Ўзбекистон Республикаси Президентининг 11.01.2007 й. ПҚ-559-сон "Халқаро шартномаларни тасдиқлаш тўғрисида"ги Қарори

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

11.01.2007 й.

N ПҚ-559

ХАЛҚАРО ШАРТНОМАЛАРНИ

ТАСДИҚЛАШ ТЎҒРИСИДА

"Ўзбекистон Республикасининг халқаро шартномалари тўғрисида"ги Ўзбекистон Республикаси Қонунининг 20-моддасига мувофиқ:

1. Қуйидагилар тасдиқлансин:

Умумжаҳон почта иттифоқининг Умумий регламенти (Бухарест, 2004 йил 5 октябрь);

Умумжаҳон почта конвенцияси (Бухарест, 2004 йил 5 октябрь);

Умумжаҳон почта конвенциясининг Якунловчи протоколи.

2. Ўзбекистон Республикаси Ташқи ишлар вазирлиги мазкур халқаро шартномалар кучга кириши учун Ўзбекистон Республикаси зарур бўлган ички давлат тартиб-қоидаларини бажаргани тўғрисида тегишли билдиришномалар йўлласин.

3. Ўзбекистон Республикаси Бош вазири ҳамда Вазирлар Маҳкамаси тегишли комплексларининг, вазирликлар ва идораларнинг раҳбарлари ушбу халқаро шартномалар кучга киргандан кейин белгиланган тартибда Ўзбекистон Республикасининг мажбуриятлари ижроси устидан назоратни таъминласинлар.

4. Ўзбекистон Республикаси Президентининг 2005 йил 18 майдаги ПҚ-78-сонли қарори ўз кучини йўқотган деб ҳисоблансин.

5. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.

Ўзбекистон Республикаси Президенти                                    И. Каримов

"Ўзбекистон Республикаси қонун ҳужжатлари тўплами", 2007 йил, 1-2-сон, 8-модда.