Ўзбекистон Республикаси Президентининг 09.01.2024 й. ПФ-8-сон "Тадбиркорлик соҳасидаги мажбурий талабларни қисқартириш ҳамда лицензиялаш ва рухсат бериш тартиб-таомилларини соддалаштириш чора-тадбирлари тўғрисида"ги Фармони

Т/р

Бекор қилинадиган лицензияланадиган фаолият тури

ва рухсат этиш хусусиятига эга ҳужжат номи

Бекор қилиниши натижасида юзага келадиган

тартиб-таомил номи

Ваколатли орган номи

I. БЕКОР ҚИЛИНАДИГАН АЙРИМ РУХСАТ ЭТИШ

ХУСУСИЯТИГА ЭГА ҲУЖЖАТЛАР ВА ХАБАРДОР

ҚИЛИШ ТАРТИБ-ТАОМИЛЛАРИ

1.

Ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериш мақсадга мувофиқлиги тўғрисида қарор.

Ер қаъри участкаларидан фойдаланиш ҳуқуқи учун берилган рухсатномани қайта расмийлаштириш тартибида бошқа шахсга бериш.

Тоғ-кон саноати ва геология вазирлиги, Иқтисодиёт ва молия вазирлиги, Экология, атроф-муҳитни муҳофаза қилиш ва иқлим ўзгариши вазирлиги, "Ўзбекнефтгаз" АЖ

2.

Суғурталовчининг огоҳлантириш тадбирлари захирасидан молиялаштириладиган огоҳлантириш тадбирлари рўйхатини келишиб олиш.

Суғурталовчининг молиявий аҳволини назорат қилиш.

Истиқболли лойиҳалар миллий агентлиги

3.

Божхона ташувчиларининг реестрига киритиш.

Автотранспортда юкларни халқаро ташиш бўйича фаолиятни амалга ошириш учун лицензияга эга бўлиш.

Автотранспорт воситасига товарларни божхона муҳрлари ва пломбалари остида ташишга рухсат берилганлиги тўғрисидаги гувоҳноманинг мавжудлиги.

Божхона қўмитаси

4.

Тураржойни ижарага беришнинг Ягона электрон реестрига киритиш.

Ижара шартномасини расмийлаштириш.

Чет эл фуқаросини вақтинчалик ҳисобга қўйиш.

"Туризм хизматларини сертификатлаштириш маркази" ДУК

5.

Автомототранспорт воситалари ва шаҳар электр транспорти воситалари ҳайдовчиларининг малакасини ошириш фаолиятини бошлаганлик ёки тугатганлик тўғрисида хабарнома.

Тадбиркорлик субъекти сифатида рўйхатдан ўтиш.

Олий таълим, фан ва инновациялар вазирлиги

6.

Офтальмология тиббий буюмларининг чакана реализацияси (оптика) бўйича фаолиятни бошлаганлик ёки тугатганлик тўғрисида хабарнома.

Тадбиркорлик субъекти сифатида рўйхатдан ўтиш.

Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги

7.

Маданий бойликларни реализация қилиш бўйича фаолиятни бошлаганлик ёки тугатганлик ҳақида хабарнома.

Тадбиркорлик субъекти сифатида рўйхатдан ўтиш.

Маданий бойликларнинг олиб чиқилиши, олиб кирилиши тўғрисидаги қонунчиликка риоя этиш.

Маданий мерос агентлиги

II. БИРЛАШТИРИШ ЙЎЛИ БИЛАН БЕКОР

ҚИЛИНАДИГАН АЙРИМ ЛИЦЕНЗИЯ ВА РУХСАТ

ЭТИШ ХУСУСИЯТИГА ЭГА ҲУЖЖАТЛАР*

8.

Ионлаштирувчи нурланиш манбалари муомаласи соҳасидаги фаолият учун лицензия.

Атом энергиясидан фойдаланиш ва ионлаштирувчи нурланиш манбалари муомаласи соҳасидаги фаолият учун лицензия.

Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси

9.

Атом энергиясидан фойдаланиш соҳасидаги фаолият учун лицензия.

10.

Ўзбекистон Республикаси ҳудудини ва ҳудуди қисмларини ривожлантиришни режалаштириш тўғрисидаги ҳужжатларни ишлаб чиқиш учун лицензия.

Ўзбекистон Республикаси ҳудудини ва ҳудуди қисмларини ривожлантиришни режалаштириш тўғрисидаги ҳужжатларни ишлаб чиқиш.

Қурилиш ва уй-жой коммунал хўжалиги вазирлиги

11.

Ўзбекистон Республикаси минтақалари ҳудудини ривожлантиришни режалаштириш тўғрисидаги ҳужжатларни ишлаб чиқиш учун лицензия.

12.

Аҳоли пунктлари ҳудудларини ривожлантириш тўғрисидаги ҳужжатларни ишлаб чиқиш учун лицензия.

Аҳоли пунктлари ҳудудларини қуриш ва ривожлантириш тўғрисидаги ҳужжатларни ишлаб чиқиш.

Қурилиш ва уй-жой коммунал хўжалиги вазирлиги

13.

Аҳоли пунктлари ҳудудларини қуриш тўғрисидаги ҳужжатларни ишлаб чиқиш учун лицензия.

14.

Пиротехника буюмларини йўқ қилиш учун лицензия.

Пиротехника буюмларини йўқ қилиш ва утилизация қилиш.

Ички ишлар вазирлиги

15.

Пиротехника буюмларини утилизация қилиш учун лицензия.

16.

Экспорт назорати объектларини олиб чиқиш учун рухсатнома.

Махсус турдаги товарлар экспорти ва импорти учун рухсатнома.

Вазирлар Маҳкамаси

17.

Махсус турдаги товарлар экспорти ва импорти учун лицензия.

18.

Автотранспорт воситасини хавфли юкларни ташишга қўйиш тўғрисидаги гувоҳнома.

Автотранспорт воситасини хавфли юкларни ташишга қўйиш тўғрисидаги гувоҳнома**.

Ички ишлар вазирлиги

19.

Автомобиль транспортида оғир ва катта ҳажмли ёки хавфли юкларни ташиш учун рухсатнома (хулоса).

III. ХАБАРДОР ҚИЛИШ ТАРТИБИГА ЎТКАЗИЛАДИГАН ЛИЦЕНЗИЯ

ВА РУХСАТ ЭТИШ ХУСУСИЯТИГА ЭГА ҲУЖЖАТЛАР***

20.

Туристик фаолиятни амалга ошириш учун лицензия (турагентлик фаолияти) ("Умра" тадбирларини ташкил этиш ва ўтказиш фаолияти бундан мустасно).

Турагентлик фаолиятини бошлаганлик ёки тугатганлик ҳақида хабарнома.

Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси

21.

Архитектура-шаҳарсозлик ҳужжатларини ишлаб чиқиш фаолияти учун лицензия (объектларнинг мураккаблик тоифалари классификатори бўйича I тоифасига мансуб лойиҳалар).

Объектларнинг мураккаблик тоифалари классификатори бўйича I тоифадаги архитектура-шаҳарсозлик ҳужжатларини ишлаб чиқиш фаолиятини бошлаганлик ёки тугатганлик ҳақида хабарнома.

Қурилиш ва уй-жой коммунал хўжалиги вазирлиги

22.

Юридик маслаҳат хизматларини кўрсатувчи тижорат ташкилотларининг реестрига киритиш тўғрисида ариза.

Юридик маслаҳат хизматларини кўрсатувчи тижорат ташкилоти фаолиятини бошлаганлиги ёки тугатганлиги ҳақида хабарнома.

Адлия вазирлиги

Т/р

Норматив-ҳуқуқий ҳужжат номи

Муддат

Масъул ижрочилар

1.

Ер кодексининг 9-моддаси (ерларни тоифаларга бўлиш ва бир тоифадан бошқасига ўтказиш).

2024 йил

апрель

Қишлоқ хўжалиги вазирлиги (Абдурахмонов), Иқтисодиёт ва молия вазирлиги (Норқулов), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов)

2.

"Давлат харидлари тўғрисида"ги Қонуннинг 9-боби (Тўғридан-тўғри шартномалар бўйича амалга ошириладиган давлат харидлари).

2024 йил

май

Иқтисодиёт ва молия вазирлиги (Норқулов)

3.

Эркин иқтисодий зоналарини ташкил этиш ва фаолиятини тартибга солиш билан боғлиқ қуйидаги норматив-ҳуқуқий ҳужжатлар:

"Махсус иқтисодий зоналар тўғрисида"ги Қонун;

Ўзбекистон Республикаси Президентининг 2017 йил 12 январдаги "Ургут", "Ғиждувон", "Қўқон" ва "Ҳазорасп" эркин иқтисодий зоналарини ташкил этиш тўғрисида"ги ПФ-4931-сон Фармони;

Вазирлар Маҳкамасининг 2017 йил 10 апрелдаги 196-сон қарори билан тасдиқланган Эркин иқтисодий зоналар ҳудудида солиқлар ва божхона тўловлари бўйича имтиёзларни қўллаш тартиби тўғрисидаги низом.

2024 йил

июнь

Инвестициялар, саноат ва савдо вазирлиги (Кудратов)

4.

Кўчмас мулкни ва унга бўлган ҳуқуқни, шу жумладан, ипотека шартномаси асосида вужудга келадиган ҳуқуқни давлат рўйхатидан ўтказиш билан боғлиқ қуйидаги норматив-ҳуқуқий ҳужжатлар:

"Кўчмас мулкка бўлган ҳуқуқларни давлат рўйхатидан ўтказиш тўғрисида"ги Қонун;

"Ипотека тўғрисида"ги Қонун;

"Гаров тўғрисида"ги Қонун;

"Гаров реестри тўғрисида"ги Қонун;

Ўзбекистон Республикаси Президентининг 2019 йил 28 ноябрдаги "Ипотека кредити механизмларини такомиллаштиришга оид қўшимча чора-тадбирлар тўғрисида"ги ПФ-5886-сон Фармони;

Вазирлар Маҳкамасининг 2014 йил 10 июлдаги "Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида"ги 186-сон қарори;

Вазирлар Маҳкамасининг 2020 йил 2 сентябрдаги "Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида"ги 535-сон қарори.

