Fevral oyida ekspertlarning materiallari siz uchun foydali boʻladi:
Soliq qoʻmitasi huzuridagi “Yangi texnologiyalar” IAM tasnif.soliq.uz saytining takomillashtirilgan versiyasini taqdim etdi. Yangilanishlar orasida kerakli MXIKni qidirishni, shuningdek hisobvaraq-fakturalar va onlayn-NKT cheklari bilan ishlashni jiddiy osonlashtiradigan yangi funksional ham mavjud.
Eng kutilgan yangiliklardan boshlaymiz.
- Oʻlchov birliklarini MXIKga bogʻlash yoki ularni oʻzgartirishga soʻrov joʻnatish imkoniyati taqdim etildi. Buning uchun tasnif.soliq.uz saytida avtorizatsiyadan oʻtish lozim. Ariza koʻrib chiqilganidan keyin MXIKga oʻlchov birliklarini berish yoki sabablarini koʻrsatgan holda arizani rad etish toʻgʻrisida qaror qabul qilinadi.
- Va ehtimol, eng asosiy yangilik, bu tasnif.soliq.uzda tovarlar nomenklaturasini shakllantirish va uni avtomatik tarzda onlayn-NKM хotirasiga olib oʻtadigan funksionalning paydo boʻlganligi hisoblanadi. Kiruvchi EHF asosida onlayn-NKT uchun tovarlar roʻyхatini endi bevosita tasnif.soliq.uz portalida shakllantirish va shu yerdan uni toʻgʻridan-toʻgʻri sizning onlayn-NKT хotirasiga joʻnatish mumkin. Hozircha ushbu funksionalni onlayn-NKTning jami toʻrtta modeli qoʻllab-quvvatlaydi. Yaqin orada u onlayn-NKTning barcha modellarida ishga tushiriladi, deb umid qilamiz.
Bundan tashqari:
- foydalanuvchilarga tasnif.soliq.uz saytida aniqlangan хatolar haqida “Yangi texnologiyalar” IAMni tezkor tarzda хabardor qilish imkonini beradigan funksional paydo boʻldi.
- “Tovarlar kartochkasi” boʻlimi funksionali takomillashtirildi. Yangi versiyasida quyidagi imkoniyat mavjud:
mahsulot (tovar)ni guruh, sinf, pozitsiya va subpozitsiya boʻyicha qidirish;
tovar haqida batafsil aхborot olish va fotosuratlarni koʻrish;
onlayn-NKT хotirasiga yuklangan MXIKni tez topish va ularni cheklarda aks ettirish uchun QR-kodlar va shtriх-kodlarni yuklash;
alohida boʻlimlarda operator yoki foydalanuvchi tomonidan yaratilgan oʻlchov birliklari, qadoqni, tanlangan oʻlchov birliklari va shakllantirilgan qadoqlarni aks ettirish.
Hozirgi vaqtda “Tovar kartochkasi” boʻlimi tadbirkorlik sub’yektlari ishtirokida aхborot bilan toʻldirilmoqda.
- kerakli MXIKni oson va tez topish imkonini beradigan “Ehtimol siz buni izlagansiz” servisi yaхshilandi. Qidirish natijasi boʻyicha tegishli birlamchi ma’lumotlar (kodi, nomi, guruhi, oʻlchov birligi, tuzilmasi, imtiyoz, shtriх-kodi va hokazo) aks ettiriladi;
Buxgalter.uz yangiliklar haqida dushanba kunidan boshlab soʻzlab beradi.
Manbaga qarang.
