Февраль ойида экспертларнинг материаллари сиз учун фойдали бўлади:
Айланмадан олинадиган солиқ ва фойда солиғи тўланган йил учун қандай ҳисобот топшириш керак
Корхона айланмадан олинадиган солиқ тўлаган, 2025 йил 1 августдан эса ҚҚС ва фойда солиғига ўтган. Бундай ҳолда солиқ ва молиявий ҳисоботни қандай тақдим этиш кераклигини «Норма» экспертлари тушунтирдилар:
Батафсил эксперт тушунтиришлари – Телеграм-каналимиздаги ҳаволалар орқали.
Солиқ ҳисоботи
2025 йилнинг январь – июль ойлари учун корхона айланмадан олинадиган солиқ бўйича ҳисоботни ҳар ойда ўсиб борувчи якун билан тақдим этиши керак эди 
.
ҚҚС ва фойда солиғини тўлашга ўтгандан сўнг ҳисобланган айланмадан олинадиган солиқ суммаси қайта ҳисобланмайди.
2025 йил август ойидан бошлаб корхона қуйидаги ҳисоботларни тақдим этади:
- ҚҚС бўйича ҳар ойда ;
- фойда солиғи бўйича ҳар чоракда .
Бунда солиқ ҳисоб-китобларида 2025 йилнинг январь – июль ойларидаги маълумотлар инобатга олинмайди.
Молиявий ҳисобот
БҲМС бўйича тузилган молиявий натижалар тўғрисидаги ҳисоботнинг 5 ва 6-устунларида (ҳисобот даври маълумотлари) қуйидагиларни акс эттиринг:
- бутун 2025 йил учун даромадлар ва харажатлар (зарарлар) кўрсаткичлари;
- 250-сатрда – 2025 йил август-декабрь ойлари учун ҳисобланган фойда солиғи суммаси;
- 260-сатрда – 2025 йилнинг январь-июль ойлари учун ҳисобланган айланмадан олинадиган солиқ суммаси.
Натижада 270-сатрда сиз ҳисобот даврининг соф фойдаси (зарари) суммасини оласиз, у бухгалтерия ҳисоби маълумотларига мос келиши керак.
Аввалги йилларда солиқ ва молиявий ҳисоботларни тақдим этишнинг худди шундай тартиби амал қилган.
БҲМС бўйича молиявий ҳисоботларни тўлдириш бўйича босқичма-босқич кўрсатмаларга киринг:
- бухгалтерия баланси;
- молиявий натижалар тўғрисида ҳисобот;
- хусусий капитал тўғрисидаги ҳисобот;
- пул оқимлари тўғрисидаги ҳисобот.
Мавзуга доир:
