2026 йил – Наврўз ва Рамазон ҳайитида неча кун дам оламиз

2026 йилда Рамазон ҳайити 20 мартга тўғри келади – бу Президентнинг 18.03.2026 йилдаги қарори билан расман тасдиқланди.

21 март (шанба) куни эса Ўзбекистонда катта баҳор байрами – Наврўз нишонланади.

Дам олиш кунлари ҳақидаги долзарб маълумотлар – buxgalter.uz сайтида:

Шундай қилиб, ўзбекистонликлар – 6 кунлик иш ҳафтасидаги ходимлар 3 кун ва 5 кунликда ишловчилар 4 кун дам олади.

Байрам куни дам олиш кунига тўғри келганлиги сабабли, у кейинги иш кунига кўчирилади .

Рамазон ҳайити ва Наврўз дам олиш кунлари

• 20 март, жума – Рамазон ҳайити, барча учун дам олиш куни;
• 21 март, шанба – Наврўз, барча учун дам олиш куни;
• 22 март, якшанба – дам олиш куни;
• 23 март, душанба – 5 кунлик иш ҳафтасида ишловчилар учун дам олиш куни. 6 кунлик иш ҳафтасидагилар учун – иш куни.

19 март, пайшанба – байрамолди қисқартирилган иш куни .

Март ойидаги иш вақти меъёри

Жами кунлар: 31.

Иш кунлари:

• 5 кунлик иш ҳафтасида – 19;
• 6 кунлик иш ҳафтасида – 23.

2026 йил март ойидаги иш соатлари нормаси:

• 5 кунлик 40 соатлик иш ҳафтаси: 151 соат;
• 6 кунлик 40 соатлик иш ҳафтаси: 153 соат;
• 6 кунлик 36 соатлик иш ҳафтаси: 136 соат.