Ўзбекистон Республикаси фуқаролари, фуқаролиги бўлмаган шахслар ва чет эл фуқароларининг қурол ва унинг ўқ-дорилари муомаласи соҳасида рухсат бериш тартиб-таомилларидан ўтиш тартиби тўғрисида Низом (ЎзР ВМ 26.12.2020 й. 810-сон қарорига 2-илова)

Вазирлар Маҳкамасининг

2020 йил 26 декабрдаги

810-сон қарорига

2-ИЛОВА

Ўзбекистон Республикаси фуқаролари, фуқаролиги

бўлмаган шахслар ва чет эл фуқароларининг қурол ва

унинг ўқ-дорилари муомаласи соҳасида рухсат бериш

тартиб-таомилларидан ўтиш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом Ўзбекистон Республикаси фуқаролари, чет эл фуқаролари ва фуқаролиги бўлмаган шахсларнинг (кейинги ўринларда - жисмоний шахслар) фуқаровий, мукофот қилинган, коллекциялаш ва кўргазмага қўйиш учун мўлжалланган қурол ва унинг ўқ-дорилари, шунингдек, ўқотар қуролнинг асосий қисмлари муомаласи соҳасида ҳаракатларни бажариш ва (ёки) фаолиятни амалга ошириш ҳуқуқини берадиган рухсат этиш хусусиятига эга бўлган ҳужжатларни олиш учун рухсат бериш тартиб-таомилларидан ўтиш тартибини белгилайди.

2. Ушбу Низомда қуйидаги асосий тушунчалар қўлланилади:

Ариза берувчи - қурол ва унинг ўқ-дорилари муомаласи соҳасида рухсат этиш хусусиятига эга бўлган ҳужжатларни олиш учун ҳужжатлар тақдим этган жисмоний шахс;

коллекциялаш қуроли ва унинг ўқ-дорилари - коллекциялаш объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари;

кўргазмага қўйиш қуроли ва унинг ўқ-дорилари - кўргазма объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари.

3. Қуйидаги рухсатномалар қурол ва унинг ўқ-дорилари муомаласи соҳасида жисмоний шахсларга бериладиган рухсат этиш хусусиятига эга бўлган ҳужжатлар ҳисобланади:

а) фуқаровий қуролни, коллекциялаш қуроли ва унинг ўқ-дориларини олишга доир;

б) фуқаровий қуролни, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини реализация қилишга доир;

в) фуқаровий қуролни, мукофот қилинган қуролни сақлаш ва олиб юришга доир;

г) спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, улоқтириш спорт қуролини сақлашга доир;

д) сойли стволли спорт ўқотар қуролини ва унинг ўқ-дориларини, тиғли совуқ спорт қуролини, улоқтириш спорт қуролини, коллекциялаш қуроли ва унинг ўқ-дориларини, кўргазмага қуйиш қуроли ва унинг ўқ-дориларини ташишга доир;

е) қурол ва унинг ўқ-дориларини коллекциялашга доир;

ж) қурол ва унинг ўқ-дориларини кўргазмага қўйишга доир;

з) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб киришга доир;

и) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудидан олиб чиқишга доир;

к) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилишга доир.

4. Қурол ва унинг ўқ-дорилари муомаласи соҳасида рухсатномалар бериш, беришни рад этиш, рухсатномаларнинг амал қилишини тўхтатиб туриш, тугатиш ҳамда уларни бекор қилиш тўғрисидаги қарорлар Ўзбекистон Республикаси ички ишлар органлари (кейинги ўринларда - ваколатли органлар) томонидан ушбу Низомга 1-иловага мувофиқ схема бўйича қабул қилинади.

Ушбу Низомнинг 3-банди "а" - "д" кичик бандларида кўрсатилган рухсатномалар (сойли стволли ўқотар ов қуролини, шу жумладан аралаш ўқотар қуролни, ярим автомат силлиқ стволли ўқотар ов қуролини, ўқдон (барабан) сиғими тўрт дона патрондан ортиқ бўлган силлиқ стволли ўқотар ов қуролини, оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олишга доир рухсатномалардан ташқари) жисмоний шахснинг доимий яшаш жойи бўйича туман ва шаҳарлар ички ишлар бошқармалари (бўлимлари) томонидан берилади.

Ушбу Низомнинг 3-банди "е" ва "ж" кичик бандларида кўрсатилган рухсатномалар жисмоний шахснинг доимий яшаш жойи бўйича Қорақалпоғистон Республикаси Ички ишлар вазирлигининг, Тошкент шаҳар ва Тошкент вилояти ички ишлар бош бошқармаларининг ҳамда вилоятлар ички ишлар бошқармаларининг жамоат хавфсизлиги хизмати жамоат тартибини сақлаш бошқармалари томонидан берилади.

Ушбу Низомнинг 3-банди "з", "и" ва "к" кичик бандларида назарда тутилган, шунингдек, сойли стволли ўқотар ов қуролини, шу жумладан аралаш ўқотар қуролни, ярим автомат силлиқ стволли ўқотар ов қуролини, ўқдон (барабан) сиғими тўрт дона патрондан ортиқ бўлган силлиқ стволли ўқотар ов қуролини, оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олишга доир рухсатномалар Ўзбекистон Республикаси Ички ишлар вазирлигининг Жамоат хавфсизлиги департаменти жамоат тартибини сақлаш хизмати томонидан берилади.

Рухсатномалар ушбу Низомга 2 - 9-иловаларидаги шаклларга мувофиқ берилади.

5. Пневматик ов қуроли ва пневматик спорт қуроли қуроли ва уларнинг ўқ-дорилари муомаласи соҳасидаги ҳаракатлар ва (ёки) фаолият ваколатли органларнинг рухсатномаларисиз амалга оширилади.

Тиғли совуқ ов ва сигнал берувчи ов қуролини олиш, реализация қилиш, сақлаш, олиб юриш ва ташиш ваколатли органларнинг рухсатномаларисиз, овчилар жамоат бирлашмаси томонидан берилган овчилик гувоҳномаси асосида амалга оширилади.

Ўқотар ов қуролининг ўқ-дориларини олиш, реализация қилиш, сақлаш, олиб юриш ва ташиш ваколатли органлар томонидан ўқ-дориларнинг тури ва калибрига мос ов қуролини сақлаш ва олиб юришга доир берилган рухсатнома ва овчилар жамоат бирлашмаси томонидан берилган овчилик гувоҳномаси асосида амалга оширилади.

Шахсий фойдаланиш мақсадида силлиқ стволли ўқотар ов қуролига патронларни аслаҳалаш учун фойдаланиладиган иницияланадиган ва оловланадиган модда ва материалларни (ов порохи ва пистонлар) олиш, реализация қилиш, сақлаш, ташиш ваколатли органлар томонидан силлиқ стволли ўқотар ов қуролини сақлаш ва олиб юришга доир берилган рухсатнома ва овчилар жамоат бирлашмаси томонидан берилган овчилик гувоҳномаси асосида амалга оширилади.

Ўқотар ов қуролини, пневматик ов қуролини, силлиқ стволли спорт қуролини ва унинг ўқ-дориларини, пневматик спорт қуролини, шунингдек, мукофот қилинган қурол ва унинг ўқ-дориларини, ўзини ўзи ҳимоя қилиш қуролини ташиш ваколатли органларнинг қуролни сақлаш ва олиб юришга ёки сақлашга доир рухсатномаси асосида амалга оширилади.

