Қишлоқ ва сув хўжалиги вазирининг 22.05.2006 й. 106-сон "Наслчилик хўжаликлари мақомини бериш тартиби ҳамда улар фаолиятига қўйиладиган талаблар тўғрисидаги низомни тасдиқлаш ҳақида"ги Буйруғи (АВ томонидан 23.06.2006 й. 1587-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.06.2006 й.

N 1587

ЎЗБЕКИСТОН РЕСПУБЛИКАСИ

ҚИШЛОҚ ВА СУВ ХЎЖАЛИГИ ВАЗИРИНИНГ

22.05.2006 й.

N 106

БУЙРУҒИ

Наслчилик хўжаликлари мақомини бериш

тартиби ҳамда улар фаолиятига қўйиладиган

талаблар тўғрисидаги низомни тасдиқлаш ҳақида

(2006 йил 3 июлдан кучга киради)

Ўзбекистон Республикасининг "Наслчилик тўғрисида"ги Қонунига ҳамда Ўзбекистон Республикаси Президентининг 2006 йил 23 мартдаги "Шахсий ёрдамчи, деҳқон ва фермер хўжаликларида чорва молларни кўпайтиришни рағбатлантириш чора-тадбирлари тўғрисида"ги ПҚ-308-сонли қарори ижросини таъминлаш мақсадида БУЮРАМАН:

1. Наслчилик хўжаликлари мақомини бериш тартиби ҳамда улар фаолиятига қўйиладиган талаблар тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб 10 кун ўтганидан кейин кучга киради.

3. Мазкур буйруқнинг ижросини назорат қилиш вазир ўринбосари О. Оллаберганов зиммасига юклансин.

Қишлоқ ва сув хўжалиги вазири                                 С. Исмоилов

"Ўзбекистон Республикаси қонун ҳужжатлари тўплами", 2006 йил, 25-26-сон, 244-модда.