Халқаро почта ва курьерлик жўнатмаларини божхона назорати ва расмийлаштирувидан ўтказиш тартиби тўғрисида Низом (ЎзР ВМ 21.12.2021 й. 767-сон қарорига илова)
Вазирлар Маҳкамасининг
2021 йил 21 декабрдаги
ИЛОВА
Халқаро почта ва курьерлик жўнатмаларини
божхона назорати ва расмийлаштирувидан
ўтказиш тартиби тўғрисида
НИЗОМ
1. Ушбу Низом Ўзбекистон Республикаси божхона ҳудудига хорижий давлатлардан келтириладиган ва Ўзбекистон Республикаси божхона ҳудудидан ташқарига жўнатиладиган халқаро почта ва курьерлик жўнатмаларининг божхона назорати ва расмийлаштируви тартибини белгилайди.
2. Мазкур Низомнинг қоидалари ёзма хат-хабарлар (майда пакетлардан ташқари), дипломатик ва консуллик почта қопларига нисбатан татбиқ этилмайди, қонунчилик ҳужжатларида белгиланган ҳоллар бундан мустасно.
3. Ушбу Низомда қуйидаги асосий тушунчалар қўлланилади:
почта алоқаси оператори - мулк ҳуқуқи ёки бошқа ашёвий ҳуқуқлар асосида почта алоқаси тармоғига эгалик қилувчи ва фаолиятнинг асосий тури сифатида почта алоқаси хизматларини кўрсатиш ҳуқуқига эга бўлган юридик шахс;
почта алоқаси провайдери - фойдаланувчиларга почта алоқаси операторларининг тармоғи орқали почта, курьерлик хизматларини кўрсатувчи юридик шахс;
халқаро курьерлик жўнатмалари - қисқа муддатларда қўлдан-қўлга етказиб берилган (топширилган) ҳолда амалга ошириладиган почта варақчалари, хатлар, бандероллар, босма нашрлар ва бошқа жўнатмалар;
халқаро почта алмашинуви жойи - кирувчи ва чиқувчи халқаро почта жўнатмаларига тўлиқ қайта ишлов берувчи, шунингдек, уларни манзил бўйича жўнатувчи миллий почта алоқа операторининг алоҳида бўлинмаси;
халқаро почта ва курьерлик жўнатмалари бўйича божхона назорати ва расмийлаштируви - Ўзбекистон Республикасининг қонунчилик ҳужжатлари ва халқаро шартномаларига риоя этилишини таъминлаш мақсадида давлат божхона хизмати органлари (кейинги ўринларда - божхона органлари) томонидан Ўзбекистон Республикаси божхона ҳудудига хорижий давлатлардан келтириладиган ва Ўзбекистон Республикаси божхона ҳудудидан ташқарига жўнатиладиган жўнатмалар назорати ва расмийлаштирувини хавфни бошқариш тизимидан фойдаланган ҳолда амалга ошириш бўйича чора-тадбирлар мажмуи;
халқаро почта жўнатмалари - манзили кўрсатилган тегишли қадоқдаги ёзма хат-хабарлар, босма нашрлар ва бошқа жўнатмалар;
шахсий эҳтиёжлар учун товарлар - жисмоний шахслар томонидан божхона чегараси орқали олиб ўтиладиган шахсий, оилавий (ота-онаси, турмуш ўртоғи ва фарзандлари) эҳтиёжлари учун мўлжалланган ҳамда тадбиркорлик ёки бошқа тижорат фаолиятини амалга ошириш билан боғлиқ бўлмаган товарлар;
тижорат мақсадлари учун товарлар - божхона чегараси орқали олиб ўтиладиган ишлаб чиқариш, тадбиркорлик ёки бошқа тижорат фаолияти учун мўлжалланган товарлар.
4. Халқаро почта жўнатмаларига ишлов бериш, уларни божхона органлари томонидан назорат қилиш, шунингдек, тайинланган жойга жўнатиш почта алоқаси соҳасидаги махсус ваколатли орган томонидан Ўзбекистон Республикаси Давлат божхона қўмитаси билан келишилган ҳолда белгиланадиган халқаро почта алмашинуви жойларида амалга оширилади.
Халқаро курьерлик жўнатмаларига ишлов бериш, уларни божхона органлари томонидан назорат қилиш, шунингдек, тайинланган жойга жўнатиш:
темир йўл ва автомобиль транспорти орқали етказишда - махсус белгиланган божхона постларида;
ҳаво транспорти орқали етказишда - халқаро аэропортлар ёки уларга яқин ҳудудларда жойлашган божхона постларида амалга оширилади.
