Oʻzbekiston va Turkiya oʻrtasidagi tashishlar sohasida nima oʻzgarmoqda

preview

Transport vazirligi Oʻzbekiston va Turkiya oʻrtasida «aqlli transport tizimi»ni joriy etish haqida xabar berdi. 2026 yil yanvardan boshlab tashishlarga doir barcha ruxsat hujjatlari E-permit tizimi orqali rasmiylashtiriladi.

Tafsilotlar – buxgalter.uz sharhida:

Muhim yangiliklarni oʻtkazib yubormaslik uchun bizning Telegram-kanalga obuna boʻling.

 

Oʻzbekiston Transport vazirligi va Turkiya Respublikasi Transport va infratuzilma vazirligi 2026 yil boshidan barcha turdagi ruxsat blankalarini toʻliq elektron shaklga oʻtkazish toʻgʻrisida kelishib oldi.

Hozirgi vaqtda ikki tomonlama va tranzit tashishlarga ruxsat blankalari allaqachon E-permit (DOZVOL) tizimi orqali elektron shaklda rasmiylashtirilmoqda. «Uchinchi davlatga/dan» ruxsat blankalarini E-permit tizimiga oʻtkazish yakunlanmoqda va dastlab sinov rejimida ishlaydi.

E-Permit – xalqaro yuk tashishlari uchun elektron ruxsatnomalarni olish tizimi. U milliy operatorlarning platformalariga integratsiyalanadi. Transport vazirligi saytida E-permit tizimi «Interaktiv xizmatlar» boʻlimida mavjud:

 

Shuningdek, saytning bosh sahifasidan ham:

Ye-permit  tizimida ishlash bir necha bosqichni oʻz ichiga oladi: roʻyxatdan oʻtish, ariza taqdim etish va holatni kuzatish. Ye-permit boʻyicha oʻzbek tilidagi yoʻriqnomani bu yerda yuklab olish mumkin > > >

 

 

Saida JANIZAKOVA tayyorladi


Buxgalteriya hisobi va soliq solishga doir normativ hujjatlardagi yangi oʻzgarishlar Yangiliklar Yangiliklar /oz/publish/doc/text208737_uzbekiston_va_turkiya_urtasidagi_tashishlar_sohasida_nima_uzgarmoqda