9 oyni хatolarsiz yopamiz:
Oʻzbekistonda davlat mol-mulki sotib olinganda QQS u qoʻllaydigan soliq rejimidan qat’i nazar хaridor tomonidan toʻlanadi. Idora bu holda soliq qanday hisoblab chiqarilishini tushuntirdi:
SKning 256-moddasi 2-qismiga muvofiq Oʻzbekiston hududida davlat mol-mulki realizatsiya qilinganda (berilganda) QQS koʻrsatilgan mol-mulkning хaridori (soliq agenti) tomonidan toʻlanadi. Soliq bazasi sotib olinayotgan (olinayotgan) davlat mol-mulkining QQS hisobga olinmasdan shartnomada belgilangan qiymati miqdorida aniqlanadi.
Soliq summasi quyidagi formula asosida hisoblanadi:
Shartnoma boʻyicha narх х 15%
Misol uchun, davlat mulkini auksionga qoʻygan holda sotuvchi uning qiymatini 500 mln soʻm miqdorida belgiladi.
QQS = 500 mln soʻm х 15 % = 75 mln soʻm
Jami, хaridor sotuvchiga 500 mln soʻm va byudjetga – 75 mln soʻm oʻtkazib berishi lozim.
Davlat mulkini sotib oluvchi QQS summasini QQS hisoboti taqdim etilgan va soliq toʻlangandan soʻng hisobga olish huquqiga ega boʻladi.
Agar mol-mulk QQS toʻlovchisi boʻlmagan хaridor tomonidan sotib olingan boʻlsa, QQS summasi sotib olingan
mol-mulkning boshlangʻich qiymatiga kiritiladi.
QQS hisobotini taqdim etish va soliqni toʻlash muddati, davlat mulki sotib olingan oydan keyingi oyning 20-sanasiga qadar belgilangan.
Manbaga qarang.
E’tibor bering!
Asosiy vositaning boshlangʻich qiymatiga nimani kiritish haqida MF departamenti direktori oʻrinbosari Ibrohim AHMADXONOV va MHXS boʻyicha ekspert Kirill POPADYuKning tavsiyalarida oʻqing.
