Ер ресурсларининг ҳолати бўйича миллий ҳисоботни юритиш тартиби тўғрисида Низом (ЎзР ВМ 30.10.2023 й. 578-сон қарорига илова)

Вазирлар Маҳкамасининг

2023 йил 30 октябрдаги

578-сон қарорига

1-ИЛОВА

Ер ресурсларининг ҳолати бўйича миллий

ҳисоботни юритиш тартиби тўғрисида

НИЗОМ

1-БОБ. УМУМИЙ ҚОИДАЛАР

           

1. Мазкур Низом Ер ресурсларининг ҳолати бўйича миллий ҳисоботни юритиш тартибини белгилайди.

2. Ушбу Низомда қуйидаги асосий тушунчалар қўлланилади:

аҳоли пунктлари - республика бўйсунувидаги шаҳарлар, Қорақалпоғистон Республикаси ва вилоятлар бўйсунувидаги шаҳарлар, туманлардаги шаҳарлар, шаҳарчалар, қишлоқлар ва овуллар;

ер ҳисоботи - ер фонди тоифалари, турлари ва улардаги ўзгаришлар, ерларнинг табиий, хўжалик ва ҳуқуқий режими, ер участкаларининг ўрни ва майдонлари, шунингдек, ер эгалари, ердан фойдаланувчилар, ижарачилар ва мулкдорлар ўртасида ернинг тақсимланиши тўғрисидаги ахборотлар мажмуи;

ер ресурсларининг ҳолати бўйича миллий ҳисобот - ҳар йил якуни бўйича ер ҳисоботи асосида тайёрланадиган ҳамда бутун мамлакат ва маъмурий-ҳудудий бирликлар бўйича ерларнинг миқдори, ерларнинг тоифалар ва турларга бўлиниши, тармоқлар, ер участкаларининг эгалари, ер участкасидан фойдаланувчилар, ер участкаси ижарачилари, мулкдорлари бўйича тақсимланиши тўғрисидаги маълумотлар ва ер кадастрига оид бошқа ахборотлар мажмуи;

ер тури - ер фонди тоифалари ичидаги ер участкаларининг табиий ва фойдаланиш хусусиятларига мувофиқ турларга ажратилиши;

"Yer hisobot" ААТ - ер ҳисоботи тўғрисидаги маълумотларни шакллантириш ва юритиш имконини берувчи автоматлаштирилган ахборот тизими.

3. Ер ресурсларининг ҳолати бўйича миллий ҳисобот ушбу Низомга 1-иловадаги схемага мувофиқ юритилади.

4. Ер ҳисоботи Кадастр агентлигининг Давлат кадастрлари палатаси (кейинги ўринларда - Давлат кадастрлари палатаси) ва унинг ҳудудий бўлинмалари томонидан "Yer hisobot" ААТ орқали йил давомида юритилади.

5. Ер ҳисоботи Ўзбекистон Республикаси, Қорақалпоғистон Республикаси, вилоятлар, Тошкент шаҳри ҳамда туман ва шаҳарлар, шунингдек, шаҳарча ва қишлоқ (овул)лар маъмурий-ҳудудий чегарасида жойлашган барча ер эгалари, ердан фойдаланувчилар, ижарачилар ва мулкдорлар (кейинги ўринларда - ердан фойдаланувчилар) бўйича юритилади.

Ер ҳисоботида Қорақалпоғистон Республикаси, вилоятлар ва туманларнинг маъмурий чегарасидан ташқарида фойдаланиладиган, шунингдек, чегарадош қўшни давлатлар, вилоятлар ва туманлар томонидан фойдаланиладиган ерлар ҳам кўрсатилади.

6. Ер ҳисоботини юритишда ўтган йилги ер ҳисоботининг якуний маълумотлари жорий йилда дастлабки маълумот сифатида қабул қилинади.

7. Ер ҳисоботини юритишда ҳар бир ердан фойдаланувчи томонидан ҳуқуқни белгиловчи тегишли ҳужжатлар асосида ҳамда амалда фойдаланиб келинаётган ер майдонлари тўғрисидаги маълумотлар "Yer hisobot" ААТга киритилади, аҳоли пунктлари ерлари, фуқароларга деҳқон хўжалиги ва шахсий дала томорқа хўжалиги ҳамда жамоат боғдорчилиги ва узумчилигини юритиш учун берилган ер участкалари бундан мустасно.

Ер ҳисоботида фуқароларга деҳқон хўжалиги ва шахсий дала томорқа хўжалиги ҳамда жамоат боғдорчилиги ва узумчилигини юритиш учун берилган ер участкаларининг умумий майдони ва улардан фойдаланувчиларнинг сони кўрсатилади.

Амалда фойдаланиб келинаётган ер майдонлари тўғрисидаги маълумотлар ўтказилган хатлов натижалари, тайёрланган кадастр ҳужжатларидаги ва бошқа ахборот тизимларида сақланадиган бирламчи ва ишончли маълумотлар асосида "Yer hisobot" ААТга қўшимча маълумот сифатида киритилади.

Ер ҳисоботида аҳоли пунктлари ерлари кўп квартирали уйлар жойлашган ва уларга туташ ерлар, шунингдек, якка тартибдаги уйлар жойлашган ва умумий фойдаланишдаги ерлар кесимида юритилади.

8. Ер участкаларига бўлган ҳуқуқлар давлат рўйхатидан ўтказилганлиги ёки ўтказилмаганлигидан қатъи назар, улар тўғрисидаги маълумотлар "Yer hisobot" ААТга киритилади.

9. Қишлоқ хўжалиги вазирлиги қишлоқ хўжалигига мўлжалланган ерларнинг миқдори, сифат ҳолати ҳамда уларнинг баҳоси бўйича маълумотларни "Yer hisobot" ААТга киритилишини таъминлайди.

2-БОБ. ЕР ҲИСОБОТИНИ ЮРИТИШ ТАРТИБИ

       

10. Ер ҳисоботи ушбу Низомга 2-иловадаги 1 - 10-шаклларга мувофиқ "Yer hisobot" ААТда юритилади.

11. Қишлоқ хўжалигига мўлжалланган ерлар тўғрисидаги ҳисобот кичик тоифалар кесимида ушбу Низомга 2-иловадаги 1-шаклга мувофиқ қуйидаги сатрларда юритилади:

01-сатр - қишлоқ хўжалигига мўлжалланган ерлар:

01.1 - фермер хўжаликларига берилган ерлар;

01.2 - ипакчилик ва жун саноати ерлари;

01.3 - бошқа қишлоқ хўжалиги корхоналари ерлари (кластерлар, агрофирмалар, корхоналар, ташкилотлар, жамиятлар ва ширкатлар);

01.4 - қишлоқ хўжалиги соҳасида илмий-тадқиқот ташкилотлари ва ўқув-тажриба хўжаликларининг ерлари;

01.5 - ёрдамчи қишлоқ хўжаликларининг ерлари;

01.6 - деҳқон хўжаликларининг ерлари;

01.7 - шахсий дала томорқа ерлари;

01.8 - фуқароларнинг боғдорчилик, сабзавотчилик, иссиқхона ва чорвачилик ерлари;

01.9 - боғдорчилик-узумчилик ширкатлари ерлари;

01.10 - қишлоқ хўжалиги мақсадлари учун берилмаган бўш турган ва туман (шаҳар) ҳокимликларининг тасарруфида бўлган қишлоқ хўжалиги мақсадлари учун мўлжалланган ерлар.

12. Ер фондининг бошқа тоифаларидаги қишлоқ хўжалигига мўлжалланган ерлар тўғрисидаги ҳисобот ушбу Низомга 2-иловадаги 2-шаклга мувофиқ юритилади.

13. Аҳоли пунктларининг ерлари тўғрисидаги ҳисобот ушбу Низомга 2-иловадаги 3-шаклга мувофиқ қуйидаги сатрларда юритилади:

02-сатр - аҳоли пунктларининг ерлари:

а) 02.1 - шаҳар ва шаҳарча ерлари:

02.1.1 - кўп квартирали уйлар жойлашган ва уларга туташ ерлар;

02.1.2 - якка тартибдаги уйлар жойлашган ерлар;

02.1.3 - умумий фойдаланишдаги ерлар;

б) 02.2 - қишлоқ ва овул ерлари:

02.2.1 - кўп квартирали уйлар жойлашган ва уларга туташ ерлар;

02.2.2 - якка тартибдаги уйлар жойлашган ерлар;

02.2.3 - умумий фойдаланишдаги ерлар.

