Устав фондини кўпайтириш учун киритилган маблағлар муассисга қайтарилган бўлса

«Корхона хизматлар кўрсатади, айланмадан олинадиган солиқ тўловчиси ҳисобланади. Фаолиятни янада ривожлантириш учун таъсисчи йирик веб-сайтни ишлаб чиқишга сармоя киритишга қарор қилди ва устав фондини ошириш ҳисобига корхонанинг ҳисоб рақамига 47 млн сўм киритди. 2 ойдан сўнг корхона ҳисоб рақамига EТТБдан веб-сайтни ишлаб чиқиш харажатларини қоплаш ҳисобига 39 млн сўм келиб тушди. Келиб тушган пул маблағларини унинг ҳисобига – ўз харажатларини қоплаш ҳисобига ўтказишни буюрди. Бухгалтерияда бу операция илгари кўпайтирилган УФнинг камайиши сифатида акс эттирилади. Биз УФни тўғри камайтирдикми ва таъсисчи томонидан EТТБдан пул маблағлари олиб қўйилиши қонунийми, бу маблағлар солиққа тортилиши ва ҳисобот берилиши керакми?»

Buxgalter Pro обуначисининг саволига «Норма» эксперти, «Жавоб берамиз!» хизмати мутахассиси Дилором Саидова жавоб берди:

– Агар таъсисчи корхонанинг устав фондини (УФ) кўпайтириш учун пул маблағларини киритган бўлса, таъсис ҳужжатларига ўзгартиришлар киритилган ва ушбу ҳужжатлар қайта рўйхатдан ўтказилган, бироқ бир неча ойдан сўнг таъсисчи устав фондини камайтириш тўғрисида қарор қабул қилган бўлса, корхона УФни камайтириш тартибини расмийлаштириши ва камайтириш суммасини таъсисчига тўлаши керак.

Улуш муассисга пул шаклида тўланганда солиқ оқибатлари юзага келмайди.

Агар муассис корхонанинг УФни кўпайтириш учун пул маблағларини киритган бўлса, бироқ таъсис ҳужжатларига ўзгартиришлар киритилмаган ва корхона бирмунча вақтдан кейин киритилган маблағларнинг бир қисмини муассисга қайтариб берган бўлса, киритилган маблағларни фоизсиз қарз деб эътироф этиш хавфи мавжуд .

Фоизсиз қарз олинганда қарз олувчида   даромад юзага келади .

Агар EТТБдан келиб тушган пул маблағлари грант бўлса, уларга айланмадан олинадиган солиқ солинмайди, улар мақсадли маблағлар сифатида ҳисобга олинади . Солиқ солинмайдиган даромадлар айланмадан олинадиган солиқ ҳисоб-китобида акс эттирилмайди.

Buxgalter.uz тавсия қилади

 

• Корхонанинг айланма маблағлари қандай тўлдирилади;
• Айланмадан олинадиган солиқ тўловчиларга қандай имтиёзлар назарда тутилган.