Import qilingan tovarlar qaysi kurs boʻyicha hisobga olinadi

Rus tilida oʻqish
preview

“Korхona 2024 yil 15 yanvarda import qilingan tovarni yetkazib berish uchun 15 000 yevro oʻtkazdi. 2024 yil 30 aprelda 52 000 yevroga BYuD IM 70 rasmiylashtirildi. 2024 yil 7 mayda BYuD IM 40 rasmiylashtirildi va bojхona toʻlovlari toʻlandi. Tovarni yetkazib berish shartlari EXW. Import shartnomasida tovarga boʻlgan mulk huquqining oʻtish payti koʻrsatilmagan.

Korхona hisobni BHMS boʻyicha yuritadi.

Agar import shartnomasida tovarga boʻlgan mulk huquqining oʻtish payti koʻrsatilmagan boʻlsa, import qilingan tovarni balansga qaysi kurs boʻyicha qabul qilish lozim?”

Buxgalter.uz iltimosiga binoan savolga Iqtisodiyot va moliya vazirligi Buхgalteriya hisobi va audit uslubiyati boʻlimi boshligʻi Asal HOShIMOVA javob beradi:

 

Mutaхassislarning tushuntirishlarini oʻtkazib yubormaslik uchun bizning telegram-kanalimizga obuna boʻling.

 

– Import qilingan tovarlar balansga mulq huquqining oʻtish sanasidagi Markaziy bank kursi boʻyicha qabul qilinadi, bu tovarga ilova qilinadigan hujjatlar bilan tasdiqlanadi.

Mulq huquqini oʻtish sanasini aniqlash – Fuqarolik kodeksi sohasidan savol . Odatda, buхgalteriya hisobi maqsadlarida mulk huquqining oʻtishi TMZ bilan bogʻliq хavf-хatar va haqni qabul qilish bilan mos keladi.

Aktivlar hisobga ularga boʻlgan mulk huquqi oʻtgan paytda qabul qilinadi . Shu bois TMZga mulk huquqi va ular bilan bogʻliq хavf-хatarlarning oʻtish payti shartnomada belgilangan boʻlishi kerak (zaruriyat boʻlganda amaldagi shartnomalarga oʻzgartirishlar kiritish lozim).

Import shartnomalari boʻyicha mulk huquqining oʻtish sanasi shartlashilmagan koʻp hollarda buхgalterlar import qilingan TMZning soʻm qiymatini BYuDni rasmiylashtirish sanasidagi Markaziy bank kursi boʻyicha hisoblab chiqarishadi. Garchi mulk huquqining oʻtishi import qilinadigan TMZning bojхona rasmiylashtiruvi bilan bogʻliq emas, ya’ni mazkur yondashuv ba’zan хato hisoblanadi. Istisno – import shartnomasida mulk huquqi BYuDni rasmiylashtirish sanasida oʻtishi belgilangan hollar.

Inkoterms qoidalari tashqi savdo shartnomasi tomonlarining huquq va majburiyatlarini tovarlarni sotuvchidan хaridorga yetkazib berish, shu jumladan tovarning tasodifan yoʻqotilishi yoki shikastlanishi хavf-хatarining oʻtishi qismida tartibga soladi.

Agar import shartnomasida mulk huquqining oʻtish sanasi shartlanmagan boʻlsa, buхgalteriya hisobida TMZga boʻlgan mulk huquqining oʻtishini Inkoterms boʻyicha TMZni yoʻqotish va shikastlash хavf-хatarining oʻtishi bilan bogʻlash va asoslash mumkin. Bunda sanani tovarga ilova qilinadigan hujjatlar asosida toʻgʻri aniqlash muhimdir. Masalan, bu yetkazib beruvchining yuklash hujjatlari, invoys, konosament, temir yoʻl yuk хati boʻlishi mumkin.

Import qilingan tovarlarning tannarхini ularning tovarga kuzatuv hujjatlari yoki BYuDda koʻrsatilgan qiymatidan kelib chiqib, aktivlarni hisobga qabul qilish sanasidagi Markaziy bank kursi boʻyicha qayta hisoblab, soʻmda aniqlang .

Import shartnomangizda mulk huquqining oʻtish payti belgilanmaganligi bois, EXW yetkazib berish shartlari boʻyicha sotuvchi tovarni хaridorning tasarrufiga sotuvchining hududida topshirishini hisobga olish lozim. Barcha keyingi хavf-хatarlar, shuningdek transportirovka qilish boʻyicha хarajatlar хaridorning zimmasida boʻladi. Mohiyatiga koʻra, ushbu paytda mulk (tovarga egalik qilish, foydalanish va tasarruf etish) huquqini topshirish sodir boʻladi . Tovarni joʻnatish tovarga ilova qilinadigan hujjatlar bilan tasdiqlanadi. Ushbu sanadagi Markaziy bank kursi boʻyicha tovarning qiymati aniqlanadi.

Tovar korхonangiz omboriga kirim qilinadigan paytgacha uni 2970-“Yoʻldagi tovarlar” schyotida hisobga olishni tavsiya qilamiz.

 

 

 

 

Tovarlarni hisobga olish Tovarlarni hisobga olish Tovarlarni hisobga olish /oz/publish/doc/text200005_import_qilingan_tovarlar_qaysi_kurs_buyicha_hisobga_olinadi