14. Ер фондининг бошқа тоифалардаги ерлари тўғрисидаги ҳисобот ушбу Низомга 2-иловадаги 4-шаклга мувофиқ қуйидаги сатрларда юритилади:

1) 03-сатр - саноат, транспорт, алоқа, мудофаа ва бошқа мақсадларга мўлжалланган ерлар:

а) 03.1 - саноат ерлари:

03.1.1 - махсус иқтисодий зоналар ерлари;

03.1.2 - кичик саноат зоналари ерлари;

03.1.3 - ёшлар саноат ва тадбиркорлик зоналари ерлари;

03.1.4 - бошқа саноат ерлари;

б) 03.2 - транспорт мақсадларига мўлжалланган ерлар:

03.2.1 - темир йўллар ерлари;

03.2.2 - автомобиль йўллари ерлари;

03.2.3 - қувур транспорти ерлари;

03.2.4 - ҳаво транспорти ерлари;

03.2.5 - бошқа транспорт мақсадидаги ерлар;

в) 03.3 - алоқа ерлари;

г) 03.4 - мудофаа ерлари;

д) 03.5 - ижтимоий соҳа объектлари ерлари;

е) 03.6 - бошқа мақсадларга мўлжалланган ерлар;

2) 04-сатр - табиатни муҳофаза қилиш, соғломлаштириш ва рекреaция мақсадларига мўлжалланган ерлар:

а) 04.1 - табиатни муҳофаза қилиш мақсадларига мўлжалланган ерлар:

04.1.1 - давлат қўриқхоналари ерлари;

04.1.2 - мажмуа (ландшафт) буюртма қўриқхоналари ерлари;

04.1.3 - табиат боғлари ерлари;

04.1.4 - айрим табиий объектлар ҳамда мажмуаларни сақлаб қолиш, такрор кўпайтириш ва тиклаш учун мўлжалланган ҳудудлар ерлари;

04.1.5 - давлат табиат ёдгорликлари ерлари;

04.1.6 - давлат биосфера резерватлари ерлари;

04.1.7 - миллий боғлар ерлари;

б) 04.2 - соғломлаштириш мақсадларига мўлжалланган ерлар;

в) 04.3 - рекреaция мақсадларига мўлжалланган ерлар;

3) 05-сатр - тарихий-маданий аҳамиятга молик ерлар:

а) 05.1 - диққатга сазовор жойлар ерлари;

б) 05.2 - ёдгорликлар ерлари;

в) 05.3 - маданий мерос объектлари ерлари;

г) 05.4 - қабристонлар ерлари;

4) 06-сатр - ўрмон фонди ерлари:

а) 06.1 - Ўрмон хўжалиги агентлигига қарашли ерлар;

б) 06.2 - бошқа вазирлик ва идораларга қарашли ўрмон хўжалиги ерлари;

5) 07-сатр - сув фонди ерлари:

а) 07.1 - дарёлар;

б) 07.2 - каналлар;

в) 07.3 - коллекторлар;

г) 07.4 - гидротехник иншоотлар ва насос станциялари;

д) 07.5 - сув омборлари;

е) 07.6 - табиий сув ҳавзалари;

6) 08-сатр - захира ерлар.

15. Ердан фойдаланувчида ҳар хил мақсадларга мўлжалланган бир нечта ер участкалари мавжуд бўлганда, улар тўғрисидаги маълумотларнинг ҳар бири, шунингдек, тоифа ва кичик тоифалар бўйича маълумотлар "Yer hisobot" ААТга киритилади.

16. Ер фондининг барча тоифаларидаги суғориладиган ерлар тўғрисидаги маълумотлар алоҳида сатрларда юритилади.

17. Ер фонди тоифалари ва турлари тўғрисидаги умумий ҳисобот ушбу Низомга 2-иловадаги 5-шаклга, суғориладиган ерлар тўғрисидаги умумий ҳисобот эса 5а-шаклга мувофиқ "Yer hisobot" ААТда автоматик тарзда шаклланади.

3-БОБ. ЕР ФОНДИ ТОИФАЛАРИ ВА ТУРЛАРИНИ

ЎЗГАРТИРИШ ҲАМДА УШБУ ЎЗГАРИШЛАРНИ

ҲИСОБГА ОЛИШ ТАРТИБИ

        

18. Ер фонди тоифаларидаги ўзгаришлар ҳақидаги маълумотлар ваколатли давлат органларининг ер фондини тоифаларга ажратиш ва бир тоифадан бошқасига ўтказишни назарда тутувчи қарорлари асосида "Yer hisobot" ААТга киритилади.

19. Давлат кадастрлари палатасининг ҳудудий бошқармалари Қорақалпоғистон Республикаси Вазирлар Кенгаши Раиси, вилоятлар ҳамда Тошкент шаҳар ҳокимларининг ерларни тоифаларга ажратиш ва бир тоифадан бошқасига ўтказиш ҳақидаги қарорлари тақдим этилган қундан бошлаб беш иш куни ичида ушбу маълумотларни "Yer hisobot" ААТга киритади.