5. Халқаро почта ва курьерлик жўнатмаларида (кейинги ўринларда - жўнатмалар) юбориладиган товарларнинг божхона расмийлаштируви қабул қилувчилар ёки жўнатувчилар қайси божхона органининг фаолият кўрсатиш зонасида турган бўлса, ўша божхона органи томонидан амалга оширилиши мумкин.
Божхона расмийлаштирувидан ўтиши лозим бўлган жўнатмалар ушбу божхона органигача божхона назорати остида етказилади.
6. Барча жўнатмаларга Ўзбекистон Республикасининг ташқи иқтисодий фаолият соҳасидаги қонунчилик ҳужжатлари талаблари, ушбу Низом қоидалари ва Умумжаҳон почта иттифоқи актлари асосида белгиланган тартиблар, тақиқлар ва чекловлар татбиқ этилади.
7. Божхона чегараси орқали олиб ўтиладиган жўнатмаларда юбориладиган товарлар божхона назоратидан ўтказилади. Жўнатмаларни божхона назоратидан ўтказмасдан қабул қилувчиларга бериш ёки божхона ҳудудидан ташқарига жўнатиш таъқиқланади.
8. Жўнатмаларнинг божхона назорати келтириладиган жўнатмалар учун божхона чегарасини кесиб ўтиши билан, олиб чиқиладиган жўнатмалар учун эса божхона декларацияси қабул қилинган вақтдан бошланган ҳисобланади.
Жўнатмаларнинг божхона назорати олиб киришда божхона органлари томонидан чиқаришга рухсат берилганда ёки олиб чиқишда божхона чегарасини кесиб ўтиш вақтида якунланади.
9. Четдан келтириладиган жўнатмалар божхона назорати зонасига Ўзбекистон Республикаси Божхона кодексининг 218-моддасида белгиланган тартибда етказилиши лозим.
10. Почта алоқаси операторлари ва провайдерлари ходимлари томонидан транспорт ташкилотлари вакилларига жўнатмалар топширилиши ва транспорт ташкилотлари вакилларидан почта алоқаси операторлари ва провайдерлари ходимлари томонидан жўнатмалар қабул қилиниши божхона органининг мансабдор шахси иштирокида амалга оширилади.
11. Қуйидаги ҳужжатларга жўнатмалар бўйича божхона декларацияси сифатида қаралади:
жисмоний шахсларнинг манзилига нотижорат мақсадларда, шунингдек, юридик шахслар манзилига қиймати базавий ҳисоблаш миқдорининг ўттиз бараваригача бўлган миқдордаги халқаро почта жўнатмаларида юбориладиган товарлар учун - Умумжаҳон почта иттифоқининг актларида назарда тутилган ҳужжатлар;
жисмоний шахсларнинг манзилига нотижорат мақсадларда, шунингдек, юридик шахслар манзилига қиймати базавий ҳисоблаш миқдорининг ўттиз бараваригача бўлган миқдордаги халқаро курьерлик жўнатмаларида юбориладиган товарлар учун - тижорат ҳужжатлари.
Бошқа ҳолларда жўнатмаларда юбориладиган товарларни декларациялаш божхона юк декларациясини бериш орқали амалга оширилади.
Жўнатмаларда олиб чиқиладиган, божхона юк декларацияси берилиши лозим бўлган товарларни декларациялаш мазкур товарлар почта алоқаси ташкилотларига топширилаётганда амалга оширилади.
12. Ҳар бир халқаро курьерлик жўнатмалари бўйича почта алоқаси операторлари ёки провайдерлари томонидан божхона органларига божхона декларацияси (бевосита халқаро курьерлик жўнатмасига ёпиштирилган бўлиши лозим), мазкур Низомга 1-иловада келтирилган шаклда манифест ҳамда қонунчилик ҳужжатларида белгиланган дастлабки электрон шаклдаги ахборот (кейинги ўринларида - дастлабки ахборот) тақдим этилади.
Дастлабки ахборотнинг божхона декларациясида кўрсатилган маълумотлар билан мувофиқлигига халқаро курьерлик жўнатмалари бўйича почта алоқаси операторлари ва провайдерлари масъул ҳисобланади.
