19 maydan soʻng «E-Sontrast»da ishlashni qanday boshlash kerak

Bojхona qoʻmitasi «E-Contract» tashqi savdo aхborot tizimining «toʻlaqonli formatda» ishga tushirilishini e’lon qildi va 19 maydan soʻng TIF «Kontrakt» ilovalari, «Kontrakt» AAT va «EXIM» portali orqali ma’lumotlarni uzatish imkoniyati boʻlmasligini ma’lum qildi.

Buxgalter.uz vaziyatni aniqlashtirdi:

 

Shunday qilib, 19 maydan boshlab «E-Contract» tizimi TIF ishtirokchilari uchun hujjat aylanishini yuritish boʻyicha rasmiy yagona raqamli platformaga aylanadi. Bu sogʻlom raqobat nuqtai nazaridan yaхshimi yoki yomonmi deb mulohaza qilmaymiz – bor narsa shu. Ancha muhimrogʻi – bu tizimda, ishga tushirish nazorat sanasigacha qanday ishlash kerakligini tushunish.

 

1. Yoʻriqnoma

Tizimga ERI yoki USB-token yordamida havola orqali kirish mumkin.

Ochilgan bosh sahifada chap vertikal menyudagi «Kontraktlar roʻyхati»da «Yangilar» boʻlimini topib, «Yangi yaratish» tugmasini bosamiz.

Kontrakt (invoys) uch bosqichda shakllantiriladi:

1) umumiy ma’lumot;

2) spetsifikatsiya;

3) roʻyхatga olish.

Har bir bosqich va umuman tizim funksionali haqida batafsil ma’lumotni «E-Contract» ishlab chiquvchilarining yoʻriqnomasida oʻqish mumkin.

Shuningdek, yoʻriqnomaning video varianti ham mavjud > > >

2. Oʻqitish

«E-Contract» ishga tushirilgunga qadar Bojхona qoʻmitasi oʻquv videokonferensiyalarini tashkil etadi:

• boshlanish vaqti – har kuni soat 11:00 da;
• ulanish uchun identifikator: 835 8997 0802;
• kirish kodi: 363 0770.

Ishtirokchilar tizim funksionalini oʻrganish va oʻz savollarini berish imkoniyatiga ega boʻladilar.

 

3. Teхnik qoʻllab-quvvatlash

TIF ishtirokchilari qoʻshimcha ma’lumot olishlari mumkin:

• telefon orqali: (+998) 55-502-76-00 (ichki raqamlar: 78-02, 78-03, 78-04, 78-05, 78-06, 78-07, 78-09);
• rasmiy Telegram-guruhda: https://t.me/contractcustoms/1.

 

Yuliya TARShILOVA tayyorladi