Апрель ойида фойдали бўлади:
Қайси онлайн-НКМ ва ТХКМлари талабларга риоя қилмаганлиги учун Давлат реестридан чиқарилган
Мана, ТХКМ ва онлайн-НКТ реестрларидан «дастлабки қалдирғочлар учиб кетди»... «Uzkass-85» онлайн-НКМ ва «Bestpos» МЧЖ қонунчиликда белгиланган талабларга мос келмаганлиги учун (943-сон ВМҚга ҳавола қилинган ҳолда) реестрдан чиқарилди. Бу ҳақда Солиқ қўмитаси хабар берди.
Бундай кассани солиқ органларида ҳисобдан чиқариш керакми, деган саволга бизнинг илтимосимизга биноан «GAROV TARAQQIYOT NKM» МЧЖ таъсисчиси Владимир ГИБЕЛЬ жавоб берди:
Керакли тушунтиришни ўтказиб юбормаслик учун Телеграм-каналимизга обуна бўлинг.
Эътибор беринг
Материаллардан нусха кўчириш ва улардан фойдаланишга фақат манбага фаол ҳавола ёки таҳририятнинг ёзма рухсати мавжуд бўлгандагина йўл қўйилади.
Солиқ қўмитаси Давлат реестридан чиқарилган онлайн-НКТдан белгиланган муддат ўтгандан сўнг фойдаланиш амалдаги қонунчиликка мувофиқ жавобгарлик чораларини қўллашга олиб келиши мумкинлигини эслатиб ўтди. Шу сабабли, тадбиркорлар вақти-вақти билан амалдаги реестрларни текшириб туришлари лозим:
- Онлайн-НКМ давлат реестри;
- Виртуал кассаларнинг давлат реестри;
- Техник хизмат кўрсатиш марказларининг давлат реестри.
Реестрдан аллақачон чиқарилган кассани рўйхатдан чиқариш керакми, деган саволга келсак, биз уни «GAROV TARAQQIYOT НКМ» МЧЖ таъсисчиси Владимир ГИБЕЛга бердик ва қуйидаги жавобни олдик:
– «Онлайн-НКТ ундан фойдаланган хўжалик юритувчи субъектнинг аризасига кўра икки ҳолатда солиқ органларида ҳисобдан чиқарилади 
:
1) агар хўжалик юритувчи субъект тугатилаётган бўлса;
2) агар у онлайн-НКМ ёки виртуал кассадан фойдаланишга эҳтиёж йўқлиги сабабли ундан фойдаланишни рад этса.
НКМни реестрдан чиқарилганлиги сабабли уни ҳисобдан чиқариш тўғрисида ариза бериш мажбурияти назарда тутилмаган.
Умуман олганда, «Uzkass-185»га МТХМнинг техник жиҳатдан кириши анча олдин ёпилган... Аслини олганда, мен бундай касса автоматик равишда ҳисобдан чиқарилиши керак деб ҳисоблайман, чунки де-юре давлат реестрида мавжуд бўлмаган НКТ солиқ органларида ҳисобда туриши мумкин эмас... Яқин кунларда буни аниқлаймиз» – деди у.
Агар сизнинг ТХКМ давлат реестридан чиқарилган бўлса
Ягона ва мутлақо аниқ ечим – ТХКМ ўзгартириш. Аммо яхши янгилик ҳам бор – сиз эски фискал модуль билан ишлашни давом эттиришингиз мумкин (янгиси учун пул тўлашингиз шарт эмас).
Янги ТХКМ ходими сизга белгиланган шаклдаги аризани чоп этиб берганидан, сиз эса уни имзолаб, муҳр билан тасдиқлаганингиздан сўнг, ТХКМ барча зарур маълумотларни txkm.soliq.uz сайтига киритади. Сиз эса бу аризани my3.soliq.uz орқали тасдиқлашингиз керак бўлади. Аризани тасдиқлашнинг босқичма-босқич тартибини тавсияда ўқинг > > >