2024 йил

октябрь

Иқтисодиёт ва молия вазирлиги (Норқулов) Кадастр агентлиги (Пўлатов), Адлия вазирлиги (Ташкулов), Марказий банк (Нурмуратов)

5.

Хорижий тилларни ўрганишни оммалаштиришга қаратилган қуйидаги норматив-ҳуқуқий ҳужжатлар:

Ўзбекистон Республикаси Президентининг 2021 йил 19 майдаги "Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида"ги ПҚ-5117-сон қарори;

Вазирлар Маҳкамасининг 2021 йил 19 майдаги "Хорижий тилларни ўрганишни оммалаштиришни самарали ташкил этиш чора-тадбирлари тўғрисида"ги 312-сон қарори.

2024 йил

май

Олий таълим, фан ва инновациялар вазирлиги (Каримов), Мактабгача ва мактаб таълими вазирлиги (Умарова), Камбағалликни қисқартириш ва бандлик вазирлиги (Мусаев)

6.

Маҳаллий ишлаб чиқарувчиларни қўллаб-қувватлашга оид қуйидаги норматив-ҳуқуқий ҳужжатлар:

Ўзбекистон Республикаси Президентининг 2020 йил 21 августдаги "Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида"ги ПҚ-4812-сон қарори;

Вазирлар Маҳкамасининг 2021 йил 29 январдаги 41-сон қарори билан тасдиқланган Давлат харидларида маҳаллий ишлаб чиқарилган товарларга (ишлар, хизматларга) преференция бериш тартиби тўғрисидаги низом.

2024 йил

июль

Инвестициялар, саноат ва савдо вазирлиги (Кудратов), Иқтисодиёт ва молия вазирлиги (Норқулов)

7.

Ўзбекистон Республикаси Президентининг 2017 йил 14 мартдаги "Иқтисодиётнинг базавий тармоқларида лойиҳа ишлари самарадорлигини ошириш чора-тадбирлари тўғрисида"ги ПҚ-2831-сон қарори.

2024 йил

апрель

Иқтисодиёт ва молия вазирлиги (Норқулов), Рақобатни ривожлантириш ва истеъмолчилар ҳуқуқларини ҳимоя қилиш қўмитаси (Қаюмов)

8.

Ўзбекистон Республикаси Президентининг 2020 йил 27 майдаги "Кўп квартирали уйларни улуш киритиш асосида қуриш жараёнини тартибга солиш чора-тадбирлари ҳақида"ги ПҚ-4732-сон қарори.

2024 йил

май

Қурилиш ва уй-жой коммунал хўжалиги вазирлиги (Хидоятов)

9.

Ўзбекистон Республикаси Президентининг 2017 йил 1 июндаги "Ёнғоқ ишлаб чиқарувчилар ва экспорт қилувчилар уюшмасини тузиш ва унинг фаолиятини ташкил этиш тўғрисида"ги ПҚ-3025-сон қарори.

2024 йил

июнь

Қишлоқ хўжалиги вазирлиги (Абдурахмонов), Рақобатни ривожлантириш ва истеъмолчилар ҳуқуқларини ҳимоя қилиш қўмитаси (Қаюмов)

10.

Ўзбекистон Республикаси Президентининг 2021 йил 11 январдаги "Олис ҳудудлардаги бюджет ташкилотларига малакали мутахассисларни жалб қилиш чора-тадбирлари тўғрисида"ги ПҚ-4940-сон қарори.

2024 йил

август

Иқтисодиёт ва молия вазирлиги (Норқулов), Камбағалликни қисқартириш ва бандлик вазирлиги (Мусаев), Олий таълим, фан ва инновациялар вазирлиги (Каримов), Мактабгача ва мактаб таълими вазирлиги (Умарова), Соғлиқни сақлаш вазирлиги (Худаяров)

11.

Ўзбекистон Республикаси Президентининг 2018 йил 29 июндаги "Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида"ги ПҚ-3818-сон қарори.

2024 йил

сентябрь

Инвестициялар, саноат ва савдо вазирлиги (Кудратов), Божхона қўмитаси (Мавлонов)

12.

Оилавий тадбиркорликни ривожлантиришга қаратилган қуйидаги норматив-ҳуқуқий ҳужжатлар:

Ўзбекистон Республикаси Президентининг 2018 йил 7 июндаги "Ҳар бир оила-тадбиркор" дастурини амалга ошириш тўғрисида"ги ПҚ-3777-сон қарори;

Ўзбекистон Республикаси Президентининг 2021 йил 20 декабрдаги "Оилавий тадбиркорликни ривожлантириш ва аҳолининг даромад манбаини кенгайтиришга доир қўшимча чора-тадбирлар тўғрисида"ги ПҚ-55-сон қарори;

Ўзбекистон Республикаси Президентининг 2023 йил 31 январдаги "Оилавий тадбиркорликни ривожлантириш дастурлари доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисида"ги ПҚ-39-сон қарори;

Вазирлар Маҳкамасининг 2022 йил 8 июлдаги "Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низомни тасдиқлаш ҳақида"ги 373-сон қарори.

2024 йил

октябрь

Марказий банк (Нурмуратов), Иқтисодиёт ва молия вазирлиги (Норқулов), Камбағалликни қисқартириш ва бандлик вазирлиги (Мусаев)

13.

Вазирлар Маҳкамасининг 2018 йил 22 мартдаги "Халқаро сифат стандартлари ва фойдаланиш хавфсизлигига жавоб берадиган темир йўл маҳсулотини ишлаб чиқаришни таъминлаш чора-тадбирлари тўғрисида"ги 211-сон қарори.

2024 йил

март

Транспорт вазирлиги (Махкамов), Рақобатни ривожлантириш ва истеъмолчилар ҳуқуқларини ҳимоя қилиш қўмитаси (Қаюмов)

14.

Вазирлар Маҳкамасининг 2017 йил 5 октябрдаги 799-сон қарори билан тасдиқланган Ҳақ тўланадиган жамоат ишларини ташкил қилиш тартиби тўғрисидаги низом.

2024 йил

апрель

Камбағалликни қисқартириш ва бандлик вазирлиги (Мусаев)

15.

Вазирлар Маҳкамасининг 2006 йил 16 октябрдаги "Устав фондида давлат улуши бўлган корхоналарнинг самарали бошқарилишини ва давлат мулкининг зарур даражада ҳисобга олинишини таъминлаш чора-тадбирлари тўғрисида"ги 215-сон қарори.

2024 йил

май

Давлат активларини бошқариш агентлиги (Ортиков)

16.

Вазирлар Маҳкамасининг 2020 йил 31 декабрдаги 826-сон қарори билан тасдиқланган Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан экспорт қилувчи ташкилотларга молиявий ёрдам кўрсатиш тартиби тўғрисидаги низом.

2024 йил

май

Инвестициялар, саноат ва савдо вазирлиги (Қудратов)

17.

Вазирлар Маҳкамасининг 2018 йил 23 мартдаги "Дори воситалари, тиббий буюмлар ва тиббий техникани давлат рўйхатидан ўтказиш ҳамда рўйхатдан ўтказилганлик гувоҳномаси бериш тартиби тўғрисидаги низомни тасдиқлаш ҳақида"ги 213-сон қарори.

2024 йил

май

Соғлиқни сақлаш вазирлиги (Худаяров)

18.

Вазирлар Маҳкамасининг 2021 йил 22 сентябрдаги "Солиқ тўловчиларни ҳисобга олишни янада такомиллаштириш ва қўшилган қиймат солиғининг ўрнини қоплаш тартибини соддалаштириш чора-тадбирлари тўғрисида"ги 595-сон қарори.

2024 йил

май

Солиқ қўмитаси (Кудбиев)

19.

Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг бакалавриатига талабаларни ўқишга қабул қилиш тартиби тўғрисидаги низом.

2024 йил

июнь

Олий таълим, фан ва инновациялар вазирлиги (Каримов)

20.

Вазирлар Маҳкамасининг 2020 йил 4 июндаги "Қишлоқ жойларда кўп квартирали уй-жойларни қуришда тадбиркорлик субъектларини кенг жалб этиш чора-тадбирлари тўғрисида"ги 355-сон қарори.

2024 йил

июль

Қурилиш ва уй-жой коммунал хўжалиги вазирлиги (Хидоятов)

21.

Вазирлар Маҳкамасининг 2020 йил 30 январдаги "Ғилдиракли янги транспорт воситаларини экологик сертификатлаш тизимини такомиллаштириш тўғрисида"ги 50-сон қарори.

2024 йил

август

Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Иқтисодиёт ва молия вазирлиги (Ходжаев)

22.

Вазирлар Маҳкамасининг 2021 йил 25 февралдаги "Жисмоний шахсларнинг чегара божхона постлари орқали нотижорат мақсадларда олиб кирилаётган белгиланган меъёрлардан ортиқ бўлган товарларига нисбатан амалга ошириладиган тартиб-таомиллар тўғрисидаги низомни тасдиқлаш ҳақида"ги 102-сон қарори.

2024 йил

сентябрь

Божхона қўмитаси (Мавлонов)

23.

Вазирлар Маҳкамасининг 2018 йил 21 майдаги "Энергия ресурсларини истеъмол қилиш, сув таъминоти ва сув чиқариш хизматлари кўрсатиш, шунингдек, ижро ишини юритиш соҳасида тўлов интизомини мустаҳкамлашга доир қўшимча чора-тадбирлар тўғрисида"ги 379-сон қарори.

2024 йил

сентябрь

Бош прокуратура (Йўлдошев), Мажбурий ижро бюроси (Эгамбердиев)

24.

Вазирлар Маҳкамасининг 2020 йил 14 майдаги "Ўзбекистон Республикасида ташқи савдо операциялари мониторингини янада такомиллаштириш чора-тадбирлари тўғрисида"ги 283-сон қарори.

2024 йил

октябрь

Инвестициялар, саноат ва савдо вазирлиги (Кудратов), Иқтисодиёт ва молия вазирлиги (Норқулов), Марказий банк (Нурмуратов)

25.

Вазирлар Маҳкамасининг 2021 йил 14 апрелдаги "Энергия самарадор ва энергия тежовчи қурилмаларни харид қилиш ҳамда ушбу мақсадлар учун олинган кредитлар бўйича фоиз харажатларининг бир қисмини қоплаш учун Ўзбекистон Республикаси Давлат бюджети маблағлари ҳисобидан компенсация ажратиш тартиби тўғрисидаги низомни тасдиқлаш ҳақида"ги 217-сон қарори.

2024 йил

октябрь

Энергетика вазирлиги (Мирзамаҳмудов)

26.

Вазирлар Маҳкамасининг 2019 йил 21 сентябрдаги "Йўлбўйи ва туристик инфратузилмани янада ривожлантириш чора-тадбирлари тўғрисида"ги 793-сон қарори.

2024 йил

ноябрь

Экология, атроф-муҳитни муҳофаза қилиш ва иқлим ўзгариши вазирлиги (Абдухакимов), Энергетика вазирлиги (Мирзамаҳмудов)

27.

Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқнома (рўйхат рақами 2240, 2011 йил 5 июль).

2024 йил

июль

Ички ишлар вазирлиги (Бобожонов)

Т/р

Чора-тадбирлар номи

Амалга ошириш шакли

Ижро муддати

Масъул ижрочилар

1.

Туризм соҳасида фаолият юритувчи тадбиркорлик субъектлари учун белгиланган тартиб-таомил ва талабларни соддалаштириш. Бунда:

"чиқиш туризми" йўналиши бўйича туризм фаолиятини амалга ошириш учун 15 минг АҚШ доллари эквиваленти миқдоридаги маблағларни захира қилиб қўйиш талабини бекор қилиш, туроператорлар учун фавқулодда ҳолатлар юзага келганда хавфни мажбурий суғурта қилиш тартибини белгилаш;

давлат ҳокимияти ва бошқаруви органлари, давлат унитар корхоналари ва муассасалари, юридик шахслар бирлашмалари ҳамда давлат улуши 50 фоиз ва ундан ортиқ бўлган хўжалик жамиятлари, тижорат банклари ҳузурида ташкил этилган туристик (туроператорлик, турагентлик) корхоналарни тугатиш;

туристик хизматларни сертификатлаштиришда жойлаштириш воситалари, тоғ чанғиси трассалари ва пляж хизматларини сертификатлаштириш учун аризага кўчмас мулкка доир ҳуқуқни белгилайдиган ҳужжатларни илова қилиш талабини бекор қилиш.

Норматив-ҳуқуқий ҳужжат лойиҳаси

2024 йил

март

Экология, атроф-муҳитни муҳофаза қилиш ва иқлим ўзгариши вазирлиги (А. Абдухакимов)

2.

Ўзбекистон фермер, деҳқон хўжаликлари ва томорқа ер эгалари кенгаши томонидан фермер, деҳқон хўжаликлари ва томорқа ер эгаларига тегишли ер участкаларидан мақсадли ва самарали фойдаланиш зарурлиги тўғрисида кўрсатмалар берилишига оид тартибни бекор қилиш.

Норматив-ҳуқуқий ҳужжат лойиҳаси

2024 йил

март

Қишлоқ хўжалиги вазирлиги (И. Абдурахманов)

3.

Транспорт воситаларини тадбиркорлик субъектлари томонидан техник кўрикдан ўтказиш фаолиятини такомиллаштириш. Бунда:

юридик шахсларнинг транспорт воситаларини техник кўрикдан ўтказиш жойлари Давлат йўл ҳаракати хавфсизлиги хизматининг ҳудудий бўлинмалари томонидан белгиланиши тартибини бекор қилиш;

жисмоний ва юридик шахсларга тегишли бўлган М1, М2, М3, N1, N2, N3 тоифадаги транспорт воситаларини тадбиркорлик субъектлари томонидан техник кўрикдан ўтказишга рухсат этиш тартибини белгилаш, бунда мазкур фаолиятни амалга ошириш учун зарур бўлган талаблар ва давлат назорати механизмларини ўрнатиш;

Давлат йўл ҳаракати хавфсизлиги хизмати органлари ҳамда жисмоний ва юридик шахслар ўртасидаги ёзма алоқа шаклларини электрон шаклга ўтказиш;

тадбиркорлик субъектларидан устав нусхасининг талаб қилинишини бекор қилиш.

Норматив-ҳуқуқий ҳужжат лойиҳаси

2024 йил

март

Ички ишлар вазирлиги (П. Бобожонов)

4.

Автомототранспорт воситаси рўйхатдан ўтказилганлиги тўғрисида гувоҳнома, вақтинча гувоҳнома ва ҳайдовчилик гувоҳномасининг дубликатини (кўчирма нусхасини) бериш учун оширилган миқдорларда тўлов ундирилишини бекор қилиш.

Норматив-ҳуқуқий ҳужжат лойиҳаси

2024 йил

декабрь

Ички ишлар вазирлиги (П. Бобожонов)

5.

Тунги вақтда фаолият юритувчи умумий овқатланиш корхоналари ва кўнгилочар объектларда жамоат хавфсизлигини таъминлашга доир талабларни соддалаштириш. Бунда:

савдо ва кўнгилочар кўчалар рўйхати мажбурий тартибда маҳаллий давлат ҳокимияти органларининг расмий-веб сайтларида эълон қилинишини белгилаш;

видеокузатув тизими орқали олинган тасвирларни сақлашнинг энг кам муддатини 30 кундан 15 кунга қисқартириш.

Норматив-ҳуқуқий ҳужжат лойиҳаси

2024 йил

март

Ички ишлар вазирлиги (П. Бобожонов)

6.

Бозорлар, савдо комплекслари фаолиятини рақамлаштириш ва самарали назорат қилиш. Бунда:

республикада фаолият юритаётган барча бозорлар, савдо мажмуаларининг реестри, уларнинг паспорт маълумотлари, хусусан, расталар, дўконлар ва ёйма савдо нуқталари сони (майдони), автотураргоҳлар сиғими тўғрисида маълумотлар базасини ягона электрон платформа орқали юритиш тартибини жорий этиш;

бозорлар ва савдо мажмуаларидаги расталар, дўконлар ва ёйма савдо нуқталарини e-ijara.soliq.uz платформаси орқали электрон тарзда ижарага бериш ва ҳисобини юритиш тартибини жорий қилиш;

"бозор инфратузилмаси" тушунчасига аниқ таъриф бериш орқали бозорлар ва савдо комплекслари ҳамда уларнинг филиалларига туташ ҳудудда жойлашган объектлар мулкдорларидан бир марталик йиғимлар, ижара тўловлари ҳамда кўрсатилган хизматлар учун тўловлар ундирилмаслигини белгилаш;

бозорлар, савдо комплекслари ва уларнинг филиалларида жойлашган объектлар мулкдорларидан бозорлар ва савдо комплексларининг маъмурияти томонидан ундириладиган бир марталик йиғимлар, ижара тўлови ҳамда кўрсатиладиган хизматлар қиймати кўрсатилган хизматларидан келиб чиқиб, шартнома асосида белгиланиши тартибини жорий этиш.

Норматив-ҳуқуқий ҳужжат лойиҳаси

2024 йил

март

Солиқ қўмитаси (Ш. Кудбиев), Иқтисодиёт ва молия вазирлиги (И. Норқулов), Давлат активларини бошқариш агентлиги (А. Ортиқов)

7.

Вазирлар Маҳкамасининг 2020 йил 30 январдаги "Оилавий тадбиркорликни қўллаб-қувватлаш дастурлари доирасида боғдорчилик, узумчилик ва иссиқхона хўжалигини ривожлантириш чора-тадбирлари тўғрисида"ги 52-сон қарорида белгиланган интенсив боғ ва токзорлар барпо этиш, иссиқхоналар қуриш ҳамда уларни аҳолига лизинг ва кредит шартлари асосида бериш тартиби ва шартларини соддалаштириш.

Норматив-ҳуқуқий ҳужжат лойиҳаси

2024 йил

март

Қишлоқ хўжалиги вазирлиги (И. Абдурахманов), Марказий банк (М. Нурмуратов)

8.

Уй-жой хўжалиги қурилиши учун объектлар ва комплекслар лойиҳа-смета ҳужжатларини ишлаб чиқиш, жумладан, уларнинг муҳандислик тармоқлари ва тизимларини лойиҳалаштириш учун лицензия олинганда қуйидаги фаолият турларини амалга ошириш учун қўшимча лицензия олиниши талаб этилмаслигини белгилаш:

"Объектларнинг асослари ва пойдеворлари" бўлимини лойиҳалаштириш;

"Металл объектлар конструкциялари" бўлимини лойиҳалаштириш;

"Темир-бетон объектлар конструкциялари" бўлимини лойиҳалаштириш;

қурилиш объектларини мукаммал ва жорий таъмирлаш учун лойиҳа-смета ҳужжатларини ишлаб чиқиш;

бинолар ва иншоотларнинг техник ҳолатини текшириш;

бинолар ва иншоотларни мустаҳкамлаш учун лойиҳа-смета ҳужжатларини ишлаб чиқиш;

коррозияга қарши ҳимояни ишлаб чиқиш;

бинолар, иншоотларнинг муҳандислик тармоқлари ва тизимларини лойиҳалаштириш.

Норматив-ҳуқуқий ҳужжат лойиҳаси

2024 йил

март

Адлия вазирлиги (А. Ташкулов), Қурилиш ва уй-жой коммунал хўжалиги вазирлиги (Ш.Хидоятов)

9.