2-БОБ. РУХСАТ БЕРИШГА ДОИР ТАЛАБЛАР ВА ШАРТЛАР

6. Қуйидагилар қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга ошириш учун рухсат беришга доир талаблар ва шартлар ҳисобланади:

а) қурол ва унинг ўқ-дорилари муомаласи соҳасидаги қонун ҳужжатларига риоя қилиш;

б) қурол ва унинг ўқ-дорилари бут сақланишини, сақлаш хавфсизлиги ва мақсадли фойдаланилишини таъминлаш ҳамда уларга бегона шахслар эгалик қилишни истисно этишга қаратилган чораларни кўриш;

в) қуйидагилар муомаласи соҳасида ҳаракатларни бажаришга ва (ёки) фаолиятни амалга оширишга йўл қўймаслик:

"Қурол тўғрисида"ги Ўзбекистон Республикаси Қонунининг 9 ва 19-моддаларига мувофиқ Ўзбекистон Республикаси ҳудудида муомаласи тақиқланган фуқаровий ва мукофот қилинган қурол ва унинг ўқ-дорилари;

шикастловчи таъсири радиоактив нурланиш, кимёвий ва биологик (бактериологик) омиллардан фойдаланишга ёки электромагнит, нур, иссиқлик, инфратовуш, ультратовуш нурланишдан фойдаланишга асосланган коллекциялаш ва кўргазмага қўйиш қуроли ҳамда унинг ўқ-дорилари;

г) рухсатномада кўрсатилган қурол ва унинг ўқ-дорилари доирасида ҳамда уларга оид ҳаракатларни шахсан бажариш ва (ёки) фаолиятни шахсан амалга ошириш, шунингдек, қурол ва унинг ўқ-дориларини фақат шахсий эҳтиёжлар учун олиш;

д) ариза берувчининг йигирма беш ёшга (фуқаровий ов, коллекциялаш ва кўргазмага қўйиш қуроли ҳамда унинг ўқ-дориларига эгалик қилиш учун) ва ўн саккиз ёшга (фуқаровий спорт қуроли ва унинг ўқ-дорилари, ўзини ўзи ҳимоя қилиш қуролига эгалик қилиш учун) етган бўлиши;

е) "Қурол тўғрисида"ги Ўзбекистон Республикаси Қонунининг 13-моддаси ўнинчи қисмининг учинчи, бешинчи - ўн учинчи ҳамда ўн бешинчи хатбошиларида назарда тутилган асосларнинг мавжуд эмаслиги (Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан Ўзбекистон Республикаси ҳудудида ов қилиш, спорт тадбирларида иштирок этиш ёки кўргазмага қўйиш мақсадида ов, спорт ва кўргазмага қўйиш қуроли ҳамда унинг ўқ-дориларини олиб кириш, Ўзбекистон Республикаси ҳудудида олинган фуқаровий қурол ва унинг ўқ-дориларини олиб чиқиш, фуқаровий, мукофот қилинган, коллекциялаш, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш ҳолларидан ташқари);

ж) фуқаровий қуролни биринчи марта олаётган жисмоний шахсларнинг овчилар жамоат бирлашмасида (ов қуроли учун) ва отиш спорти соҳасидаги фаолият билан шуғулланувчи юридик шахсларда (спорт қуроли учун) қуролдан хавфсиз фойдаланиш қоидаларини билиши юзасидан текширувдан, шунингдек, қуролни биринчи марта олаётган ҳамда уни сақлашга ва олиб юришга, коллекциялашга ёки кўргазмага қўйишга доир рухсатномаларнинг амал қилиш муддатларини узайтираётган фуқароларнинг давлат соғлиқни сақлаш органларининг тиббиёт муассасаларида қуролга эгалик қилишга қарши кўрсатмалар мавжуд эмаслиги юзасидан даврий тиббий текширувдан ўтиши, уларнинг доимий яшаш жойи бўйича биргаликда яшовчи яқин қариндошлари ҳамда бошқа шахслар доимий яшаш жойи бўйича руҳий касалликлар ва наркология диспансерларида ҳисобда туриши бўйича текширилиши (қурол билан мукофотлаш ҳоллари ҳамда Ўзбекистон Республикаси ҳудудида вақтинча турган чет эл фуқаролари бундан мустасно);

з) доимий яшаш жойи ўзгарган тақдирда, янги доимий яшаш жойи бўйича рўйхатга қўйилган кундан эътиборан ўн кун муддат ичида тегишли ваколатли органга ўзига тегишли қуролни қайта рўйхатдан ўтказиш чораларини кўриш;

и) фуқаровий қуролни сақлаш ва олиб юришга, спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, улоқтириш спорт қуролини сақлашга, қурол ва унинг ўқ-дориларини коллекциялаш ёки кўргазмага қўйишга доир рухсатномаларнинг амал қилиш муддатларини узайтириш учун зарур бўлган ҳужжатларни рухсатноманинг амал қилиш муддати тугашидан камида ўттиз иш кунидан олдин, бошқа турдаги рухсатномаларнинг амал қилиш муддатини узайтириш учун зарур бўлган ҳужжатларни эса уларнинг амал қилиш муддатлари тугашидан камида ўн иш кунидан олдин ваколатли органга тақдим этиш;

к) ваколатли орган ёки суднинг рухсатнома амал қилишини тугатиш ёки уни бекор қилиш тўғрисидаги қарори олинган кундан эътиборан ўн кун ичида қурол ва унинг ўқ-дорилари муомаласи соҳасида рухсатномаларни ваколатли органга қайтариш;

л) қурол тўғрисидаги қонун ҳужжатларининг талабларига риоя этилишини текшириш учун ваколатли органлар ходимларининг қурол ва унинг ўқ-дорилари сақланадиган жойларга соат 6-00 дан 22-00 гача монеликсиз киришини таъминлаш, танишиб чиқиш учун уларга зарур ҳужжатларни тақдим этиш.

7. Қурол ва унинг ўқ-дорилари муомаласи соҳасида аниқ ҳаракатларни бажариш ва (ёки) муайян фаолиятни амалга оширишда рухсат беришга доир қўшимча талаблар ва шартларга қуйидагилар киради:

а) фуқаровий қурол, коллекциялаш қуроли ва унинг ўқ-дориларини олиш бўйича:

Ўзбекистон Республикаси ҳудудида қурол ва унинг ўқ-дориларини фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали сотиб олиш;

қурол ва унинг ўқ-дорилари олинган кундан эътиборан ўн кун муддатда уларни сақлаш ва олиб юриш, коллекциялаш ёки кўргазмага қўйишга доир рухсатномаларни расмийлаштириш (қурол ва унинг ўқ-дориларини рўйхатдан ўтказиш) учун зарур бўлган ҳужжатларни ваколатли органга тақдим этиш;

биттадан ортиқ олинган ҳар бир сойли стволли ўқотар ов қуролига, пневматик ов қуролига ва силлиқ стволли ўқотар ов қуроли учун ҳар йили ушбу Низом 14-1-бандининг иккинчи хатбошисида белгиланган тартибда базавий ҳисоблаш миқдорининг бир баравари миқдорида йиғим тўлаб бориш, мазкур қурол турлари коллекциялаш ёки кўргазмага қўйиш объектлари бўлган ҳоллар бундан мустасно;

б) фуқаровий қуролни, коллекциялаш ва мукофот қилинган қурол ҳамда унинг ўқ-дориларини реализация қилиш бўйича:

Ўзбекистон Республикаси ҳудудида қурол ва унинг ўқ-дориларини фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали реализация қилиш;

қурол ва унинг ўқ-дорилари реализация қилинган кундан эътиборан ўн кун муддатда уларни сақлаш ва олиб юриш, коллекциялаш ёки кўргазмага қўйишга доир рухсатномага ўзгартиришлар киритиш учун тегишли ҳужжатларни (қисман реализация қилинганда), шунингдек, қурол ва унинг ўқ-дориларини сақлаш ва олиб юриш, коллекциялаш ёки кўргазмага қўйишга доир рухсатноманинг аслини (тўлиқ реализация қилинганда) ваколатли органга тақдим этиш;

в) қурол ва унинг ўқ-дориларини сақлаш ва коллекциялаш бўйича:

ўқотар ов қуролини ва унинг ўқ-дориларини, пневматик ов қуролини, сигнал берувчи ов қуроли ва унинг ўқ-дориларини, тиғли совуқ ов қуролини, коллекциялаш қуроли ва унинг ўқ-дориларини, мукофот қилинган қурол ва унинг ўқ-дориларини доимий яшаш жойида қулфланадиган сейфларда ёки металл шкафларда сақлаш;

коллекциялаш қуроли ва унинг ўқ-дорилари сақланадиган хоналарга ўрнатилган қўриқлаш-ёнғин сигнализацияси воситаларининг Ўзбекистон Республикаси Миллий гвардияси органларининг техник қўриқлаш марказига уланишини таъминлаш;

спорт ўқотар қуролини ва унинг ўқ-дориларини, шу жумладан сойли стволли спорт қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт ва улоқтириш спорт қуролини спорт ўқ отиш объектлари ҳудудида жиҳозланган қуролхоналардаги қулфланадиган сейфларда ёки металл шкафларда сақлаш;

қуролни сейфларда ёки металл шкафларда, унинг ўқ-дориларини эса ушбу сейфлар ёки шкафлар ичидаги қулфланадиган алоҳида қисмида (бўлинмасида) ёки алоҳида қулфланадиган сейфларда ёхуд металл шкафларда сақлаш;

г) сойли стволли спорт ўқотар қуроли ва унинг ўқ-дориларини, тиғли совуқ спорт, улоқтириш спорт қуролини, коллекциялаш ва кўргазмага қўйиш қуроли ҳамда унинг ўқ-дориларини ташиш бўйича:

қуролни ташиш жилдларда, қинларда ёки махсус ғилофларда, ўқсизлантирилган ҳолатда ўқ-дориларидан алоҳида ташиш;

бегона шахсларнинг кўриши ва уларни эркин олиши имкониятини истисно этадиган шароитларда ташиш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари ташилаётганда уларни Миллий гвардия, ички ишлар органлари ёки идоравий ҳарбийлаштирилган қўриқлаш хизмати бўлинмалари (автомобиль транспортида ташишда), "Ўзбекистон темир йўллари" АЖ ҳарбийлаштирилган қўриқлаш хизмати бўлинмалари (темир йўл транспортида ташишда) қуролли қўриқлови остида кузатиб борилишини таъминлаш;

д) қурол ва унинг ўқ-дориларини кўргазмага қўйиш бўйича:

қурол ва унинг ўқ-дориларини кўргазмага қўйиш учун бинолар (хоналар)ни ижарага олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш бўйича шартномалар тузиш;

кўргазмани қўриқлашнинг муҳандислик-техник ҳамда видеокузатув воситалари билан жиҳозланган ва ўрнатилган қўриқлаш-ёнғин сигнализацияси воситалари Миллий гвардия органларининг техник қўриқлаш марказига уланган стационар турдаги бинолар (хоналар)да ўтказиш;

кўргазмага қўйилган (шу жумладан, чет эллик иштирокчилар томонидан) қурол ва унинг ўқ-дорилари бут сақланиши ва сақлаш хавфсизлигини таъминлаш, қурол ва унинг ўқ-дорилари жойлаштирилган ва сақланадиган жойларга кираётган шахсларни бевосита кузатиш, назорат қилиш ҳамда бегона шахсларнинг рухсатсиз киришига йўл қўймасликка қаратилган чораларни кўриш;

кўргазмага қўйиш режаларини ва экспозицияларни (кўргазма объектларини) жойлаштириш схемаларини ишлаб чиқиш ҳамда кўргазма ўтказиладиган жойдаги ваколатли органларга келишиб олиш учун тақдим этиш;

қурол ва унинг ўқ-дориларини бошқа предметлар билан бирга кўргазмага қўйилишини истисно этиш (қуролни ишлаб чиқариш, унга техник хизмат кўрсатиш ва таъмирлаш учун мўлжалланган қурилмалар ва асбоблар, спорт, ов ва балиқ овлаш ашёлари ҳамда қуролнинг эҳтиёт қисмлари, шунингдек тарихий-маданий кўргазмалар экспонатлари бундан мустасно);

қуролни музей бинолари ташқарисида кўргазмага қўйишни фақат Миллий гвардия органларининг техник қўриқлаш марказига ёки ички қўриқлаш постига уланган қўриқлаш-ёнғин сигнализацияси воситалари билан жиҳозланган ёпиқ (қулфланадиган) витриналар ва стендларда амалга ошириш;

қурол ва унинг ўқ-дорилари экспозициялари очиқ витриналар ва стендларда жойлаштирилган тақдирда, қурол ва унинг ўқ-дориларини ҳар куни кўргазма иши тугагач, Миллий гвардия органларининг техник қўриқлаш марказига уланган юридик шахсларнинг қуролхоналарида сақлаш учун топшириш;

қуролнинг ўқ-дориларини ўқсизлантирилган ҳолатда кўргазмага қўйиш;

кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудуди бўйлаб ташишга доир ваколатли органнинг рухсатномаларини олиш, уларни ташиш, кўргазма ўтказилаётган объект ҳудудида қабул қилиш ва жойлаштириш бўйича чораларни кўриш (чет эллик иштирокчиларнинг олиб кирилаётган қурол ва унинг ўқ-дориларини кўргазмага қўйишда);

е) фуқаровий, мукофот қилинган, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб кириш ва уларни Ўзбекистон Республикаси ҳудудидан олиб чиқиш бўйича:

ушбу банднинг "г" кичик бандида кўрсатилган талабларга риоя қилиш;

Ўзбекистон Республикаси ҳудудига олиб кирилган ов ва спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини ов қилиш тўғрисидаги шартномада, спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудидан олиб чиқиш (Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар учун);

Ўзбекистон Республикасида олинган фуқаровий қурол ва унинг ўқ-дориларини улар олинган кундан эътиборан беш кундан кечиктирмай Ўзбекистон Республикаси ҳудудидан олиб чиқиш (Ўзбекистон Республикаси ҳудудида вақтинча турган чет эл фуқаролари учун);

ж) қурол ва унинг ўқ-дориларини Ўзбекистон Республикаси ҳудуди орқали транзит қилиш бўйича:

транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

ушбу банд "г" кичик бандининг иккинчи ва учинчи хатбошиларида кўрсатилган талабларга риоя қилиш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари транзитини "Ўзбекистон темир йўллари" АЖ ҳарбийлаштирилган қўриқлаш хизмати қуролли қўриқловининг (темир йўл транспортида ташишда) ёки Давлат йўл ҳаракати хавфсизлиги хизмати бўлинмаларининг (автомобиль транспортида ташишда) кузатувида амалга оширилишини таъминлаш.

3-БОБ. РУХСАТНОМА ОЛИШ УЧУН ТАҚДИМ

ЭТИЛАДИГАН ҲУЖЖАТЛАР

8. Рухсатнома олиш учун ариза берувчи ваколатли органга ушбу Низомга 10-иловага мувофиқ шаклда қуйидагилар кўрсатилган ариза тақдим этади:

фамилияси, исми, отасининг исми, фуқаролиги, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган ёки жисмоний шахснинг шахсий идентификация рақами (ЖШШИР), туғилган санаси ва жойи, доимий яшаш жой манзили, мурожаат учун телефон рақамлари, мавжуд бўлса - электрон почта манзили;

бажармоқчи ва (ёки) амалга оширмоқчи бўлган аниқ ҳаракатлари ва (ёки) муайян фаолияти учун рухсатнома олишдан мақсади, ушбу ҳаракатларни бажариш ва (ёки) фаолиятни амалга оширишга дахлдор қурол (тури, хили, модели ва калибри) ва унинг ўқ-дорилари (тури, калибри);

ҳаракатлар бажариладиган ва (ёки) фаолият амалга ошириладиган жой, шунингдек, қурол ва унинг ўқ-дорилари жойлаштириладиган (сақланадиган) жой;

ҳаракатлар бажариладиган ва (ёки) фаолият амалга ошириладиган тахминий муддат (зарур бўлганда).

