул қилинган ЁҚТҲВ ҳисобга олиш ва уларни объектлардаги ҳолатини назорати журналини тўғри тўлдирилишини текширади.

ЁҚТҲВ қабул қилиш далолатномаси ва унга боғлиқ бўлган ҳужжатлар объектнинг НКИга тикилади.

15-БОБ. ҚОНУН ҲУЖЖАТЛАРИГА МУВОФИҚ

ФАОЛИЯТНИНГ АЙРИМ ТУРЛАРИНИ ЛИЦЕНЗИЯЛАШДА

ВА ХИЗМАТЛАРНИ СЕРТИФИКАТЛАШДА ДЁН

ОРГАНЛАРИНИНГ ИШТИРОКИ

142. Юридик шахс (лицензия даъвогари)нинг аризаси ёки лицензия (сертификат) берадиган органларнинг мурожаатлари асосида ДЁН органи инспектори аризада кўрсатилган манзилда жойлашган объектга чиқиб, унинг ёнғин хавфсизлиги талабларига мувофиқлигини аниқлаш мақсадида мазкур объектнинг ҳудуди, бино ва иншоотларини кўрикдан ўтказади.

143. Инспектор объектнинг ёнғин хавфсизлиги талабларига мувофиқлигига баҳо бериш учун, юридик шахс (тадбиркорлик субъекти) давлат рўйхатидан ўтганлиги ҳақидаги, ижара шартномаси (агар тадбиркорлик субъекти бино, иншоот ёки хонани ижарага олган бўлса), лойиҳа ҳужжатлари, ёнғин хавфсизлигига жавобгар шахсларни тайинлаш ҳақидаги буйруқ нусхаси, объектнинг ёнғин хавфсизлиги ҳолатини белгиловчи ҳужжатлар билан танишишга ва улардан нусха олишга ҳақли.

144. Ҳужжатлар билан танишиш ва кўрик якуни бўйича икки нусхада далолатнома тузилиб, унда кўрик натижалари, шу жумладан ёнғин хавфсизлигини таъминлаш бўйича аниқланган камчиликлар кўрсатилади ва бир нусхаси мурожаат этган тадбиркорлик субъекти раҳбарига ёки унинг вакилига нусхасига имзо қўйдириш орқали топширилади.

145. Тузилган далолатнома асосида объектнинг ёнғин хавфсизлиги талабларига мувофиқлиги ёки мувофиқ эмаслиги ҳақида хулоса тузилади. Ёнғин хавфсизлиги талаблари бажарилмаган (тўлиқ бажарилмаган) холатда мурожаат этган шахсга объект ёнғин хавфсизлиги талабларига мувофиқ эмаслиги ҳақида хулоса тақдим этилади.

146. Хулоса ДЁН органининг расмий бланкасида тайёрланиб, мазкур орган раҳбари ёки унинг ўринбосари томонидан имзоланади ва мурожаат этган юридик шахс (тадбиркорлик субъекти)га топширилади ёки лицензия (сертификат) берадиган ваколатли органга электрон почта орқали юборилади.

147. Берилган хулосалар ушбу Йўриқноманинг 32-иловасига мувофиқ юритиладиган объектнинг ёнғин хавфсизлиги талабларига мувофиқлиги (мувофиқ эмаслиги) ҳақида берилган хулосаларни ҳисобга олиш журналида ҳисоб рўйхатидан ўтказилади.

148. Далолатнома ва хулоса нусхалари объектнинг НКИда сақланади.

16-БОБ. ЁНҒИН ХАВФСИЗЛИГИ ТАЛАБЛАРИНИНГ

БУЗИЛИШИ БЎЙИЧА МУРОЖААТЛАРНИ ҲАМДА

ДЁН ОРГАНЛАРИ МАНСАБДОР ШАХСЛАРИНИНГ

ҲАРАКАТ (ҲАРАКАТСИЗЛИГИ) ЁКИ ҚАРОРЛАРИ

УСТИДАН ШИКОЯТЛАРНИ КЎРИБ ЧИҚИШ

149. Ёнғин хавфсизлиги талабларининг бузилиши бўйича мурожаатлар ҳамда ДЁН органлари мансабдор шахсларининг ҳаракат (ҳаракатсизлиги) ёки қарорлари устидан шикоятлар, ўрнатилган тартибда мажбурий рўйхатдан ўтказилиши лозим.

150. Жисмоний ва юридик шахсларнинг мурожаатлари, зиммасига мурожаатларни кўриб чиқиш вазифаси юклатилган ДЁН органининг мансабдор шахслари томонидан кўриб чиқилади.

151. Тадбиркорлик субъектларига тегишли бўлган объектларда ёнғин хавфсизлиги талабларининг бузилиши ҳолатлари бўйича бошқа юридик ёки жисмоний шахслардан келиб тушган мурожаатларни кўриб чиқиш жараёнида тадбиркорлик субъекти фаолиятида ҳуқуқбузарликлар аниқланиб, текшириш ўтказиш зарурати туғилса, бу ҳақидаги маълумотлар Текширувларни электрон рўйхатга олиш ягона тизимига киритилади ва белгиланган тартибда текшириш ўтказилади.