Фаолиятнинг лицензияланадиган қуйидаги кичик турларини бекор қилиш ёки уларни ушбу фаолиятнинг лицензияланадиган бошқа кичик турлари билан бирлаштириш масаласини таҳлил қилиш, заруратга кўра, норматив-ҳуқуқий ҳужжат лойиҳасини ишлаб чиқиш:

қишлоқ хўжалиги қурилиши учун объектлар ва комплекслар лойиҳа-смета ҳужжатларини ишлаб чиқиш, шу жумладан уларнинг муҳандислик тармоқлари ва тизимларини лойиҳалаштириш;

капитал қурилишда товарлар, ишлар ва хизматлар харид қилиш учун танлов (тендер) ҳужжатларини тайёрлаш.

Ахборот-таҳлилий маълумотнома

2024 йил

сентябрь

Қурилиш ва уй-жой коммунал хўжалиги вазирлиги (Ш.Хидоятов), Адлия вазирлиги (А. Ташкулов)

10.

Божхона омбори фаолиятини, эркин омбор фаолиятини ва бож олинмайдиган савдо дўкони фаолиятини лицензиялашда берилган лицензияни тадбиркорлик субъектининг аризаси асосида ўзгартириш имкониятини белгилаш.

Норматив-ҳуқуқий ҳужжат лойиҳаси

2024 йил

март

Божхона қўмитаси (А. Мавлонов), Адлия вазирлиги (А. Ташкулов)

11.

Телекоммуникациялар тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш фаолиятининг қуйидаги лицензияланадиган кичик турларини ўзаро бирлаштириш масаласини таҳлил қилиш, заруратга кўра, норматив-ҳуқуқий ҳужжат лойиҳасини ишлаб чиқиш:

маҳаллий, шаҳарлараро ва халқаро телекоммуникациялар тармоқларини лойиҳалаштириш;

маълумотлар узатиш тармоқларини лойиҳалаштириш;

кўчма радиотелефон (уяли) алоқа тармоқларини лойиҳалаштириш;

кўчма радиотелефон (радиотелефон, транкли) алоқа тармоқларини лойиҳалаштириш;

телерадиоэшиттиришларни тарқатиш (трансляция қилиш) тармоқларини лойиҳалаштириш;

кўчма радиотелефон (радиотелефон, транкли) алоқа тармоқларидан фойдаланиш;

кўчма радиотелефон (радиотелефон, транкли) алоқа тармоқлари хизматларини кўрсатиш.

Ахборот-таҳлилий маълумотнома

2024 йил

апрель

Рақамли технологиялар вазирлиги (Ш. Шерматов)

12.

Хавфи юқори бўлган объектларни ва потенциал хавфли ишлаб чиқаришларни лойиҳалаштириш, қуриш ҳамда улардан фойдаланиш фаолиятини лицензиялаш тартибида:

аризани кўриб чиқиш муддатини 14 иш куни этиб;

хавфи юқори бўлган объектларни ҳамда потенциал хавфли ишлаб чиқаришларни лойиҳалаштириш, қуриш ва улардан фойдаланиш билан шуғулланувчи мутахассисларнинг аниқ сонини;

Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси, Ўзэнергоинспекция ва Экология, атроф-муҳитни муҳофаза қилиш ва иқлим ўзгариши вазирлиги томонидан хулоса берилиши асослари ҳамда мезонларини белгилаш.

Норматив-ҳуқуқий ҳужжат лойиҳаси

2024 йил

март

Қурилиш ва уй-жой коммунал хўжалиги вазирлиги (Ш.Хидоятов), Тоғ-кон саноати ва геология вазирлиги (Б. Исламов), Электр энергияси, нефть маҳсулотлари ва газдан фойдаланишни назорат қилиш инспекцияси (И. Ниматуллаев)

13.

Кўприклар ва туннелларни лойиҳалаштириш, қуриш ва уларни таъмирлаш фаолиятини лицензиялаш тартибида:

аризани кўриб чиқиш муддатини 10 иш куни этиб;

кўприклар ва туннелларни лойиҳалаштириш, қуриш ва уларни таъмирлаш ишлари билан шуғулланувчи мутахассисларнинг аниқ сонини белгилаш.

Норматив-ҳуқуқий ҳужжат лойиҳаси

2024 йил

март

Қурилиш ва уй-жой коммунал хўжалиги вазирлиги (Ш.Хидоятов)

14.

Баландликларда саноат альпинизми усулларида таъмирлаш, қурилиш-монтаж ишларини бажариш фаолияти учун лицензия беришда аризани кўриб чиқиш муддатини 7 иш куни этиб белгилаш.

Норматив-ҳуқуқий ҳужжат лойиҳаси

2024 йил

март

Қурилиш ва уй-жой коммунал хўжалиги вазирлиги (Ш.Хидоятов)

15.

