ДМ билан боғлиқ бўлмаган норезидентларга даромадлар тўласангиз, ўқиб чиқинг:
«Иш ҳақи» солиқларининг асосий элементлари – солиқ ставкалари, солиқларни ҳисоблаш ва тўлаш тартиби, шу жумладан ШЖБПҲга 0,1% ўтказиш, тўлов муддатлари ва ҳисоб-китобларни тақдим этиш – 2024 йилда ўзгармади. Аммо ўзгаришлар ҳам бор. Бу ҳақда батафсил Norma мутахассислари тайёрлаган шарҳда танишишингиз мумкин.
Сайтдаги янги мақолаларни биринчилардан бўлиб ўқиш учун телеграм-каналимизга аъзо бўлинг.
Болалар таълими учун тўловларни амалга ошириш учун имтиёзларни қўллашда ёш чегараси бекор қилинди
Даромад 26 ёшгача бўлган фарзанди ёки турмуш ўртоғининг ўқиши учун йўналтирилган бўлса, ЖШДС бўйича имтиёз қўлланилган. 2023 йил 1 августдан бошлаб фарзандлар учун ёш чегараси бекор қилинди 
.
Жисмоний шахснинг Ўзбекистон касбий ва олий таълим ташкилотларидаги ўқишга йўналтирилган даромадига ЖШДС солинмайди :
- ўзиники – ёшидан қатъи назар;
- бола – ёшидан қатъи назар;
- турмуш ўртоғи(лар) – 26 ёшгача.
Ўзгаришлар 08.05.2023 й. ПФ-67-сон, 11-бандига мувофиқ киритилган.
Жисмоний шахсларнинг даромадлари қимматли қоғозларни сотиб олишга йўналтирилганда имтиёзлар тақдим этилади
Қуйидагиларга йўналтирилган жисмоний шахсларнинг даромадларига ЖШДС солинмайди:
- ушбу корхоналар ходимларининг акцияга эгалик қилиш режаси доирасида акцияларни сотиб олиш – уларнинг ойлик маошидан кўп бўлмаган миқдорда ва акцияларни оммавий таклиф қилиш пайтида унга тенглаштирилган тўловлар;
- маҳаллий фонд бозорида чиқарилган қимматли қоғозларни сотиб олиш учун шахсий инвестиция ҳисоби. Бунда қуйидаги шартлар бажарилиши керак:
– солиқ солинмайдиган даромад солиқ даврида жами МҲЭКМнинг 100 бараваридан ошмаслиги керак;
– тўловлар ўсиб бормайдиган тартибда ва шартнома муддати бошланган кундан бошлаб 12 ой давомида бир марталик тўловларни тўламаслик шарти билан тўланади.
Эътибор беринг
Buxgalter PROда – Солиқ кодексига 2024 йилда киритилган барча ўзгартиришлар.
Акциялар бўйича дивидендлар, шунингдек хўжалик жамоаларининг облигациялари бўйича фоизларни тўлашда ЖШДС бўйича имтиёзнинг амал қилиш муддати узайтирилди
Солиқ кодексининг 483-моддасида 2022 йил 1 апрелдан 2024 йил 31 декабргача бўлган даврда жисмоний шахсларнинг акциялар бўйича дивидендлар ва хўжалик жамиятлари облигациялари бўйича фоизлар тарзидаги даромадлари ЖШДСдан озод этилиши назарда тутилган эди .
Мазкур имтиёз 2028 йил 31 декабргача узайтирилган.
Якка тартибдаги тадбиркорлар учун ЖШДС ставкалари индексация қилинмоқда
2024 йил 1 февралдан бошлаб қатъий белгиланган миқдорда солиқ тўловчи якка тартибдаги тадбиркорлар учун солиқ ставкалари 10 фоизга индексланади.
Масалан, Тошкент шаҳрида озиқ-овқат ва ноозиқ-овқат маҳсулотлари чакана савдоси билан шуғулланувчи якка тартибдаги тадбиркор 2024 йилда ойига 907 500 сўм тўлайди (2023 йилда – 825 000 сўм).
«Изланиш ва ривожлантириш» (R&D) марказлари учун ижтимоий солиқ ставкаси 1%ни ташкил қилади
2024 йил 1 январдан 2027 йил 1 январгача «Изланиш ва ривожлантириш» (R&D) марказлари учун ижтимоий солиқ ставкаси 1 фоизни ташкил қилади .
Имтиёз 11.09.2023 й. ПҚ-300-сон Қарорини ижро этиш доирасида тақдим этилади.
Эслатиб ўтамиз
«Ўзбекистон-2030» стратегиясида электротехника, машинасозлик, тўқимачилик, кимё, қурилиш материаллари, металлни қайта ишлаш, геология, энергетика, био-технология, озиқ-овқат маҳсулотларини қайта ишлаш, транспорт ва логистика каби йўналишларда «Изланиш ва ривожлантириш» (R&D) марказларини ташкил этиш назарда тутилган.