152. ДЁН органлари:

мурожаатни холисона, ҳар томонлама ва ўз вақтида, заруриятга қараб жойига чиққан ҳолда ва муаллиф ёки унинг вакили иштирокида қўриб чиқилишини таъминлайди;

мурожаатни кўриб чиқиш учун зарур бўлган ҳужжатларни ва материалларни бошқа давлат органларидан, фуқаролар ўзини ўзи бошқариш органларидан ва бошқа мансабдор шахслардан сўраб олишга ҳақлидир;

мурожаатни кўриб чиқиш натижаси бўйича аризачиларнинг бузилган ҳуқуқларини, эркинликларини ва қонуний манфаатларини ҳимоялашга ёки тиклашга қаратилган чораларни қўллайди. Мурожаатда келтирилган саволлар мазмуни бўйича ёзма жавоб хати беради.

153. Шикоятни кўриб чиқиш натижаси бўйича ДЁН органи:

ёнғин хавфсизлиги талабларининг бузилиши ҳолати тасдиқланганлиги ёки тасдиқланмаганлигини белгилайди;

шикоят юзасидан қарорни ёки мансабдор шахсларнинг ҳаракат (ҳаракатсизлик)ларини қонуний ёки ноқонунийлигини аниқлайди. Ноқонуний деб топилган тақдирда, йўл қўйилган камчиликларни бартараф этиш мақсадида қўлланилиши лозим бўлган чора-тадбирларни белгилайди.

154. Мурожаат бўйича жавоб хати ДЁН органи раҳбари (унинг ўринбосари) томонидан имзоланади ва мурожаатда кўрсатилган почта манзилига юборилади.

155. Мурожаатда кўрсатилган ёнғин хавфсизлигига тааллуқли саволларга жавоб берилиб, тегишли чора-тадбирлар кўрилган ва муаллифга қонун ҳужжатларида белгиланган муддатларда ёзма жавоб юборилган бўлса, ушбу мурожаат кўриб чиқилган деб ҳисобланади.

156. Маслаҳатлар шахсан, телефон орқали, электрон почта (агар мавжуд бўлса) орқали мурожаат этилганда берилади, ёзма мурожаат олинганда эса - жисмоний ва юридик шахсларнинг мурожаатлари тўғрисидаги қонун ҳужжатларида белгиланган тартибда ёзма равишда берилади.

157. Маслаҳат бериш учун қабул вақтлари ДЁН органи бошлиғи томонидан белгиланади ва фуқароларга кўринадиган жойга жойлаштирилади.

158. Фуқаро шахсан мурожаат этганда, унга ДЁН органи мансабдор шахсининг хизмат хонасида маслаҳат берилади.

159. Маслаҳат бераётган ДЁН органи мансабдор шахси, мурожаат этган фуқаронинг фамилияси, исми, отасининг исмини (охиргиси мавжуд бўлса), мурожаат этишнинг сабабларини аниқлайди, бунда у қўйилган саволлар мазмуни бўйича керакли ҳужжатларни фуқародан сўраб олишга ҳақли.

160. Маслаҳат бераётган ДЁН органи мансабдор шахси, фуқаронинг розилиги билан оғзаки равишда жавоб беришга ҳақли.

161. Қўйилган саволлар ечимини топиш маслаҳат бериш вақтида имкони бўлмаса, шунингдек фуқаро оғзаки жавоб олишга рози бўлмаса, ёзма равишда жавоб берилади.

162. Агарда тақдим этилган ҳужжатлар батафсил танишиб чиқилишини талаб этса, шунингдек бошқа асосли ҳолатларда, маслаҳат бериш бошқа кунга қолдирилиши мумкин. Қайта маслаҳат бериш санаси маслаҳатларни ҳисобга олиш журналида рўйхатдан ўтказилади.

163. Ёнғин хавфсизлигини таъминлаш масалалари бўйича телефон орқали ва оғзаки мурожаатларга жавоб беришда ДЁН органларининг мансабдор шахслари мурожаат этганларнинг қизиқтирган саволлари бўйича хушмуомалалик билан батафсил маълумот берадилар. Телефон қўнғироғига жавоб бериш, қўнғироқни қабул қилган шахс томонидан ўзининг фамилияси, исми, отасини исми (охиргиси мавжуд бўлса), лавозими ва махсус унвони ҳақида маълумот беришдан бошланади. Берилган саволларга мустақил равишда ва асосли жавоб бериш имкони бўлмаса, қўнғироқни қабул қилган шахс бошқа мутасадди мансабдор шахс билан алоқани улаб бериши ёки қўнғироқ қилиб, керакли маълумотни олиши мумкин бўлган телефон рақамини мурожаат этган шахсга бериши лозим.

17-БОБ. ЯКУНИЙ ҚОИДАЛАР

164. Мазкур Йўриқномага илова қилинган хизмат ҳужжатлари бланкаларида ҳамда журналларидаги барча ёзувлар аниқ ҳолда, кўк ёки қора рангли сиёҳлар (паста) билан қайд этилади. Унда ўчириб ёзишга, тузатишга ёки илгари қайд этилган ёзувларни тузатиш воситалари ёрдамида йўқотишга йўл қўйилмайди.

Зарур ҳолатларда, хато билан қайд этилган ёзувлар илгари қайд этилган матнни аниқ ўқиш мумкин бўлган ҳолда ўчирилади. Янги ёзув айнан шу устунда (графада) қайд этилади.

165. Мазкур Йўриқноманинг иловасида келтирилган барча журналлар рақамлаб чиқилган, ип ўтказиб боғланган, охирги саҳифасида ипнинг боғланган жойига қоғоз елимланиб, унга муҳр босилган ва тегишлича ёнғин хавфсизлиги бошқармаси котибиятида ёки туман (шаҳар) ёнғин хавфсизлиги бўлими (бўлинмаси) канцеляриясида рўйхатга олинган бўлиши керак.

Ушбу журналларни ФВВ томонидан белгиланган муддатларда маълумотлар дубликатини рақамли манбага сақлаб қўйиш ва ҳар йили қоғозли манбага архивация қилиш шарти билан электрон шаклида юритиш мумкин.

166. Мазкур Йўриқнома Ўзбекистон Республикаси Қурилиш вазирлиги, "Ўзстандарт" агентлиги ва Ўзбекистон савдо-саноат палатаси билан келишилган.

Йўриқномага

1-ИЛОВА

ИШ РЕЖА-ЖАДВАЛИ

1. Текшириш ва ёнғин-профилактика кўрикларидан ташқари амалга ошириладиган ёнғинга қарши тарғибот

2. Текширишлар

3. Ёнғин-профилактика кўриклари

4. Тунги вақтда одамлар оммавий бўладиган объектлардаги ёнғин-профилактика кўриклар

5. Режадан ташқари ишлар

Йўриқномага

2-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Объектларни ва назорат-кузатув ишларни ҳисобга олиш

ЖУРНАЛИ

Юритилиш бошланди: 20____ йил "____" _____________

Юритилиш тугалланди: 20____ йил "____" ____________

Йўриқномага

3-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

____ -сонли НАЗОРАТ-КУЗАТУВ ИШИ

Юритилиш бошланди: 20___ йил "___" __________

Юритилиш тугалланди: 20___ йил "___" __________

Йўриқномага

4-ИЛОВА

(Ўзбекистон Республикасининг Давлат гербининг тасвири)

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

ЁЗМА КЎРСАТМА

20___ йил _____________ кун(лари)и, Сиз томондан тайинланган

ёнғин хавфсизлиги талабларига риоя қилиниши текширилди.

Текширув вақтида аниқланган ёнғин хавфсизлиги талабларининг бузилишини бартараф этиш ҳамда ёнғинларни олдини олиш мақсадида, ёнғин хавфсизлиги соҳасидаги қонун ҳужжатларига мувофиқ қуйидаги тадбирлар бажарилиши зарур:

Таклиф этилган тадбирлардан норози бўлсангиз, Сизга мазкур ёзма кўрсатма юзасидан қонун ҳужжатлари билан белгиланган тартибда маъмурий ҳуқуқбузарлик тўғрисидаги иш юзасидан чиқарилган қарор хусусида шикоят бериш ҳуқуқи берилади.

Ёзма кўрсатмадаги тадбирларни бажарилишини назорат тартибида текшириш 20__ йил ____________ ойида ўтказилади.

20___ йил "_____" _______________

Ёзма кўрсатмани бажариш учун олдим:

20___ йил "_____" _____________

Йўриқномага

5-ИЛОВА

(Ўзбекистон Республикасининг Давлат гербининг тасвири)

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Товарлар (ишлар, хизматлар)нинг ёнғин

хавфсизлигини таъминлашга қаратилган

ЁЗМА КЎРСАТМА

20___ йил ______________ кун(лар)и, Сиз томондан тайинланган

ёнғин хавфсизлиги талабларига риоя қилиниши текширилди.

Бажариладиган, ишлаб чиқариладиган ва сотиладиган товарлар (ишлар, хизматлар)нинг ёнғин хавфсизлигини таъминлаш мақсадида, Ўзбекистон Республикаси Вазирлар Маҳкамасининг 2013 йил 4 октябрдаги 272-сон қарори билан тасдиқланган Давлат ёнғин назорати тўғрисидаги низомга мувофиқ ёнғин хавфсизлиги талабларига жавоб бермайдиган

___________________________________________ 20__ йил "___" ____________ кунидан

 

Таклиф этилган тадбирлардан норози бўлсангиз, Сизга 10 кун муддатда юқори давлат ёнғин назорати органига ёзма кўрсатма юзасидан шикоят бериш ҳуқуқи берилади.

Ёзма кўрсатмани бажариш учун олдим:

20___ йил "_____" _____________

Йўриқномага

6-ИЛОВА

(Ўзбекистон Республикасининг Давлат гербининг тасвири)

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

бинолар, иншоотлар, алоҳида ишлаб чиқаришлар ва хоналардан фойдаланишни, айрим ёнғин хавфига қарши ишларни олиб боришни қисман ёки бутунлай тўхтатиб қўйиш ҳақидаги

______- сонли ҚАРОР

ёнғинга қарши ҳолати ҳақидаги ҳужжатларни кўриб чиқиб, қуйидагиларни

А Н И Қ Л А Д И М:

ёнғин келиб чиқишига, тарқалишига ёки уни бартараф этишни қийинлаштирилишига ва (ёки) одамларнинг хавфсизлигига таҳдид солиши мумкин.

Ўзбекистон Республикаси Вазирлар Маҳкамасининг 2013 йил 4 октябрдаги 272-сон қарори билан тасдиқланган Давлат ёнғин назорати тўғрисидаги Низомга асосланиб,

Қ А Р О Р Қ И Л Д И М:

фойдаланиш 20__ йил "___" ___________ кунидан вақтинча тўхтатилсин.

билан бажарилсин

4. Ушбу қарор, топширилган кундан бошлаб, 5-кунлик муддат ичида юқори ДЁН органига шикоят қилиш ҳуқуқи борлиги

юқорида кўрсатилган камчиликлар тўлиқ бартараф этилгандан сўнг, рухсат этилади. Тадбиркорлик субъектлари учун қарорнинг амал қилиш муддати 10 иш кунигача.

Қарор чиқарган шахс имзоси: __________________________________

БАЖАРИЛГАНЛИГИ ҲАҚИДА БЕЛГИ:

мазкур қарор ижросини 20 ___ йил "____" ___________

йўли билан

иштирокида бажардим.

Қарорни бажарган шахснинг имзоси ва Ф.И.О. ____________________________

Қарорнинг бир нусхасини олдим ва менга муҳр қўйган шахснинг рухсатисиз муҳр (пломба) бузилса ёки юлиб олинса айбдор шахслар қонун ҳужжатларида

20 ___ йил "____" _______________

Йўриқномага

7-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Бинолар, иншоотлар, алоҳида ишлаб чиқаришлар ва хоналардан

фойдаланишни, айрим ёнғин хавфига қарши ишларни олиб

боришни қисман ёки бутунлай тўхтатиб қўйиш

ҳақидаги қарорларни ҳисобга олиш

ЖУРНАЛИ

Юритилиш бошланди:20___ йил "___" __________

Юритилиш тугалланди: 20___ йил "___" _________

Йўриқномага

8-ИЛОВА

(Ўзбекистон Республикасининг Давлат гербининг тасвири)

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Ёнғин келтириб чиқариш хавфи остида бўлган асбоб-ускуналар

ва бошқа агрегатлардан фойдаланишни тўхтатиб қўйиш

ҳақидаги ___-сонли баённома

 

 

муҳр (пломба) қўйиш ёки манбадан узиб қўйиш йўли билан фойдаланишни тўхтатдим.

агар муҳр қўйган шахснинг рухсатисиз муҳр (пломба) бузилса ёки юлиб олинса айбдор шахслар қонун ҳужжатларида белгиланган тартибда жавобгарликка тортилиши эълон қилинсин.

Муҳрлаган (пломбалаган) шахс имзоси ____________________________________

Иштирокчилар имзоси _____________________________________

20___ йил "___" _______________

Йўриқномага

9-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Ёнғин келтириб чиқариш хавфи остида бўлган асбоб-ускуналар ва

бошқа агрегатлардан фойдаланишни тўхтатиб қўйиш ҳақидаги

баённомаларни ҳисобга олиш журнали

Юритилиш бошланди:20___ йил "___" __________

Юритилиш тугалланди: 20___ йил "___" __________

Йўриқномага

10-ИЛОВА

(Ўзбекистон Республикасининг Давлат гербининг тасвири)

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Ишга (ишлатишга) рухсат бериш ҳақидаги

___-сонли қарор

ишига (ишлатишга) рухсат бериш ҳақидаги материалларни кўриб чиқиб,

АНИҚЛАДИМ:

Шулар асосида

ҚАРОР ҚИЛДИМ:

 

20___ йил "_____" _______________

Қарор нусҳасини олдим:

20___ йил "_____" _____________

Йўриқномага

11-ИЛОВА

ЁНҒИН ХАВФСИЗЛИГИ ҚОИДАЛАРИ БУЗИЛГАНЛИГИ ХАҚИДА

UZ-DYoN - ____ - СЕРИЯЛИ ____ - ___________- РАҚАМЛИ

БАЁННОМА

Ўзбекистон Республикасининг Маъмурий жавобгарлик тўғрисидаги кодекси 279 ва 281-моддаларига асосланиб, ушбу баённомани туздим:

20__ йил "_____" ________ соат ________да Ўзбекистон Республикаси Маъмурий жавобгарлик тўғрисидаги кодекснинг _____ моддаси ___ қисми билан

Ёнғин хавфсизлиги қоидалари бузилганлигини тасдиқловчи гувоҳлар Ўзбекистон Республикасининг Маъмурий жавобгарлик тўғрисидаги кодекси 298-моддаси талаблари билан таништирилди:

Баённома билан танишдим ва Ўзбекистон Республикасининг Маъмурий жавобгарлик тўғрисидаги кодекси 294-моддасига асосан менинг ҳуқуқ ва бурчларим тушунтирилди ҳамда унинг мазмуни бўйича қуйидагиларни билдираман:

Маъмурий иш кўриладиган жой: __________________________________________

Маъмурий ишни кўриб чиқиш жойи ва вақти тўғрисида

Баённома тузган шахснинг имзоси ___________ 20____ йил "_____" ____________

Йўриқномага

12-ИЛОВА

Маъмурий ҳуқуқбузарликларни ва уларни содир

этган шахсларни ҳисобга олиш

ЖУРНАЛИ

   

Йўриқномага

13-ИЛОВА

ХАБАРНОМА*

Сиз томондан содир этилган маъмурий ҳуқуқбузарлик тўғрисидаги ишни кўриб чиқиш учун 20___ йил "____" ___________куни соат _______ да қуйидаги манзилга

келишингиз сўралади.

