Қандай қилиб ички аудитор сертификатини имтиҳонсиз олиш мумкин

5 май куни ички аудит хизмати ходимларини сертификатлаш тартиби тўғрисидаги янги Низом тасдиқланди . 

Тавсилотлар buxgalter.uz шарҳида:

Янги ҳужжатга асосан:

1. Ички аудитор бўлиб фақат ички аудитор малака сертификати соҳиблари ишлаш ҳуқуқига эгалар.
2. Ички аудиторларни Аудиторларнинг республика жамоат бирлашмалари - Ўзбекистон бухгалтерлар ва аудиторлар миллий ассоциацияси ҳамда Ўзбекистон аудиторлар палатаси сертификатлаши мумкин.
3. Агар сизда қуйидагилар бўлса, ички аудит сертификатини имтихон топширмасдан, автомат равишда олишингиз мумкин:

• аудитор малака сертификати;
• бухгалтерия ҳисоби ва аудит соҳасидаги халқаро сертификат;
• бухгалтерларни халқаро сертификатлаш доирасида “ Молиявий ҳисоботнинг халқаро стандартлари (МҲХС) бўйича молиявий ҳисобот” фанини муваффақиятли топширганлиги тўғрисидаги ҳужжат;
• камида 10 йиллик узлуксиз ички аудиторлик иш стажига эга бўлса.

Саида ЖОНИЗОҚОВА тайёрлади