Прочтите, если выплачиваете доходы нерезидентам, не связанные с ПУ:
ҚҚСни ҳисобга олишда апрель учун онлайн-НКТ чекларини рўйхатдан ўтказиш муддатларини ўтказиб юборманг
Апрель ойи учун корпоратив карта бўйича харидлар учун онлайн-НКТ чекларини рўйхатдан ўтказишни бошланг. Buxgalter.uz Солиқ қўмитасида ушбу ишни якунлаш лозим бўлган сўнгги санани аниқлаштирди.
Материалларимизни ўтказиб юборманг – телеграм-каналга обуна бўлинг.
Корпоратив карта бўйича харидлар учун онлайн-НКТ чекларини рўйхатдан ўтказишни ҳисобот ойидан кейинги ойнинг 10 санасига қадар якунлаш лозим. Яъни апрель ойи учун барча чекларни 10 майга қадар (жума кунига тўғри келади, иш куни) рўйхатдан ўтказиш керак. Акс ҳолда сиз улар бўйича ҚҚСни ҳисобга ололмайсиз.
Агар сизда рўйхатдан ўтказилиши лозим бўлган катта миқдордаги чеклар мавжуд бўлса, ушбу ишни олдиндан бошлашни тавсия қиламиз.
Сиз корпоратив карта орқали ҳисоб-китоб қилишда товарлар ва хизматлар етказиб берувчилари томонидан тақдим этилган ҚҚСни Солиқ кодексининг 266-моддасида назарда тутилган ҳисобга олишнинг барча шартларига риоя қилинган тақдирда ҳисобга олишга ҳақлисиз:
- солиқ тўловчининг товарларни ишлаб чиқариш ёки реализация қилиш, хизмат кўрсатиш билан боғлиқ фаолиятини амалга ошириш чоғида товарлардан, хизматлардан фойдаланилганда реализация қилиш бўйича айланмасига солиқ солиниши, шу жумладан ноль ставка бўйича солиқ солиниши лозим бўлганда;
- чекда ҚҚС суммаси алоҳида ажратиб кўрсатилганда;
- товарларни, хизматларни етказиб берувчи ҚҚС тўловчи сифатида рўйхатдан ўтказилганда.
Корпоратив карта бўйича харидлар учун онлайн-НКТ чеклари my.soliq.uzдаги шахсий кабинетнинг “Корпоратив карта орқали ҳақ тўлашда берилган чекни рўйхатдан ўтказиш” функционали ёрдамида рўйхатдан ўтказилади.
❖
Корпоратив карта орқали ҳақ тўлашда чек йўқ: нима қилиш керак.
Қуйидагиларни ўқишни тавсия қиламиз
