Воситачилар қачон ҚҚС тўлашга ўтади

Айланмадан олинадиган солиқ тўловчи бўлган корхона ҚҚС тўловчиси бўлган комитентнинг товарларини реализация қилади. 23 январда унинг жами даромади (комиссия ҳақи суммаси, реализация қилинган товар қийматининг 10%и) 100,8 млн сўмни (1 008 х 10%) ташкил этди. 23 январдан корхона ҚҚСга ўтиши кераклиги тўғрими?

Buxgalter.uz тушунтиради:

– Ҳа, тўғри.

Агар сиз воситачилик хизматларини кўрсатсангиз, даромаднинг чегаравий миқдорини ўз ҳақингиз суммасидан эмас, балки реализация қилиш бўйича умумий айланмадан (битим суммаларидан) келиб чиқиб ҳисоблаб чиқаринг.

23 январдан корхона комиссия ҳақи суммаси 1 млрд сўмдан кам бўлишига қарамасдан, ҚҚС ва фойда солиғини тўлашга ўтиши шарт. Асосий кўрсаткич – комиссионер томонидан ташкил этилган умумий товар айланмаси. Бу ерда эса у 1 млрд сўмдан кўп.

ҚҚСга мажбурий ва ихтиёрий ўтиш ҳақида «ҚҚС тўлашга қандай ўтиш керак» тавсиясида ўқинг > > >

Унда қуйидаги вазиятларни батафсил кўриб чиқамиз:

• жами даромад 1 млрд сўмдан ошганда;
• бўш турган объектлар ва фойдаланилмаётган ишлаб чиқариш майдонлари мавжуд бўлганда;
• импорт контракти тузилганда;
• марказлашган манба ҳисобидан объект қуриш бўйича пудрат шартномаси тузилганда;
• корхона алкоголь, шу жумладан пивонинг чакана савдоси билан шуғулланишни бошлаганда;
• ташкилот СМТ ёки аудиторлик ташкилоти бўлганда;
• ташкилот нотижорат ташкилоти бўлганда.

Buxgalter.uz тавсия этади

 

• Чет эл шахслари қачон ҚҚС тўлайди;
• ҚҚС тўламаслик учун нима қилиш керак;
• Товарлар (хизматлар) воситачи орқали реализация қилинганда комитент ҚҚСни қандай ҳисоб-китоб қилиши лозим;
• Кўчмас мулкни ижарага беришда ҚҚСни қандай ҳисобланади;
• Воситачида ҚҚС қандай ҳисобланади.