Ноябрь ойидаги бухгалтер учун фойдали ахборот:
ДСҚ мол-мулк солиғи ва ер солиғи бўйича ҳисоботларнинг электрон шаклларига ўзгартиришлар киритди. Агар ушбу ўзгартиришлар сизга дахл қилса, ҳисоб-китобларни қайта топширишга тўғри келади. Гап нима ҳақида бормоқда?
Юридик шахслардан олинадиган ер солиғи
Ҳисоб-китобда бир объект доирасида жойлашиб, ер майдони тоифаси турлича бўлган, шунингдек, пасайтирувчи коэффициент қўлланилиши лозим бўлган ер майдонларини алоҳида киритиш имконияти яратилди.
Ҳисоботни топширувчилар 10510_12 сонли (ойлик) ва 10510_13 сонли (чорак) пакет рақамли янги шаклларда тақдим этишлари мумкин.
Мол-мулк солиғи
Юридик шахсларнинг мол-мулкига солинадиган солиқ бўйича маълумотнома шаклида энг кам қиймат татбиқ қилинмайдиган кўчмас мулк объектларининг майдони, энг кам қийматнинг камайтирувчи коэффициенти алоҳида акс этирилиши имконияти яратилди.
Маълумотномага 2-иловада энди қуйидагилар бўйича мустақил равишда ўзгартириш киритиш мумкин:
- сув ҳайдаш миноралари,
- резервуарлар,
- соябонлар,
- бетон майдончалар ва деворлар (бордюрлар)
- бошқа шунга ўхшаш объектлар.
Мол-мулк солиғи бўйича аниқлаштирилган маълумотномани 1 апрелга қадар тақдим этганларга нисбатан пеня ҳисобланмайди.
Ҳар ойда Мол-мулк солиғи топширувчилар мол-мулк солиғи бўйича ҳисоботни 10401_23 сонли (ойлик) ва 10401_21 сонли (чорак) пакет рақамли янги шаклларда тақдим этишлари мумкин.
Мазкур шаклларни тўлдириш бўйича батафсил йўриқнома шаклларнинг ўзида мавжуд (“Йўриқнома” тугмаси).
Манбага қаранг.
Олег ГАЕВОЙ тайёрлади
