Mahalliy soliqlar boʻyicha toʻlov muddatini kechiktirish imkoniyatini qanday olish mumkin

preview

Moliya vazirligi Mahalliy davlat hokimiyati organlari tomonidan yuridik shaxslarga yuridik shaxslarning mol-mulkiga solinadigan soliq, yuridik shaxslardan olinadigan yer soligʻi va yagona yer soligʻining toʻlov muddatini kechiktirishni taqdim etish tartibi toʻgʻrisida nizom loyihasini tayyorladi (ID-5463).

Ushbu soliqlar boʻyicha toʻlov muddatini kechiktirish imkoniyatini moliyaviy ahvoli soliq qarzini belgilangan muddatda toʻlash imkonini bermaydigan yuridik shaxslarga taqdim etish koʻzlanmoqda. Yuridik shaxs quyidagi hollarda toʻlov muddatini kechiktirishni soʻrashi mumkin:

a) agar soliqlar boʻyicha qarzlar, penya va jarimalarni bir yoʻla toʻlash bankrotlikka olib kelsa;

b) yuridik shaxsning tovarlar yoki xizmatlarni ishlab chiqarishi va (yoki) realizatsiya qilishi mavsumiy tusga ega boʻlsa;

v) yuridik shaxsga tabiiy ofat, texnologik halokat yoki boshqa yengib boʻlmas kuchlar holatlari natijasida zarar yetkazilgan holda.

A va b-bandlarida koʻrsatilgan hollarda soliq qarzi miqdorida toʻlovni kechiktirishni taqdim etishda penya oʻrniga xuddi shu miqdorda foiz hisoblanadi.

Soliq toʻlovchiga soliqlar boʻyicha toʻlovni kechiktirish:

- uning sof aktivlari qiymatidan oshmaydigan miqdorda;

- 24 oygacha muddatga;

-  Qoraqalpogʻiston Respublikasi Joʻqorgʻi Kengesining, xalq deputatlari viloyatlar va Toshkent shahar Kengashlarining qarori asosida soliq toʻlovchining arizasi olingan kundan boshlab oʻttiz kun mobaynida taqdim etiladi.

Toʻlovni kechiktirishni taqdim etishni rad etish toʻgʻrisidagi qaror quyidagi hollarda qabul qilinishi mumkin, agar:

-jinoyat ishi qoʻzgʻatilgan boʻlsa;

-soliqni toʻlash shartlari buzilganligi munosabati bilan ilgari taqdim etilgan toʻlovni kechiktirishning amal qilishi toʻxtatilishi toʻgʻrisida qaror chiqarilgan boʻlsa;

-yuridik shaxsni tugatish amalga oshirilsa. 

Taklif etilayotgan Nizom loyihasi  Mahalliy davlat hokimiyati organlari tomonidan ayrim toifadagi yuridik shaxslarga mol-mulk soligʻi, yer soligʻi, yagona yer soligʻi boʻyicha imtiyozlar berish tartibi toʻgʻrisida nizomning (VMning 02.10.2012 yildagi 281-son qarori) oʻrniga ishlab chiqilmoqda.

Jorilla Abdullayev, yetakchi ekspert.

Qonunchilikdagi yangiliklar. Normativ qonun hujjatlaridagi oʻzgarishlar. Qonunchilikdagi yangiliklar Qonunchilikdagi yangiliklar /oz/publish/doc/text152577_mahalliy_soliqlar_buyicha_tulov_muddatini_kechiktirish_imkoniyatini_qanday_olish_mumkin