Ўзбекистон Республикаси Вазирлар Маҳкамасининг 22.03.1993 й. 148-сон "Ўзбекистон Республикаси Вазирлар Маҳкамасининг 1991 йил 30 декабрдаги 318-сон қарорига ўзгартириш киритиш тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
22.03.1993 й.
N 148
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ 1991
ЙИЛ 30 ДЕКАБРДАГИ 318-СОН ҚАРОРИГА
ЎЗГАРТИРИШ КИРИТИШ ТЎҒРИСИДА
Ўқув жараёнини такомиллаштириш, ўқув-моддий базасини янада мустаҳкамлаш ва ривожлантириш, гидрометеорология ихтисоси мутахассислари тайёрлаш сифатини ошириш мақсадида Вазирлар Маҳкамаси ҚАРОР ҚИЛАДИ:
Ўзбекистон Республикаси Вазирлар Маҳкамасининг "Олий ва ўрта махсус ўқув юртларини, ҳунар-техника билим юртларини, илмий-тадқиқот ташкилотларини ва соғлиқни сақлаш объектларини Ўзбекистон Республикаси юрисдикциясига ўтказиш ҳақида" 1991 йил 30 декабрдаги 318-сон қарорига қисман ўзгартириш киритилиб, Тошкент гидрометеорология техникуми ўқув-методик раҳбарлик Ўзбекистон Республикаси Олий ва ўрта махсус таълим вазирлигида қолдирилган ҳолда белгиланган тартибда Ўзбекистон Республикаси Олий ва ўрта-махсус таълим вазирлиги қарамоғидан Гидрометеорология бош бошқармаси тасарруфига ўтказилсин.
Ўзбекистон Республикаси Бош вазири А. Муталов