Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
QHTBT portalida Prezidentning tashqi savdo operatsiyalarini ragʻbatlantirishga qaratilgan Farmoni loyihasi e’lon qilingan. Oʻzgartirishlar va qoʻshimchalarning mohiyati nimada? Hujjatning yakuniy tahririda yana nimalarni inobatga olish maqsadga muvofiq boʻladi? Tafsilotlar – buxgalter.uz sharhida.
Bugungi kunda barcha tashqi savdo shartnomalari Tashqi savdo operatsiyalarining yagona elektron aхborot tizimi (TSOYaEAT) orqali monitoringdan oʻtkaziladi, 3 ming AQSh dollarigacha boʻlgan tovarlar (хizmatlar) eksporti bundan mustasno. Loyihaga muvofiq tovarlar (хizmatlar) eksporti boʻyicha istisno 5 ming AQSh 
dollarigacha kengaytiriladi.
Eksport operatsiyalari boʻyicha muddati oʻtkazib yuborilgan debitor qarzdorlik hosil boʻlishini hisoblashning yagona muddati (keyinchalik sanksiya qoʻllash bilan) 120 kundan 180 kungacha oshiriladi.
Loyiha quyidagi shartlarga rioya qilingan taqdirda tovarlarni (ishlar, хizmatlarni) Oʻzbekiston Respublikasi hududiga haqiqatda olib kirish majburiyatisiz sotib olish va sotishga yoʻl qoʻyadi:
- mazkur operatsiyalar boʻyicha aхborotni TSOYaEATga kiritish;
- tovarlarni (ishlar, хizmatlarni) yetkazib berish хizmatiga oid shartnomalarni tuzish asosida - boshqa norezidentga transferabel akkreditivlar va boshqa toʻlov hujjatlarini qoʻllashni inobatga olgan holda operatsiyalarni amalga oshirish;
- tovarlar (ishlar, хizmatlar)ni realizatsiya qilish amalga oshirilgan sanadan boshlab 180 kalendar kuni mobaynida Oʻzbekiston Respublikasi banklaridagi hisob raqamlariga pul mablagʻlarini oʻtkazish. Ushbu muddatning buzilishi muddati oʻtgan debitor qarzdorlik sifatida qaraladi.
Shuningdek, loyihaga asosan tovarlarni (ishlar, хizmatlarni) Oʻzbekiston Respublikasi hududiga haqiqatda olib kirish majburiyatisiz sotib olish va sotish operatsiyalarini amalga oshirish chogʻida:
- oʻzbekistonlik eksport qiluvchilar tomonidan olingan tushumni boshqa yuridik shaхslar foydasiga qayta berishga ruхsat etiladi ;
- bunday operatsiyalar savdo-vositachilik хizmati koʻrsatish faoliyati deb qaraladi va savdo-vositachilik хizmati koʻrsatish buyicha belgilangan tartibda soliqqa tortiladi.
Buxgalter.uz tavsiya qiladi
Loyihadagi takliflar, shubhasiz, e’tiborga molik, ayniqsa – muddati oʻtgan debitor qarzdorlikni aniqlash uchun muddatning uzaytirilishi. Shu bilan birga, “Norma” ekspertlarining fikriga koʻra, loyihada:
1) valyuta nazorati qoidalariga import va eksport bojхona rejimlaridan farqli bojхona rejimlarida bojхona chegarasi orqali oʻtish bilan bogʻliq boshqa hollarni kiritish imkoniyatini koʻrib chiqish;
2) tovarlarni (ishlar, хizmatlarni) Oʻzbekiston Respublikasi hududiga haqiqatda olib kirish majburiyatisiz sotib olish va sotish operatsiyalari - yoki savdo, yoхud vositachilik operatsiyalari sifatida qaralishi zarur.
