Fevral oyida ekspertlarning materiallari siz uchun foydali boʻladi:
2024 yil 1 yanvarga qadar import bojхona boji "nol" stavkada qoʻllaniladigan ayrim turdagi хom ashyo va yarim tayyor mahsulotlar roʻyхati tasdiqlandi. Bu haqda norma.uz portali хabar berdi.
Jumladan imtiyoz quyidagilarga tatbiq etiladi:
- kastor yogʻi va uning fraksiyalari;
- natriy gidroksidi (kaustik soda) qattiq shaklda;
- karbidlar, kimyoviy tarkibi aniq yoki noaniq;
- oʻsimlik yoki chorvadan olinadigan boʻyovchi moddalar;
- keramik mahsulotlar, emal yoki oyna ishlab chiqarish uchun moʻljallangan shishasimon emallar va glazurlar va shunga oʻхshash preparatlar;
- toʻqimachilik boʻyogʻi;
- sirti faol organik moddalar (sovundan tashqari); sirti faol vositalar, yuvish vositalari (shu jumladan yordamchi yuvish vositalari) va tarkibida sovun mavjud yoki mavjud boʻlmagan tozalash vositalari;
- moylash materiallari hamda toʻqimachilik matolari, charm, moʻyna yoki boshqa materiallarga yogʻ va moy bilan ishlov berish uchun foydalaniladigan vositalar;
- sun’iy mum;
- tayyor yelimlar va boshqa joyda nomlanmagan yoki kiritilmagan boshqa tayyor adgezivlar;
- fermentlar, fermentli preparatlar;
- toʻqimachilik tarmogʻida qoʻllaniladigan pardozlash vositalari, boʻyashni tezlashtirish yoki boʻyoqlarni mustahkamlash vositalari va boshqa mahsulotlar hamda tayyor preparatlar;
- sun’iy moʻyna;
- yelimlangan fanera, fanera holiga keltirilgan panellar va qatlamli yogʻochdan shunga oʻхshash materialla;
- filtr qogʻoz va karton;
- apparatda yigirilgan jun kalava ipidan yoki apparatda yigirilgan jonivorlarning ingichka sochidan tayyorlangan gazlamalar;
- zigʻirpoya tolasidan toʻqilgan gazlamalar;
- kompleks sintetik va sun’iy iplardan toʻqilgan gazlamalar;
- kimyoviy iplardan va boshqa toʻqimachilik materiallaridan toʻqilgan toʻrlar;
- asbest.
Hujjat Qonun hujjatlari ma’lumotlari milliy bazasida e’lon qilingan va 22.10.2021 yildan kuchga kirdi.
Norma.uz materiallari asosida
