Соғлиқни сақлаш вазирининг 10.01.2024 й. 2-сон "Одамнинг иммунитет танқислиги вирусига тиббий текширувдан ўтказиш қоидаларига қўшимчалар киритиш тўғрисида"ги Буйруғи (АВ томонидан 05.02.2024 й. 2584-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.02.2024 й.

N 2584-2

ЎЗБЕКИСТОН РЕСПУБЛИКАСИ

СОҒЛИҚНИ САҚЛАШ ВАЗИРИНИНГ

10.01.2024 й.

N 2

БУЙРУҒИ

Одамнинг иммунитет танқислиги вирусига

тиббий текширувдан ўтказиш қоидаларига

қўшимчалар киритиш тўғрисида

Ўзбекистон Республикасининг 2022 йил 14 мартдаги ЎРҚ-759-сон "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунига мувофиқ БУЮРАМАН:

1. Ўзбекистон Республикаси соғлиқни сақлаш вазирининг 2014 йил 15 апрелдаги 5-сон буйруғи (рўйхат рақами 2584, 2014 йил 15 май) (Ўзбекистон Республикаси қонун ҳужжатлари тўплами, 2014 й., 20-сон, 237-модда) билан тасдиқланган Одамнинг иммунитет танқислиги вирусига тиббий текширувдан ўтказиш қоидаларига иловага мувофиқ қўшимчалар киритилсин.

2. Мазкур буйруқ Ўзбекистон Республикаси Ички ишлар вазирлиги ва Савдо-саноат палатаси билан келишилган.

3. Мазкур буйруқ расмий эълон қилинган кундан эътиборан кучга киради.

Вазир                                                           А.А. Худаяров

Буйруққа

ИЛОВА

Одамнинг иммунитет танқислиги вирусига

тиббий текширувдан ўтказиш қоидаларига

киритилаётган қўшимчалар

1. 5-банд "паспорт" деган сўздан кейин "идентификация ID-картаси, туғилганлик ҳақида гувоҳнома (болалар учун)" деган сўзлар билан тўлдирилсин.

2. 1-илова матни "Ф.И.О., паспорт" деган сўзлардан кейин "идентификация ID-картаси, туғилганлик ҳақида гувоҳнома (болалар учун)" деган сўзлар билан тўлдирилсин.

Қонун ҳужжатлари маълумотлари миллий базаси (www.lex.uz),

2024 йил 5 февраль