Статистика бўйича 2023 йил IV чораги учун кимлар ҳисобот топширади

Статистика агентлигининг сайтида 2023 йилнинг IV чораги учун 4-kb savolnoma шакли бўйича танланма асосда текшириладиган кичик корхоналар ва микрофирмаларнинг рўйхати эълон қилинди.

 

 

Қандай қилиб дастурга кирилади ва шакл тўлдирилади

Паролни кўрсатиб, ЭРИси ёрдамида ҳавола орқали eStat 4.0. дастурига киринг. Ташкилотингиз номи ва унинг реквизитлари – КТУТ, СТИР кўрсатилган дарча очилади.

Ташкилотингиз номига босиб, шахсий кабинетга кирасиз. Унинг ўнг тарафида тугмалар – статистика ҳисоботларингизнинг мақомлари: «жўнатилган», «рад этилган», «қабул қилинган», шунингдек статистика органлари ваколатли вакилларининг хабарномалари акс эттирилади.

Экраннинг чап тарафидаги таклиф этилаётган рўйхатдаги «Кичик бизнес ва тадбиркорлик» қўшимча саҳифасини танланг.

Сўнг керакли шаклни танланг ва “Жўнатиш” тугмасига босинг. Ташвишланманг, шакл шу заҳоти жўнатилмайди, фақат тўлдириш учун очилади.

 

Шаклдаги барча зарур бўлимларга кўрсаткичларни киритиб (статистика ҳисоботи шаклининг юқоридаги панели), “Жўнатиш” тугмасига яна босинг.

 

Иккала шаклдаги бўлимларнинг жадвал қисми остида бериладиган изоҳларга ҳам эътибор беринг. Улар 4-kb savolnoma шаклининг у ёки бу бўлимида қандай кўрсаткичларни акс эттириш лозимлиги юзасидан тавсия беради.

Шакллардаги ҳар бир бўлимни мантиқий жиҳатдан назорат қилиш – кўрсаткичларни тўғри тўлдириш формулалари билан текшириш назарда тутилган.

Шакл қуйидаги тарзда тўлдирилади:

• “ҳисобот чораги учун” (1-устун) – 2023 йил IV чорак учун кўрсаткичлар билан;
• “йил бошидан” (2-устун) –  2023 йил  I, II, II, IV чораклар учун кўрсаткичлар билан (яъни 2023 йил учун ўсиб борувчи якун билан);
• “ўтган йилнинг тегишли даври учун” (3-устун) – 2022 йил I, II, III ва IV чораклар учун кўрсаткичлар билан (яъни 2022 йил учун ўсиб борувчи якун билан).

Шаклни тўлдириш масалалари бўйича Статистика агентлигига (71) 202-81-07, (71) 202-81-08 телефон рақамлари орқали мурожаат қилинг.

 

4-kb savolnoma шаклининг “Хулоса қисми”даги тегишли тугмага босиб, ҳисоботнинг тўлдирилган шаклини Excel да юклаш мумкин.

“Шахсий кабинет”дан чиқиш учун унинг чап юқори тарафидаги ташкилотингиз номига, сўнгра “Чиқиш” тугмасига босинг.

eStat 4.0. дастурида ишлашнинг техник масалалари юзасидан сизга қуйидаги телефон рақами орқали маслаҳат берадилар: (71) 202-81-45.

 

 

Татьяна ЛИМАРЕВА,

«Норма» эксперти