20 oktyabr

preview

 

• 2026 yil sentyabr oyi uchun QQS hisobotini taqdim etish va toʻlash, shu jumladan soddalashtirilgan 6% QQS boʻyicha (SK 273-m. 1-4-q.);

 

• 2026 yil sentyabr oyi uchun QQS toʻlovchi soliq agentlari tomonidan QQS hisobotini taqdim etish va toʻlash (SK 273-m.1, 2-q.):

– chet ellik shaxslardan sotib olingan tovarlar (xizmatlar) uchun (SK 255-m.);

– davlat mulki bilan bogʻliq operatsiyalarga, davlat mulkini, shu jumladan qishloq xoʻjaligiga moʻljallanmagan boʻsh turgan yer uchastkalarini mulk huquqi asosida sotish operatsiyalari bundan mustasno (SK 256-m.).

QQSni toʻlamaydigan soliq agentlari hisobotlarni soliq toʻlangan oydan keyingi oyning 20-kunidan kechiktirmay taqdim etadilar (SK 273-m. 4-q.).

 

• jismoniy shaxslarga elektron shaklda xizmatlar koʻrsatuvchi chet ellik yuridik shaxslar tomonidan 2026 yilning III choragi uchun hisobot taqdim etish va QQS toʻlash (SK 280-m., SK 281-m.).

Chet el yuridik shaxslari tomonidan yuridik shaxslarga, shu jumladan Oʻzbekistonda faoliyat yurituvchi norezidentlarga elektron xizmatlar koʻrsatilganda, QQSni soliq agentlari – bunday xizmatlarni sotib oluvchilar toʻlaydilar va hisobot taqdim etadilar (SK 278-m. 4-q.).

 

• 2026 yilning III choragi uchun hisobot taqdim etish va foyda soligʻini toʻlash (SK 339-m. 5-q., SK 340-m.).

Byudjet tashkilotlari va nodavlat notijorat tashkilotlari foyda soligʻi boʻyicha soliq hisobotini faqat soliq davri (kalendar yili) yakunlari boʻyicha taqdim etadilar, matlubot kooperativlari bundan mustasno. Agar oʻtgan soliq davri yakunlari boʻyicha soliq toʻlovchining jami daromadi mavjud boʻlmasa, soliq hisobotini taqdim etish shart emas (SK 339-m. 6-q.).

Xususiy amaliyot bilan shugʻullanuvchi notariuslar soliq hisobotini taqdim etadilar va foyda soligʻini yiliga bir marta – oʻtgan soliq davridan keyingi yilning 1 martidan kechiktirmay toʻlaydilar;

 

• soliq davri uchun soliq summasi  BHMning 200 baravaridan oshadigan, aylanmadan olinadigan soliq toʻlovchisi boʻlmagan yuridik shaxslar tomonidan 2026 yil oktyabr oyi uchun suv resurslaridan foydalanganlik uchun soliq boʻyicha boʻnak toʻlovlarini yillik soliq summasining 1/12 qismi miqdorida toʻlash (SK 448-m. 3-q.).

Soliq davri uchun aylanmadan olinadigan soliq summasi BHMning 200 baravaridan kam boʻlgan aylanmadan olinadigan soliqni toʻlamaydigan yuridik shaxslar, shuningdek aylanmadan olinadigan soliqni toʻlovchilar va YaTTlar suv resurslaridan foydalanganlik uchun soliq boʻyicha boʻnak toʻlovlarini har chorak uchinchi oyining 20-kunidan kechiktirmay yillik soliq summasining 1/4 qismi miqdorida toʻlaydilar;

 

• soliq agentlari tomonidan 2026 yil sentyabr oyi uchun norezidentlarning daromad soligʻi boʻyicha hisobotlarni taqdim etish (SK 355-m. 1-q.).

Soliq norezidentga daromadlar toʻlangan kundan keyingi kundan kechiktirmay toʻlanadi (SK 355-m. 2-q.).

 

• soliq agentlari tomonidan 2026 yil sentyabr oyi uchun dividendlar va foizlar soligʻi boʻyicha hisobotlarni taqdim etish (SK 345-m. 5-q.).

Soliq dividendlar va foizlar toʻlangan sanadan kechiktirmay toʻlanadi.

 

• yuridik shaxslar tomonidan 2026 yil iyul oyi uchun yer qa’ridan foydalanganlik uchun hisobot taqdim etish va soliq toʻlash (SK 454-m. 3–4-q.);

 

• 2026 yilning III choragi uchun foydali qazilmalarni qazib olish boʻyicha maxsus renta soligʻi yuzasidan hisobot taqdim etish va uni toʻlash (soliq bazasi – renta daromadi mavjud boʻlgan taqdirda) (SK 454-7-m.).

Renta zarari mavjud boʻlgan taqdirda hisobot yiliga bir marta, soliq davridan keyingi yilning 1 martidan kechiktirmay taqdim etiladi.

 

• QQS toʻlovchilar tomonidan 2026 yil sentyabr oyi uchun onlayn-NKT cheklaridagi texnik xatolarni tuzatish (Nizom 38-1-b., 23.11.2019 y. 943-son VMQga 1-ilova., SK 273-m. 1-q.).

 

E’tibor bering
Buxgalter taqvimi - «SBX» va «Norma» MChJ ekspertlarining mualliflik ishlanmasi. Undan nusxa olishga faqat «Norma» MChJ bilan shartnoma asosida yoʻl qoʻyiladi.

 

Kalendar buxgaltera (uzb.) Kalendar buxgaltera (uzb.) Kalendar buxgaltera (uzb.) /oz/publish/doc/text217583_20_oktyabr4