Ўзбекистон Республикаси Вазирлар Маҳкамасининг 15.06.2021 й. 375-сон "Вазирлар Маҳкамасининг "Жиноий фаолиятдан олинган даромадларни легаллаштириш ва терроризмни молиялаштиришга қарши курашиш билан боғлиқ маълумотларни тақдим этиш тартибини такомиллаштириш тўғрисида" 2009 йил 12 октябрдаги 272-сон қарорига қўшимчалар киритиш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.06.2021 й.

N 375

ВАЗИРЛАР МАҲКАМАСИНИНГ "ЖИНОИЙ

ФАОЛИЯТДАН ОЛИНГАН ДАРОМАДЛАРНИ

ЛЕГАЛЛАШТИРИШ ВА ТЕРРОРИЗМНИ

МОЛИЯЛАШТИРИШГА ҚАРШИ КУРАШИШ

БИЛАН БОҒЛИҚ МАЪЛУМОТЛАРНИ ТАҚДИМ

ЭТИШ ТАРТИБИНИ ТАКОМИЛЛАШТИРИШ

ТЎҒРИСИДА" 2009 ЙИЛ 12 ОКТЯБРДАГИ

272-СОН ҚАРОРИГА ҚЎШИМЧАЛАР

КИРИТИШ ҲАҚИДА

Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳнинг (ФАТФ) тавсияларига мувофиқ, шунингдек, "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида" Ўзбекистон Республикасининг Қонуни ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш билан боғлиқ ахборотни тақдим этиш тартибини такомиллаштириш тўғрисида" 2009 йил 12 октябрдаги 272-сон қарорининг (Ўзбекистон Республикаси ҚҲТ, 2009 й., 42-сон, 450-модда) рус тилидаги матнига иловага мувофиқ қўшимчалар киритилсин.

2. Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментига бир ой муддатда крипто-актив муомаласи соҳасидаги фаолиятни амалга оширувчи шахслар учун жиноий фаолиятдан олинган даромадларни легаллаштиришга ва терроризмни молиялаштиришга қарши курашишнинг ички назорат қоидаларини белгиланган тартибда ишлаб чиқиш ва тасдиқлаш тавсия этилсин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг маслаҳатчиси - IT-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров зиммасига юклансин.

Ўзбекистон Республикасининг Бош вазири                                              А. Арипов

Вазирлар Маҳкамасининг

2021 йил 15 июндаги

375-сон қарорига

ИЛОВА

Вазирлар Маҳкамасининг "Жиноий фаолиятдан

олинган даромадларни легаллаштиришга ва терроризмни

молиялаштиришга қарши курашиш билан боғлиқ ахборотни

тақдим этиш таргибини такомиллаштириш тўғрисида" 2009 йил

12 октябрдаги 272-сон қарорининг рус тилидаги матнига

киритилаётган қўшимчалар

1. 1-илованинг 4-банди қуйидаги мазмундаги ўн учинчи хатбоши билан тўлдирилсин:

"лица, осуществляющие деятельность в области оборота крипто-активов".

2. 2-илованинг иловаси қуйидаги мазмундаги позиция билан тўлдирилсин:

Қонун ҳужжатлари маълумотлари миллий базаси (www.lex.uz),

2021 йил 16 июнь