Аризада қўшимча равишда қуйидагилар кўрсатилади:

а) фуқаровий қуролни, коллекциялаш қуроли ва унинг ўқ-дориларини реализация қилишда - реализация қилиниши режалаштирилаётган фуқаровий ва хизмат қуроли ҳамда унинг ўқ-дориларини реализация қилиниши режалаштирилаётган бундай фаолиятни амалга ошириш учун лицензияга эга бўлган юридик шахснинг номи ва манзили тўғрисида маълумотлар;

б) спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, спорт улоқтириш қуролини сақлашда - спорт ўқ отиш объектининг номи ва жойлашган жойи тўғрисида маълумотлар;

в) сойли стволли спорт ўқотар қуроли ва унинг ўқ-дориларини, тиғли совуқ спорт қуролини, улоқтириш спорт қуролини ташишда:

спорт мусобақалари ва ўқув-машқ йиғинлари ташкилотчиси ва ўтказиш жойи, Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда - ташиш учун жалб қилинган транспорт воситасининг русуми ва давлат рўйхат белгилари) тўғрисида маълумотлар;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркумини қуролли қўриқловининг кузатуви билан таъминлаш тўғрисида (Миллий гвардия, ички ишлар органлари ёки идоравий ҳарбийлаштирилган қўриқлаш хизмати томонидан автомобиль транспортида ташишда, "Ўзбекистон темир йўллари" АЖ ҳарбийлаштирилган қўриқлаш хизмати томонидан темир йўл транспортида ташишда);

г) қурол ва унинг ўқ-дориларини кўргазмага қўйишда - кўргазма жойи, шунингдек, ҳар куни кўргазма иш вақти тугагач, қурол ва унинг ўқ-дориларини топшириш учун улар бут сақланишини таъминлайдиган қуролхона тўғрисида маълумотлар (кўргазмага қўйиш учун мўлжалланган қурол ва унинг ўқ-дорилари очиқ витрина ва стендларга жойлаштирилган ҳолларда);

д) фуқаровий, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб киришда, Ўзбекистон Республикаси ҳудудидан олиб чиқишда, Ўзбекистон Республикаси ҳудуди орқали транзит қилишда - юкни жўнатиш ва Ўзбекистон Республикаси ҳудудига кириш жойлари (юкни етказиш ва Ўзбекистон Республикаси ҳудудидан чиқиш жойлари), Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда - транспорт воситаларининг русуми ва давлат рўйхат белгилари), олиб киришнинг (олиб чиқишнинг, транзит қилишнинг) тахминий санаси, шунингдек, транзит қатнашчилари бўлган давлатлар ҳудуди бўйлаб ҳаракатланишнинг мўлжалланаётган йўналиши тўғрисида маълумотлар (транзит қилишда);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини "Ўзбекистон темир йўллари" АЖ ҳарбийлаштирилган қўриқлаш хизмати қуролли қўриқловининг (темир йўл транспортида ташишда) ёки Давлат йўл ҳаракати хавфсизлиги хизмати бўлинмаларининг (автомобиль транспортида ташишда) кузатуви билан таъминлаш тўғрисида.

9. Аризага ваколатли орган бошқа ваколатли органлардан мустақил равишда оладиган ҳужжатлардан ташқари ушбу Низомга 11-иловада кўрсатилган ҳужжатлар илова қилинади.

Ваколатли орган рухсатнома бериш учун бошқа давлат органлари ёки ташкилотларида мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда жисмоний шахснинг иштирокисиз сўрайди ва олади, ушбу Низомнинг 9-банди ҳамда Низомга 10-иловада назарда тутилган ҳужжатлар ва ахборотлар бундан мустасно.

10. Ариза берувчидан ушбу Низомнинг 8-банди ва 11-иловада назарда тутилмаган ҳужжатларни тақдим этишни талаб қилишга йўл қўйилмайди.

11. Ариза берувчи томонидан рухсатнома бериш учун зарур бўлган ҳужжатлар ваколатли органга бевосита ёки почта алоқаси воситалари орқали, улар олинганлиги ҳақида хабардор қилинган ҳолда тақдим этилади.

Ҳужжатлар ваколатли орган томонидан рўйхат бўйича қабул қилиниб, рўйхатнинг нусхаси ҳужжатлар қабул қилиб олинган сана кўрсатилган ҳолда ариза берувчига дарҳол юборилади (топширилади).

Ҳужжатлар Ўзбекистон Республикасининг биринчи марта қурол ва унинг ўқ-дориларини олаётган, шунингдек, қуролни сақлашга ва олиб юришга, коллекциялашга ёки кўргазмага қўйишга доир рухсатномаларнинг амал қилиш муддатларини узайтириш учун берилган тақдирда, ваколатли ички ишлар органи томонидан қабул қилинган ҳужжатлар рўйхати билан бирга қуролга эгалик қилишга қарши кўрсатмалар мавжуд эмаслиги юзасидан даврий тиббий текширувлардан ўтишга доир йўлланма юборилади (топширилади).

Йўлланмада тиббий текширув ўтказувчи давлат соғлиқни сақлаш органларининг тиббиёт муассасаси номи ва манзили, мурожаат учун телефон рақамлари, мавжуд бўлса - электрон почта манзили, иш режими, тиббий текширувга юборилаётган Ўзбекистон Республикаси фуқаросининг фамилияси, исми, отасининг исми, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган ёки жисмоний шахснинг шахсий идентификация рақами (ЖШШИР), туғилган санаси ва жойи, доимий яшаш жой манзили, шунингдек, тиббий хулоса юбориладиган ваколатли ички ишлар органи номи, почта ёки электрон манзили, ички ишлар органи масъул ходимининг лавозими, унвони, фамилияси, исми ва отасининг исми кўрсатилади.

12. Ариза берувчи томонидан рухсатнома бериш учун ҳужжатларнинг электрон шаклда топширилишига йўл қўйилмайди.

13. Ваколатли орган ариза берувчи томонидан оғзаки ёки ёзма шаклдаги, шу жумладан электрон шаклида жўнатилган сўровнома бўйича қурол ва унинг ўқ-дорилари муомаласи соҳасида рухсат бериш тартиб-таомилларидан ўтиш масалалари юзасидан маълумотларни ва маслаҳатларни бепул асосда тақдим этади.

4-БОБ. АРИЗАНИ КЎРИБ ЧИҚИШ ВА РУХСАТНОМА

БЕРИШ ЁКИ РУХСАТНОМА БЕРИШНИ РАД ЭТИШ

ТЎҒРИСИДА ҚАРОР ҚАБУЛ ҚИЛИШ

14. Ваколатли орган томонидан рухсатномани бериш тўғрисидаги ариза кўриб чиқилганлиги учун ушбу Низомга 12-иловада белгиланган миқдорда йиғим ундирилади.

Ариза кўриб чиқилганлиги учун йиғим суммаси ваколатли органнинг махсус ҳисобварағига ўтказилади.

Ариза берувчи аризасидан воз кечганда ёки ваколатли орган томонидан ариза берувчига рухсатномани бериш рад этилган тақдирда, тўланган йиғим суммаси қайтарилмайди.

14-1. Ваколатли орган томонидан биттадан ортиқ ҳар бир сойли стволли ўқотар ов қуролини, пневматик ов қуролини ва силлиқ стволли ўқотар ов қуролига эгалик қилганлик учун базавий ҳисоблаш миқдорининг бир баравари миқдорида йиғим ундирилади, мазкур қурол турлари коллекциялаш ёки кўргазмага қўйиш объектлари бўлган ҳоллар бундан мустасно.