Бунда Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари ерларни тоифаларга ажратиш ва бир тоифадан бошқасига ўтказиш ҳақидаги қарорларини "E-qaror" тизими орқали "Yer hisobot" ААТга тақдим этади.

20. Суғорилмайдиган ерларни қишлоқ хўжалигига мўлжалланган ерлар тоифасидан ер фондининг бошқа тоифасига ўтказиш Вазирлар Маҳкамасининг ҳамда суғориладиган ерларни қишлоқ хўжалигига мўлжалланган ерлар тоифасидан бошқа ер фонди тоифасига ёки суғорилмайдиган ерлар тоифасига ўтказиш эса Ўзбекистон Республикаси Президентининг қарори асосида "Yer hisobot" ААТга киритилади.

21. Ер фонди тоифаларига йил давомида киритилган ўзгартиришлар тўғрисидаги ҳисобот ушбу Низомга 2-иловадаги 6-шаклга мувофиқ ҳамда уларнинг умумий ҳисоботи 7-шаклга мувофиқ юритилади.

22. Қишлоқ хўжалигига мўлжалланган ерлар турларига йил давомида киритилган ўзгартиришлар тўғрисидаги ҳисобот ушбу Низомга 2-иловадаги 8-шаклга мувофиқ юритилади.

23. Маҳаллий ижро этувчи ҳокимият органларининг розилиги билан кўп йиллик дов-дарахтзорлар (боғлар, токзорлар, тутзорлар, мевали дарахт кўчатзорлари, мевазорлар) ташкил этилганда, қишлоқ хўжалигига мўлжалланган ерлар тоифасидаги ерларнинг тури қишлоқ хўжалиги органларининг далолатнома ва хулосаларига асосан ўзгартирилади.

Бунда кўп йиллик дарахтзорлар суғориладиган ерлар ҳисобидан ташкил этилса, Қишлоқ хўжалиги вазирлиги хулосаси, шунингдек, суғорилмайдиган ерлар ҳисобидан ташкил этилганда эса, Қишлоқ хўжалиги вазирлиги ҳудудий бошқармаларининг кўп йиллик дов-дарахтларни фойдаланиш учун қабул қилиш тўғрисидаги далолатномаси талаб этилади.

Ташкил этилган ва бузилган кўп йиллик дов-дарахтзорлар тўғрисидаги ҳисобот ушбу Низомга 2-иловадаги 9-шаклга мувофиқ юритилади.

24. Янги ўзлаштирилган ва қишлоқ хўжалигига мўлжалланган ерлар тўғрисидаги ҳисобот ушбу Низомга 2-иловадаги 10-шаклга мувофиқ юритилади.

4-БОБ. ЕР ҲИСОБОТИНИ ТАСДИҚЛАШ ТАРТИБИ

        

25. Давлат кадастрлари палатасининг туман (шаҳар) филиали ўзининг маъмурий ҳудуди бўйича йил давомида шакллантирилган ер ҳисоботини ҳар йили 10 январга қадар тасдиқлаш учун "Yer hisobot" ААТ орқали туман (шаҳар) ҳокимлигига киритади.

Туман (шаҳар) ҳокимликлари ҳар йили 15 январга қадар ер ҳисоботини кўриб чиқади ва уни тасдиқлаш ҳақида "E-qaror" электрон тизими орқали қарор қабул қилади ҳамда ушбу қарорни "Yer hisobot" ААТга киритади.

26. Давлат кадастрлари палатасининг ҳудудий бошқармалари Қорақалпоғистон Республикаси, вилоятлар ҳамда Тошкент шаҳар маъмурий ҳудуди бўйича ер ҳисоботини умумлаштиради ва ҳар йили 20 январга қадар тасдиқлаш учун "Yer hisobot" ААТ орқали Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлигига киритади.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳар йили 25 январга қадар ер ҳисоботини кўриб чиқади ва тасдиқлаш ҳақида "E-qaror" электрон тизими орқали қарор қабул қилади ҳамда ушбу қарорни "Yer hisobot" ААТга киритади.

27. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, шунингдек, туман (шаҳар)лар ҳокимлари эгаллаб турган лавозимларидан озод этилганда, тегишли маҳаллий ижро этувчи ҳокимият органлари бир ой муддатда ўзларининг маъмурий-ҳудудий бирликлари бўйича жорий йил 1 январь ҳолатига кўра ер ҳисоботи, шу жумладан, лавозимдан озод этилган ҳоким фаолияти даврида ер фонди тоифаларига киритилган ўзгартиришлар ҳамда янги ўзлаштирилган ерлар тўғрисидаги маълумотларни тегишлича Қорақалпоғистон Республикаси Жўқорғи Кенгеси ҳамда халқ депутатлари маҳаллий Кенгашларига тасдиқлаш учун тақдим этади.

Бунда ер фонди тоифаларига киритилган ўзгартиришлар тўғрисидаги маълумотларни Давлат кадастрлари палатасининг ҳудудий бошқармалари ҳамда янги ўзлаштирилган ерлар тўғрисидаги маълумотларни Қишлоқ хўжалиги вазирлигининг ҳудудий бошқармалари тегишлича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ҳамда туман (шаҳар)лар ҳокимларига тақдим этади.

5-БОБ. ЕР РЕСУРСЛАРИНИНГ ҲОЛАТИ

БЎЙИЧА МИЛЛИЙ ҲИСОБОТНИ

ШАКЛЛАНТИРИШ ТАРТИБИ

         

28. Ер ресурсларининг ҳолати бўйича миллий ҳисобот ҳар йили тайёрланади ҳамда бутун мамлакат ва маъмурий-ҳудудий бирликлар бўйича ерларнинг миқдори, ерларнинг тоифаларга бўлиниши, миқдор ва сифат ҳолати ҳамда уларнинг баҳоси, тармоқлар, ер участкаларининг эгалари, ер участкасидан фойдаланувчилар, ер участкаси ижарачилари, мулкдорлари бўйича тақсимланиши тўғрисидаги маълумотларни ва ер кадастрига оид бошқа ахборотни ўз ичига олади.

29. Давлат кадастрлари палатаси ҳар йил якуни билан кейинги йилнинг 1 февралига қадар Ер ресурсларининг ҳолати бўйича миллий ҳисоботни ер ҳисоботи асосида тайёрлайди ва Кадастр агентлигига тақдим қилади.

30. Кадастр агентлиги Ер ресурсларининг ҳолати бўйича миллий ҳисоботни ўрганади, таҳлил қилади ва ҳар йили 1 мартга қадар Ўзбекистон Республикаси Президенти Администрaциясига, Олий Мажлис палаталарига ва Вазирлар Маҳкамасига тақдим қилади ҳамда ўзининг расмий веб-сайтига жойлаштиради.

6-БОБ. ЯКУНЛОВЧИ ҚОИДА

         

31. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Низомга

1-ИЛОВА

Ер ресурсларининг ҳолати бўйича

миллий ҳисоботни юритиш

СХЕМАСИ

          

         

         

Низомга

2-ИЛОВА

Қишлоқ хўжалигига мўлжалланган ерлар тўғрисида

ҲИСОБОТ

        

1-шакл

          

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

1-шаклнинг давоми

        

       

Ер фондининг бошқа тоифаларидаги қишлоқ

хўжалигига мўлжалланган ерлар тўғрисида

ҲИСОБОТ

         

2-шакл

           

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Аҳоли пунктларининг ерлари тўғрисида

ҲИСОБОТ

          

3-шакл

        

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Ер фондининг бошқа тоифалари тўғрисида

ҲИСОБОТ

          

4-шакл

           

          

4-шаклнинг давоми

         

           

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Ер фонди тоифалари ва турлари тўғрисида

УМУМИЙ ҲИСОБОТ

            

5-шакл

          

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

5-шаклнинг давоми

         

          

Суғориладиган ерлар тўғрисида

ҲИСОБОТ

           

5а-шакл

           

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Ер фонди тоифаларига йил давомида

киритилган ўзгартиришлар тўғрисида

ҲИСОБОТ

          

6-шакл

            

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Ер фонди тоифаларига йил давомида

киритилган ўзгартиришлар тўғрисида

УМУМИЙ ҲИСОБОТ

          

7-шакл

            

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Қишлоқ хўжалиги мўлжалланган ерлар турларига йил

давомида киритилган ўзгартиришлар тўғрисида

ҲИСОБОТ

          

8-шакл

             

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Ташкил этилган ва бузилган кўп йиллик

дов-дарахтзорлар тўғрисида

ҲИСОБОТ

           

9-шакл

         

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

Янги ўзлаштирилган ва қишлоқ хўжалигига

мўлжалланган ерлар тўғрисида

ҲИСОБОТ

           

10-шакл

              

Изоҳ. Кадастр агентлиги, зарур ҳолларда, ушбу шаклларга ўзгартириш ва қўшимчалар киритиш ҳуқуқига эга.

         

       

Қонун ҳужжатлари маълумотлари миллий базаси (www.lex.uz),

2023 йил 31 октябрь