2026 йил сентябрь ойи учун бош бухгалтер режаси

2026 йил 26 август

Сентябрь – фаол иш ва чорак ҳисоботларини топшириш ойи. Бюджет олдидаги барча мажбуриятларни ўз вақтида ёпиш учун ойнинг муҳим вазифаларини бир чек-листга жамладик. Кузни шошилинч ишлардан холи бошлаш учун тақвимингизни текшириб чиқинг.

Сўнгги муддатлар ҳақида Телеграм-каналимизда олдиндан эслатиб ўтамиз.

Юридик шахслар учун солиқ тўловчи тақвими 2026 йил сентябрь ойидаги бирорта ҳам назорат санасини ўтказиб юбормасликка ёрдам беради. Унда Ўзбекистондаги корхоналар учун солиқ ҳисоботи ва тўлов муддатлари батафсил баён этилган. Бундан ташқари, жадвал (юклаб олиш учун) кўринишидаги қисқача шпаргалка ҳам мавжуд. Унинг ёрдамида сиз солиқ тўловлари ва ҳисобот топширишнинг долзарб муддатларини осон текширасиз.

2 сентябрь – сўнгги кун:

(сана 31 август кунидан кўчирилган, чунки ушбу кун Президентнинг ПФ-257-сон Фармонига асосан қўшимча ишланмайдиган кун ҳисобланади):

юридик шахслар томонидан 2026 йил учун қишлоқ хўжалигига мўлжалланган ерлар учун ер солиғи йиллик суммасининг 30 фоизини тўлаш .

Солиқнинг қолган суммасини 1 декабрга қадар тўлаш лозим.

5 сентябрь – сўнгги кун:

2026 йил август ойида банклар томонидан норезидентларга тўланган даромадлар (дивидендлар ва фоизлар кўринишидаги даромадлар бундан мустасно) бўйича фойда солиғини тўлаш .

8 сентябрь – сўнгги кун:

2026 йил август ойида натура шаклида тўланган даромадлардан ЖШДС ва ШЖБПҲга бадаллар тўлаш .

Даромадлар натура шаклида тўланганда ҳисобланган солиқ суммаси ва ШЖБПҲга бадаллар даромад тўланган ой тугаганидан кейин 5 кун ичида тўланади.

Тавсия этамиз

– ЖШДСни тўлаш ва ҳисоботни тақдим этиш тартиби;

– ШЖБПҲга бадалларни қандай ҳисоблаш ва тўлаш керак.

9 сентябрь – сўнгги кун:

Қуйидаги ҳуқуқлар учун 2026 йил сентябрь ойи учун йиғимларни тўлаш :

– чакана савдо ва умумий овқатланиш корхоналари томонидан алкоголли маҳсулотларни сотиш;

– пиво ва пиво ичимликлари чакана савдоси;

– тамаки маҳсулотларининг чакана савдоси.

Тавсия этамиз

– Алкоголь маҳсулотларини сотиш ҳуқуқи учун йиғимлар қандай тўланади;

– Пиво ва пиво ичимликлари билан чакана савдо ҳуқуқи учун йиғимни қандай тўлаш керак;

– Тамаки маҳсулотлари чакана савдоси учун йиғим қандай тўланади.

10 сентябрь – сўнгги кун:

2026 йил август ойи учун акциз солиғи ҳисоботини тақдим этиш ва тўлаш ;

Тавсия этамиз

– Акциз солиғи қандай тўланади ва ҳисобот қандай тақдим этилади.

Қимматли қоғозлар Марказий депозитарийси ва инвестиция воситачилари томонидан 2026 йил август ойи учун рўйхатга олинган акциялар билан боғлиқ битимлар тўғрисидаги маълумотларни тақдим этиш ;
айланмадан олинадиган солиқни тўламайдиган солиқ тўловчилар томонидан 2026 йил сентябрь ойи учун мол-мулк солиғи бўйича бўнак тўловларини йиллик солиқ суммасининг 1/12 қисми миқдорида тўлаш .

Тавсия этамиз

– Юридик шахсларнинг мол-мулк солиғини қандай ҳисоблаш керак;

– Минимал қийматни ҳисобга олган ҳолда юридик шахсларнинг мол-мулкига солинадиган солиқни қандай ҳисоблаш керак;

– Мол-мулк солиғини қандай тўлаш ва ҳисоботни тақдим этиш керак.

айланмадан олинадиган солиқни тўламайдиган солиқ тўловчилар томонидан 2026 йил сентябрь ойи учун қишлоқ хўжалигига мўлжалланмаган ерлар учун ер солиғи йиллик солиқ суммасининг 1/12 қисми миқдорида тўланиши .

Тавсия этамиз

– Юридик шахслардан олинадиган ер солиғини қандай ҳисоблаш керак;

– Ер солиғини қандай тўлаш ва ҳисоботларни тақдим этиш тартиби.

16 ёшгача бўлган ногиронлиги бўлган боланинг ота-онасидан бирига қўшимча дам олиш кунини тўлаш бўйича юридик шахснинг харажатларини қоплаш учун 2026 йил август ойида Пенсия жамғармасидан маблағ (нафақа) олиш учун ариза тақдим этиш .

16 ёшгача ногиронлиги бўлган болани тарбиялаётган ота-онадан бирига ёки ота-она ўрнини босувчи шахсга ойига бир қўшимча дам олиш куни берилади. Ушбу кун учун иш берувчи давлат ижтимоий суғуртаси маблағлари ҳисобидан кунлик иш ҳақи миқдорида нафақа тўлайди .

15 сентябрь – сўнгги кун:

2026 йил август ойи учун ШЖБПҲга реестрларни тақдим этиш ва бадалларни тўлаш .

Тавсия этамиз

– ШЖБПҲга бадалларни қандай ҳисоблаш ва тўлаш керак.

2026 йил август ойи учун ЖШДС ва ижтимоий солиқ ҳисоботларини тақдим этиш ҳамда тўлаш.

ЖШДС солиқ тўловчига даромадларни тўлаш билан бир вақтда, лекин солиқ ҳисоботини тақдим этиш муддатларидан кечиктирмай тўланади .

Ижтимоий солиқ ҳам солиқ ҳисоботини тақдим этиш муддатларидан кечиктирмасдан тўланади ;

Тавсия этамиз

– ЖШДСни қандай тўлаш ва ҳисоботни тақдим этиш керак;

– ЖШДС ва ижтимоий солиқ бўйича ҳисоботни проактив тартибда қандай тўлдириш керак;

– Мол-мулкни ижарага беришдан олинган даромадлардан ЖШДС бўйича ҳисобот проактив тартибда қандай тўлдирилади;

– ЖШДС ва ижтимоий солиқ бўйича ҳисоботни проактив тартибда тўлдиришга мисол;

– Бажарилган қурилиш ишлари бўйича иш ҳақи ҳисобланиши юзасидан маълумотномани ҳамда ЖШДС ва ижтимоий солиқ ҳисоб-китобини қандай тўлдириш керак.

солиқ тўловчилар томонидан 2026 йил август ойи учун айланмадан олинадиган солиқ бўйича ҳисобот тақдим этиш ва тўлаш ;

Тавсия этамиз

– Айланмадан олинадиган солиқ ҳисоб-китобини қандай тақдим этиш керак;

– Айланмадан олинадиган солиқни қайси муддатларда ва қандай тўлаш керак.

солиқ агентлари томонидан 2026 йил август ойи учун ЯТТ ва ўзини ўзи банд қилган шахсларнинг даромадлари бўйича БҲМнинг 12 000 бараваригача бўлган миқдорда ҳисобот тақдим этиш ва айланмадан олинадиган солиқни тўлаш ;

Эслатиб ўтамиз

2026 йил 1 июндан бошлаб умумбелгиланган солиқ солиш тартибига ўтиш учун даромаднинг чекланган миқдори БҲМнинг 12 000 баравари миқдорида белгиланди .

ЯТТ ва ўзини ўзи банд қилган шахсларнинг тўлов ташкилотларининг рақамли платформалари орқали олинган товарларни (хизматларни) реализация қилишдан олинган, белгиланган чегарагача бўлган даромадлари бўйича тўлов ташкилотлари солиқ агенти деб эътироф этилади .

Ўзини ўзи банд қилган шахсларнинг юридик шахслардан олган даромадлари бўйича ушбу юридик шахс солиқ агенти деб эътироф этилади. Юридик шахс солиқ органларини хабардор қилиш асосида тўлов манбаида солиқни ушлаб қолади .

айланмадан олинадиган солиқ тўловчилар томонидан 2026 йил август ойи учун онлайн-НКТ чекларидаги техник хатоларни тузатиш .

Тавсия этамиз

– НКТ чекидаги хатони қандай тузатиш мумкин;

– Электрон ҳужжатларда МХИК бўйича хатоларни қандай тузатиш мумкин.

20 сентябрь – сўнгги кун

(20 сентябрь – якшанба куни бўлгани учун 21 сентябрга кўчирилади):

2026 йил август ойи учун ҚҚС ҳисоботини тақдим этиш ва тўлаш, шу жумладан соддалаштирилган 6 фоизлик ҚҚС бўйича ;

ҚҚС тўловчилар ва энди ҚҚС тўловчиси бўлиш арафасида турганлар учун фойдали маълумотлар:

– Товарлар ва хизматларни сотишда ҚҚСни қандай ҳисоблаш керак;

– ҚҚС тўлашга қандай ўтиш мумкин;

– Қандай қилиб ҚҚС ҳисоботини тўлдириш ва тўлаш керак;

– «Соддалаштирилган» ҚҚС бўйича тавсиялар.

солиқ агентлари – ҚҚС тўловчилар томонидан 2026 йил август ойи учун ҚҚС ҳисоботини тақдим этиш ва тўлаш :

– чет эллик шахслардан сотиб олинган товарлар (хизматлар) бўйича ;

– давлат мулки билан боғлиқ операциялар, давлат мулкини, шу жумладан қишлоқ хўжалигига мўлжалланмаган бўш турган ер участкаларини мулк ҳуқуқи асосида сотиш операциялари бундан мустасно .

Солиқ агентлари – ҚҚСни тўламайдиганлар ҳисоботларни солиқ тўланган ойдан кейинги ойнинг 20-кунидан кечиктирмай тақдим этадилар ;

Тавсия этамиз

– Чет эллик шахслар қачон ҚҚС тўлайди;

– Чет эллик шахслардан товарлар (хизматлар) сотиб олишда солиқ агентига ҚҚСни қандай ҳисоблаш керак;

– Давлат мулки билан боғлиқ операциялар бўйича солиқ агенти ҚҚСни қандай ҳисоблайди.

сув ресурсларидан фойдаланганлик учун солиқ бўйича бўнак тўловларини тўлаш:

– солиқ даври учун солиқ суммаси БҲМнинг 200 бараваридан ошган айланмадан олинадиган солиқни тўламайдиган юридик шахслар томонидан – 2026 йил сентябрь ойи учун солиқнинг йиллик суммасининг 1/12 қисми миқдорида тўлаш ;

– солиқ даври учун солиқ суммаси БҲМнинг 200 бараваридан кам бўлган айланмадан олинадиган солиқни тўламайдиган юридик шахслар, шунингдек, айланмадан олинадиган солиқни тўловчилар ва якка тартибдаги тадбиркорлар томонидан – 2026 йил III чорак учун йиллик солиқ суммасининг 1/4 қисми миқдорида тўлаш;

Тавсия этамиз

– Сув ресурсларидан фойдаланганлик учун солиқ бўйича бўнак тўловларини қандай тўлаш керак.

айланмадан олинадиган солиқ тўловчилар томонидан 2026 йил III чорак учун қишлоқ хўжалиги учун мўлжалланмаган ерлар учун ер солиғини йиллик солиқ суммасининг 1/4 қисми миқдорида тўлаш ;

Тавсия этамиз

– Юридик шахслардан олинадиган ер солиғини қандай ҳисоблаш керак;

– Ер солиғини қандай тўлаш ва ҳисоботларни тақдим этиш тартиби.

айланмадан олинадиган солиқ тўловчилар томонидан 2026 йил III чорак учун мол-мулк солиғи бўйича бўнак тўловларини йиллик солиқ суммасининг 1/4 қисми миқдорида тўлаш .

Айланмадан солиқ тўловчилар ҳисобланмайдиган солиқ тўловчилар бўнак тўловларини ҳар ойнинг 10-кунидан кечиктирмай йиллик солиқ суммасининг 1/12 қисми миқдорида тўлайдилар ;

Тавсия этамиз

– Юридик шахсларнинг мол-мулк солиғини қандай ҳисоблаш керак;

– Мол-мулк солиғини қандай тўлаш ва ҳисоботни тақдим этиш керак.

солиқ агентлари томонидан 2026 йил август ойи учун норезидентларнинг даромад солиғи суммалари бўйича ҳисоботларни тақдим этиш .

Солиқ норезидентга даромадлар тўланган кундан кейинги кундан кечиктирмай тўланади ;

Тавсия этамиз

– Норезидентларнинг даромадларидан тўлов манбаида фойда солиғини тўлаш.

солиқ агентлари томонидан 2026 йил август ойи учун дивидендлар ва фоизлар солиғи бўйича ҳисобот тақдим этиш .

Солиқ дивидендлар ва фоизларни тўлаш санасидан кечиктирмай тўланади ;

Тавсия этамиз

– Дивидендлар ва фоизлар кўринишидаги даромад солиғи бўйича ҳисоботни қандай тўлдириш керак.

юридик шахслар томонидан 2026 йил август ойи учун ер қаъридан фойдаланганлик учун ҳисобот тақдим этиш ва солиқ тўлаш ;

Тавсия этамиз

– Ер қаъридан фойдаланганлик учун солиқни ким ва қандай тўлайди;

– Ер қаъридан фойдаланганлик учун солиқ ҳисоб-китобини қандай тўлдириш керак.

ҚҚС тўловчилар томонидан 2026 йил август ойи учун онлайн-НКТ чекларидаги техник хатоларни тузатиш .

Тавсия этамиз

– НКТ чекидаги хатони қандай тузатиш мумкин;

– Электрон ҳужжатларда МХИК бўйича хатоларни қандай тузатиш мумкин.

23 сентябрь – сўнгги кун:

2025 йил учун тузатишларни ҳисобга олган ҳолда жами даромади 20 млрд сўмдан ошган солиқ тўловчилар томонидан 2026 йил сентябрь ойи учун фойда солиғи бўйича бўнак тўловларини тўлаш .

Агар ойлик бўнак тўлови суммаси манфий ёки нолга тенг бўлса, тегишли чоракда бўнак тўловлари тўланмайди .

Жорий чорак давомида жами даромади 20 млрд сўмдан ошган солиқ тўловчилар, шу жумладан янги ташкил этилган солиқ тўловчилар, ушбу чорак тугагандан сўнг ҳар ойлик бўнак тўловларини тўлайдилар .

Тавсия этамиз

– Фойда солиғини тўлаш ва ҳисоботини тақдим этиш қандай амалга оширилади;

– Фойда солиғи бўйича ортиқча тўловни нима қилиш керак.

25 сентябрь – сўнгги кун:

ходимларнинг меҳнат вазифаларини бажариши билан боғлиқ ҳолда боқувчисини йўқотганлик, меҳнатда майиб бўлиш ёки касб касаллиги оқибатида ногиронлик бўйича тайинланган пенсиялар бўйича Пенсия жамғармаси харажатларини қоплаш учун 2026 йил август ойи учун маблағлар тўлаш .

30 сентябрь – сўнгги кун:

қишлоқ хўжалиги корхоналари томонидан 2026 йил учун сув ресурсларидан фойдаланганлик учун солиқни солиқ органлари томонидан аниқланган йиллик солиқ суммасининг 70 фоизи миқдорида тўлаш .

Тавсия этамиз

– Йил якунлари бўйича сув ресурсларидан фойдаланганлик учун солиқни қандай ҳисоблаш ва тўлаш керак.

❖

Жадвал: Юридик шахслар учун 2026 йил сентябрь ойида ҳисобот ва тўловларни топшириш муддатлари.

Маълумот учун:

1. Муддатлар кунларда кўрсатилган бўлса, улар қандай ҳисобланади?

Агар муддат кунларда белгиланган бўлса, у календарь кунлар ҳақида гап бораётганлиги тўғридан-тўғри кўрсатилмаган бўлса, иш кунларида ҳисобланади.

Қонун ҳужжатларига мувофиқ дам олиш ва (ёки) ишланмайдиган байрам куни деб эътироф этилмайдиган кун иш куни ҳисобланади.

2. Муддатнинг охирги куни дам олиш кунига тўғри келса, нима қилиш керак?

Агар муддатнинг охирги куни қонун ҳужжатларига мувофиқ дам олиш ва (ёки) ишланмайдиган кун деб эътироф этиладиган кунга тўғри келса, дам олиш ва (ёки) ишланмайдиган кундан кейинги иш куни муддатнинг тугаш куни ҳисобланади.

3. Ўзбекистонда 2026 йилда солиқларни (йиғимларни) тўламаганлик ва кечиктирганлик ҳамда ҳисоботларни ўз вақтида топширмаганлик учун жарималар

Солиқлар ва йиғимларни тўламаслик ёки тўлиқ тўламаслик Солиқ кодексининг 224-моддаси бўйича жавобгарликка сабаб бўлади – тўланмаган солиқ ва йиғим суммасининг 20 фоизи миқдорида жарима солинади.

Солиқлар ва йиғимларни кечиктириб тўлаганлик учун ҳар бир кечиктирилган кун учун Марказий банкнинг амалдаги қайта молиялаштириш ставкасининг 1/300 баравари миқдорида, тўланмаган солиқ суммасидан фоизларда пеня ҳисобланади.

Солиқ тўловчи томонидан хизмат кўрсатувчи банкка солиқлар ва йиғимларни тўлаш учун тўлов топшириқномасини тақдим этмаслик ёки ўз вақтида тақдим этмаслик БҲМнинг 5 баравари миқдорида жарима солишга сабаб бўлади.

Солиқ ҳисоботини ўз вақтида тақдим этмаслик (микрофирмалар ва кичик корхоналар бундан мустасно) фуқароларга БҲМнинг 1 баравари, мансабдор шахсларга эса 10 баравари миқдорида жарима солишга сабаб бўлади.

Микрофирмалар ва кичик корхоналар томонидан солиқ ҳисоботини ўз вақтида тақдим этмаслик БҲМнинг 3 баравари миқдорида жарима солишга сабаб бўлади.