Йиғим қурол эгаси томонидан ҳар йили қуйидаги тартибда тўланади:

қуролни сақлаш ва олиб юришга доир рухсатнома амал қилишининг биринчи ва иккинчи йилларида - рухсатнома берилган кундан бир ва икки йил ўтган санадан кечиктирмасдан;

сойли стволли ўқотар ов қуролини, пневматик ов қуролини ва силлиқ стволли ўқотар ов қуролини сақлаш ва олиб юришга доир рухсатнома амал қилишининг учинчи йилида - рухсатноманинг амал қилиш муддати тугашидан камида ўттиз иш кунидан олдин.

15. Ваколатли орган рухсатномани бериш ёки рухсатномани беришни рад этиш тўғрисидаги қарорни ушбу Низомга 11-иловада назарда тутилган муддатларда қабул қилади.

16. Ваколатли орган ариза берувчининг рухсат беришга доир талаблар ва шартларга мос келишини аниқлаш учун ўз маблағлари ҳисобидан ушбу Низомга 11-иловада назарда тутилган муддатлар доирасида қуйидаги ҳуқуқларга эга:

ариза берувчининг аризасига мувофиқ ҳаракатларни бажариш ва (ёки) фаолиятни амалга ошириш учун талаб этиладиган мавжуд шароитларини жойига чиқиб ўрганиш ва баҳолаш (қурол ва унинг ўқ-дориларини сақлаш, улардан фойдаланиш, коллекциялаш, кўргазмага қўйиш учун мўлжалланган ҳудудни, биноларни, хоналар ва иншоотларни, уларнинг техник жиҳатдан мустаҳкамлигини, қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари ҳамда жисмоний ҳимоянинг бошқа техник воситалари билан жиҳозланганлиги, қўриқлаш ва жорий этилган режим чораларининг аҳволи, мавжуд транспорт воситалари, аризада кўрсатилган аниқ ҳаракатни бажариш ва (ёки) муайян фаолиятни амалга ошириш учун талаб этиладиган бошқа шароитларни);

қурол ва унинг ўқ-дориларининг тузилиши, тури, хили, модели, калибри, ишлаб чиқарилган йили, завод серияси, рақами, тақдим этилган ҳужжатлар ва бошқа ўзига хос маълумотларни эксперт ва техник баҳолаш ҳамда тадқиқотлар ўтказиш зарур бўлган ҳолатларда ҳужжатларни экспертизадан ўтказиш учун қўшимча равишда шартнома асосида тегишли соҳалар бўйича юқори малакали мутахассисларни ва экспертларни жалб этиш.

17. Ваколатли орган тегишли қарор қабул қилинган кундан бошлаб бир иш кунидан ортиқ бўлмаган муддатда ариза берувчига рухсатномани беради (юборади) ёки рухсатномани беришни рад этиш ҳақида ёзма шаклда хабардор қилади.

18. Рухсатнома беришн қуйидаги асослар бўйича амалга рад этилиши мумкин:

ушбу Низомнинг 8-банди ва Низомга 11-иловада назарда тутилган ҳужжатлар тўлиқ бўлмаган ҳажмда тақдим этилганлиги;

тақдим этилган ҳужжатларда нотўғри ёки бузиб кўрсатилган маълумотларнинг мавжудлиги;

ариза берувчининг рухсат беришга доир талаблар ва шартларга мувофиқ эмаслиги.

Рухсатнома беришни мақсадга мувофиқ эмас деган важлар билан ёхуд тақдим этилган ҳужжатлар қонунчиликда белгиланган талабларга мувофиқ бўлмаганда рад этишга йўл қўйилмайди.

Ушбу банднинг иккинчи хатбошида кўрсатилган ҳоллар, шунингдек, тақдим этилган ҳужжатлар қонунчиликда белгиланган талабларга мувофиқ бўлмаганлиги аниқланганда, агар аризада бартараф этиш мумкин бўлган камчиликлар мавжуд бўлса, ваколатли орган уларни бартараф этиш учун ариза берувчига муддат беради. Камчиликларни бартараф этиш зарурлиги тўғрисидаги хабарнома ваколатли орган томонидан ариза берувчига бир иш куни ичида юборилади.

Хабарнома тақдим этилган ҳужжатларда аниқланган камчиликлар ҳамда уларни бартараф этиш усуллари, шунингдек, ариза берувчи кўрсатилган сабабларни бартараф қилиб, тегишли ҳужжатларни кўриб чиқиш учун такроран тақдим этиши мумкин бўлган муддат кўрсатилган ҳолда юборилади. Хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши, лекин ушбу муддат ўттиз иш кунидан ортиқ бўлмаслиги керак.

Ваколатли орган аниқланган камчиликларни бартараф этиш учун ариза берувчига малакали ходимларни излашда, ҳужжатлар ҳамда дастурларни маромига етказиш учун мутахассисларни жалб этишда, шунингдек рухсатномани олиш учун бошқа зарур шарт-шароитларни яратишда ёрдам кўрсатиши ва тавсиялар бериши керак, бундан талабгорлар таклиф этилган ёрдамни рад этган ҳоллар мустасно.

Камчиликларни бартараф этиш тўғрисидаги хабарнома юборилган тақдирда, рухсатномани бериш тўғрисидаги аризани кўриб чиқиш муддати тўхтатиб турилади.

Ҳужжатлар хабарномада кўрсатилган камчиликларни бартараф этмасдан ёки хабарномада кўрсатилган муддат ўтгандан кейин такроран тақдим этилган тақдирда, ваколатли орган рухсатномани беришни рад этиш ҳақида қарор қабул қилишга ҳақли. Бунда рухсатномани беришни камчиликларни бартараф этиш тўғрисидаги хабарномада кўрсатилмаган янги асослар бўйича рад этишга йўл қўйилмайди.

19. Рухсатномани бериш рад этилганлиги ҳақидаги хабарнома ариза берувчига рад этиш сабаблари, қонун ҳужжатларининг аниқ нормалари ва ариза берувчи мазкур сабабларни бартараф этиб, ҳужжатларни такроран кўриб чиқиш учун тақдим этиши мумкин бўлган муддат кўрсатилган ҳолда ёзма шаклда юборилади (топширилади). Ариза берувчи рад этиш сабабларини бартараф этишга ва ҳужжатларни такроран кўриб чиқиш учун тақдим этишга ҳақли бўлган муддат камчиликларни бартараф этиш учун зарур бўлган вақтга мутаносиб тарзда белгиланиши, бироқ ўн иш кунидан кам бўлмаслиги керак.

20. Ариза берувчи рухсатномани бериш рад этилиши учун асос бўлган сабабларни белгиланган муддатда бартараф этган тақдирда, ҳужжатларни такроран кўриб чиқиш, рухсатномани бериш ёки уни беришни рад этиш ариза берувчининг рад этиш сабаблари бартараф этилганлиги тўғрисидаги аризаси ва рад этиш сабаблари бартараф этилганлигини тасдиқловчи тегишли ҳужжатлар олинган кундан эътиборан беш иш кунидан кўп бўлмаган муддатда ваколатли орган томонидан амалга оширилади.

Ариза такроран кўриб чиқилганлиги учун йиғим ундирилмайди.

21. Ҳужжатларни такроран кўриб чиқишда ваколатли орган томонидан ариза берувчига илгари ёзма шаклда баён қилинмаган рад этиш сабабларини келтиришга йўл қўйилмайди, илгари кўрсатилган сабаблар бартараф этилганлигини тасдиқловчи ҳужжатлар билан боғлиқ рад этиш сабаблари келтирилиши бундан мустасно.

22. Рухсатномани бериш рад этилганлиги ҳақидаги хабарномада кўрсатилган муддат ўтганидан кейин ариза берувчи томонидан тақдим этилган ариза янги киритилган ҳисобланади ва ваколатли орган томонидан умумий асосларда кўриб чиқилади.

23. Ариза берувчи рухсатномани бериш рад этилганлиги тўғрисидаги қарор, шунингдек, ваколатли орган мансабдор шахсининг ҳаракати (ҳаракатсизлиги) бўйича белгиланган тартибда шикоят қилиш ҳуқуқига эга.