Дастлабки ахборотнинг божхона декларациясида кўрсатилган маълумотлар билан номувофиқлиги аниқланганда ёхуд дастлабки ахборот мавжуд бўлмаганда, божхона қонунчилик ҳужжатларида белгиланган божхона назорати шакллари қўлланилади.
Дастлабки ахборот мавжуд бўлмаганда ёки қисман тақдим этилганда, халқаро курьерлик жўнатмаларнинг божхона назорати ва расмийлаштируви ахборот божхона органларига почта алоқаси операторлари ёки провайдерлари томонидан тўлиқ тақдим этилгандан сўнг амалга оширилади.
Дастлабки ахборот мавжуд бўлганда ва улар божхона декларациясида кўрсатилган маьлумотлар билан мувофиқ бўлса ҳамда божхона назоратини амалга оширгандан сўнг бирор-бир тафовут аниқланмаса, божхона расмийлаштируви божхона органларининг ахборот тизимлари орқали электрон равишда амалга оширилади.
13. Келтирилган жўнатмалар почта алоқаси операторлари ва провайдерлари томонидан божхона органининг мансабдор шахси иштирокида очилади.
Почта алоқаси операторлари ва провайдерлари божхона кўздан кечирувини ҳамда божхона кўригини ўтказиш учун божхона органларига жўнатмаларни тақдим этади.
Божхона органларига божхона кўздан кечируви ва божхона кўриги учун хатлар, почта карточкалари ва секограммалар тақдим этилмайди, халқаро жўнатмаларда тегишинча божхона ҳудудига олиб кирилиши ёки ушбу ҳудуддан олиб чиқилиши қонунчилик ҳужжатларида тақиқланган ёки чекланган товарлар мавжуд деб ҳисоблаш учун божхона органларида етарли асослар мавжуд бўлган ҳоллар бундан мустасно.
Божхона назоратига тақдим этилган жўнатмаларни очиш, ҳужжатли солиштириш, тортиш, қадоқлаш ҳамда юборилаётган буюмларни почта алоқаси операторлари ва провайдерлари ходимлари томонидан санаш, ўлчаш ҳамда тортиш божхона органи мансабдор шахси иштирокида амалга оширилади.
14. Жўнатмаларни очиш орқали божхона кўригидан ўтказиш божхона органининг мансабдор шахси ва почта алоқаси оператори ёки провайдерининг икки нафар ходими томонидан амалга оширилади.
Жўнатмалар божхона кўригидан ўтказилаётганда, уларнинг миқдорида фарқлар, жойланмаларида номувофиқликлар ҳамда божхона тўғрисидаги қонунчилик ҳужжатлари бузилишининг бошқа ҳоллари аниқланган тақдирда, белгиланган тартибда шакллантирилиб, тўлдирилган божхона кўриги далолатномаси божхона кўригини амалга оширган почта алоқаси оператори ёки провайдерининг ходимлари ҳамда божхона органи мансабдор шахси томонидан имзоланиб расмийлаштирилади.
15. Ўзбекистон Республикаси божхона ҳудудига киритилган ва республика божхона ҳудудидан олиб чиқилган, муайян сабабларга кўра орқага қайтарилган жўнатмалар божхона органи томонидан мажбурий тартибда божхона кўригидан ўтказилади.
16. Ўзбекистон Республикаси ҳудуди орқали транзит ҳаракатланаётган жўнатмаларнинг божхона назорати Ўзбекистон Республикаси Божхона кодексининг 116-120-моддаларига мувофиқ амалга оширилади.
17. Бошқа давлат органларининг (ветеринар, карантин ва бошқалар) назоратидан ўтиши лозим бўлган жўнатмаларнинг божхона расмийлаштируви тегишли кузатув ҳужжатларига ушбу органларнинг чиқариш тўғрисидаги белгиси қўйилгандан кейин ёки рухсат этувчи ҳужжат тақдим этилгандан сўнг якунланади.
18. Божхона назорати зонасидан божхона чегараси ташқарисига чиқарилаётган жўнатмалар божхона органи томонидан кузатув ҳужжатларига штамп ва муҳр босиш орқали амалга оширилади.
19. Ўзбекистон Республикаси божхона ҳудудига хорижий давлатлардан келтириладиган ва Ўзбекистон Республикаси божхона ҳудудидан ташқарига жўнатиладиган халқаро почта ва курьерлик жўнатмаларининг божхона назорати ва расмийлаштируви ушбу Низомга 2 ва 3-иловаларда келтирилган схемаларга мувофиқ юборилади.