Ўзингиз билан шахсни тасдиқловчи ҳужжатингиз (биометрик паспорт ёки идентификация ID-картаси) бўлиши керак. Кўрсатилган муддатда келмасангиз, ёнғин хавфсизлиги қоидаларини бузганлигингиз тўғрисидаги иш Сизнинг иштирокингизсиз кўриб чиқилади.

ХАБАРНОМА ВАРАҚАСИ

(ҳужжатларга тикиб қўйилади)

20_____ йил "______" ________________________ куни соат _______________ га

*) Идоранинг расмий бланкасида тайёрланади.

Йўриқномага

14-ИЛОВА

ТАҚДИМНОМА*

Фуқаро, "___" ___________ йилда туғилган,

нисбатан расмийлаштирилган маъмурий иш ҳужжатлари билан танишиб, келтирилган

сабаблар ва асосларга кўра Ўзбекистон Республикаси Маъмурий жавобгарлик тўғрисидаги кодекснинг 308-1-моддасига асосланиб, ушбу фуқарога Маъмурий жавобгарлик тўғрисидаги кодекснинг 21-моддаси / 33-моддасини қўллаш масаласини кўриб чиқишингизни ва қабул қилинган қарор юзасидан хабар беришингизни сўрайман.

                                                           (тагига чизилади)

Маъмурий жавобгарлик тўғрисидаги кодекснинг 33-моддасини қўллаш ҳақида қарор қабул қилинган тақдирда, белгиланган жарима миқдорини ____________________________ ғазна ҳисобварағига

ўтказилишини ва ундирилганлиги ҳақидаги ҳужжат нусхасини

Илова: тўпланган ҳужжатлар "___" варақда.

*) Идоранинг расмий бланкасида тайёрланади.

Йўриқномага

15-ИЛОВА

UZ-DYoN-___-СЕРИЯЛИ ____-___________-РАҚАМЛИ

БАЁННОМА БЎЙИЧА МАЪМУРИЙ ЖАЗО

ҚЎЛЛАШ ТЎҒРИСИДА

ҚАРОР

UZ-DYoN-___-серияли, ___-_________________-рақамли баённома билан танишиб чиқиб,

Юқоридагиларга ҳамда Ўзбекистон Республикасининг Маъмурий жавобгарлик тўғрисидаги кодекси 249, 304, 305, 306, 307-моддаларига асосланиб, шунингдек,

ҚАРОР ҚИЛДИМ:

Ўзбекистон Республикасининг Маъмурий жавобгарлик тўғрисидаги кодекси ________-моддаси _____-қисмини қўллаб,

сўм миқдорида жарима жазоси тайинлансин.

Қарор устидан 10 кунлик муддат ичида юқори турувчи органга (мансабдор шахсга) ёки туманлараро маъмурий судига шикоят ёки протест келтирилиши мумкин.

Ўзбекистон Республикасининг Маъмурий жавобгарлик тўғрисидаги кодекси 332-моддасига мувофиқ жарима қарор топширилган кундан бошлаб ўттиз кундан кечиктирмай _______________________________________ ғазна ҳисоб варағига

Ўзбекистон Республикасининг Маъмурий жавобгарлик тўғрисидаги кодекси 332-1-моддасига мувофиқ ҳуқуқбузар жарима солиш тўғрисидаги қарор топширилган кундан бошлаб ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади, қуйидаги ҳолатлар бундан мустасно:

жарима солиш тўғрисидаги қарор устидан шикоят қилинганда ёки протест билдирилганда;

худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.

Жарима тўланмаган тақдирда, Ўзбекистон Республикасининг Маъмурий жавобгарлик тўғрисидаги кодекси 333-моддасига мувофиқ жарима ҳуқуқбузарнинг иш ҳақи, бошқа маошидан, нафақасидан, стипендиясидан, агарда ҳуқуқбузар ишламаётган бўлса унинг мулкидан, шунингдек умумий мулкдаги унинг ҳиссасидан қонун ҳужжатларида белгиланган тартибда мажбурий равишда ундириб олинади.

Баённома билан танишдим ва Ўзбекистон Республикасининг Маъмурий жавобгарлик тўғрисидаги кодекси 294-моддасига асосан менинг ҳуқуқ ва бурчларим тушунтирилди ҳамда унинг мазмуни бўйича қуйидагиларни билдираман:

        

Йўриқномага

16-ИЛОВА

ҚАРОР

жазо қўллаш тўғрисидаги қарор ижросини тугатиш ҳақида

нисбатан Ўзбекистон Республикасининг Маъмурий жавобгарлик тўғрисидаги кодекси ___- моддасига асосан 20__ йил "___" ___________да

тарзидаги жазо қўллаш тўғрисидаги қарор ижросини тугатиш учун асос бўлган ҳолатларни ўрганиб чиқиб, қуйидагилар

АНИҚЛАНДИ:

Қайд қилинганларга кўра, Ўзбекистон Республикасининг Маъмурий жавобгарлик тўғрисидаги кодекси 329-моддасини қўллаб,

ҚАРОР ҚИЛИНДИ:

Ўзбекистон Республикасининг Маъмурий жавобгарлик тўғрисидаги кодекси ___- моддасига асосан 20___ йил "___" ____________ да маъмурий жарима тарзидаги жазо қўллаш тўғрисидаги қарор ижроси тугатилсин.

