Экспертлар томонидан тасдиқланган жавобларни олинг:
«СК 337-моддаси 11-қисмида айтилишича, ушбу модданинг 1-қисми 12-бандида белгиланган солиқ ставкасини, 2022 йил 1 сентябрдан кейин жорий солиқ даврида жами даромади биринчи марта 10 млрд сўмдан ошган солиқ тўловчилар – жорий ва кейинги солиқ даврларида 50 фоизга камайтириш ҳуқуқига эга, агар пасайтирилган солиқ ставкаси қўлланиладиган солиқ даврларида солиқ тўловчининг жами даромади 100 млрд сўмдан ошмаса. Бу ерда қайси давр назарда тутилган – фақат 2022 йилми ёки кейинги даврларда ошиб кетса ҳам бу имтиёздан фойдаланиш мумкинми? Агар жами даромад 2026 йилда биринчи марта 10 млрд сўмдан ошса, имтиёзни қўллаш мумкинми?»
Buxgalter Pro обуначисининг саволига «Норма» эксперти, «Жавоб берамиз!» хизмати мутахассиси Азизахон ТОШХЎЖАЕВА жавоб берди:
Эътибор беринг
Материал «Жавоб берамиз!» пулли базасидан олинган, истисно тариқасида эълон қилинмоқда.
Экспертларга ўз саволларингизни бериш ва тайёр жавоблар базасини тўлиқ кўриш имкониятига эга бўлиш учун Buxgalter Proга обуна бўлинг.
– Қуйидагилар СК 337-моддаси 11-қисмида белгиланган солиқ ставкасини 50 фоизга камайтириш ҳуқуқига эга:
- айланмадан олинадиган солиқ тўловчилар, 2022 йил 1 сентябрдан кейин биринчи марта солиқ тўлашга ўтган – солиқ тўловчи солиқ тўлашга ўтган йилдан кейинги бир солиқ даври давомида, агар пасайтирилган солиқ ставкаси қўлланиладиган солиқ даврида солиқ тўловчининг жами даромади 10 млрд сўмдан ошмаса;
- солиқ тўловчилар, уларнинг 2022 йил 1 сентябрдан кейин жорий солиқ даврида жами даромади биринчи марта 10 млрд сўмдан ошган – жорий ва кейинги солиқ даврларида, агар пасайтирилган солиқ ставкаси қўлланиладиган солиқ даврларида солиқ тўловчининг жами даромади 100 млрд сўмдан ошмаса.
Ушбу қисмнинг 3-хатбошисида «жорий солиқ даври» деганда турли солиқ тўловчиларнинг 2022 йил 1 сентябрдан кейин биринчи марта жами даромади 10 млрд сўмдан ошган йил тушунилади. Бир солиқ тўловчи учун бу 2022 йил бўлиши мумкин, бошқаси учун – 2024 йил ва ҳоказо.
Биз бу норма 2026 йилда амалда бўлиш-бўлмаслигини билмаймиз.
Шундай дейиш мумкин: агар корхонанинг жами даромади 2024 йилда биринчи марта 10 млрд сўмдан ошса, у 2024 ва 2025 йилларда фойда солиғини 7,5% ставка бўйича тўлаш ҳуқуқига эга. Бироқ, агар бу йилларда йиллик жами даромад 100 млрд сўмдан ошса, солиқ 15% ставка бўйича тўланади.
Эътибор беринг
СК 337-моддаси 11-қисмида назарда тутилган пасайтирилган солиқ ставкаси ер қаъридан фойдаланганлик учун солиқ ва акциз солиғи тўловчиларига татбиқ этилмайди, шунингдек пасайтирилган солиқ ставкасини қўллаш мақсадида товарлар (хизматлар)ни реализация қилишдан олинган даромадларни икки ва ундан ортиқ тадбиркорлик субъектлари ўртасида тақсимлаш (бўлиш) ҳолатлари аниқланганда ва (ёки) солиқ тўловчи тугатилганда 
.
