Получите быстрые ответы, проверенные экспертами:
Тошкент шаҳридаги нотурар жой объектлари учун ижара ҳақининг минимал ставкаларига фаолият турлари бўйича табақалаштирилган оширувчи коэффициентларни қачондан қўллаш керак, уларни Тошкент шаҳар Халқ депутатлари кенгашининг 2025 йил 15 апрелдаги VII-8-60-14-0-К/25-сон қарори билан белгиланган – buxgalter.uz сўроғи бўйича молия ҳисоби ва солиққа тортиш бўйича эксперт Умид ХАМРОЕВ тушунтириб берди:
Ҳақиқий муҳим янгиликлар ва тушунтиришларни қолдириб юбормаслик учун Телеграм каналимизга обуна бўлинг.
– «Норматив-ҳуқуқий ҳужжатлар тўғрисида»ги Қонуннинг 41-моддаси истисно тариқасида Ўзбекистон Республикаси қонунининг амал қилиши унинг кучга киритилишидан олдин юзага келган ижтимоий муносабатларга нисбатан қонунда тўғридан-тўғри назарда тутилган ҳоллардагина тадбиқ этилишини белгилайди.
Солиқлар ва йиғимларни бекор қилишни, солиқлар ва йиғимлар ставкаларини пасайтиришни, мажбуриятларни бекор қилишни ёки солиқ тўловчилар аҳволини бошқа йўл билан енгиллаштиришни назарда тутувчи солиқ қонунчилиги ҳужжатлари агар бу солиқ қонунчилиги ҳужжатларида тўғридан-тўғри назарда тутилган бўлса, орқага қараб кучга эга бўлиши мумкин 
. Истисно тариқасида солиқ қонунчилигини бузганлик учун жавобгарликни йўқ қилувчи ёки енгиллаштирувчи солиқ қонунчилиги ҳужжатлари киради .
Солиқлар ва йиғимлар ставкаларини ўзгартиришни назарда тутувчи солиқ қонунчилиги ҳужжатлари агар уларда кечроқ муддат кўрсатилмаган бўлса, расмий эълон қилинган ойдан кейинги ойнинг биринчи кунидан кучга киритилади .
Вилоят, туман ва шаҳар халқ депутатлари кенгашларининг норматив-ҳуқуқий характердаги қарорлари Ўзбекистон Республикаси Конституцияси ва қонунлари асосида ва уларни ижро этиш учун қабул қилинади ва СК 4-моддасида назарда тутилган қонунчилик ҳужжати таъсир соҳасига киради.
Тошкент шаҳар Халқ депутатлари кенгашининг 2025 йил 15 апрелдаги VII-8-60-14-0-К/25-сон қарори мазкур қарор қабул қилинишидан олдин юзага келган жамият муносабатларига қўлланилишини назарда тутмайди.
«Норматив-ҳуқуқий ҳужжатлар тўғрисида»ги Қонун талабларидан келиб чиқиб, халқ депутатлари кенгашининг норматив-ҳуқуқий характердаги қарори орқага қараб кучга эга эмас.
Норматив-ҳуқуқий ҳужжатларнинг орқага қараб кучи билан боғлиқ Солиқ кодекси ва «Норматив-ҳуқуқий ҳужжатлар тўғрисида»ги Қонун меъёрларининг мос келмаслиги Қонуннинг кечроқ қабул қилинганлиги билан боғлиқ (СК – 2019 йилда, ЎРҚ-682 – 2021 йилда). Қонун меъёрларини қўллаш мақсадга мувофиқдир.
Маълумот учун:
Президентнинг 27.02.2025 йилдаги ПҚ-78-сон қарорининг 12-банди вилоятлар ва Тошкент шаҳри халқ депутатлари кенгашларини солиққа тортиш мақсадларида туман (шаҳар) ва зонага боғлиқ равишда кўчмас мулкдан фойдаланиш учун ижара ҳақининг минимал ставкаларига нисбатан белгиланадиган ошириш коэффициентини фаолият турлари ёки объектлар бўйича табақалаштиришга ваколат беради.
Юқорида кўрсатилган Президент Фармони асосида берилган ваколатлар доирасида Тошкент шаҳар Халқ депутатлари кенгашининг 15.04.2025 й. VII-8-60-14-0-К/25-сон қарори қабул қилинган.
Юқорида баён этилганлар асосида Тошкент шаҳар Халқ депутатлари кенгашининг 15.04.2025 йилдаги VII-8-60-14-0-К/25-сон қарори билан белгиланган коэффициентларни ушбу ҳужжат расмий эълон қилинган ойдан кейинги ойнинг биринчи санасидан – 2025 йил 1 майдан кучга киритиш мақсадга мувофиқдир.
Buxgalter.uz тавсия қилади:
