Умумий ўрта таълим тўғрисидаги расмий давлат ҳужжатлари дубликатини бериш бўйича давлат хизмати кўрсатишнинг Маъмурий регламенти (ЎзР ВМ 01.06.2022 й. 295-сон қарорига 4-илова)

Вазирлар Маҳкамасининг

2022 йил 1 июндаги

295-сон қарорига

4-ИЛОВА

Умумий ўрта таълим тўғрисидаги

расмий давлат ҳужжатлари дубликатини бериш

бўйича давлат хизмати кўрсатишнинг

МАЪМУРИЙ РЕГЛАМЕНТИ

        

       

1-БОБ. УМУМИЙ ҚОИДАЛАР

1. Мазкур Регламент жисмоний шахсларга (кейинги ўринларда - ариза берувчи) Ягона интерактив давлат хизматлари портали (кейинги ўринларда - ЯИДХП) орқали умумий ўрта таълим тўғрисидаги шаҳодатнома (сертификат) дубликатини бериш бўйича давлат хизматини кўрсатиш тартибини белгилайди.

Умумий ўрта таълим тўғрисида давлат намунасидаги расмий ҳужжат ва унинг дубликати бир хил юридик кучга эга бўлади.

2. Ушбу Регламентда қуйидаги асосий тушунчалар қўлланилади:

архив ҳужжатлари - шаҳодатномаларни ҳисобга олиш ва тарқатиш дафтари, синф журналлари, педагогик кенгаш мажлиси баённомалари дафтари, буйруқлар дафтари, ўқувчилар ҳаракати дафтари;

давлат хизмати - ариза берувчиларга ЯИДХП орқали шаҳодатнома (сертификат) дубликатини бериш бўйича давлат хизмати;

дубликат - шаҳодатнома (сертификат)ни йўқотган ёки фамилиясини ўзгартирган шахсларга ёхуд шаҳодатнома (сертификат) яроқсиз ҳолга келган, бузилган ҳолларда бериладиган ҳужжат;

таълим ташкилоти - давлат умумий ўрта таълим муассасаси, нодавлат таълим ташкилоти, бошқа вазирлик, идора ва ташкилотларнинг тизимида бўлган умумий ўрта таълим муассасалари;

шаҳодатнома (сертификат) - таълим ташкилотини тамомлаганлик тўғрисида таянч ўрта таълим тўғрисидаги шаҳодатнома, умумий ўрта таълим тўғрисидаги шаҳодатнома ёки психик ривожланишида нуқсони бўлган болалар учун ихтисослаштирилган мактаб (мактаб-интернат)ни тамомлаганлик тўғрисидаги сертификат.

3. Давлат хизмати ЯИДХП орқали Ўзбекистон Республикаси Халқ таълими вазирлиги тизимидаги туман (шаҳар) халқ таълими бўлимлари (кейинги ўринларда - туман (шаҳар) халқ таълими бўлимлари) томонидан кўрсатилади.

4. ЯИДХП ва туман (шаҳар) халқ таълими бўлимлари ўртасидаги ахборот алмашинуви электрон рақамли имзони (кейинги ўринларда - ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

5. Давлат хизмати кўрсатилганлиги учун ариза берувчидан йиғим ундирилмайди.

6. Давлат хизмати мазкур Регламентга 1-иловадаги схемага мувофиқ кўрсатилади.

2-БОБ. ДАВЛАТ ХИЗМАТИНИ

КЎРСАТИШ ТАРТИБИ

7. Ариза берувчи давлат хизматидан фойдаланиш учун ЯИДХПда рўйхатдан ўтади.

8. Ариза берувчи ёки унинг ишончли вакили ЯИДХП орқали мазкур Регламентга 2-иловага мувофиқ шаклдаги сўровномани электрон равишда мустақил тўлдиради. Ариза берувчи ишончнома асосида ҳаракат қилаётганда, сўровномага нотариал тасдиқланган ишончнома нусхаси илова қилинади.

9. Ариза берувчи сўровномага киритилган маълумотларнинг тўғрилигини текшириб, сўровномани тасдиқлайди.

10. Ариза берувчи томонидан тасдиқланган сўровнома автоматик тарзда туман (шаҳар) халқ таълими бўлимига юборилади.

11. Туман (шаҳар) халқ таълими бўлими сўровнома тушган вақтдан бошлаб бир иш куни мобайнида уни таълим ташкилотига кўриб чиқиш учун юборади.

12. Таълим ташкилоти туман (шаҳар) халқ таълими бўлимидан келиб тушган сўровномани уч иш куни мобайнида ўрганиб чиқиб, архив ҳужжатлари асосида дубликат бериш ёки беришни рад этиш бўйича хулоса тайёрлайди ва туман (шаҳар) халқ таълими бўлимига юборади.

13. Хулосада ариза берувчининг ўқишни тамомлаган йили ва таълим ташкилоти номи, ўзлаштирган фанлари, шаҳодатнома (сертификат) тури, серияси ва рақами ёки дубликатни беришни рад этиш асоси кўрсатилади.

14. Ариза берувчи шаҳодатнома (сертификат) олган таълим ташкилоти тугатилган ҳолларда, хулоса архив ҳужжатларини сақлаш бўйича масъул этиб белгиланган ташкилот томонидан тайёрланади.

15. Дубликат бериш учун қўшимча ўрганиш талаб этиладиган (таълим ташкилоти фаолияти тугатилган, қайта ташкил этилган, номи ёки почта манзили ўзгарган, давлат архивларига ёки вазирлик ва идораларга қўшимча сўров юборилган) ҳолларда, давлат хизматини кўрсатиш муддати қўшимча беш иш кунига узайтирилиши мумкин.

16. Заруратга кўра, туман (шаҳар) халқ таълими бўлими ёки таълим ташкилоти тегишли давлат архивларига архив ҳужжатлари бўйича электрон шаклда сўров юборади.

Давлат архивлари томонидан уч иш куни ичида белгиланган тартибда архив ҳужжатлари тўғрисида маълумотлар бепул тақдим этилади.

17. Дубликат бериш архив ҳужжатларида тегишли қайдлар мавжуд бўлмаган тақдирдагина рад этилади.

18. Туман (шаҳар) халқ таълими бўлими таълим ташкилотининг хулосаси келиб тушган вақтдан бошлаб бир иш куни мобайнида мазкур Регламентга 3 ва 3а-иловаларга мувофиқ шаклдаги QR-код (матрик штрихли код) қўйилган дубликатни расмийлаштиради ёки дубликат беришни рад этиш тўғрисидаги маълумотни шакллантиради.

Расмийлаштирилган дубликат ёки уни беришни рад этиш тўғрисидаги маълумот туман (шаҳар) халқ таълими бўлими мудирининг ЭРИси билан тасдиқланади ва ЯИДХП орқали электрон равишда юборилади.

19. Ариза берувчи расмийлаштирилган дубликат ёки рад этиш тўғрисидаги маълумотни ЯИДХП орқали автоматик тарзда тизимдан юклаб олади.

20. Расмийлаштирилган дубликатда хатоликлар мавжудлиги аниқланган тақдирда, ариза берувчи белгиланган тартибда илгари юборилган ариза рақамини кўрсатиш орқали қайта мурожаат қилиш ҳуқуқига эга.

Ммурожаат мазкур Регламентда назарда тутилган давлат хизматини кўрсатиш учун белгиланган тартибда қайта кўриб чиқилади.

3-БОБ. ЯКУНЛОВЧИ ҚОИДАЛАР

21. Туман (шаҳар) халқ таълими бўлимлари ва таълим ташкилотлари ушбу Регламент талабларига риоя қилиниши ҳамда расмийлаштириладиган дубликат ёки уни беришни рад этиш тўғрисидаги маълумотда киритилган маълумотларнинг ҳақиқийлиги ва тўғрилиги учун масъул ҳисобланади.

22. Ушбу Регламентни қўллашда юзага келадиган низолар қонунчиликда белгиланган тартибда ҳал этилади.

23. Мазкур Регламент талабларининг бузилишида айбдор бўлган шахслар қонунчиликка мувофиқ жавоб берадилар.

          

         

Маъмурий регламентга

1-ИЛОВА

Умумий ўрта таълим тўғрисида давлат

намунасидаги расмий ҳужжатларнинг дубликатини

бериш бўйича давлат хизматини кўрсатиш

СХЕМАСИ

        

           

            

Маъмурий регламентга

2-ИЛОВА

Умумий ўрта таълим тўғрисида давлат

намунасидаги  расмий  ҳужжатларнинг

дубликатини олиш учун

СЎРОВНОМА

         

           

        

Маъмурий регламентга

3-ИЛОВА

Умумий ўрта таълим тўғрисида давлат

намунасидаги расмий ҳужжатнинг

дубликати намунаси

         

       

UMUMIY (TAYANCH) O`RTA TA`LIM

TO`G`RISIDA SHAHODATNOMANING

DUBLIKATI N DB 0000000

(_________ raqamli shahodatnoma o`rniga)

     

          

          

           

         

         

         

          

Маъмурий регламентга

3а-ИЛОВА

Сертификатнинг дубликат намунаси

         

       

SERTIFIKATNING DUBLIKATI

N DB 0000000

(___________ raqamli sertifikatning o`rniga)

             

    

          

            

           

         

         

         

          

Қонун ҳужжатлари маълумотлари миллий базаси (www.lex.uz),

2022 йил 2 июнь