5-БОБ. РУХСАТНОМАНИ ҚАЙТА РАСМИЙЛАШТИРИШ,

УНИНГ МУДДАТИНИ УЗАЙТИРИШ,

ДУБЛИКАТИНИ БЕРИШ

24. Фамилияси, исми ва отасининг исми ёки яшаш жойи ўзгарган тақдирда, жисмоний шахс етти иш куни ичида ваколатли органга рухсатномани қайта расмийлаштириш тўғрисидаги аризани кўрсатилган маълумотларни тасдиқловчи ҳужжатларнинг (паспорт, идентификацияловчи ID-картаси, шахсни тасдиқловчи бошқа ҳужжат) нусхаларини илова қилган ҳолда топшириши шарт.

Жисмоний шахсдан ушбу бандда назарда тутилмаган ҳужжатларни тақдим этишни талаб қилишга йўл қўйилмайди.

25. Рухсатнома қайта расмийлаштирилгунига қадар рухсатномани қайта расмийлаштириш тўғрисида ариза берган жисмоний шахс рухсатномани қайта расмийлаштириш тўғрисида берилган, қабул қилиб олинган санаси ҳақида ваколатли органнинг белгиси қўйилган ариза асосида унда кўрсатилган ҳаракатни бажаради ва (ёки) фаолиятни амалга оширади.

26. Рухсатнома қайта расмийлаштирилганда, ваколатли орган берилган рухсатномалар реестрига тегишли ўзгартиришлар киритади.

Рухсатномани қайта расмийлаштириш ва бериш рухсатномани қайта расмийлаштириш тўғрисидаги ариза тегишли ҳужжатлар илова қилинган ҳолда ваколатли орган томонидан қабул қилиб олинган кундан эътиборан беш иш кунидан кўп бўлмаган муддатда амалга оширилади.

27. Рухсатноманинг амал қилиш муддатини узайтириш жисмоний шахснинг аризасига биноан амалга оширилади.

Рухсатноманинг амал қилиш муддатини узайтириш тўғрисидаги ариза ваколатли органга:

фуқаровий қуролни сақлаш ва олиб юришга, спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, улоқтириш спорт қуролини сақлашга, қурол ва унинг ўқ-дориларини коллекциялаш ёки кўргазмага қўйишга доир рухсатномаларнинг амал қилиш муддати тугашига камида ўттиз иш куни қолганда;

бошқа турдаги рухсатномаларнинг амал қилиш муддати тугашига камида ўн иш куни қолганда тақдим этилиши лозим.

Рухсатноманинг амал қилиш муддатини узайтириш рухсатномани бериш учун назарда тутилган тартибда амалга оширилади.

28. Йўқолган ёки яроқсиз ҳолга келган фуқаровий ҳамда мукофот қилинган қуролни сақлаш ва олиб юришга, спорт ўқотар қуролини сақлашга доир рухсатномалар ўрнига жисмоний шахснинг аризасига кўра унинг дубликати берилиши мумкин.

Дубликатни беришда ваколатли орган томонидан йўқолган ёки яроқсиз ҳолга келган рухсатноманинг амал қилиш муддати кўрсатилган "Дубликат" белгиси қўйилган янги рухсатнома берилади.

Ваколатли орган ариза, шунингдек, рухсатнома яроқсиз ҳолга келган тақдирда, рухсатноманинг асл нусхаси олинган кундан эътиборан беш иш кунидан кўп бўлмаган муддатда рухсатноманинг дубликатини бериши (юбориши) шарт.

29. Рухсатномани қайта расмийлаштириш, унинг амал қилиш муддатини узайтириш ва дубликатини бериш учун зарур бўлган ҳужжатлар жисмоний шахс томонидан ваколатли органга бевосита, почта алоқа воситалари орқали ёки электрон шаклда, улар олинганлиги ҳақида хабардор қилинган ҳолда тақдим этилади.

Ариза берувчи томонидан ҳужжатлар электрон шаклда жисмоний ва юридик шахслар учун очиқ бўлган ахборот технологияларидан фойдаланган ҳолда, шу жумладан Интернет жаҳон ахборот тармоғи орқали топширилишига йўл қўйилмайди.

30. Рухсатнома қайта расмийлаштирилганлиги учун рухсатнома бериш тўғрисидаги ариза кўриб чиқилганлиги учун тўланадиган сумманинг ярми миқдорида йиғим ундирилади. Рухсатноманинг дубликати берилганлиги учун базавий ҳисоблаш миқдорининг 10 фоизи миқдорида йиғим ундирилади. Йиғим суммаси ваколатли орган махсус ҳисобварағига ўтказилади.

6-БОБ. РУХСАТНОМАНИНГ АМАЛ ҚИЛИШИНИ

ТЎХТАТИБ ТУРИШ, УНИ ТУГАТИШ ВА

БЕКОР ҚИЛИШ

31. Рухсатноманинг амал қилишини тўхтатиб туриш, уни тугатиш ва бекор қилиш ваколатли орган ёки суд қарори асосида "Қурол тўғрисида"ги Ўзбекистон Республикаси Қонунининг тегишлигича 34, 35 ва 36-моддаларида назарда тутилган ҳолатларда ва тартибда амалга оширилади.

32. Рухсатноманинг белгиланган тартибда амал қилишини тугатиш учун асос бўладиган рухсат беришга доир талаблар ва шартларнинг қўпол равишда бузилишига қуйидагилар киради:

а) рухсат беришга доир талаблар ва шартларга риоя этилиши юзасидан ваколатли орган томонидан белгиланган тартибда ўтказиладиган текширувлардан бош тортиш;

б) рухсатномада кўрсатилган ҳаракатларни бажариш ва (ёки) фаолиятни амалга ошириш фуқароларнинг ҳаёти ва соғлиғига, жамоат хавфсизлигига зиён ҳамда атроф-муҳитга зарар етказилишига олиб келган бўлса;

в) қурол ва унинг ўқ-дорилари бут сақланишини таъминлаш чоралари кўрилмаслиги уларнинг йўқолиши ёки талон-торож қилиниши хавфини туғдирса;

г) рухсатномада кўрсатилган ҳаракатларни шахсан бажармаслик ва (ёки) фаолиятни шахсан амалга оширмаслик;

д) тури, хили, модели, калибри ва сони рухсатномада кўрсатилмаган қурол ва унинг ўқ-дорилари билан ҳаракатларни бажариш ва (ёки) фаолиятни амалга ошириш;

е) қурол ва унинг ўқ-дориларини сақлаш, коллекциялаш ва кўргазмага қўйишга доир рухсатномада белгиланмаган жойда (манзилда) қурол ва унинг ўқ-дориларини сақлашни, коллекциялашни ва кўргазмага қўйишни амалга ошириш;

и) Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахсларнинг қурол ва унинг ўқ-дориларини Ўзбекистон Республикаси ҳудудидан олиб чиқиш муддатларини, шунингдек Ўзбекистон Республикаси ҳудудига олиб кириш ва Ўзбекистон Республикаси ҳудудида фойдаланиш тартибини бузиши.

33. Ваколатли органнинг рухсатнома амал қилишини тўхтатиб туриш, уни тугатиш ёки бекор қилиш тўғрисидаги қарори бўйича судга шикоят қилиш мумкин. Суд ваколатли органнинг қарорини асоссиз деб топган тақдирда, ваколатли орган ариза берувчи олдида унга етказилган зарар миқдорида жавобгар бўлади.

7-БОБ. РУХСАТ БЕРИШГА ДОИР ТАЛАБЛАР ВА ШАРТЛАРГА

РИОЯ ЭТИЛИШИНИ НАЗОРАТ ҚИЛИШ

34. Жисмоний шахснинг рухсатнома беришга доир талаблар ва шартларга риоя этилиши ваколатли орган томонидан қонун ҳужжатларида белгиланган тартибда назорат қилинади.

