Товарларни вақтинча олиб киришда мувофиқлик сертификатлари керакми

Божхона брокерлари уюшмаси Божхона қўмитасига товарларни вақтинча олиб киришда мувофиқлик сертификатларини тақдим этиш зарурлиги тўғрисида мурожаат қилди. Буга сабаб кўп марта қайтариладиган идиш сифатида газ баллонларини олиб киришда ТИФ иштирокчиси дуч келган вазият бўлди. Идора нима деб жавоб берди?

Buxgalter.uz ББУ томонидан олинган Божхона қўмитаси жавобининг таржимасини эълон қилади:

Муаммонинг моҳияти

ББУ ўз хатида уларга ТИФ иштирокчиси қуйидаги муаммо билан мурожаат қилганини маълум қилади: товарларни вақтинча олиб кириш режимида расмийлаштиришда тизим божхона декларациясининг 44-устунига мувофиқлик сертификати тўғрисидаги маълумотларни киритиш зарурлигини хабар қилади.

Хатда айтилишича, аввал вақтинча олиб киришда нотариф тартибга солиш ҳужжатлари талаб қилинмаган ва БЮДда мос равишда кўрсатилмаган. Мувофиқлик сертификатлари фақат товарларни эркин муомалага чиқаришда тақдим этилган.

Энди, масалан, сиқилган газли баллонларни вақтинча олиб киришда тизим мувофиқлик сертификати маълумотларини кўрсатишни сўрайди, гарчи товар эркин муомалага чиқариш учун эмас, балки вақтинча олиб кириш режимида олиб кирилаётган бўлса ҳам. Бунда изоҳда қуйидагича тушунтирилган: «юқори хавф даражасига эга маҳсулотлар эркин муомалага чиқарилганда фақатгина мувофиқлик сертификати мавжуд бўлиши лозим». 

Божхона қўмитасига саволлар

Вақтинча олиб кириш – бу эркин муомалага чиқариш эмас ва амалдаги НҲҲларда вақтинча олиб киришда мувофиқлик сертификати мажбурий эканлиги тўғрисида тўғридан-тўғри кўрсатма йўқлиги сабабли, ББУ Божхона қўмитасидан расмий тушунтириш сўрайди:

• Агар қонунчилик унинг мавжудлигини талаб қилмаса, вақтинча олиб киришни мувофиқлик сертификатисиз расмийлаштириш мумкинми?
• Қонунчиликда бундай талаб белгиланмаган бўлса, товарни вақтинча олиб киришда тизим БЮДнинг 44-устунига сертификат маълумотларини киритишни талаб қилиши тўғрими?

ЎзР Иқтисодиёт ва молия вазирлиги ҳузуридаги Божхона қўмитасининг жавоби (хат):

 – «Ўзбекистон Республикасининг ташқи иқтисодий фаолият тўғрисидаги қонунига мувофиқ, қонунчиликда назарда тутилган ҳолларда сертификат, маркировка ёки мувофиқлик белгисига эга бўлмаган товарларни Ўзбекистон Республикаси ҳудудига олиб кириш тақиқланади (27-м.).

Маълум қиламизки, Вазирлар Маҳкамасининг 2021 йил 30 январдаги 43-сон қарорига мувофиқ ТИФ ТНнинг 7311 00 товар позициясида таснифланувчи қора металлардан сиқилган ёки суюлтирилган газ учун идишлар мажбурий тартибда мувофиқлиги баҳоланиши лозим бўлган маҳсулотлар рўйхатига киритилганлигини маълум қиламиз.

Бунда, вақтинча олиб кириш ва импорт тарзда олиб кириш бир хил мақомга эга ва бу борада алоҳида енгилликлар кўзда тутилмаган».