Янги МҲМС барча учун мақбул бўлишининг яна бир имконияти

Ўзбекистонда амалдаги Бухгалтерия ҳисоби миллий стандартлари (БҲМС) ўрнига Молиявий ҳисоботнинг миллий стандартлари (МҲМС) киритилиши режалаштирилаётгани ҳақида хабарингиз бор. МҲМС тўлиқ рўйхати январь ойида эълон қилинган. Қолаверса, 10 ва 17 март кунлари ҚҲТБТ порталида 2 та янги стандарт муҳокамаси якунланди.

Албатта, янги стандартлар расман тасдиқланишини кутиб, шундан кейингина улар билан танишиб чиқиш мумкин... Бироқ, бу ҳолда фаолиятингиз билан боғлиқ қандайдир муҳим жиҳатни (агар битта бўлсаку, яхши) ўтказиб юборишингиз мумкин. Чунки стандартлар тасдиқдан ўтгандан сўнг уларни ўзгартириш қийин бўлади.

Янги стандартларнинг муаллифлари лойиҳалар бўйича ўз фикр-мулоҳазаларингизни билдириш учун яна бир имконият тақдим этмоқдалар. Бу ҳақда Иқтисодиёт ва молия вазирлигининг МҲХС масалалари бўйича телеграм каналида махсус эълон берилди.

Иккала стандарт лойиҳаси ва фикр-мулоҳазаларни билдириш манзили – бизнинг шарҳда:

Демак:

• 2026–2027 йилларда ишлаб чиқиладиган МҲМС лойиҳалари рўйхати (юклаб олиш, ўрганиш ва йўналиш олиш мумкин);
• Молиявий ҳисоботни тақдим этишнинг концептуал асоси (pdf файлни юклаб олиш);
• 2-сон МҲМС «Молиявий ҳисоботни тайёрлаш асослари: ҳисоб сиёсати ва ҳисоблаб чиқилган баҳолар» (pdf файлни юклаб олиш).

Таклиф ва мулоҳазаларни қуйидаги манзилга юбориш лозим: Sarvarbek.Kurbanbaev@imv.uz