Ваколатли орган ўз ваколатлари доирасида қуйидаги ҳуқуқларга эгадир:

жисмоний шахслар томонидан рухсат беришга доир талаблар ва шартларга риоя этилишини текшириш;

қурол ва унинг ўқ-дорилари сақланадиган ҳамда улардан фойдаланиладиган жойларни кўздан кечириш;

жисмоний шахслардан рухсатнома беришга доир талаблар ва шартларга риоя этилишини текшириш чоғида юзага келадиган масалалар бўйича маълумот ва ахборотни сўраб олиш;

текширишлар натижалари асосида жисмоний шахслар томонидан рухсатнома беришга доир талаблар ва шартларнинг аниқ бузилишларини кўрсатган ҳолда далолатномалар тузиш;

рухсатнома эгаси зиммасига аниқланган қоидабузарликларни бартараф этиш мажбуриятини юкловчи қарорлар чиқариш, бундай қоидабузарликларни бартараф этиш муддатларини белгилаш;

рухсатноманинг амал қилишини тўхтатиб туриш, тугатиш ёки уни бекор қилиш тўғрисида қарор қабул қилиш ёки қарор қабул қилиш юзасидан судга мурожаат қилиш;

рухсатнома беришга доир талаблар ва шартларнинг бузилиши қурол ва унинг ўқ-дорилари йўқолиши ёки талон-торож қилиниши хавфини туғдирганда, рухсатнома беришга доир талаблар ва шартларни бажаришдаги аниқланган камчиликлар бартараф этилгунга қадар қурол ва унинг ўқ-дориларини олиб қўйиш, ички ишлар органига зудлик билан олиб келишни ва вақтинча жойлаштиришни талаб қилиш.

35. Рухсатнома беришга доир талаблар ва шартларига риоя этилиши бўйича текширувни ўтказиш давомида ваколатли органнинг текширувчи ходими икки нусхада далолатнома тузади, уларнинг бири жисмоний шахсга берилади, иккинчи нусхаси ваколатли органда қолади.

8-БОБ. РУХСАТНОМАЛАР РЕЕСТРИ

36. Ваколатли орган томонидан қуйидагилар кўрсатилиши лозим бўлган рухсатномалар реестри (кейинги ўринларда - реестр) юритилади:

рухсатнома эгасининг фамилияси, исми, отасининг исми, туғилган санаси, доимий яшаш манзили, телефони;

рухсатнома берилган сана, унинг серияси ва тартиб рақами;

рухсатноманинг амал қилиш муддати;

берилган рухсатномага мувофиқ қурол ва унинг ўқ-дорилари соҳасида бажариладиган аниқ ҳаракат ва (ёки) амалга ошириладиган муайян фаолият;

рухсатномани қайта расмийлаштириш, унинг амал қилиш муддатини узайтириш, тўхтатиб туриш ва қайта тиклаш асослари ва саналари;

рухсатнома амал қилишини тугатиш ёки бекор қилиш асослари ва саналари;

рухсатнома дубликатини бериш асослари ва саналари.

37. Рухсатнома берилганлиги тўғрисидаги маълумотлар реестрга ариза берувчига рухсатнома бериш тўғрисида қарор қабул қилинган кунда киритилади. Реестрдаги барча қайдларга сана қўйилади ҳамда улар ваколатли орган масъул шахсининг имзоси ва муҳри билан тасдиқланади.

Реестр қоғозда ва электрон манбаларда юритилади. Қоғоздаги ва электрон манбалардаги ёзувлар ўртасида номувофиқлик мавжуд бўлган тақдирда, қоғоз манбалардаги ёзувлар устувор аҳамиятга эга бўлади.

Қоғоз манбадаги реестр ваколатли орган томонидан реестр журнали шаклида ягона нусхада юритилади. Реестр журнали ип ўтказиб тикилади, тартиб рақами қўйилади ва унинг орқа томонида саҳифалар сони, журнални юритиш бошланган сана (йил, ой, кун) кўрсатилади ҳамда ваколатли орган раҳбарининг имзоси қўйилади ва муҳри босилади.

Ушбу Низомнинг 36-бандида кўрсатилган реестр маълумотлари ушбу маълумотларни тасдиқлайдиган ҳужжатлардаги мавжуд маълумотларга мувофиқ бўлмаган тақдирда ушбу Низомнинг 36-бандида кўрсатилган маълумотлар уларга тегишли ўзгартиришлар киритилгунга қадар тўғри ҳисобланади.

38. Ваколатли орган рухсатномани қайта расмийлаштириш, унинг амал қилиш муддатини узайтириш, тўхтатиб туриш, қайта тиклаш, тугатиш ва рухсатномани бекор қилиш тўғрисида қарор қабул қилинган кунда реестрга тегишли қайдларни киритади.

39. Реестрдаги маълумотлар фойдаланилиши чекланган ахборот ҳисобланади ва ошкор қилинмайди, қонун ҳужжатларида назарда тутилган ҳоллар бундан мустасно.

Қонун ҳужжатларида назарда тутилган ҳолларда реестрдаги маълумотлар ваколатли орган томонидан тегишли сўров олинган кундан бошлаб бир иш кунидан ортиқ бўлмаган муддатда тақдим этилади.

9-БОБ. ЯКУНЛОВЧИ ҚОИДАЛАР

40. Қурол муомаласи соҳасида рухсатнома бериш тўғрисидаги ариза кўриб чиқилганлиги, унинг амал қилиш муддати узайтирилганлиги, рухсатнома қайта расмийлаштирилганлиги ва унинг дубликати берилганлиги учун, шунингдек, биттадан ортиқ ҳар бир сойли стволли ўқотар ов қуролини, пневматик ов қуролини ва силлиқ стволли ўқотар ов қуролига эгалик қилганлик учун йиғимлардан келиб тушган маблағлар ички ишлар органларининг назорат-лицензиялаш фаолиятини ташкил этиш бўлинмаларининг моддий-техник базасини ривожлантиришга, рухсатномаларнинг бланкаларини тайёрлашга ва ушбу бўлинмалар ходимларини моддий рағбатлантириш тадбирларига сарфланади.

41. Ушбу Низом талабларини бузилишида айбдор бўлган шахслар қонун ҳужжатларида белгиланган тартибда жавоб берадилар.

Низомга

1-ИЛОВА

Жисмоний шахсларга қурол ва унинг ўқ-дорилари

муомаласи соҳасида рухсатномалар бериш

СХЕМАСИ

Низомга

2-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий қуролни

(коллекциялаш қуроли ва унинг ўқ-дориларини) олишга доир*

РУХСАТНОМА

Рухсатноманинг амал қилиш муддати: 20__ "___" _________гача.

*) Икки асл нусхада берилади, улардан бири қурол ва унинг ўқ-дориларини реализация қилиш бўйича фаолиятни амалга ошираётган юридик шахсларнинг ҳисобот ҳужжатларига бириктирилади, иккинчиси олинган қурол ва унинг ўқ-дорилари тўғрисида белгилар қўйилган ҳолда жисмоний шахсга қайтарилади.

**) Қурол ва унинг ўқ-дорилари тўғрисида жамланма маълумотлар кўрсатилади: қурол тури, хили, калибри, миқдори, ўқ-дориларининг тури, калибри, миқдори.

рухсатноманинг орқа тарафи *

Қурол ва унинг ўқ-дориларини реализация

қилинганлиги тўғрисида белгилар:

Реализация қилинган сана: 20__ "___" _________.

*) Рухсатноманинг орқа тарафи фуқаровий ва хизмат қуроли ҳамда унинг ўқ-дориларини реализация қилиш учун лицензияга эга бўлган юридик шахснинг ходими томонидан икки асл нусхада қурол ҳақида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари ҳақида жамланма (тури, калибри, миқдори) маълумотларни кўрсатган ҳолда тўлдирилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатнома орқа тарафининг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай ҳолларда қурол тўғрисида алоҳида ва унинг ўқ-дорилари тўғрисида жамланма маълумотлар икки асл нусхадаги тоза варақда рухсатноманинг орқа тарафига илова сифатида расмийлаштирилади. Иловалар реализацияни амалга оширган юридик шахс масъул ходимининг имзоси билан тасдиқланади ҳамда улардан бири қурол ва унинг ўқ-дориларини реализация қилиш бўйича фаолиятни амалга ошираётган юридик шахснинг ҳисобот ҳужжатларига бириктирилади, иккинчиси эса жисмоний шахсга берилади.

