Ўзбекистон Республикаси Вазирлар Маҳкамасининг 30.07.1993 й. 379-сон "Умумий фойдаланиладиган ҳаво темир йўл, ички сув ва автомобиль транспорти йўловчиларини мажбурий суғурта қилиш бўйича суғурта суммалари ва суғурта тарифлари миқдорлари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

30.07.1993 й.

N 379

УМУМИЙ ФОЙДАЛАНИЛАДИГАН ҲАВО

ТЕМИР ЙЎЛ, ИЧКИ СУВ ВА АВТОМОБИЛЬ

ТРАНСПОРТИ ЙЎЛОВЧИЛАРИНИ МАЖБУРИЙ

СУҒУРТА ҚИЛИШ БЎЙИЧА СУҒУРТА СУММАЛАРИ

ВА СУҒУРТА ТАРИФЛАРИ МИҚДОРЛАРИ ТЎҒРИСИДА

"Умумий фойдаланишдаги ҳаво, темирйўл, ички сув ва автомобиль транспорти йўловчиларининг мажбурий шахсий давлат суғуртаси тўғрисида"ги Ўзбекистон Республикаси Қонунини ижро этиш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикасининг транспорт воситаларига чипта сотиб олган ҳаво, темир йўл, ички сув ва умумий фойдаланишдаги автомобиль транспорти йўловчиларининг мажбурий бўйича суғурта суммаси ҳар бир йўловчи учун энг кам ойлик иш ҳақининг 40 баравари миқдорида, тўлов миқдори - энг кам ойлик иш ҳақининг 0,2 фоизи миқдорида белгилансин.

Хорижий эркин алмаштириладиган валютага чипта сотиб олинганда суғурта суммасининг миқдори 20000 доллар, суғурта мукофоти миқдори - 2 доллар, ёхуд ушбу сумманинг бошқа хорижий валютадаги тенг қиймати миқдорида белгилансин.

Суғурта мукофоти чипта қийматига қўшилади.

2. Умумий фойдаланиладиган ҳаво, темир йўл, ички сув ва автомобиль транспорти йўловчиларини мажбурий суғурта қилиш тегишли лицензияга эга бўлган суғурталовчилар томонидан амалга оширилади.

3. Ўзбекистон Республикаси Молия вазирлиги ўн кун муддатда ҳаво, темирйўл, ички сув ва умумий фойдаланишдаги автомобиль транспорти йўловчиларини мажбурий суғурта қилиш қоидаларини тасдиқласин.

Ўзбекистон Республикасининг Бош вазири                                А. Муталов