Получите быстрые ответы, проверенные экспертами:
Ўзбекистон Республикаси Иқтисодиёт ва молия вазирининг буйруғи билан Ўзбекистон божхона ҳудудидан олиб чиқиладиган товарларнинг божхона қиймати декларациясини тўлдириш тартиби тўғрисидаги йўриқнома тасдиқланди (24.11.2025 й. АВ рўйхат рақами 3711-сон).
Янги ҳужжат тафсилотлари – шарҳда:
Миллий қонунчиликдаги муҳим ўзгаришларни ўтказиб юбормаслик учун бизнинг Телеграм-каналимизга обуна бўлинг.
Эслатиб ўтамиз: 14.03.2017 йилдаги 2868-сон Божхона қиймати декларациясини тўлдириш тартиби тўғрисидаги йўриқнома энди фақат Ўзбекистон божхона ҳудудига олиб кириладиган товарларга нисбатан қўлланилади. Бу ҳақда батафсил бу ерда ёзилди > > >
25 ноябрда божхона тўловлари (божхона расмийлаштируви йиғимларидан ташқари) назарда тутилган олиб чиқиладиган товарлар бўйича худди шундай ҳужжат - 3711-сонли Йўриқнома кучга кирди.
Асосий жиҳатлар:
- Божхона қиймати декларацияси божхона юк декларациясиз ҳақиқий эмас. Уни алоҳида бериш мумкин эмас.
Агар сиз БЮДни электрон шаклда тақдим этсангиз, БҚД ҳам электрон шаклда тақдим этилади.
БЮД қоғоз шаклида тақдим этилганда БҚД А4 форматдаги варақларда 4 нусхада расмийлаштирилади:
– биринчи нусхаси божхона органларининг ҳужжатлар йиғмажилдларида қолади;
– иккинчи нусхаси – декларант номидан БЮДни тақдим этувчи шахсга (ёки декларантнинг ўзига);
– учинчи ва тўртинчи нусхалари – декларантга.
Агар БҚД қоғоз шаклида тақдим этилган бўлса, декларант божхона органига унинг ЭРИ билан тасдиқланган электрон нусхасини ҳам тақдим этиши лозим.
- Агар битта БЮДда бир вақтнинг ўзида божхона тўловлари тўланадиган ва тўланмайдиган товарлар декларацияланса (божхона расмийлаштируви йиғимларидан ташқари), БҚД барибир барча товарлар учун тўлдирилади.
- Йўриқномага иловаларда БҚДнинг 2 та шакли келтирилади – товарларнинг божхона қийматини аниқлашнинг қўлланиладиган усулига қараб:
– олиб кириладиган товарлар билан тузилган битим қиймати бўйича (1-усул) (Йўриқномага 1-иловадаги шакл).
– айнан бир хил товарлар, бир турдаги товарлар билан тузилган битим қиймати бўйича, шунингдек чегириб ташлаш, қўшиш ёки захира усуллари (2-6-усуллар) бўйича (Йўриқномага 2-илова).
- Йўриқномада БҚДнинг иккала шаклини – устунлар ва графалар бўйича тўлдиришнинг батафсил босқичма-босқич тартиби, шу жумладан қўлланиладиган усулга қараб зарур тушунтиришлар мавжуд. Хусусан, аниқлаштирилишича:
– сотувчининг харажатлари ва харидор томонидан ҳақиқатда тўланган ёки экспорт қилинадиган товарлар учун тўланиши лозим бўлган суммалар Ўзбекистон миллий валютасида кўрсатилади. Агар улар чет эл валютасида амалга оширилган бўлса, божхона қиймати декларациясида уларнинг қайта ҳисоб-китоби тўғрисидаги маълумотлар – товар ва ушбу маълумотлар тааллуқли бўлган БҚД графаси рақами, Валюталар таснифлагичига мувофиқ валютанинг рақамли коди, чет эл валютасидаги харажатлар суммаси ва декларация божхона расмийлаштирувига қабул қилинган санадаги валютани қайта ҳисоблаш курси кўрсатилган ҳолда келтирилади;
– товарларни кўп марта етказиб беришда айланма контейнердан фойдаланилганда унинг қиймати ҳар бир партиядаги товарлар сонига мутаносиб равишда тақсимланади. Контейнер учун харажатларни мутаносиб равишда тақсимлашга (унинг ҳар бир туркум учун қисмларга бўлинган қийматини) божхона органлари томонидан, башарти бу ташқи савдо шартномасида (контрактда, битимда) акс эттирилган бўлса ёки бошқа ҳужжат билан тасдиқланган бўлса, йўл қўйилади. Сотувчига контейнерни қайтариш учун тўланган алоҳида суммалар контейнер учун харажатлар деб ҳисобланмайди;
– агар интеллектуал мулк объектларидан фойдаланганлик учун лицензия йиғимлари ва бошқа тўловлар экспорт қилинадиган товарларнинг барча ёки алоҳида номларига тааллуқли бўлса, интеллектуал мулк объектларидан фойдаланиш ҳуқуқини бериш тўғрисидаги шартномада эса бундай тўловларни товарларнинг алоҳида номлари ўртасида тақсимлаш назарда тутилмаган бўлса (масалан, бир марталик тўлов), у ҳолда ИМОдан (интеллектуал мул объектлари) фойдаланганлик учун тўловларнинг миқдорий суммаси ҳар бир товар номининг қийматига мутаносиб равишда тақсимланади. Декларантнинг ёки божхона брокерининг хоҳишига кўра бундай тўловларнинг миқдорий суммаси солиқ солишнинг энг юқори ставкаси белгиланган товарнинг божхона қийматига қўшиладиган ҳоллар бундан мустасно. Декларант ёки божхона брокерининг ихтиёрига кўра, ИМОдан фойдаланганлик учун тўловларнинг миқдорий суммаси бундай тўловлар назарда тутилган товарларнинг биринчи туркумига нисбатан қўлланилиши мумкин.
Buxgalter.uz тавсия қилади
