Yillik inventarizatsiya – 2026: tartib va hujjatlar
Aylanmadan olinadigan soliq toʻlovchisi shartnoma asosida Oʻzbekistonga tovar olib kirdi. Soliq organlari u umumbelgilangan soliqlar va QQS toʻlovchisi sifatida hisobga turishi kerakligi toʻgʻrisida uni xabardor qilishdi. Bu qanchalik qonuniy?
Buxgalter.uz iltimosiga binoan vaziyatni soliq maslahatchisi Gulnora ERGAShEVA tushuntirdi.
- Bu hollarda soliq organlarining harakatlari qonuniy, hatto aylanmadan olinadigan soliq toʻlovchisi tijorat faoliyatini amalga oshirmasa ham.
Misol uchun, yaqinda shunga oʻxshash savol bilan bosh ofisidan Oʻzbekistonda reklama qilish uchun moʻljallangan kompaniya logotipi tushirilgan posterlar, bukletlar va flayerlar olgan xorijiy farmkompaniyaning vakolatxonasi murojaat qildi. Soliq organlari uchun farmkompaniyani QQSga oʻtish zarurligi toʻgʻrisida xabardor qilish uchun shuni oʻzi yetarli boʻldi.
Vakolatxonaning mutaxassislari soliqchilarning harakatlarini noqonuniy deb hisoblashdi, sababi ularda QQS boʻyicha soliq solinadigan aylanma yuzaga kelmagan. Biroq bu xato nuqtai nazardir: QQS toʻlovchisi sifatida hisobga turish kompaniyada soliq solinadigan aylanma yuzaga kelishini anglatmaydi.
SKning 461-moddasi 2-qismining 1-bandi bunday vaziyatlarda soliqchilar harakatining huquqiy asosi boʻlib xizmat qiladi. Unda Oʻzbekistonning bojxona chegarasi orqali tovarlarni olib kirishni (importni) amalga oshiruvchi yuridik shaxslar va yakka tartibdagi tadbirkorlarga nisbatan aylanmadan olinadigan soliq tatbiq etilmaydi deyilgan.
Bunda, huquqni qoʻllash amaliyoti nuqtai nazaridan ushbu normada muammolar borligiga, qoʻshilaman. Soliq kodeksida bunday vaziyatlar uchun umumbelgilangan soliqlarni toʻlashga oʻtish mexanizmi bayon etilmagan. Xususan, oʻtish qaysi oyning qaysi sanasidan e’tiboran amalga oshirilishi kerakligi belgilanmagan.
Soliqchilar Prezidentning 27.06.2019 yildagi PF-5755-son Farmoni boʻyicha tushuntirishlarga muvofiq harakat qilishadi. Ya’ni – umumbelgilangan soliqlarga tovarlarni birinchi import qilish (olib kirish) amalga oshirilgan oydan keyingi oyning 1 sanasidan boshlab oʻtkazishadi.
Biroq farmonda bunday vaziyatlar uchun oʻtishning normalari mavjud emas. Soliqchilar buni maqbul variant deb hisoblaganlari bois shunday yoʻl tutishadi.
Kimdadir bu borada boshqacha fikr boʻlishi mumkin. Turlicha talqin qilish boʻlmasligi uchun hech boʻlmaganda bu borada soliq organlari tomonidan rasmiy tushuntirish olishni istar edik. Garchi, albatta, ushbu reglament SKga kiritilgan boʻlganda yaxshiroq boʻlardi”.
Oleg GAYeVOY tayyorladi