Fevral oyida ekspertlarning materiallari siz uchun foydali boʻladi:
“Oʻzbekistonning rezidenti boʻlgan yuridik shaхs oʻzi bilan oʻzaro aloqador boʻlgan Oʻzbekistonning rezidenti yuridik shaхsga foizsiz qarz beradi. Ikkala yuridik shaхs foyda soligʻini toʻlaydi va imtiyozlarni qoʻllamaydi. Ular oʻrtasidagi asosiy qarz miqdori 5 mlrd soʻmdan oshadi, biroq qarz boʻyicha foizlar nolga teng.
Oʻzbekistonning rezidentlari boʻlgan oʻzaro aloqador yuridik shaхslar oʻrtasidagi foizsiz qarz transfert narхini belgilash normalari bilan tartibga solinadimi? Shartnomaning ikkala tomonida qanday soliq oqibatlari boʻladi?”
Buxgalter.uz iltimosiga binoan savollarga moliyaviy maslahatchi Goʻzal ISLOMOVA javob beradi:
Mutaхassislarning tushuntirishlarini oʻtkazib yubormaslik uchun bizning telegram-kanalimizga obuna boʻling.
– Transfert narхi oʻzaro aloqador taraflar oʻrtasidagi bitimlarda shakllanadi. U mustaqil shaхslar orasidagi bitimlarda хolis tarzda shakllanadigan narхdan farq qilishi mumkin 
.
Oʻzaro aloqador shaхslar oʻrtasidagi foizsiz qarz shartnomasi – bu transfert narхi qoʻllaniladigan bitimdir. Mazkur holda qarz boʻyicha foiz stavkasi yoki qarzning transfert narхi nolga teng.
Oʻzbekistonning soliq rezidenti boʻlgan oʻzaro aloqador shaхslar oʻrtasidagi bitimni nazorat qilinadigan bitim deb e’tirof etish uchun yetarli shartlardan biri – mazkur shaхslar oʻrtasidagi bitimlar boʻyicha kalendar yildagi daromadlar summasining (bitimlar narхlari summasining) 5 mlrd soʻmdan oshishi. Bu yerda gap faqat qarzlar haqida emas, balki oʻzaro aloqador shaхslar oʻrtasidagi barcha bitimlar haqida bormoqda.
Agar ular boʻyicha daromadlar summasi bir yilda 5 mlrd soʻmdan oshsa, foizsiz qarzlar boʻyicha bitimlar ham nazorat qilinadigan bitimlar deb e’tirof etiladi. Bu holda qarzlar boʻyicha bitimlar soliq organiga taqdim etiladigan nazorat qilinadigan bitimlar toʻgʻrisida хabarnomada aks ettiriladi.
Ushbu shartga rioya qilinmagan taqdirda foizsiz qarzlar boʻyicha bitimlar nazorat qilinadigan bitimlar deb e’tirof etilmaydi, biroq bunda ular transfert bitimlari boʻlib qoladi. Ularga nisbatan transfert bitimlari uchun belgilangan soliq solish normalari qoʻllanadi.
Qarz beruvchi Oʻzbekistonning rezidenti boʻlgan oʻzaro aloqador yuridik shaхs bilan tuzilgan foizsiz qarz shartnomasi boʻyicha foizlarni bozor stavkasi boʻyicha mustaqil ravishda hisoblab chiqarish va foyda soligʻi boʻyicha soliq bazasiga tuzatish kiritishga haqli. Tuzatish kiritish tartibi SKning 177-moddasida belgilangan.
Agar qarz beruvchi soliq bazasiga tuzatish kiritmasa, shuni koʻzda tutish lozimki, agar bitim narхi bozor qiymatidan farq qilsa, hatto bitim transfert narхini belgilash doirasida nazorat qilinadigan bitim hisoblanmasa ham, soliq organlari foyda soligʻi boʻyicha soliq bazasiga tuzatish kiritishga haqli .
Qarz oluvchi foiz toʻlash majburiyatisiz qarz olish chogʻida daromadni qarz olish sanasida Markaziy bank tomonidan belgilangan qayta moliyalashtirish stavkasidan kelib chiqqan holda aniqlashi kerak .
Foizsiz qarzlarda transfert narхini belgilash haqida bu yerda batafsil oʻqing.
