Молия вазирлигининг 26.11.2021 й. 75-сон, Давлат солиқ қўмитасининг 19.11.2021 й. 2021-49-сон "Алкоголь маҳсулотлари учун энг кам улгуржи-сотиш ва чакана нархларни қайта кўриб чиқиш тўғрисида"ги Қарори (АВ томонидан 01.12.2021 й. 3339-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
01.12.2021 й.
N 3339
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ 26.11.2021 й. N 75 |
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИНИНГ 19.11.2021 й. N 2021-49 |
ҚАРОРИ
Алкоголь маҳсулотлари учун энг кам улгуржи-сотиш
ва чакана нархларни қайта кўриб чиқиш тўғрисида
Ўзбекистон Республикаси Вазирлар Маҳкамасининг 2009 йил 23 декабрдаги 327-сон "Алкоголли маҳсулотлар учун энг кам улгуржи-сотиш ва чакана нархларни жорий этиш тўғрисида"ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси ҚАРОР ҚИЛАДИ:
1. Алкоголь маҳсулотлари учун энг кам улгуржи-сотиш ва чакана нархлар қайта кўриб чиқилиб, улар иловага мувофиқ миқдорларда белгилансин.
2. Ўзбекистон Республикаси Молия вазирлиги ва Давлат солиқ қўмитасининг 2021 йил 16 мартдаги 16, 2021-16-сон "Алкоголь маҳсулотлари учун энг кам улгуржи-сотиш ва чакана нархларни қайта кўриб чиқиш тўғрисида"ги қарори (рўйхат рақами 3288, 2021 йил 20 март) (Қонун ҳужжатлари маълумотлари миллий базаси, 20.03.2021 й., 10/21/3288/0225-сон) ўз кучини йўқотган деб топилсин.
3. Мазкур қарор 2021 йил 1 декабрдан кучга киради.
Молия вазири
|
Т. Ишметов |
Давлат солиқ қўмитаси раиси |
Ш. Кудбиев |
ИЛОВА
Алкоголь маҳсулотлари* учун энг кам
улгуржи-сотиш ва чакана нархлар
Сотилаётган товарнинг номи |
Ишлаб чиқарувчи корхоналарнинг энг кам улгуржи-сотиш нархи |
Энг кам чакана нарх |
Вино, 1 литр тайёр маҳсулот учун сўм ҳисобида |
12 000 |
14 200 |
Коньяк, 1 литр тайёр маҳсулот учун сўм ҳисобида |
48 200 |
57 800 |
Ароқ ва бошқа алкоголь маҳсулотлари, 1 литр тайёр маҳсулот учун сўм ҳисобида |
30 200 |
36 200 |
Қонун ҳужжатлари маълумотлари миллий базаси (www.lex.uz),
2021 йил 1 декабрь
Бизнинг Facebook
Телеграм канали @uz_buxgalter