2-БОБ. ЎЗБЕКИСТОН РЕСПУБЛИКАСИ
БОЖХОНА ҲУДУДИГА КЕЛТИРИЛАЁТГАН
ЖЎНАТМАЛАРНИ БОЖХОНА НАЗОРАТИ ВА
РАСМИЙЛАШТИРУВИДАН ЎТКАЗИШ
20. Ушбу Низомнинг 4-бандида кўрсатилган жойларда жўнатмаларнинг божхона назоратини амалга оширишда товарлар қонунчилик ҳужжатларига мувофиқ божхона тўловларига тортилмайдиган бўлса, божхона органи томонидан божхона декларацияси расмийлаштирилади ва кейинги манзилга йўналтириш ҳамда қабул қилувчига топшириш учун почта алоқаси оператори ёки провайдери ходимларига топширилади.
21. Қабул қилувчи шахс жўнатмани олишдан воз кечганда, кўрсатилган манзилда бўлмаганда, сақлаш муддати тугаганда, манзили тўлиқ кўрсатилмаганда ёки нотўғри кўрсатилганда, почта алоқаси оператори ёки провайдери томонидан ушбу жўнатмаларни ортга қайтариш чоралари кўрилади.
22. Жўнатмалар ичида тижорат мақсадида олиб келинган деб қаралган товарлар мавжуд бўлганда, божхона расмийлаштируви тегишли тартибда амалга оширилади.
23. Жўнатмалар орқали юборилган товарлар бўйича божхона тўловлари ваколатли шахс томонидан тўланади.
Жўнатмалардаги товарлар тадбиркорлик ёки бошқа тижорат мақсадларида олиб келинган тақдирда, уларга нисбатан божхона қонунчилик ҳужжатларида белгиланган божхона расмийлаштирувининг умумий қоидалари олиб ўтилаётган товарларнинг умумий миқдорига нисбатан қўлланилади.
Жўнатмалардаги товарлар миқдори ёки қиймати жисмоний шахслар томонидан Ўзбекистон Республикаси божхона ҳудудига товарларни шахсий эҳтиёжлар учун божхона тўловлари тўламасдан олиб киришнинг чекланган меъёрларидан ортган тақдирда, Ўзбекистон Республикаси Ташқи иқтисодий фаолият товар номенклатураси кодидан ва келиб чиқиш мамлакатидан қатъи назар, товарларнинг барча тоифалари бўйича божхона қийматидан ва (ёки) оғирлигидан келиб чиқиб, олиб кириш меъёрларидан ортиқ қисмига нисбатан ягона божхона тўлови ундирилади.
Товарларга нисбатан ҳисобланган божхона тўловлари тўлангандан сўнг жўнатмалар ваколатли шахсга топширилади.
24. Божхона юк декларациясини тақдим этиш талаб қилинмайдиган товарлар учун божхона тўловлари божхона кирим ордеридан фойдаланган ҳолда ундирилади. Божхона тўловларини ҳисоблаш ва божхона кирим ордерини тўлдириш божхона органннннг мансабдор шахси томонидан амалга оширилади.
25. Божхона юк декларациясини тақдим этиш талаб қилинмайдиган товарлар учун божхона тўловлари суммасини ҳисоблаш божхона мақсадлари учун фойдаланиладиган Умумжаҳон почта иттифоқининг актларида назарда тутилган ҳужжатлар ҳамда тижорат ҳужжатлари асосида амалга оширилади.
Товарларнинг қиймати тўғрисида маълумот мавжуд бўлмаганда ёки товарларнинг нархи асоссиз пасайтирилиб кўрсатилганда, товарларнинг божхона қиймати божхона органи томонидан Ўзбекистон Республикаси Божхона кодексининг 164-моддаси талабларига мувофиқ аниқланади ҳамда божхона тўловларини ҳисоблаш ва уларни тўлаш белгиланган тартибда амалга оширилади.
26. Жўнатмаларнинг божхона расмийлаштируви, божхона органлари томонидан қонунчилик ҳужжатларига мувофиқ ҳисобланган божхона тўловлари ушбу Низом 23-25-бандларида белгиланган тартибда бундай жўнатмаларни қабул қилиб олувчилар томонидан тўлангандан кейин амалга оширилади.
