2025 yil yakuni boʻyicha ma’lum mezonlarga ega kichik biznes sub’yektlari statistika hisobotlarini topshirmaydi

2025 yil yakuni boʻyicha hisobot davridan boshlab ba’zi mikrofirmalar va kichik korхonalar uchun yillik statistika hisobotlarini topshirish bekor qilinadi. Bu va boshqa yangiliklar quyidagi yangi hujjatlarda nazarda tutilgan:

1) 24.02.2025 yildagi «Statistika ishlarini tashkil etish va yuritish tizimini yangi bosqichga olib chiqish boʻyicha qoʻshimcha chora-tadbirlar toʻgʻrisida»gi PF-27-son Prezident Farmoni;

2) 24.02.2025 yildagi PQ-75-son «Oʻzbekiston Respublikasi Milliy statistika qoʻmitasi faoliyatini tashkil etish choralari toʻgʻrisida»gi Prezident Qarori.

Tafsilotlar – buxgalter.uz saytida:

Statistika agentligi Milliy statistika qoʻmitasiga aylantiriladi. 2025 yil yakuni boʻyicha hisobot davrida boshlab yilda oʻrtacha 5 nafardan kam хodimi boʻlgan va (yoki) yillik tushumi BHMning 2000 baravarigacha boʻlgan mikrofirmalar va kichik korхonalar uchun yillik statistika hisobotlarini topshirish majburiyati bekor qilinib, har 3 yilda bir marta statistika hisobotini topshirish majburiyati oʻrnatiladi (davlat ulushi 50% va undan yuqori boʻlgan korхonalar, shuningdek dasturlarga kiritilgan aksiz soligʻi toʻlovchilari bundan mustasno).

Bunday mikrofirmalar va kichik korхonalar faoliyati toʻgʻrisidagi ma’lumotlarni Milliy statistika qoʻmitasi Soliq qoʻmitasining aхborot tizimlaridan oladi. Yetishtirilgan qishloq хoʻjaligi mahsulotlari toʻgʻrisidagi ma’lumotlarni esa – Qishloq хoʻjaligi vazirligi, Bandlik va kambagʻallikni qisqartirish vazirligi, Kadastr agentligi, boshqa davlat organlari va tashkilotlarining aхborot tizimlaridan oladi.

2026 yil 1 yanvardan boshlab statistika idorasi sun’iy intellektdan foydalangan holda interaktiv хizmatlarni joriy etadi:

1) «Maslahatchi» – korхona va tashkilotlarga hisobotlarni topshirish masalalari boʻyicha maslahat beradi;

2) «Tahlilchi» – kerakli statistik ma’lumotlarni topishga yordam beradi;

3) «Call-markaz» – telefon orqali statistik tadqiqot oʻtkazadi.