Бухгалтерларга июлда керак бўлади:
Ходим чет элга хизмат сафарига юборилади. Хизмат сафари даври иш ва дам олиш кунларини ўз ичига олади.
Хизмат сафарига юбориш тўғрисидаги буйруқда ходим хизмат сафари даврида дам олиш кунларида нималар қилиши кераклигини кўрсатиш зарурми (ходим меҳнат вазифаларини бажаришга жалб этилмайди; бошқа дам олиш куни берилади; дам олиш кунларида ишлаганлик учун компенсация тўланади)?
Buxgalter Pro фойдаланувчисининг саволига эксперт ва «Норма» кадрлар хизмати раҳбари Валерия ЛЯНДРЕС жавоб берди:
Материал «Жавоб берамиз!» пулли базасидан олинган бўлиб, уни истисно тариқасида эълон қилмоқдамиз. Экспертларга ўз саволларингизни бериш ва тайёр жавобларнинг бутун базасини кўриш имкониятига эга бўлиш учун Buxgalter Pro га обуна бўлинг.
Эътибор беринг
Материаллардан нусха кўчириш ва улардан фойдаланишга фақат манбага фаол ҳавола ёки таҳририятнинг ёзма рухсати мавжуд бўлгандагина йўл қўйилади.
– Ходимнинг дам олиш кунларидаги иш режимини хизмат сафари тўғрисидаги буйруқда (ёки хизмат сафари топшириғида) кўрсатиш зарур 
.
Буйруқдаги таъриф ходимнинг дам олиш кунларида (хизмат сафарига тўғри келадиган барча кунларда ёки алоҳида кунларда) меҳнат вазифаларини бажаришига бевосита боғлиқ.
Ходим дам олиш кунлари ҳордиқ чиқаради
Агар шанба ва якшанба кунлари (5 кунлик иш ҳафтаси учун) ёки якшанба куни (6 кунлик иш ҳафтаси учун) ходим хизмат топшириқларини бажармай, шунчаки хизмат сафарига юборилган мамлакатда бўлса, буйруқда дам олиш кунлари у меҳнат вазифаларини бажаришдан озод этилишини ва улардан ўз хоҳишига кўра дам олиш кунлари сифатида фойдаланишини кўрсатинг.
Бунда ушбу кунлар учун ходимга фақат суткалик (хорижий сафарлар учун белгиланган меъёрлар бўйича валютада) ҳақ тўланади. Ушбу кунлар учун ўртача иш ҳақи сақланмайди, оширилган иш ҳақи ҳисобланмайди.
Ходим дам олиш кунлари ишга жалб қилинади
Хизмат сафарининг ўзига хослиги (масалан, халқаро кўргазма, шошилинч музокаралар ёки ускуналарни ишга тушириш) дам олиш кунлари иш жойида бўлишни талаб қилса, бу албатта хизмат сафари топшириғи ва буйруғида қайд этилади.
Эътибор беринг
Буйруқ чиқаришдан олдин ходимнинг дам олиш кунида ишга жалб этишга ёзма розилигини олиш лозим , хизмат сафарининг ўзида юзага келадиган ҳоллар бундан мустасно.
Буйруқда дам олиш кунларида ишлашнинг аниқ саналарини ва ходимнинг аризаси асосида МКнинг 263-моддаси бўйича компенсация тўлаш усулини кўрсатинг.Хизмат сафарига юборилган ходимнинг иш вақтини ҳисобга олиш табелини тўғри тўлдириш зарур, унда тўғри ҳақ тўлаш учун иш кунлари тўғри кўрсатилиши керак.
Агар хизмат сафарига юборилган шахс дам олиш куни ишласа, сиз унга нафақат кунлик, балки ўртача иш ҳақини ҳам оширилган миқдорда (камида 2 баравар) тўлашингиз ёки буйруққа мувофиқ бошқа дам олиш кунини беришингиз шарт.
Шунингдек, ходим хизмат сафари топшириғида назарда тутилмаган дам олиш кунларида (фавқулодда ҳолат, ишни якунлаш зарурати ва бошқалар) ишга чиқишга мажбур бўлган вариант ҳам бўлиши мумкин. Хизмат сафари пайтида дам олиш кунида бундай шошилинч ишга чиқишни қандай расмийлаштириш ҳақида «Жавоб берамиз» хизмати савол-жавоблар базасида мутахассиснинг тўлиқ жавобида ўқинг > > >
Buxgalter.uz тавсия этади