Божхона тўловлари ҳисобланган халқаро курьерлик жўнатмаларини қабул қилувчилар божхона назорати амалга оширилаётган ҳудуддан бошқа ҳудудда жойлашган тақдирда, бундай жўнатмалар божхона назорати остида қабул қилувчининг жойлашган ҳудудидаги божхона органига белгиланган тартибда етказиб берилади.
3-БОБ. ЎЗБЕКИСТОН РЕСПУБЛИКАСИДАН
ЮБОРИЛАЁТГАН ЖЎНАТМАЛАРНИ БОЖХОНА
НАЗОРАТИ ВА РАСМИЙЛАШТИРУВИДАН ЎТКАЗИШ
27. Юбориладиган жўнатмаларга ишлов бериш ва назорат қилиш Ўзбекистон Республикаси ҳудудида улар жўнатувчилардан божхона назорати зоналарида қабул қилиб олинишида бошланади.
28. Ҳар бир жўнатувчи жўнатмаларни почта алоқаси операторлари ва провайдерларига топширишдан олдин амалдаги қоидалар билан танишиб чиқишга ва юк кузатув ҳужжатларини белгиланган шаклда тўлдиришга мажбур.
Жўнатмалар жўнатувчи томонидан амалдаги қоидаларга биноан ушбу жараёнларни назорат қилиш юклатилган почта алоқаси операторлари ёки провайдерлари ходими иштирокида қадоқланади.
29. Почта алоқаси операторлари ва провайдерлари томонидан қабул қилинган чиқувчи жўнатмалар кузатув ҳужжатлари билан бирга божхона назорат зонасига тушади ва уларни тортиш, дастлабки ажратиш ва юкхати ёзиш бўлинмаларига топширилади.
Ажратиш бўлинмаларидан жўнатмалар кузатув ҳужжатлари билан бирга божхона назоратидан ўтказиш учун қабул қилинади.
30. Почта алоқаси операторлари ва провайдерлари ходимлари томонидан божхона органи ходими билан биргаликда жўнатмаларнинг кузатув ҳужжатлари олдиндан текшириб чиқилади ва жўнатиш тақиқланган буюмлар эгасига қайтариш учун ажратилади. Ушбу жўнатмаларнинг кузатув ҳужжатларида қайтариш сабаблари кўрсатилган ҳолда тегишли хизматлар томонидан белги қўйилади.
31. Ўзбекистон Республикаси божхона ҳудудидан жўнатилаётган жўнатмалар юридик шахслар, почта алоқаси операторлари ва провайдерлари томонидан божхона расмийлаштируви тугагандан сўнг қабул қилинади.
32. Экспорт қилувчилар Ўзбекистон Республикасининг банкларидаги ўз ҳисобварақларига тўлиқ тўлов келиб тушгандан кейин ва ушбу маълумотларни Ташқи савдо операцияларнинг ягона электрон ахборот тизимига киритгандан сўнг экспорт шартномалари тузмасдан, интернет-дўконлари орқали товарлар, ишлар ва хизматларни экспорт қилиш ҳуқуқига эга бўлади, қонунчилик ҳужжатларида назарда тутилган ҳоллар бундан мустасно.
Бунда халқаро тўлов тизими орқали тўланган ҳолда Интернет бутунжаҳон ахборот тармоғи орқали битта инвойс бўйича қиймати 5 000 АҚШ долларигача бўлган товар (хизмат)ларни экспорт қилишда, харидор билан ёзма шартнома тузиш талаб этилмайди ҳамда барча юридик ва жисмоний шахсларга Ташқи савдо операцияларининг ягона электрон ахборот тизимига ахборот киритмасдан ҳамда божхона юк декларациясини расмийлаштирмасдан товарлар экспортини амалга оширишга рухсат этилади.
Ушбу банднинг иккинчи хатбошида кўрсатилган товарларни ўз ичига олган жўнатмалар қонунчиликда белгиланган тартибда жўнатилади.
33. Мазкур Низом талабларини бажаришда келиб чиқадиган низолар қонунчилик ҳужжатларида белгиланган тартибда ҳал этилади.
34. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
1-ИЛОВА
Ўзбекистон Республикасига олиб кириладиган
халқаро курьерлик жўнатмалари бўйича
МАНИФЕСТ
Жўнатувчи ташкилот номи: Манзили: Телефон рақами:
|
Қабул қилувчи ташкилот номи: Манзили: Телефон рақами: СТИР:
|
T/p |
1. Тижорат ҳужжатининг рақами |
2. Халқаро курьерлик жўнатмасининг жўнатувчиси |
3. Халқаро курьерлик жўнатмасининг қабул қилувчиси ва унинг манзили |
4. Халқаро курьерлик жўнатмасидаги товарларнинг қисқача номи |
5. Халқаро курьерлик жўнатмасининг брутто вазни (кг) |
6. Халқаро курьерлик жўнатмасинннг фактура қиймати |
7. Валюта номи |
|
|
|
|||||||
|
|
|||||||
|
|
|||||||
|
|
|||||||
|
|
|||||||
Жами: |
||||||||
Жўнатувчи ташкилот номи, имзоси ва муҳри: Қабул қилувчи ташкилот номи, имзоси ва муҳри:
Изоҳ. Манифестда кўрсатилган маълумотларни ўзгартирмаган ҳолда жадвални қайта шакиллантиришга йўл қуйилади.
2-ИЛОВА
Ўзбекистон Республикаси ҳудудига келтирилаётган
халқаро почта ва курьерлик жўнатмаларини божхона
назорати ва расмийлаштирувидан ўтказиш
СХЕМАСИ
Босқичлар |
|
Субъектлар |
Тадбирлар |
Муддат |
||
|
||||||
|
|
|
|
|
|
|
1-босқич |
|
Почта алоқаси операторлари ва провайдерлари |
Ўзбекистон Республикаси божхона назорати ҳудудига халқаро курьерлик жўнатмалари орқали келаётган товарлар тўғрисида давлат божхона хизмати органларининг автоматлаштирилган тизимига Ягона давлат интерактив хизматлари портали (ЯДИХП) орқали дастабки ахборотни юбориш.
|
Халқаро курьерлик жўнатмаларининг божхона назорати амалга оширилгунга қадар |
||
|
||||||
|
||||||
2-босқич |
|
Божхона органи ходими |
1. Олдиндан келиб тушган дастабки ахборотни божхона декларациясида кўрсатилган маълумотлар билан таққослаш ва жўнатманинг қандай мақсадларда олиб кирилаётганлигини аниқлаш.
|
Ҳар бир халқаро курьерлик жўнатмаси учун 20 дақиқа
|
||
|
||||||
|
||||||
|
2. Жўнатмаларнинг божхона назоратини амалга оширишда товарлар қонунчилик ҳужжатларига мувофиқ божхона тўловларига тортилмайдиган бўлса, божхона расмийлашгируви, шу жумладан, хавфни бошқариш тизимини қўллаган ҳолда амалга ошириш.
|
Ҳар бир халқаро почта ва курьерлик жўнатмаси учун 20 дақиқа |
||||
|
||||||
|
||||||
|
3. Жўнатмани кейинги манзилга ёки қабул қилувчига етказиш учун почта алоқаси операторлари ва провайдерларига топшириш.
|
Божхона назорати якуни билан
|
||||
|
||||||
|
|
|
|
|
|
|
3-ИЛОВА
Ўзбекистон Республикаси ҳудудидан чиқиб кетаётган
халқаро почта ва курьерлик жўнатмаларини божхона
назорати ва расмийлаштирувидан ўтказиш
СХЕМАСИ
Босқичлар |
|
Субъектлар |
Тадбирлар |
Муддат |
||
|
||||||
|
|
|
|
|
|
|
1-босқич |
|
Почта алоқаси операторлари ва провайдерлари |
Ўзбекистон Республикаси божхона назорати ҳудудига халқаро почта ва курьерлик жўнатмаларини етказиш.
|
Халқаро почта ва курьерлик жўнатмаларининг божхона назорати амалга оширилгунга қадар
|
||
|
||||||
|
||||||
2-босқич |
|
Божхона органи ходими |
1. Жўнатмаларни божхона назорати ва расмийлаштируви, шу жумладан, хавфни бошқариш тизимини қўллаган ҳолда амалга ошириш.
|
Ҳар бир халқаро почта ва курьерлик жўнатмаси учун 20 дақиқа
|
||
|
||||||
|
||||||
|
2. Жўнатмаларни кейинги манзилга етказиш учун почта алоқаси операторлари ва провайдерларига топшириш.
|
Божхона назорати якуни билан
|
||||
|
||||||
|
|
|
|
|
|
|
Қонун ҳужжатлари маълумотлари миллий базаси (www.lex.uz),
2021 йил 22 декабрь
Бизнинг Facebook
Телеграм канали @uz_buxgalter
