2023 йилнинг III чораги учун статистика бўйича ким ҳисобот топшириши керак

Статистика агентлигининг сайтида алоҳида 4-kb (qurilish, savdo, xizmat) шакли бўйича жорий йилнинг III чораги учун танлама кузатув остига тушган 2023 йилнинг  III чораги учун танлама кузатилиши лозим бўлган кичик корхоналар ва микрофирмалар Рўйхати эълон қилинди.

Дастурга қандай кириш ва шаклни тўлдириш керак

Паролни кўрсатиб, ЭРИси ёрдамида ҳавола бўйича eStat 4.0 дастурига киринг. Ташкилотингиз номи ва унинг реквизитлари – КТУТ, СТИР кўрсатилган ойна очилади.

Ташкилотингиз номига босинг ва сиз шахсий кабинетга ўтасиз. Унинг ўнг қисмида тугмалар акс этади – сизнинг статистик ҳисоботларингиз “ҳолати” – “юборилган”, “рад этилган”, “қабул қилинган”, шунингдек статистика органлари ваколатли вакилларининг хабарномалари.

Экраннинг чап қисмида таклиф қилинган рўйхатдан “Хизматлар” иловасини танланг.

Сўнгра  4-kb (qurilish, savdo, xizmat) шаклини танланг ва “Юбориш” тугмасини босинг. Хавотир олманг, сизда шакл дарҳол юборилмайди, у шунчаки тўлдириш учун очилади.

Шаклнинг барча керакли бўлимларини кўрсаткичлар билан тўлдиринг (статистика ҳисоботи шаклининг юқори панели) ва яна “Юбориш” тугмасини босинг.

Шунингдек, шакл бўлимлари учун “Сақлаш” тугмаси назарда тутилган. Унга босишни унутманг, акс ҳолда сизнинг бўлимлар бўйича тўлдирилган кўрсаткичларингиз сақланмайди ва уларни қайта киритишингизга тўғри келади.

Шунингдек, шакл бўлимларининг жадвал қисми остида 4-kb (qurilish, savdo, xizmat) шаклининг у ёки бу қисмида қайси кўрсаткичлар акс эттирилиши кераклиги юзасидан тўлдириш бўйича тавсияларга эътибор беринг.

Шакл:

• “ҳисобот чораги учун” (1-устун) – 2023 йилнинг III чораги учун кўрсаткичлар билан;
• “йил бошидан” (2-устун) – 2023 йилнинг I, II ва III чораклари учун кўрсаткичлар билан (яъни 2023 йил учун ўсиб борувчи якун билан);
• “ўтган йилнинг тегишли даври учун” (3-устун) – 2022 йилнинг I, II ва III чораклари учун кўрсаткичлар билан (яъни 2022 йил учун ўсиб борувчи якун билан) тўлдирилади.

Тўлдирилган ҳисобот шаклини 4-kb (qurilish, savdo, xizmat) шаклининг «Якуний қисми»даги тегишли тугмани босиш орқали Ехcеlга юклаш мумкин.

“Шахсий кабинет”дан чиқиш учун унинг юқори чап қисмидаги ташкилотингиз номини, сўнгра «Чиқиш» тугмасини босинг.

4-kb (qurilish, savdo, xizmat) шаклини тўлдириш масалалари бўйича (71) 202-81-07, (71) 202-81-08 телефони орқали мурожаат қилинг.

eStat 4.0. дастурида ишлашнинг техник масалалари бўйича сизга (71) 202-81-45 телефони орқали маслаҳат беришади.

2023 йилнинг III чораги учун 4-kb savolnoma ва 4-kb (sanoat) шакллари бўйича статистика ҳисоботларини топшириш бўйича ахборотни бу ерда ўқинг.

 Татьяна ЛИМАРЕВА,

«Норма» эксперти