Солиқларни тўлаш муддати яқинлашмоқда – ҳисоб-китобларни қайта текшириб, уларни вақтида тўланг:
Дивидендлардан олинадиган солиқни ҳисоб-китоб қилишда солиқ базасини олинган дивидендларга камайтириш мумкинми
«Хусусий корхона (ХК) – МЧЖнинг таъсисчиси. 2020 йилдан 2025 йилгача МЧЖ ХКга дивидендлар ҳисоблаган ва тўлаган. Уларни тўлашда МЧЖ солиқни ушлаб қолган ва бюджетга ўтказган. Худди шу даврда ХК жисмоний шахс бўлган мулкдорга 5% ставка бўйича ЖШДСни ушлаб қолган ва тўлаган ҳолда дивидендлар тўлаган. Бунда ХК МЧЖдан олинган дивидендлар суммасига ҳисобга олишни амалга оширмаган (солиқ базасини камайтирмаган), балки мулкдорга ҳисобланган дивидендларнинг бутун суммасига солиқ солган.
ХК 2026 йилда мулкдор – жисмоний шахсга тўланадиган дивидендлардан олинадиган ЖШДСни ҳисоб-китоб қилишда 2020–2025 йилларда МЧЖдан олинган дивидендлар суммасини ҳисобга олишга ҳақлими? Агар шундай бўлса, ҳисобга олиш қандай тартибда амалга оширилади?»
Саволга Солиқ қўмитаси мутахассислари жавоб беришди. Тафсилотлар – buxgalter.uz сайтида:
Керакли тушунтиришни ўтказиб юбормаслик учун бизнинг Телеграм-каналимизга обуна бўлинг.
– Хусусий корхона мулкдорига юридик шахслар тасарруфида қолган фойда суммасидан тўланадиган даромадлар дивидендларга тенглаштирилади 
.
Тўланадиган дивидендлар бўйича солиқ базасини аниқлашда юридик шахс ҳисобланган дивидендларни дивидендларни тақсимлаш санасида жорий ва ўтган ҳисобот (солиқ) даврларида ўзи олган дивидендларнинг умумий суммасига камайтиришга ҳақли. Шарти – олинган дивидендлар суммаси аввал солиқ базасини аниқлашда ҳисобга олинмаган бўлса . Яъни солиқ базаси фақат ўтган даврларда ҳисобга олишда иштирок этмаган дивидендларга камайтирилади.
2026 йилдан бошлаб олинган дивидендларни чегириб ташлаш механизми муайян шартларга риоя этилган тақдирда Ўзбекистон норезидентлари бўлган таъсисчиларга нисбатан ҳам татбиқ этилади .
СК 88-моддасига асосан солиқ мажбуриятлари бўйича даъво муддати 3 йилни ташкил этади.
Агар сиз 2020–2025 йилларда олинган дивидендларга чегирма қўлламаган бўлсангиз, 2026 йилда фақат сўнгги 3 йил ичида олинган дивидендларни чегириб ташлашга ҳақлисиз.
Дивидендлар ва фоизлар тарзида тўланадиган даромадлардан олинадиган солиқ бўйича ҳисоб-китобни кимлар тақдим этиши, шунингдек қандай қилиб солиқни ушлаб қолиш ва ҳисоботларни тўлдириш кераклиги тавсияда батафсил тушунтирилган:
