Давлат патент идораси директорининг 30.12.2004 й. 62-сон "Селекция ютуғига Ўзбекистон Республикаси патентини бериш учун талабномаларни тузиш, топшириш ва кўриб чиқиш қоидаларини тасдиқлаш тўғрисида"ги Буйруғи (АВ томонидан 14.01.2005 й. 1443-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.01.2005 й.

N 1443

ЎЗБЕКИСТОН РЕСПУБЛИКАСИ

ДАВЛАТ ПАТЕНТ ИДОРАСИ

ДИРЕКТОРИНИНГ

30.12.2004 й.

N 62

БУЙРУҒИ

Селекция ютуғига Ўзбекистон Республикаси патентини

бериш учун талабномаларни тузиш, топшириш ва

кўриб чиқиш қоидаларини тасдиқлаш тўғрисида

(2005 йил 24 январдан кучга киради)

Ўзбекистон Республикасининг "Селекция ютуғлари тўғрисидаги" Қонунига мувофиқ БУЮРАМАН:

1. Селекция ютуғига Ўзбекистон Республикаси патентини бериш учун талабномаларни тузиш, топшириш ва кўриб чиқиш қоидалари иловага биноан тасдиқлансин.

2. Давлат патент идораси директорининг 1997 йил 2 сентябрдаги 49-сон буйруғи билан тасдиқланган Селекция ютуғига Ўзбекистон Республикаси патентини бериш учун талабномаларни тузиш ва топширишнинг вақтинчалик қоидалари ушбу Қоидалар кучга кирган санадан эътиборан ўз кучини йўқотган деб ҳисоблансин.

3. Мазкур буйруқ Ўзбекистон Республикаси Адлия вазирилигида давлат рўйхатидан ўтказилгандан сўнг 10 кун ўтгандан кейин кучга киради.

Давлат патент идораси директори                            А. Азимов

"Ўзбекистон Республикаси қонун ҳужжатлари тўплами", 2005 йил, 2-сон, 16-модда.