Низомга

3-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий қуролни (мукофот қилинган қурол ва

унинг ўқ-дориларини, коллекциялаш қуроли ва

унинг ўқ-дориларини) реализация қилишга доир

РУХСАТНОМА

Қурол ва унинг ўқ-дорилари реализация қилинган кундан сўнг уч иш кунида қурол ва

               

Рухсатноманинг амал қилиш муддати: 20__ "___" _________гача.

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай ҳолларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва унинг ўқ-дорилари тўғрисида жамланма маълумотлар кўрсатилган икки нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчиси эса жисмоний шахсга берилади.

Низомга

4-ИЛОВА

Низомга

4-1-ИЛОВА

Низомга

5-ИЛОВА

Низомга

6-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Сойли стволли спорт ўқотар қуроли ва унинг

ўқ-дориларини (тиғли совуқ спорт қуролини, спорт

улоқтириш қуролини, коллекциялаш қуроли ва унинг

ўқ-дориларини, кўргазмага қўйиш қуроли ва

унинг ўқ-дориларини) ташишга доир

РУХСАТНОМА

Ташилаётган қурол ва унинг ўқ-дориларини вақтинчалик сақлаш ва ундан

    

Рухсатнома амал қилиш муддати: 20__ "___" _________гача.

*) Спорт ўқотар (стволли коллекциялаш, стволли кўргазмага қўйиш) қуроли тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва унинг ўқ-дорилари тўғрисида жамланма маълумотлар кўрсатилган икки асл нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси жисмоний шахсга берилади.

**) Ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари ташилаётганда тўлдирилади.

Низомга

7-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Қурол ва унинг ўқ-дориларини коллекциялашга доир

РУХСАТНОМА

Рухсатноманинг амал қилиш муддати: 20__ "___" _________гача.

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва унинг ўқ-дорилари тўғрисида маълумотлар кўрсатилган икки нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси жисмоний шахсга берилади.

**) Коллекциялаш қуроли ва унинг ўқ-дориларини сақлаш жисмоний шахснинг доимий яшаш (рўйхатдан ўтиш) манзили бўйича амалга оширилади. Жисмоний шахснинг рўйхатдан ўтган жойи ва унинг доимий яшаш манзили ҳар хил бўлганда, сақлаш доимий яшаш манзили бўйича амалга оширилади.

***) Кўргазма объектларининг жойлашув схемаси рухсатномага илова сифатида расмийлаштирилади.

Низомга

8-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Қурол ва унинг ўқ-дориларини кўргазмага қўйишга доир

РУХСАТНОМА

Рухсатноманинг амал қилиш муддати: 20__ "___" _________гача.

Кўргазма объектларининг жойлашув схемаси __ варақда илова қилинади.***

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва унинг ўқ-дорилари тўғрисида маълумотлар кўрсатилган икки нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси жисмоний шахсга берилади.

**) Очиқ витриналар ва стендларда кўргазмага қўйишда.

***) Кўргазма объектларининг жойлашув схемаси рухсатномага илова сифатида расмийлаштирилади.

Низомга

9-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (мукофот қилинган, коллекциялаш,

кўргазмага қўйиш) қурол ва унинг ўқ-дориларини

Ўзбекистон Республикаси ҳудудига олиб киришга

доир (Ўзбекистон Республикаси ҳудудидан олиб

чиқишга, Ўзбекистон Республикаси ҳудуди

орқали транзит қилишга)

РУХСАТНОМА

Рухсатноманинг амал қилиш муддати: 20__ "___" _________гача.

*) Ишлаб чиқарувчи (сотувчи) билан тузилган етказиб бершига доир контракт (шартнома) асосида қурол ва унинг ўқ-дориларнинг туркумини олиб қиришда (олиб чиқишда, транзит қилишда) улар тўғрисида жамланма маълумотлар кўрсатилади: қурол тури, хили, калибри, миқдори, ўқ-дориларнинг тури, калибри, миқдори. Бошқа ҳолларда қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади.

**) Қурол ва унинг ўқ-дорилари Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан олиб киришда тўлдирилади.

***) Ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини олиб киришда (олиб чиқишла, транзит қилишда) тўлдирилади.

Низомга

10-ИЛОВА

Қурол ва унинг ўқ-дорилари муомаласи соҳасида

рухсатнома бериш тўғрисида

АРИЗА

5. Ҳаракатни бажариш ва (ёки) фаолиятни амалга оширишга дахлдор қурол ва унинг

     

7. Ҳаракатни ва (ёки) муайян фаолиятни амалга оширгандан сўнг қурол ва унинг ўқ-дориларини сақлаш, жойлаштириш, сақлаш жойи манзили*:

Аризага илова қилинган ҳужжатлар рўйхати:

1. ___________________________________________________________________________.

2. ___________________________________________________________________________.

… __________________________________________________________________________.

Аризани бериш санаси: 20___ "___"______________.

*) Фуқаровий (мукофот қилинган, коллекциялаш, кўргазмага қўйиш) қурол ва унинг ўқ-дориларини олиб чиқиш ва транзит қилишдан ташқари.

**) Низомнинг 8-бандига мувофиқ қурол ва унинг ўқ-дорилари бажариладиган ҳаракат ва (ёки) амалга ошириладиган фаолиятнинг хусусиятини инобатга олган ҳолда қўшимча равишда кўрсатилади.

Низомга

11-ИЛОВА

Жисмоний шахсларга қурол муомаласи

соҳасида рухсатномаларни бериш тўғрисидаги аризаларни

кўриб чиқиш муддатлари, рухсатномаларнинг амал

қилиш муддатлари ҳамда рухсатномаларни

олиш учун талаб этиладиган ҳужжатлар

РЎЙХАТИ

*) Алоҳида кўрсатилган ҳолатлардан ташқари, рухсатномалар субъектлари Ўзбекистон Республикасида доимий яшовчи Ўзбекистон Республикаси фуқаролари, чет эл фуқаролари ва фуқаролиги бўлмаган шахслар ҳисобланади.

**) Фуқаровий (мукофот қилинган, коллекциялаш ва кўргазмага қўйиш) қурол ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқишга доир рухсатномалар берилганда, ушбу қуроллар ва унинг ўқ-дориларини ташиш уларни Ўзбекистон Республикаси ҳудудига олиб кириш ёки Ўзбекистон Республикаси ҳудудидан олиб чиқишга доир берилган рухсатномалар асосида амалга оширилади.

Низомга

12-ИЛОВА

Жисмоний шахсларнинг қурол муомаласи

соҳасига доир рухсатнома бериш тўғрисидаги аризаси

кўриб чиқилганлиги, рухсатноманинг амал қилиш

муддати узайтирилганлиги*, рухсатнома қайта

расмийлаштирилганлиги, унинг дубликати

берилганлиги** учун йғимлар

МИҚДОРЛАРИ

*) Рухсатноманинг амал қилиш муддатини узайтириш уни бериш учун назарда тутилган тартибда амалга оширилади.

**) Рухсатнома қайта расмийлаштирилганлиги учун рухсатнома бериш тўғрисидаги ариза кўриб чиқилганда тўланадиган сумманинг ярми миқдорида йигим ундирилади. Рухсатноманинг дубликати берилганлиги учун базавий ҳисоблаш миқдорининг 10 фоизи миқдорида йиғим ундирилади.

Қонун ҳужжатлари маълумотлари миллий базаси (www.lex.uz),

2020 йил 28 декабрь