Yillik inventarizatsiya – 2026: tartib va hujjatlar
“Korxona Oʻzbekiston rezidenti boʻlgan jismoniy shaxsdan 6 oyga yillik 17% stavkada foizli qarz oldi. Foizli daromadni qayta moliyalashtirish stavkasidan kelib chiqqan holda aniqlash kerakmi? Foizlarga QQS solinadimi? Korxonaning foizlar toʻlash boʻyicha xarajati foyda soligʻini hisob-kitob qilishda chegirib tashlanadigan xarajat hisoblanadimi? Korxona qanday hisobotlarni taqdim etishi kerak?”.
Savollarga “Norma” eksperti Tatyana LIMAREVA javob berdi:
E’tibor bering
Muhim tushuntirishlardan hech birini oʻtkazib yubormaslik uchun bizning TG-kanalimizga obuna boʻling!
– Koʻrib chiqilayotgan vaziyatda foizli daromad shartnomada nazarda tutilgan stavkadan kelib chiqqan holda aniqlanadi, sababi u – Markaziy bankning qayta moliyalashtirish stavkasidan (14%) yuqori.
Korxona, soliq agenti sifatida, jismoniy shaxsning foizlaridan 5% stavka boʻyicha JShDSni ushlab qoladi 
.
Qarzlar boʻyicha foizlarga QQS solinmaydi .
Qarz shartnomasi boʻyicha foizlarni hisoblash va toʻlash boʻyicha xarajatlar foyda soligʻini hisob-kitob qilishda chegirib tashlanadigan xarajatlar hisoblanadi .
Ammo quyidagilar boʻyicha foizlar chegirib tashlanmaydigan xarajatlarga aylanishi mumkin:
- muddati oʻtgan va kechiktirilgan qarzlar boʻyicha shartnomada nazarda tutilgan stavkalardan ortiqcha foizlar ;
- nazorat qilinadigan qarzlar boʻyicha xarajatlar deb e’tirof etiladigan summalardan ortiqcha hisoblangan foizlar .
Korxona-qarz oluvchi hisoblangan foizlarni Foyda soligʻi hisob-kitobida oʻsib boruvchi yakun bilan aks ettiradi (shakl kodi 10205_40):
– Hisob-kitobga 2-ilovaning 0113-satrida I–III choraklar uchun,
– Hisob-kitobga 2.1-ilovaning 0312-satrida yil uchun.
Bundan tashqari, korxona har oyda soliq agenti tomonidan toʻlov manbaida ushlab qolinadigan Dividendlar va foizlar tarzida toʻlanadigan daromadlardan olinadigan soliq hisob-kitobini taqdim etadi (shakl kodi 10202_9). Unda – hisoblangan va toʻlangan foizlarni, shuningdek ushlab qolingan soliqni aks ettiradi.