*) маъмурий жазо қўллаш тўғрисидаги қарорнинг ижроси амнистия акти эълон қилиниб, у маъмурий жазо чорасини қўлланишни йўқ қилса, маъмурий жавобгарликни белгиловчи норматив-ҳуқуқий ҳужжат бекор қилинган бўлса, устидан қарор чиқарилган шахс вафот этган бўлса уни чиқарган орган (мансабдор шахс) томонидан тугатилади.

Йўриқномага

17-ИЛОВА

ҚАРОР

маъмурий ҳуқуқбузарлик тўғрисидаги иш бўйича чиқарилган қарор хусусида

берилган шикоят (протест)ни кўриб чиқиш юзасидан

Республикасининг Маъмурий жавобгарлик тўғрисидаги кодекси _________ - моддаси

Ёнғин хавфсизлиги қоидалари бузилганлиги тўғрисидаги иш юзасидан чиқарилган қарор хусусида берилган шикоят (протест)ни кўриб,

АНИҚЛАДИМ:

Бинобарин, қайд қилинганларга кўра, Ўзбекистон Республикасининг Маъмурий жавобгарлик тўғрисидаги кодекси 319 ва 321-моддаларини қўллаб,

ҚАРОР ҚИЛДИМ:

Йўриқномага

18-ИЛОВА

Ўзбекистон Республикасининг Маъмурий жавобгарлик тўғрисидаги кодекси

ихтиёрий равищда тўламаганлиги сабабли, Ўзбекистон Республикасининг Маъмурий жавобгарлик тўғрисидаги кодекси 333-моддасига асосан кўрсатилган миқдордаги пулни ундан мажбурий тартибда ундириб олинишини давлат ижрочисига топширишингизни, ушбу жарима миқдорини

ғазна ҳисобварағига (Банк коди ____________________),

(СТИР ____________________________________) ўтказишингизни ва ундирилганлиги ҳақидаги ҳужжат нусхасини ________________________

Илова: жарима солиш тўғрисида чиқарилган қарор нусхаси

*) Идоранинг расмий бланкасида тайёрланади.

Йўриқномага

19-ИЛОВА

Ёнғин ҳақидаги

ДАЛОЛАТНОМА

Ушбу таркибдаги комиссия:

20_______ йил "________" ____________________________да содир бўлган ёнғин ҳақида ушбу далолатномани тузди.

Объект манзили _________________________________________________________ тумани ____________________________________ хизмат туманида.

Объектнинг номи ________________________________________________________ "Юридик шахсни Давлат рўйхатига ўтказиш тўғрисида гувоҳнома"га асосан қўшимча маълумотлар: ташкилий ҳуқуқийшаклининг коди (ТҲШК) ___, мулкчилик шаклининг коди (МШК) ___, фаолият турининг коди (корхона тури) (ХХТТ) _____.

Пайқалган вақти ___________________________ дан ___________ дақиқа ўтганда.

Хабар берилган вақти _________________ дан ________________ дақиқа ўтганда.

_____________________да ўрнатилган ___________________ рақамли телефондан.

1-ёнғин ўчириш бўлинма етиб келган вақти_____ дан __________ дақиқа ўтганда.

Қуршаб олинган вақти _______ дан ________ дақиқа ўтганда__________________

                                                                                                                         (сана)

Бартараф этилган вақти _______ дан ______ дақиқа ўтганда__________________

                                                                                                                                                                (сана)

Ёнғинни пайқаган шахс (Ф.И.О., яшаш манзили)

Ёнғин ҳақида хабар берган шахс (Ф.И.О., яшаш манзили)

Биринчи ёнғин ўчириш бўлинмалари етиб келган вақтдаги ёнғиннинг вазияти

Ёнғинни ўчиришда фойдаланилган, ёнғин ўчириш техникасининг тури ва сони (кераклигини тагига чизилади ва сони қўрсатилади), ёнғин ўчириш автоцистернаси __, автонасоси __, насос станцияси __, тиркамали насос станцияси __, енг-насосли автомобили __, енг ташувчи автомобиль __, кўпик билан ўчириш автомобили __, кукун билан ўчириш автомобили __, газ билан ўчириш автомобили __, газ-сув билан ўчириш автомобили ___, комбинацияланган ўчириш автомобиль ___, аэродром автомобили ___, поезди ___, мотопомпа ___, автонарвони ___, тирсакли автокўтаргич ___, телескопик автокўтаргич (нарвон билан) ___, кўпик кўтаргич ___, техник хизмат кўрсатиш автомобили __, тутун сўрувчи автомобиль __, газ-тутундан ҳимоя хизмат автомобили __, ёритиш ва алоқа автомобили __, ёнғин ўчириш штаби автомобили __, лаборатория автомобили __, ёнғин ўчириш учун мослаштирилган ва қайта жиҳозланган техника ___, бошқа ёнғин ўчириш учун мослаштирилмаган техника ва жиҳозлар ___.

Ёнғин ўчиришда қатнашганлар ва уларнинг сони (кераклигини тагига чизилади ва сони қўрсатилади): аҳоли яшаш жойларини қўриқлайдиган ФВВ Ёнғин-қутқарув қисмларининг ходимлари ___, объектларни қўриқлайдиган ФВВ Ёнғин-қутқарув қисмларининг ходимлари ____, идоравий ёнғиндан сақлаш хизмати ишчилари ___, КЁСХ аъзолари ___, аҳоли, корхона, идора, ташкилот ишчилари ____, муниципал ва хусусий қўриқлаш ишчилари ____.

Ёнғинни ўчиришда берилган дастаклар сони ва тури: А ____, Б ____, лафетли ___, кўпикли ___, кукунли ___, сувкўпикли __, юқори босимли дастак __.

Ёнғинни ўчиришда фойдаланилган ёнғин ўчириш воситаларининг тури ва сони (кераклигини тагига чизилади ва сони кўрсатилади): зичланган ва пуркалган сув __ (куб.м), намлаш хусусиятини оширувчи модда билан __ (куб.м), паст каррали ҳаво-механик кўпик (20 гача) ___ (куб.м), ўрта каррали ҳаво-механик кўпик (20-200) ___ (куб.м), юқори каррали ҳаво-механик кўпик (200 дан юқори) ___ (куб.м), газли ___ (тонна), кукунли ___ (тонна).

Ёнғинни ўчиришда фойдаланилган сув манбаларининг тури (кераклигини тагига чизилади): табиий ёки сунъий ҳавза, ёнғинга қарши ташқи сув тармоғи, ёнғинга қарши ички сув тармоғи, хўжалик ичимлиги ва ёнғинга қарши сув тармоғи (гидрант), сув манбасига ўрнатилмаган, сувни ташиш йўли билан, бошқалар.

Ёнғин ўчириш раҳбари (кераклигини тагига чизилади): бўлинма командири, смена бошлиғи; отряд командири (ўринбосари), Ёнғин-қутқарув қисми бошлиғи (бошлиқ ўринбосари); ёнғин ўчириш навбатчи хизмати, (батальон, ҳарбий қисм) тезкор навбатчиси; Давлат ёнғин назоратини ташкил этиш бош бошқармаси, бошқарма, бўлим ёки бўлинма раҳбарлар таркиби; КЁСХ, ЁТК, Ёнғин-қўриқлаш хизмати бошлиқлари.

Ёнғинда батамом, қисман зарарланган:

иморат бўйича ___________________________________

жиҳозлар бўйича _________________________________

мол-мулк бўйича _________________________________

Жами ҳалок бўлганлар сони ___, шу ҳисобдан болалар ____, ёнғин ўчириш хизмати ходимлари ___. Жами жароҳат олганлар сони ___, шу ҳисобдан болалар ___, ёнғин ўчириш хизмати ходимлари ___. Ёнғин ҳақида далолатнома ёнғин юзасидан текширув ўтказиш учун ________-_______________ га юборилди.

Алоҳида фикр ва қўшимча маълумотлар:

Далолатномани имзоладилар:

Йўриқномага

20-ИЛОВА

Воқеа (ёнғин) содир бўлган жойни кўздан кечириш

Б А Ё Н Н О М А С И

Кўздан кечириш бошланди, соат __________ дан ____________ дақиқа ўтганда.

Кўздан кечириш тугатилди, соат __________ дан ____________ дақиқа ўтганда.

соат ___________ дан ____________ дақиқа ўтганда ёнғин ҳақидаги хабарни

кўриб текшириб чиқдим ва ЎзР ЖПКнинг 134, 141-моддалариига мос ҳолда ушбу баённомани туздим.

Текширувни бошлашдан олдин юқорида кўрсатилган шахсларга, текширув даврида ўтказилаётган ҳар бир ҳаракатда қатнашишлари ва баённомага киритилиши лозим бўлган фикрларини билдириш борасида ҳуқуқлари тушунтирилди. Шунингдек

қўлланилиши ҳақида тушунтирилди.

Холис гувоҳ ___________________________________________________ ларга ЎзР ЖПКнинг 73, 74-моддасига асосан уларнинг ёнғин бўлган жойни текшириш натижасини, мазмуни ва жараёнини тасдиқлаш мажбурияти тушунтирилди.

Мутахассис______________________________________________________________

________________________ га ЎзР ЖПКнинг 69, 70-моддаларига асосан ҳуқуқ, мажбуриятлари тушунтирилди ва у ўзининг мутахассислик бурчини бажаришдан бош тортиши ёки воз кечиши учун жавобгарлиги ҳақида огоҳлантирилди.

ТЕКШИРУВДА АНИҚЛАНДИ:

имзолари билан тасдиқланди.

тузилди ва улар ушбу баённомага илова қилинмоқда.

Баённома ўқилди. Ҳаммаси тўғри ёзилган.

Йўриқномага

21-ИЛОВА

ЁНҒИН ЧИЗМАСИ

Йўриқномага

22-ИЛОВА

ТУШУНТИРИШ ХАТИ

Ўзбекистон Республикаси ЖПКнинг 65, 66-моддаларига асосланиб

содир бўлган ёнғин бўйича, тушунтириш хатини олдим:

ҳодиса ҳақида ёлғон хабар ва ёлғон кўрсатув берган тақдирда Ўзбекистон Республикаси ЖКнинг 237, 238-моддаларига асосан жиноий жавобгарликка тортилиши тўғрисида огоҳлантирилди. (____________________)

Менга берилган саволлар бўйича, қуйидагиларни кўрсатишим мумкин:

Йўриқномага

23-ИЛОВА

20__ йил "___" _________ куни ___________________________

____________________________________________________да

манзили, ёнғин объекти ёки ҳудуди, қаерда содир бўлган

ёнғин сабаби ҳақида

ХУЛОСА

ушбу ёнғин юзасидан тўпланган ҳужжатларни кўриб чиқиб,

АНИҚЛАДИМ:

Юқоридагилардан келиб чиқиб,

ХУЛОСА ҚИЛИНАДИ:

Йўриқномага

24-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

содир бўлган ёнғин юзасидан

____ - сонли ИШ

Юритилиш бошланди: 20___ йил "___" ________________

Юритилиш тугалланди: 20___ йил "___" _______________

Йўриқномага

25-ИЛОВА

Жиноят ишини қўзғатишни рад қилиш ҳақидаги

____ - сонли ҚАРОР

содир бўлган ёнғин юзасидан текширув материалларини кўриб чиқиб,

АНИҚЛАДИМ:

20 йил "_____" ___________ куни соат ______ дан _______ дақиқа ўтганда

Ёнғин тўғрисидаги хабарни соат __________ дан _________ дақиқа ўтганда

Қайд этилганлар асосида ЎзР ЖПКнинг 83-модда иккинчи қисми ва 333-моддаларига таяниб,

ҚАРОР ҚИЛДИМ:

1. Ушбу ёнғин юзасидан жиноят ишини қўзғатишни рад этилсин.

норозилик билдириш ҳуқуқига эга эканлиги тушунтирилсин.

6. Қарорнинг кўчирма нусхаси прокурорга юборилсин.

Йўриқномага

26-ИЛОВА

____-сонли ХАБАРНОМА

содир бўлган ёнғин юзасидан 20___йил" " __________ куни ___-сон қарор билан жиноят ишини қўзғатилиши рад этилди.

Ўзбекистон Республикаси Жиноят-процессуал кодексининг 27, 24, 55-моддаларига асосан Сизга етказилган зарарни қопланиши бўйича жавобгар

жойлашган манзилидаги ёки Сизнинг яшаш жойингиздаги тегишли суд (фуқаролик, иқтисодий) органига даъво аризаси билан мурожаат этишингиз мумкин.

Жиноят ишини қўзғатишни рад этиш ҳақидаги қарор билан Сиз ҳар куни соат _____ дан соат _____ гача (тушлик вақти соат ___ дан соат ____ гача ва дам олиш

танишишингиз мумкин.

Чиқарилган қарордан норози бўлсангиз, ушбу қарор устидан прокуратурага шикоят қилиш ҳуқуқига эгасиз.

*) Идоранинг расмий бланкасида тайёрланади.

Йўриқномага

27-ИЛОВА

Ёнғин юзасидан ______-сонли

иш ҳужжатларининг

Р Ў Й Х А Т И

Йўриқномага

28-ИЛОВА

Ўзбекистон Республикаси ЖПКнинг 345-моддасига асосан Сизга 20____йил "   "

содир бўлган ёнғин юзасидан текширув ҳужжатларини юбормоқдамиз.

*) Идоранинг расмий бланкасида тайёрланади.

Йўриқномага

29-ИЛОВА

Ўзбекистон Республикаси ЖПКнинг 345-моддасига асосан Сизга 20____ йил "  "

содир бўлган ёнғин юзасидан тўпланган ҳужжатларни кейинги текширув ҳаракатларини олиб бориш учун юбормоқдамиз.

*) Идоранинг расмий бланкасида тайёрланади.

Йўриқномага

30-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Ёнғинларни ҳисобга олиш

ЖУРНАЛИ

Юритилиш бошланди:20_____ йил "_____" _________________________

Юритилиш тугалланди: 20_____ йил "_____" ________________________

Йўриқномага

31-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Фойдаланишга қабул қилинган ЁҚТҲВ ҳисобга олиш

ва уларни объектлардаги ҳолатини назорат қилиш

ЖУРНАЛИ

Юритилиш бошланди: 20_____ йил "_____" ____________________

Юритилиш тугалланди: 20_____ йил "_____" ___________________

   

Изоҳ: ТХ - техник хизмат кўрсатиш;

РПТ - режавий-профилактик таъмирлаш (объектни ИТХ томонидан амалга оширилади.);

6-устунда ЁҚТҲВ аниқ тури (автоматик ёнғин сигнализацияси ва ўчириш қурилмалари (газли, кукунли, спринклерли, дренчерли, бошқа турлар), тутунга қарши ҳимоя қурилмалари, ёнғиндан сақловчи клапанлар, ёнғиндан ҳимоя қилувчи восита шимдирилиши (бўёқ, суркама) кўрсатилади.

Йўриқномага

32-ИЛОВА

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРЛИГИ

ДАВЛАТ ЁНҒИН НАЗОРАТИ

Объектнинг ёнғин хавфсизлиги талабларига

мувофиқлиги (мувофиқ эмаслиги) ҳақида

берилган хулосаларни хисобга олиш

ЖУРНАЛИ

Юритилиш бошланди: 20______ йил "_____" ______________________

Юритилиш тугалланди: 20______ йил "_____" _____________________

Қонун ҳужжатлари маълумотлари миллий базаси (www.lex.uz),

2018 йил 12 декабрь

"Ўзбекистон Республикаси қонун ҳужжатлари тўплами",

2018 йил 17 декабрь, 50-сон, 958-модда