Oʻzbekistonda 2025 yil 1 iyuldan nimalar oʻzgaradi

preview

2025 yil iyul oyida qonunchilikka navbatdagi oʻzgarishlar toʻplami kuchga kiradi, shuningdek Toshkent va Toshkent viloyatida yuridik shaxslar uchun sovuq suv va kanalizatsiya xizmatlari tariflari oshirilmoqda.

Tafsilotlar – buxgalter.uz sharhida:

Muhim yangiliklarni oʻtkazib yubormaslik uchun Telegram kanalimizga obuna boʻling.

 

1. Import qilingan dorilar realizatsiyasining shartlari aniqlashtirilyapti

1 iyuldan:

– import qiluvchi tashkilotlar bevosita yoki ularning rasmiy dilerlari import qilingan dorilarni umumiy va chakana savdo sub’yektlariga EHF asosida realizatsiya qiladilar;

– raqamli markirovkalangan mahsulot umumiy realizatsiyasini faqat naqdsiz shaklda – bank hisobvaraqlari orqali amalga oshiriladi.

Tavsiya:

Majburiy raqamli markirovkalashga tortiladigan tovarlarga EHFni qanday rasmiylashtirish kerak.

 

2. Sovuq suv tariflari oshirilmoqda

1 iyuldan "Toshkent viloyati suv ta’minoti" AJ tomonidan byudjet va boshqa tashkilotlar uchun ichimlik suvi tariflari QQSsiz 15 000 soʻm yoki QQS bilan 16 800 soʻmni tashkil etadi. Oqova suv xizmatlari uchun – QQSsiz 3 000 soʻm, QQS bilan 3 360 soʻm.

"Musaffo obi hayot magistral suv ta’minoti" AJ tomonidan byudjet va boshqa tashkilotlar uchun ichimlik suvi tariflari QQSsiz 8 200 soʻm, QQS bilan 9 184 soʻm tashkil etadi. Oqova suv xizmatlari uchun –QQSsiz 2 400 soʻm, QQS bilan 2 688 soʻm.

Boshqa dolzarb tariflarni bizning ma’lumotnomamizda koʻring:

 

3. Pensiya va nafaqalar oshirilmoqda 

2025 yil 1 iyuldan:

pensiyalar, bolalar nafaqalari va moddiy yordam miqdorlari 10 foizga oshirilyapti:

– yoshga doir pensiyaning eng kam miqdori – oyiga 918 000 soʻm;

– nogironlik pensiyalarining eng kam miqdori – oyiga 1 012 000 soʻm;

– kam ta’minlangan oilalarga bolalar nafaqasining oylik miqdori:

360 000 soʻm – 3 yoshgacha boʻlgan bir nafar kichik farzand uchun;

275 000 soʻm – 3 yoshdan 18 yoshgacha boʻlgan bir nafar farzand uchun;

165 000 soʻm – oiladagi ikkinchi farzand uchun qoʻshimcha;

110 000 soʻm – oiladagi uchinchi va har bir keyingi farzand uchun;

420 000 soʻm – kam ta’minlangan oilalar uchun moddiy yordamning oylik miqdori.

PHBM oyiga 471 000 soʻm tashkil etadi.

 

4. QQS boʻyicha imtiyoz bekor qilinadi

Yagona tariflar boʻyicha yoʻlovchilarni tashish xizmatlarini koʻrsatish aylanmasi uchun qoʻshilgan qiymat soligʻi boʻyicha imtiyoz bekor qilinadi.

Tavsiya:

Imtiyoz bekor qilinganda QQSni qanday hisobga olish kerak.

 

5. Turizmni qoʻllab-quvvatlash jamgʻarmasi modulli mehmonxonalarni jihozlashni ragʻbatlantiradi

2025 yil 1 iyuldan jamgʻarma mablagʻlari hisobiga 2027 yil 1 yanvargacha tadbirkorlik sub’yektlarining kamida 10 moduldan iborat modulli mehmonxonalarini qurish va jihozlash (rekonstruksiya qilishdan tashqari) xarajatlarining bir qismini qoplash maqsadida bir martalik subsidiya ajratiladi:

– I toifali modulli mehmonxonalardagi har bir joy uchun 10 mln soʻm;

– II toifali modulli mehmonxonalardagi har bir joy uchun 7 mln soʻm;

-- III toifali modulli mehmonxonalardagi har bir joy uchun 5 mln soʻm.

 

6. Mebel sanoatini rivojlantirish choralari

2025 yil 1 iyuldan yakka tartibdagi tadbirkorlar oʻz uylarida mebel mahsulotlari ishlab chiqarishlari mumkin (ish joyini ijaraga olish shart emas).

2025 yil 1 iyuldan 2027 yil 1 iyungacha davlat mebel mahsulotlari ishlab chiqaruvchi korxonalarda ishlab chiqarish jarayonlarini raqamlashtirish boʻyicha axborot tizimlarini (CRM, ERP, PLM) joriy etish xarajatlarining 50 foizini qoplaydi (5 ming AQSh dollaridan oshmagan miqdorda).

 

7. Davlat tibbiyot muassasalaridagi shifokorlar uchun ustamalar

Davlat tibbiyot muassasalarida shifokorlarga (maxsus koʻnikmalarni talab qiladigan faoliyat va yuqori xavf darajasidagi operatsiyalar boʻyicha) kasalliklarning ogʻirlik darajasi va ularni davolashning murakkabligiga qarab oylik lavozim maoshining 25 foizdan 100 foizgacha ustamalar belgilanadi.

 

8. Ta’lim tashkilotlarini tashkil etishning yangi qoidalari

2025 yil 1 iyuldan tashkil etilayotgan yangi ta’lim tashkilotlari faoliyatini tashkil etish ikki bosqichda amalga oshiriladi:

  • birinchi bosqichda oʻrta maxsus, kasb-hunar, oliy va oliydan keyingi ta’lim tashkilotlari oʻz faoliyatini boshlash uchun belgilangan tartibda litsenziyalanadi, kadrlarni qayta tayyorlash va malakasini oshirish tashkilotlari – xabardor qilish tartibida yaratiladi;
  • ikkinchi bosqichda ta’lim tashkilotlarining kadr tayyorlash ta’lim dasturlari (kasblar, ta’lim yoʻnalishlari, mutaxassisliklar, ixtisoslashuvlar, kurslar)ning maxsus davlat akkreditatsiyasi oʻtkaziladi. Bunda:

1) maxsus davlat akkreditatsiyasidan oʻtmagan ta’lim dasturlari boʻyicha oʻqishga qabul qilishga yoʻl qoʻyilmaydi;

2) bu qoidani buzish litsenziya talablari va shartlarini qoʻpol buzish deb baholanadi va ta’lim tashkilotining litsenziyasini bekor qilish (faoliyatini toʻxtatib turish) uchun asos boʻladi.

 

9. Veterinariya va fitosanitariya sohasida muhr va shtamplar bekor qilinadi

Veterinariya va fitosanitariya sohasida tashqi savdo yuklariga tegishli har qanday hujjatlarni yozma roʻyxatga olish (shtamp va muhr bosish bilan) bekor qilinadi. Barcha tartibotlar elektron shaklda amalga oshiriladi.

 

10. Biznes uchun yangi majburiyatlarga moratoriy e’lon qilinadi

2025 yil 1 iyuldan 2028 yil 1 yanvargacha kichik va oʻrta biznes sub’yektlari zimmasiga yangi majburiyatlar yuklashni nazarda tutuvchi NHH qabul qilishga moratoriy e’lon qilinadi.

Tadbirkorlik sub’yektlari uchun yangi yoki amaldagi tartibga solish vositalarini kuchaytiruvchi NHHlarga nisbatan "yagona sanadan yangi qoidalar" tamoyili qoʻllaniladi va ushbu normalarning kuchga kirish sanasi 1 yanvar yoki 1 iyul etib belgilanadi.

2028 yil 1 yanvargacha "Birinchi imkoniyat" tamoyili joriy etiladi, ya’ni birinchi faoliyat yili davomida savdo va tadbirkorlik sohasida birinchi marta ma’muriy huquqbuzarlik sodir etgan kichik tadbirkorlik sub’yektlari ma’muriy javobgarlikdan ozod etiladi.

 

11. Davlat funksiyalarining bir qismi xususiy sektorga topshiriladi

Xususiy sektorga 11 ta funksiya topshiriladi:

1) rieltorlarning malaka imtihonini oʻtkazish va ularga malaka sertifikatini berish;

2) baholovchilarning malaka imtihonini oʻtkazish va ularga malaka sertifikatini berish;

3) sud boshqaruvchisining malaka guvohnomasini berish;

4) baholovchilarga toifa berish;

5) hisoblagichlarni tekshirish;

6) karantin ostidagi mahsulotlarni zararsizlantirish (fumigatsiya) faoliyati;

7) gid (gid-tarjimon), ekskursovod va instruktor-yoʻlboshchiga malaka sertifikatini berish;

8) tibbiy tashkilotlarni akkreditatsiyalash;

9) yakka tartibdagi turar joy uylarini qurish va rekonstruksiya qilish ustidan nazorat;

10) kichik gabaritli noturar joy binolarni va inshootlarni qurish va rekonstruksiya qilish ustidan nazorat;

11) Oʻzbekistonga olib kirilayotgan "M" va "N" toifalaridagi yangi gʻildirakli transport vositalarining ekologik toifa talablariga muvofiqligini ekologik sertifikatsiyalash.

 

12. Ulushdorlarni himoya qilishning yangi choralari

1 iyuldan qurilish-pudrat tashkilotlari, developerlar va buyurtmachilar (quruvchilar) ob’yektlarni qurishda ulushli ishtirok asosida ulushdorlar mablagʻlarini faqat kadastr organlarida davlat roʻyxatidan oʻtgan ob’yektni qurishda ulushli ishtirok boʻyicha notarial tasdiqlangan shartnoma asosida jalb qiladilar.

 

 

 

Qonunchilikdagi yangiliklar. Normativ qonun hujjatlaridagi oʻzgarishlar. Qonunchilikdagi yangiliklar Qonunchilikdagi yangiliklar /oz/publish/doc/text209133_uzbekistonda_2025_yil_1_iyuldan_nimalar_uzgaradi