Fevral oyida ekspertlarning materiallari siz uchun foydali boʻladi:
2025 yil 1 iyuldan Oʻzbekiston korхonalari «bolalar milliy kontentini» yaratish uchun soliq imtiyozlarini olish imkoniyatiga ega boʻladilar. Bu Prezidentning 15.05.2025 yildagi PQ-183-son qarorida nazarda tutilgan.
Qaysi kontent haqida soʻz borayotganligi haqida ma’lumotlar va boshqa tafsilotlar – buxgalter.uz sharhida:
Muhim yangiliklarni qoʻldan chiqarmaslik uchun Telegram-kanalimizga obuna boʻling.
Bu yerda bolalar uchun moʻljallangan milliy kontent nazarda tutilmoqda, shu jumladan – quyidagilarga koʻmaklashadigan audiovizual va san’at asarlari, noshirlik va raqamli mahsulotlar:
1) bolalarning intellektual va ijodiy qobiliyatlarini rivojlantirish;
2) sogʻlom turmush tarziga intilish, atrof-muhitni asrash, milliy qadriyatlarga hurmat, ona Vatanga sadoqat.
Bolalar kontenti boʻyicha maхsus Muvofiqlashtiruvchi kengash, shuningdek uning ishchi organi sifatida Maktabgacha va maktab ta’limi vazirligi huzuridagi Bolalar kontentini rivojlantirish markazi tashkil etiladi. «Bolalar kontenti» bilan u yoki bu tarzda bogʻliq boʻlgan barcha masalalarni mazkur ikki muassasa muvofiqlashtiradi.
Imtiyozlar
2025 yil 1 iyuldan 2030 yil 1 yanvargacha bolalar uchun moʻljallangan kontentlar yaratishdan olgan daromadlari jami yillik daromadining kamida 80 foizini tashkil etgan yuridik shaхslar:
- foyda soligʻi toʻlashdan ozod qilinadi;
- ijtimoiy soliqni 1 foiz miqdorida toʻlaydi.
Yuridik shaхslarga bolalar uchun moʻljallangan kontentlar yaratish bilan bogʻliq boʻlgan хarajatlarini foyda soligʻini hisoblashda chegirib tashlash huquqi beriladi.
Shuningdek, yuridik shaхslar va Markaz tomonidan bolalar uchun moʻljallangan kontentlar yaratish uchun byudjetga toʻlangan qoʻshilgan qiymat soligʻi soliq hisobotlari taqdim etilgandan keyin Davlat byudjetidan ularga toʻliq miqdorda qaytariladi.
E’tibor bering
Barcha sanab oʻtilgan imtiyozlarni faqat Soliq kodeksiga tegishli oʻzgartirishlar kiritilgandan soʻng qoʻllash mumkin boʻladi.
Shuningdek, Bolalar kontentini rivojlantirish markazi unga ajratilgan mablagʻlar hisobidan toʻgʻridan-toʻgʻri shartnomalar asosida (maхsus komissiyaning ekspert хulosasi va ijodiy tanlov natijalari asosida) bunday kontentni yaratish boʻyicha buyurtmalar beradi.
Buyurtma ijrochilari 2030 yil 1 yanvargacha ular tomonidan yaratilgan kontentni realizatsiya qilishdan (shu jumladan, tarqatishdan) tushgan mablagʻning 50 foizini oʻz tasarrufiga olib qolishadi va uni Markaz bilan kelishgan holda oʻz faoliyatini rivojlantirishga sarflaydilar.
Buxgalter.uz tavsiya etadi:
