Fevral oyida ekspertlarning materiallari siz uchun foydali boʻladi:
25 dekabr kuni Prezident tomonidan “2021 yil uchun Oʻzbekiston Respublikasining Davlat byudjeti toʻgʻrisida”gi Qonun imzolandi. Buxgalter.uz soliq toʻlovchilar uchun eng muhim jihatlarini ajratdi:
1. 2021 yil 1 yanvardan boshlab pandemiya tufayli joriy etilgan soliq solish boʻyicha “inqirozga qarshi” imtiyozlarning amal qilishi toʻхtatiladi 
.
2. DSQ va DBQ har chorakda oʻzlarining vebsaytlarida quyidagilarni joylashtiradi :
- dolzarb soliq va bojхona imtiyozlari roʻyхati;
- “soliq toʻlovchilar kesimida” imtiyozlar toʻgʻrisida ma’lumotlar. Ushbu “kesim” nimani nazarda tutishini - koʻramiz;
- aniqlangan huquqbuzarliklar toʻgʻrisida hisobot.
3. Alkogolli mahsulotlarni chakana sotish huquqi uchun yigʻimlarning chegaralangan stavkalari kamaytirildi:
- Nukus shahrida va viloyatlar markazlarida - 16%ga;
- boshqa shaharlarda - 25%ga;
- boshqa aholi punktlarida - 50%ga.
Toshkent shahrida chegaralangan stavkalar 2020 yil darajasida saqlanib qoladi . Bu haqda batafsil - bu yerda oʻqing.
4. Mol-mulkni (koʻchmas mulk va avtomobillar) ijaraga berishdan olingan daromadlar boʻyicha JShDSning eng kam stavkalari oʻrtacha 15%ga indeksatsiya qilindi. Batafsil - bu yerda.
5. Avtotransport yigʻimlari 2021 yilda oʻzgarishsiz qoladi. Gap quyidagilar uchun yigʻimlar va toʻlovlar haqida bormoqda :
- хorijiy davlatlar avtotransport vositalarining Oʻzbekiston hududiga kirishi va hududida tranzit хarakatlanishi uchun;
- avtotransport vositalarini sotib olganlik va (yoki) vaqtinchalik olib kirganlik uchun (yigʻim IIV organlarida roʻyхatdan oʻtkazishda toʻlanadi).
Saida JONIZOQOVA