Истеъмол ва техник этил спирти, алкоголь маҳсулотлари ишлаб чиқаришни лицензиялашда қуйидаги хулосаларни лицензия талабгоридан талаб қилмаган ҳолда ушбу маҳсулотларнинг лицензия талаб ва шартларига мувофиқлигини келишишни таъминлаш:

ишлаб чиқариш ва сақлаш иншоотларининг, шунингдек, технологик ускуналарнинг қонунчилик ҳужжатларида белгиланган санитария-гигиена талабларига мувофиқлиги тўғрисида Санитария-эпидемиологик осойишталик ва жамоат саломатлиги қўмитаси ҳудудий органининг хулосаси;

ишлаб чиқаришнинг қонунчилик ҳужжатларида белгиланган меҳнатни муҳофаза қилиш ва техника хавфсизлиги талабларига мувофиқлиги тўғрисида Камбағалликни қисқартириш ва бандлик вазирлигининг ҳудудий бошқармалари хулосаси;

ишлаб чиқаришнинг, ишлаб чиқариш ва сақлаш биноларининг қонунчилик ҳужжатларида белгиланган ёнғин хавфсизлиги талабларига мувофиқлиги тўғрисида ҳудудий ёнғин назорати органининг хулосаси;

Ўзбекистон техник жиҳатдан тартибга солиш агентлигининг ишлаб чиқариладиган маҳсулотнинг сифати ва хавфсизлигини назорат қилиш учун зарур бўлган техник жиҳатдан тартибга солиш соҳасидаги норматив ҳужжатлар ҳамда ўлчаш жиҳозлари билан таъминланганлиги тўғрисидаги хулосаси;

истеъмол ва техник этил спирти, алкоголь маҳсулотлари ишлаб чиқарувчи ташкилотлар (бино, иншоотлар, ишлаб чиқариш қувватлари ва ҳоказо) қурилганда ва янгиси ташкил этилганда, шунингдек, мавжуд ишлаб чиқариш қувватлари кенгайтирилганда Иқтисодиёт ва молия вазирлигининг таклиф этилаётган янги қувватларни ташкил этишнинг иқтисодий жиҳатдан мақсадга мувофиқлиги тўғрисидаги хулосаси.

Норматив-ҳуқуқий ҳужжат лойиҳаси

2024 йил

март

Адлия вазирлиги (А. Ташкулов), Инвестициялар, саноат ва савдо вазирлиги (Л. Кудратов)

16.

Аффинаж фаолиятини лицензиялашда:

а) қуйидаги маълумотларни лицензия талабгоридан талаб қилмаган ҳолда ушбу фаолиятнинг лицензия талаб ва шартларига мувофиқлигини келишишни таъминлаш:

ўлчаш воситалари қиёслашдан ўтказилгани тўғрисидаги сертификат ҳақида маълумот (электрон ёки аналитик тарозилар ва тошлар (ҳар хил оғирликдаги);

қимматбаҳо металларни аффинаж қилиш, шу жумладан, таркибида қимматбаҳо металлар ва қимматбаҳо тошлар бўлган минерал хом ашё, иккиламчи ресурслар, парча ва чиқиндиларни қайта ишлаш мўлжалланаётган объектнинг ёнғин хавфсизлиги талабларига мувофиқлиги тўғрисидаги хулосаси рақами ва санаси;

объектнинг техник мустаҳкамлиги ва Ўзбекистон Республикаси Миллий гвардиясининг қўриқлаш хизмати техник қўриқлаш марказига (пунктига) уланганлиги ҳақидаги маълумотлар - қимматбаҳо металларни аффинаж қилиш, шу жумладан, таркибида қимматбаҳо металлар ва қимматбаҳо тошлар бўлган минерал хом ашё, иккиламчи ресурслар, парча ва чиқиндиларни қайта ишлаш мўлжалланаётган объектлар учун;

б) лицензия талабгоридан қуйидаги маълумотларни талаб қилишни бекор қилиш:

давлат экологик экспертизасининг ижобий хулосаси;

гиёҳвандлик воситалари, психотроп моддалар ва прекурсорлар билан муомала қилишнинг бошқа йўналишлари (ташиш фаолиятидан ташқари) билан боғлиқ бўлган фаолиятни амалга ошириш учун лицензия ("Электрон ҳукумат" тизими идоралараро интеграциялашув платформаси орқали сўраб олиш эвазига).

Норматив-ҳуқуқий ҳужжат лойиҳаси

2024 йил

март

Адлия вазирлиги (А. Ташкулов), Иқтисодиёт ва молия вазирлиги (И. Норқулов)

17.

Нефть, газни (шу жумладан, сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш фаолиятини лицензиялашда қуйидаги хулосаларни лицензия талабгоридан талаб қилишни бекор қилган ҳолда ушбу фаолиятнинг лицензия талаб ва шартларига мувофиқлигини тегишли органлар билан келишишни таъминлаш:

Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекциясининг нефть, газ ҳамда газ конденсатини қазиб чиқариш, қайта ишлаш ва сотиш фаолиятининг тегишли турини амалга оширишда саноат хавфсизлиги бўйича қўйиладиган минимал талаблар лицензия талабгори томонидан бажарилганлиги тўғрисидаги хулосаси;