Uzum yetishtiruvchilar va vinochilar uchun imtiyoz va preferensiyalar

7 iyul kuni Prezident uzumni shpaler usulida yetishtiruvchi fermerlar va vinoni eksport qiluvchilar uchun imtiyozlarni e’lon qildi. Batafsil - buxgalter.uz sharhida:

Xususan, quyidagilar rejalashtirilmoqda:

• Oʻzbekistonning 44 ta tumanida yangi eksportbop uzum plantatsiyalari tashkil etish, uzumni qayta ishlash va tayyor mahsulotga aylantirishning toʻliq siklini yaratish uchun vinochilik klasterlari tashkil etish;
• vinochilik klasterlariga uzumni qayta ishlash, mayiz quritish va qadoqlash uskunalarini sotib olish uchun imtiyozlar berish;
• tabiiy vinolarga nisbatan aksiz soligʻini bekor qilish;
• sertifikatlangan yangi uzum plantatsiyalarining har bir gektariga 10 mln soʻmdan subsidiya berish;
• shpaler oʻrnatish хarajatlarining 30%gacha qismini byudjetdan qoplash;
• uzumchilikda qoʻllaniladigan asbob-uskunalar va teхnikalarni bojхona toʻlovlaridan ozod etish;
• yetishtirilgan hosil 30%igacha eksport qilinsa, daromad va mulk soliqlarini 30%ga, eksport 30%dan oshsa, 2 baravarga kamaytirish;
• eksport qilingan har bir litr tabiiy vino uchun, 5 ming soʻm subsidiya ajratish.

Yigʻilish chogʻida davlatimiz rahbari uzumchilikni rivojlantirishga yoʻnaltirilgan boshqa chora-tadbirlarni ham muhokama qildi. Manbaga qarang.

Saida JONIZOQOVA tayyorladi